السبت، 26 يوليو 2014

مشتريات العيد من موقع اسوس ♡


السلام عليكم ورحمه الله 
بما انو بدينا بسلسله تجاربي مع المواقع والطلب اون لاين اليوم راح اقلكم تجربتي مع موقع اسوس هوا موقع جدا مشهور
بريطاني كانت ليا تجربه معاه من قبل عن طريق وسيط وحبيتها وهالمره عدت الطلب بس بنفسي 

كل اللي تحتاجي فيزا ومايحتاج يكون عندك عنوان باامريكا او بريطانيا لاان الموقع يشحن دايركت = بشكل مباشر 
للسعوديه وب ٥ ايام بس اذا كان الشحن مدفوع "١٢٠ ريال ثابته سواء قطعه ولا عشره" او مجاني بس يطوول زي 
ماقالولي البنات بتجاربهم بالانستجرام .
طريقه الطلب جدا سهله سجلي وعبي بياناتك العنوان وكل شي واضح بس لا تغلطي غلطتي في تعبيه البيانات الرقم اللي
مكتوب عندو day انا حطيت ثابت وغلط عليا حطي جوالك وحتى بالموبايل حطي رقم جوال ثاني وكلهم بدون مفتاح الدوله 
وبعدين تعبي السله وتشيك اوت تحطي بيانات الفيزا وتختاري نوع الشحن مجاني ولا مدفوع وخلصنا .



لمى اخترت شحن مكتوب انو ب٥ ايام ماصدقت ومن جد وصلت علي الموعد بس علشان زي ماوضحت اني غلطت بالرقم
فماجاتني اي رساله بعدها بيوم راسلت الموقع ارسلولي انو في غلط برقمي وارسلولي التراك نمبر وقالولي كلمي 
الدي اتش ال وكلمتهم والحمد لله استلمتها ثاني يوم دحين اوريكم ايش طلبت 





اول بلوزه من اول ماشوفتها جذبتني توب ابيض شيفون عليها شك ماادري تطريز اللي اسمو حبيتها بالطبيعه مررا فيها تفاصيل كثيره بس جميله وناعمه حبيت كيف مهتمين بكل التفاصيل بالكم ومن خلف بشكل مرتب وانيق .. سعرها  270 ريال رابطها 





فستان حبيتو من اول نظره والحمد لله طلع زي ماتخيلتو جمالو بخامه القماش نفسها ثقيله ومرا مرررتبه باللبس شوفو
ع العارضه يبين موديلو كيف .. بس ربيعي / شتوي فكرت البسو بالشتا مع جاكيت جلد 
سعرو 330 ريال رابط الفستان 





قميص من زمان ادور علي شي زي كذا وماالاقي الا لون ابيض مااحبو يكون رسمي بزياده فااول ماشوفت هذا حبيت 
اللون اول ماشافتو اريج تقولي من جدك طالبه هذا هههههه !! طيب شكرا يااوختي العزيزه :)
طبعا انا اخذتو ببالي ستايلات عليه من ضمنها الستيتمنت نيكلس مرا احبها مع القميص يعطي لوك رسمي بنفس الوقت
تريندي .. مع بلايزر وجيجنز اسود مرا بطل لمكان رسمي بس ماتبغي يكون شكلك موظفه بنك بنفس الوقت ♥ هههه !
سعرو ٢٧٠ ورابط القميص
سعر السلسال  150 ريال رابطو 



حبيتها جدا بصورتها من الموقع وجميله بالواقع بس توقعت خامتها تكون اثقل بس برضو بطله وهالنوع من القطع اللي 
تستهلك مرا ممكن مع بنطلون هاي ويست وسلاسل او شال او ممكن مع بينسل سكيرت يعني افكارها كثيره 
سعرها  150 ريال رابطها 




