السبت، 16 مارس، 2013

My FAV for Dec/Jan/Feb ♥♥ مفضلاتي





يامسساء الخير بنات

ليا فتره اقول راح انزل مفضلاتي لشهر و لاانو تقريبا تجمعت معايا كميه منتجات
قد وضحت قبل اني ماانزل شهريا مفضلات لا انزل كل ماكان عندي مجموعه منتجات
لاانو مااحس اني اجدد كل شهر والمنتج احب استهلكو قد مااقدر علشان اعرف احكم


يلا نبدا هذولا هما



منوعين بين السكين كير والميك اب .. نبدا بالعنايه بالبشره



هذا مرطب للجسم او الوجه دلتني عليه صاحبتي صيدلانيه لسلطان علشان الاكزيما
كنا انا وهيا في فرنسا واشتريناه هناك ووقتها سلطان كانت مرا خافه الاكزيما وتقريبا
اختفت فبصراحه مااستخدمتو .. المهم مع البرد والجفاف قولت يابنت جربي امكن حلو
جربتو مررررا مرررا عجبني ترطيبو جججدااا عالي يعني اتوضا مره ومرتين ولسى
احس بالترطيب ولمى سويت جلسه ليزر وصفتلي الدكتور مرطب وقولتلها اني
استخدم اللي بالصوره قالت اوووه هذا مرررا كويس استخدمي وكنسلت اللي وصفتو!
عارفين بعد جلسات الليزر تسير جدا جدا جاااافه
وكان من جد شي مرررا ححلووو بس زي ماقولت هوا ترطيب مررا عالي
بس ترا ريحتو غريبه امكن مو حلوه كمان ! بس شويا وتروح او معطر جسم تنحل :)
السعر امكن ٧٠ او اقل لاانو من فرنسا والماركه فرنسيه
*للامانه كثير يقولو انو المنتجات اللي هنا سوا من افنيو او بيو ديرما مو كويسه
ومررا تختلف عن اللي بفرنسا *



كريم للجسم من باث اند بودي من مجموعه باريس امور
اخدتو وقت التخفيض ب من جد سعر ب ٣٧
مررررا حبيتو الريحه مع سبلاش من فيكتوريا ادمنتهم
الترطيب افضل بكثييرر من البودي لوشين اللي من باث اند بودي
هوا اصلا في باث اند بودي قوه الترطيب اقل شي في البودي لوشين
والكريم اعلى والزبده اعلى شي فيهم ..وبصراحه حبيت الكريم اكثر شي
يعني اتوقع مستقبلا ماراح اشتري الا الكريمات



سبلاش او عطر للجسم من فيكتوريا سيكرت اسمو شير لوف ب ٦٠ ريال
للامانه رايحه علشان مجموعه العنبر وطلعت بهذا ولمى رجعت اشمو حسيت
ندمت بصراحه ريحتو اول ماتنحط مو مرا بس خليه يبررررد والله مرررا نااعم
الريحه هذا وصفها



ع اساس بتقرون بس مرا حبيت الديتيلز في الوصف وقلوب وحركات ههههه
المهم الريحه قطن مع ليمون وبينك لالي وزي ماقولت تستغربي الريحه بس تبرد
تكون مراا احلى وهااديه مرا وهالنوعيه معروفه ماتثبت مرا بس والله حسيت
مرررا احسن من سبلاشات باث اند بودي اللي موستحيل تثبت معاك
هذا الحلو يثبت باللبس اكثر من الجسم يعني اخذ شور واتعطر والبس بيجاما مثلا
وبعدين اغير وبالليل ارجع للبيجاما الاقي الريحه تسسسطل اجممل شعور



هذا زيت للجلد اللي حول الاظافر من سالي هانسن ب ٢٧ ريال
اخذتو من فرع فيسيز اللي بالسواني بحياه مول وكمان تلاقوها في ايكونيك
نيجي للزيت بصراحه ماتوقعت انو حيكون واو بسبب السعر بس معروفه سالي
هانسن ماركه متخصصه تقريبا بالاظافر وكذا فقولت نجرب بصراحه يستاهل التجربه
حبيتو يلم الجلد للاظافر يعني ماتسير طالعه وتقعدي تنتفي فيها
*انا انسانه اذا توترت اقطع الجلد حول الاظافر وياريت ابطل هالعاده *
وكمان اذا كانت طويله ينعمها لك مرررا تشيليها بسهوله ..



شكلو كذا طريقتو تحطي شي بسيط على كل اظفر وبعدين تسوي زي المساج حول
الاظافر وقته بالليل قبل النوم وخلاص خلي وماينمع الوضوء لاانو زيت يختفي



زيت الشعر من مجموعه الماكديميا من نزيه ب ٢٤ ريال ترا مرررا صغير
الزيت يستخدم لبعد الشاور وممكن تحطي نقطتين منو مع حمام الزيت اللي من
الماكديميا لو حابه ترطيب اقوا وكمان شوفت بنات يستخدمو زي السيروم
بعد السشوار بس شي بسسسيط منو
المهم انا اخذت الحجم الصغير علشان اجرب لاانو الكبير ب ١٧٠ ! يعني مو شي
رخيص لو طلع مو حلو حرام اتورط وانا العاده ابدا ماتناسبني الزيوت
بس هذا الشي غير نظرتي للزيوت جد جد شي مرررا جممميل
طريقتي بعد الشاور وشعري لسى رطب اخذ نقطتين منو اوزعها على شعري من تحت
الاذن .. مررا يرطب شعري زي كاانو يحبس المويا جوا الشعر ! يعني شعري
احسو كذا بااارد ومن الزيت مرررا تحمست اشتري كم شي من المجموعه نفسها
ورحت لنزيه لااكثر من فرع حتى اللي بالبطحا على اساس ماحد يجيه ولا لقيت
مخلصه من كل الفروع وشويا يقولو اسبوع وتيجي واللي يقولي شهر !!
عموما الماكديميا شي بطططل انصحكم تجربوها وترا عندهم مجموعات تيجي كذا
احجام صغيره من كم شي حلوه تجربي قبل ماتشتري الكبيره

نيجي للميك اب



فاونديشين اتش دي من ميك اب فور ايفر تكلمت قبل عن الفاونديشين بالتفصيل
هنا وكان هذا اللي استقريت عليه وجد الحمد لله مررررا ناسبني
مررا طبيعي وخفيف ع البشره مااحس اني حاطه طبقه ابدا باامانه ماعاد مسكت
ولا فاونديشين ثاني من بعدو !!
اخذتو من فيسيز ب 188 ودرجتي



ومع الفاونديشين هذا الشي الثاني البططل



البيوتي بلندر تراها هنا مو مبلوله هيا تبلليها وتسير كبيره وتستخدميها
اللون اللي عليها امس مستخدمتها
المهم انها جد جد حلوووه وتستاهل المدح في اشياء حبيتها من بعدها !!
هيا فكرتها لمى تبلليها تتعبى مويا فخلاص ماتتشرب الفاوندشين او الكونسيلر
بالعكس تسير تخرجو على برا يارب فهمتو هههههههه توزيعها حلووو وطبيعي
واقلكم طريقه تنظيفها لاانو كثير مايعرفو جيبي صابون صلب وبلليها وبعدين امسكيها
وافركيها ع الصابون الصابون وغسليها ترجع جدديييده !!!!

اقلكم ايش اللي حبيتو من بعدها وسار من مفضلاتي بعد ماكنت اكرهو !!





ايوا هذا الكونسيلر اسمو ستوديو فنيش من ماك اخدتو بعد ماشوفتو عند بنات خالتي
مرررا حبيتو عليهم بس جربتو اوزعو بالطبطبه بالاصابع حلو بس بعد ساعه
تحت عينك والاماكن اللي حطيت فيها تسير كلها خطوط ومرررا ثقيل !!
كرهتو وسحبت عليه بعد فتره اشوف وحده من بيكسو تستخدمو دااايم وتوزعو
بفرشه وجربت بفرشه احسسسن بكثير من الطبطه بس مازال ثقيل
اخر شي جربتو مع البيوتي بليندر سار شي جممميل
انا ماعندي هالات احطو تحت العين يعطي منظر جممييل وطبيعي وابدا مو ثقيل
وابدا ماسار يطلع خطوط وكذا جد عشقتو .. للاسف مااعرف السعر :"(