توب جدا جميل وراقي خامتو جدا بطله اول ماوصل كان مطبق تحطمت ماحسيتو زي الصوره بس علقتو ترتب وفك القماش
حبيت حركه الاكمام يعني توب تلبسي معاه تنوره مرتبه حيلبسك بمناسبه كبيره 
بس اختي اريج تقول لو كان اطول احسن وصح كلامها لاان مو الكل يحب يلبس اشياء عند الخصر وكذا بس بالنسبه ليا
انا اوك سعرو  168 ريال ورابطو "في منها الوان جميله بس مخلصه"



التنوره هذي اتعب وانا اقول جمييييله هيا الوحيده اللي حسيت اني ماعطيتها حقها بالصور بس هيا من النوع اللي باللبس
تبين ضروري تشوفوها ع الموديل برابطها خامتها ججدا بطله ومرتبه بجد والله خامات اسوس تبين شي مرتب وراقي 
تعطيها اكثر من سعرها والله مقارنه بزارا خاماتهم جدا جدااا افضل وارقى وانظف واسعارهم اقل ! 
سعرها  210 ريال رابطها 


تنوره قطن استرتش هذي الوحيده اللي كانت عاديه بس الجد اصلا بالصوره عاديه اكثر شي اخذتها علشان طولها عندنا
استقبال بعد العيد احتاج اشياء حريم وكذا :$ المشكله مرا ماسكه واريج تقولي عيب تلبسيها عند الحريم وانا اقولها مع نفسك عادي اصلا ماصدقت شي يبين انوثتي هههههههه المهم انتبهو مرا تحدد الجسم فمو اي جسم يبغالها سعرها 108 ريال رابطها 



اخر شي واجمل شي واكثررر شي كنت متحمسه عليه :"((( جميييله انا طالبتها برضو علشان الاستقبال حيكون كرف 
فكونت حابه شي مرتب وتريندي وبنفس الوقت فلات فهذي حبيتها على طول من الحماس حطيت حبتين منها بالسله !!
مو مشكله حبتين المقاس طلع غلط :""((( فمرا انتبهو من المقاس انا مشيت على سايز هاي هيلز عندي من فورا يفر
شوفت مقاس ال uk مكتوب ٥ وعليه طلبت طلعت كبيره في وحده الله يسعدها كتبتلي بالانستجرام انو اسوس مقاساتهم 
نفس نيولوك ومن جد روحت شوفت اللي عندي من نيولوك لقتيها ٤ !! وعمتنا اريج طلع عندها هاي هيلز من اول من اسوس
مقاسها ٣ :$ المهم انا ٣٧ فمفروض اطلب ٤ واللي ٣٦ تطلب ٣ وعلى كذا امشو وان شاء الله تطلع تمام وطبعا ماحخليها
بنفسي اضفت منها للسله حطلبها تاني :"( 
سعرها  210 ريال الرابط

بما انو حيكنا ع المقاسات انا مقاسي بالملابس سمول / اكس سمول كل اللبس طلبتو مقاس ٨ وكان تمام الحمد لله 
عموما حبيييت الطلب من اسوس اصلا من قبل دايم اشوف بالوك بوك لبسهم منو واتمنى اتعلم ودحين جربت تعاملهم
 جدا رائع سريعين بالرد والتوصيل خاماتهم جدا بطله ببساطه حيكون ادماني الجديد 
هنا رابط صفحتهم الرئيسيه http://www.asos.com/
واشوفكم بعد العيد ان شاء الله كل عام وانتو بخير يارب وفي حفظ الرحمن 





هناك 42 تعليقًا :

  1. ملبوس العافية و تتهني فيهم ،حمستيني ع الطلب منهم خصوصا انو مو لازم بريد أمريكي أو بريطاني لانو الشي اللي موقفني اطلب دايركت .شكرا ي قمر

    ردحذف
  2. التنوره البينك تجنن ان شاءالله بطلبها والفستان الميدي كمان 😻💜💜
    الستريتش بينسل سكيرت عندي زيها من قراج سودا وب٨٠ ريال اظن وطويله كمان ف شفي يمكن تناسبك ☺️💖

    ردحذف
    الردود

    1. حلوو بطل عليه اشوف لو الوان ثانيه تناسبني شكرا لك ♥♥

      حذف
  3. يالله ياليتك نزلتي التقرير قبل يومين 😩😩
    التوب الاخضر مررره مناسب لتنوره اشتريتها للعيد ومو لاقيتلها بلوزه تناسبها 😩..
    تقريرك جميل كالعاده وحمستيني اطلب وقبل حمستيني اطلب من فيكتوريا سيكريت وطلبت بس لسه ماوصلتني طلبييتي ..