هذي درجتي ان سي 20 اخذت الدرجه هذي افتح من درجتي




شادو كولور تاتو من مايبيلين هوا شادو كريمي تقريبا اخذتو من سنتر بوينت
كان ايام خصم ب 33 ريال
كان نفسسي اخذ اكثر من لون علشان المدح الي شوفتو عليه بس للاسف مانزلت
عندنا الالوان الحلوه الا قليل وكان هذا من احلى واكثر شي انمدح اسم الدرجه



الدرجه   ON AND ON BRONZE



 بصراحه هوا كذا قوي وشيمري وانا بطبعي مااحط كذا الا باافراح
استخدمتو كبيس = اساس قبل الشادو مرررا حلو الالوان اللي حطيتها فوقو
كانت طبعا قريبه من الدرجه فسارت اوضح واعطى لوك جميل
شوفت يوتيبرز يحطو بس هوا شي بسسسيط وبعدين اي لاينر ويعطي منظر حلووو

شوفو هنا مستخدمينو







ليب لاينر من ريميل الواحد ب 29 ريال من سنتر بوينت
صاحباتي مرررا مدحوه وقالولي جربي ماتندمي جربتو عججبني لدرجه اني افكر
اجيب كل الدرجات
ثااابت والله بدون كذب حطيتو ورحت لجمعه بنات وسهر واكل وكل شي كالعاده
ارجع مايكون في شي رجعت الاقي لسى صامد !!
انا مااستخدمو بس ع الاطراف لااني مااحب الشكل اذا راح الروج وباقي هوا
لا اوزعو ع كل الشفايف وبعدين احط الروج فوقو يكون نفس او قريب من الدرجه
وبعدين بالاصابع ادمج اللونين لو ماكانت نفسها علشان مايبين بكذا لو راح
الروج يبقى الليب لاينر ع كل الشفايف شكلها حلو
الدرجات اللي عندي



بيور بينك / ريد ديفا احمر



اذا تفتكرو انا موصيه اريج تجيبلي اي لاينر تبع ذا بالم وجابتلي هذا !!
اريج تقول انو قالت للموظفه اي لاينر وادتها هذا وجلست تمدح انو التوب ومرا حلو
استخدمتو امرنا لله بس جد خخططيررر اسسوود ومررررا سسسهل بالررسم
الفرشه ررهيبه شوفوها



معروف الاي لاينر اللي زي كذا مرررا سهل بالرسم بس للاسف دايم ينشف
جربت من ماركات هاي اند ومن درج ستور وكلها تنشف !!
بس هذا مااشاء الله للان كاانو جديد انصح اي احد يروح ماليزيا يجربو
صورتو من كل الجهات لااني مااعرف ايش البراند !



مناكير من او بي اي الحجم الميني الدرجه tickle my france-y
انا ليا فتره ادور الدرجه النيود اللي تميل للبينك ولا لقيتها
هذا اللون جربتو واداني نفسس الدرجه اللي ادورها جمممميييل وكيوووت
ومرا حلو ع اليد حتى اقول لااريج انو يجنن وكذا قالت ايوا حلو وسكتت
شويا قالت اميره من جد اللون ححلووو
سواتشز من النت









عدسات من درجه اللون ستايلش براون تقريبا بني غامق ناسيه هيا توتي
ولا تراي كولور
للامانه انا مرررا مررا مو صحبه مع العدسات العاده اشتريها البسها يوم وتنرمي !
بس هذي غيرر حبيتها مررررا طبيعيه لدرجه اللي شافوني يقولو مو لابسه
وفي ناس تفكيرها اذا مو مبين ليش تلبسي من الاساس !!! مرررا استغرب
اجل البس زرقا ولا خضرا يعني !! ع اساس انها عيوني !! ههههههه
اخدتها نظارات البدر في العليا العام ناسيه السعر بس حول ١٠٠ تزير او تنقص




بلاشرات من ذا بالم الدرجتين داون بوي وفرات بوي هنا صورتهم مفتوحين



السعر مااعرف اريج جابتهم من ماليزيا
المهم حبيييتهم والله وللامانه عرفت انهم مفضلاتي لاانهم من وصلوني
وانا استخدمهم دااايم ولاعاد استخدم غيرهم يدي تروح عليهم اوتوماتيك ! ههههههه
عجبني فيهم بسرعه يبين معاك ومرررا هادي اللون وطبيعي وناااعم
وترا عندنا يوفروها التاجرات ..


وبسس هذي مفضلاتي للفتره اللي راحت .. ان شاء عجبتكم

وسلامتكم

هناك 33 تعليقًا :

  1. قريت البدايه وماقدرت اكمل لازم اكتب قبل وبرجع اكمل اقراء
    انا بطفولتي و مراهقتي عانيت كثير من الاكزيما وجربت كل اطباء الجلديه برياض وكان كلامهم واحد ماتروح بس تخف مع العمر وجد الحمد لله صارت تجيني كل كم سنه مره مو زي قبل دائمه فحبيت اقول لك عن افضل دكتور جربته د. صالح الرشيدي كان بمستشفى الحبيب ما ادري اذا للحين هناك او غير . الله يشفي ولدك يارب ، يالله برجع اكمل

    ردحذف
    الردود

    1. اتوقع لمى رجعتي كملتي عرفتي انو راحت من سلطان الحمد لله واصلا كان خفيف الحمد لله
      وجد ياقلبي شكررررا لك وربنا يشفيك يارب

      حذف
  2. حبيت البوست و خصوصا شادو ميبيلين

    http://latefahmuraikhi.blogspot.com/

    ردحذف
  3. ماشالله حاجاتك جميلة
    حمستيني على الزيت والاي لاينر مررره

    عندي سؤال بما انك خبره وكيدا
    ابي احسن ماركه في الشدوات اهم شي الوانهم واضحه وثابته :$

    يعطيك العافية ياجميلة

    ردحذف
    الردود


    1. ان شاء الله يعجبوك

      احسن شي جربتو ماك واربن ديكاي
      وكمان اربن ديكاي افضل علشان السعر يعني ١٢ لون ب ٢٥٠ تقريبا !! يابلاش

      حذف
    2. يعطيك العافية ياجميلة
      طيب فين احصل اربن ديكاي في الرياض والا مو موجودة؟

      حذف
  4. جميلة مفضلاتك ،، المكاديميا صار لي شهر أنتظرها و للحين مانوفرت :( , وافكر اخذ اساس إتش دي و المحددات

    ردحذف
    الردود


    1. وانا نفس حالتك يارب تتوفر قريب وراح احط خبر لو توفرت في التويتر والانستجرام :)

      حذف
  5. تسلمي يا حلوه على المجهود وناطرين your out fit

    ردحذف
  6. أبغالو سمحتي أسم العدسات اللي تستعميلها

    ردحذف
    الردود


    1. ستايلش براون بس ناسيه هوا توتي او تراي كولور :/

      حذف
  7. احبك وصفك وكلامك عن المنتج شرحك حلو ويحمس ❤
    كونسيلر ماك جمييل واحس توزيعه بالأصابع احلى وتثبتينه بالبودرة ويطلع حاجة جمييلة
    اللي عندي منه درجتين بس وحده منهم اغمق مني درجتي وحاطة في بالي اخذ نفسك NC20
    الله يحفظك ويخلي سلطان ❤❤

    ردحذف
    الردود

    1. شكرررا هيا وانا احبك انتي :)

      جربت بالطبطبه كان يبين ثقيل حتى لو بعده بودره لحظتها حلو
      بس بعد كم ساعه تطلع خطوط !! علشان كذا كرهتو بس الحمد لله بعد البيوتي بليندر
      مرررا اختلف معايا وسرت استخدمو كثييرر لاانو جميل بصراحه
      درجتي فاتحه افتح من لوني بس تحت العين استخدمو ككونسيلر وبنفس الوقت هاي لايتر
      والله يحفظك انتي والبرينسس اللي عندك :)

      حذف
  8. حلو الفيفرتس اميرة،،
    بالنسبة للعدسات " نصيحة للبنات الي تلجا دايما للاالوان لا تناسب بشرتنا ولا شعرنا "
    انا بيضة لكن شعري بني غامج وحواحبي سودة جداً وايضا بياضي مصفر فاحس هاللوان تناسب بشرات فاتحة اكثر مثل الازرق وغيره
    انا جربت القري + الهيزل ،، فعلاً كانو افضل عدستين! والهيزل جميلة جداً ولا كانها موب عيني
    يعني الي مايعرفني مايقدر يعرف لانها مناسبةجداً ،،

    اما بالنسبة للكونسيلر ماك ،، " صرت اعاني واتندم " لانه تغطيته جميلة جداً
    لكنه يتحرك بعد ساعتين او ثلاث وهالشي يضايق مع اني اطبطب تمام واحط بودرة خفيف فوقه
    حتى جربت بالفرشاه بعد مافي فايدة احسها ثقيلة @_@ مع انه لونها بيرفكت
    الاسفنجة للاسف ماعندي وماقدر اخذها ،،

    شنو تنصحيني بكونسيلر سائل؟ <-- احس افضل لي من الثقيل ذي XD
    جربت قبل بروجوا لكن درجة افتح من لوني <-- صارت هالاتي رصاصية @_@لانها فاتحة مع ذالك ماحبيتها وايد افكر في فيت مي من ميبيلين

    ردحذف
    الردود


    1. ايووا هوا هذا لازم نراعي لون بشرتنا وشعرنا ولازم شي طبيعي
      بالنسبه للكونسيلر انا كنت اعاني زيك بس بعد البيوتي بليندر تمام
      طيب بقلك فكره جيبي اسفنجه عاديه وبلليها وبعدين اظغطي عليها ونزلي المويا منها
      وجربي مع الكونسيلر امكن تفيد !
      بالنسبه لغيره اذا انتي بس تبغي كهاي لايتر مو كونسيلر يعني ماعندك سواد جربي
      تبع ايف سان لوران حلووو وناعم وخفيف بس لو عندك هالات ماايفنع لاانو خفيف بصراحه
      امم مالي تجارب كثيره في الكونسيلر بصراحه ولا كان ساعدتك :*)

      حذف
  9. مررررررررررررررررا انتي روع
    انااحبك
    وشكرا
    وانا من متباعات جوجو

    ردحذف
    الردود


    1. شكرررا لك ياجميله
      وانا احبك واحب جوجو ومتابعاتها :)

      حذف
  10. اميره البنات وين يتابعونك انا حصلتك في البحث بقوقل ، ابغى اعرف اذا عندك تويتر او انستقرام ؟؟

    ردحذف
    الردود

    1. ايوا عندي وشوفي فوق باليمين في صوره لعصفور بينك هوا التويتر
      وفي كاميرا ورديه هيا الانستجرام
      وياحطشي طلعتلك بجوجل ههههههه
      يااهلين فيك دايم

      حذف
  11. ليب لاينر ريميل اخذت منه وردي درجة خطيرة صعب تتحصل
    وثابتة زي ما حكيتي
    بس بسرعة خلص يعني يمكن ٧استعمالات بالكثير وهو بح
    يمكن لإنه ثقيل ع كريمي !

    ردحذف
    الردود

    1. اها من جد ؟؟
      صح هوا ثقيل تقريبا
      حجرب واشوف .. امكن علشان كذا سعرو يميل للرخص هههه

      حذف
  12. أهلا ... ممكن تفيديني يا عسل عندي نفس هذا الفاونديشن .. بس لما اوزعه أحس البشره ماتتشربه !! ويكون كانه طبقه ويبان اللون ؟ أيش السبب؟ استخدم فرشاة سقما واستخدم مرطب قبله..

    ردحذف
    الردود


    1. غريبه والله انا زيك قبله مرطب وبعدين هوا وتمام
      انتي خليه شويات احسه ياخذ دقايق الى ماتتشربه البشره كويس
      وتحطي بعده باودر ؟ ترا مررا حلوه معاه

      حذف
  13. ما شاء الله حلوة المفضلات واكثر شيء دبحني الي هوا العلبة حقت الاقلام الروج مرة حلوة ما شاء الله ^^ من فين جبتيها ؟؟

    ردحذف
  14. انا طلبت زيت مكاديميا من تاجرة في الانستقرام وگانت جداً رائعه في تعاملها ودقة المواعيد هذا حسابها @twaznalalmih

    ردحذف
  15. ماشاء الله استفدت منك كثير ..
    حبوبه اميره ..
    ممكن بلوق جوجو

    ردحذف
  16. زيت الشعر من وين؟
    مرآ تحممست نفسي اجربو .. 3>

    ^^

    ردحذف
  17. جزاك الله خير

    ردحذف
  18. ياعسل ممكن اذا اختك تعرف مكان محل سيفورا بماليزيا تخبريني🌷

    ردحذف
  19. بلاشرات دا بالم مراااا جميله ♥♥

    ردحذف

Back to Top