    ردحذف
  4. اميرة الله يسعدك ي شيخة ع التدوينه الحلووووة
    مرا انبسطت انو الشحن ديركت للسعودية .. انا قيد جربته بامريكا ومرا بطل
    تخيلي البلوزة الصفرا كنت ميته ابغاهاا بس وحدة تاجرة عشان تجيبها حاطتها ب ٣٥٠
    ومرا استخصرتها بس دحين حمستيني عليها
    تبارك الرحمن كل قطعة تجنن حبيت ستايلك

    ردحذف

  5. يسعدك يا اميره دائما تدويناتك لطيفه وخفيفه عالقلب ومفيدة جداً ♥ ،،
    كذا مره اجي ابغى اطلب منهم واتردد احس خاماتهم مش ولا بد خفت اتوهق بها لكنك شجعتيني انشاء الله اشوف لي كم قطعه للجامعه :)
    الفستان والتوب الليموني حبيييييتها بشتري مثلها ♥🙈
    * احلى شئ بالصور المكتب طلع ذوقنا مشترك :) بس انا باقي اصلع لسى ما رتبته مثلك ♥

    ردحذف
  6. اميرة تتهني في ملابسك ما شاء الله جميلة
    انا دائما اطلب تنانير و بنطلونات بس البلايز مرا خايفه و مني عارفه

    ردحذف
  7. ماشاء الله

    ردحذف
  8. اخ تذكرت طلبي :(((

    انا طالبه منهم للعيد وحاطه التوصيل مجاني تقريبا من ٢٢ يوم طالبه
    والا اليوم ماجاني شي :((

    ماتوقعتهم مايعطون تراك نمبر للمجاني
    لاني دايم اطلب من مواقع حتى لو كان مجاني يعطوني تراك نمبر
    الله يخلف علي وعلى ملابسي

    المره الثانيه بحط مثلك دي اتش ال واريح راسي

    ردحذف
  9. جميلااات والتوب قلووووب ، لبس العافيه يارب ..
    ينعاد عليك الشهر المبارك بصحه وعافيه ..

    ردحذف
  10. ماشاءالله جميل الفستان تلبسينة بالعافية يا مزوءة

    ردحذف
  11. مرحبا أميره ايش نسقتي مع التوب الاصفر الرفلز؟؟

    ردحذف
    الردود

    1. تنوره سودا نزلتها بتنسيق قبل بالبلوج وراجح انزله كامل ان شاء الله♥

      حذف
  12. لبس العافيه تتهني عجبني الشوز والتنورات والبلوزه الاولى

    ردحذف
  13. أنا مقاسي 37 وطلبت مقاس 7us تجي كبيره صح؟؟؟ :((((

    ردحذف
    الردود

    1. يسس للاسف حيكون كبير عليك مررا :"(

      حذف
  14. لزيزة القطع تتهني بيها 💖👌 بس عندي سؤالين دحين انا لاحظت لما فتحت الروابط كانت العمله بالجنيه الاسترليني 😁 ليش يعني مش بالدولار اتوقع الجنيه اعلى شويتين ولا انا غلطانه مافي فرق !! تاني حاجه المقاسات دي اللي مااعرفلها دحين في تنورة لزيزه وحاباها والمقاسات بالبريطاني

    ردحذف
  15. صباح الخير
    مدونة جمييلة و مرتبة و يني عنها من أول
    جداً استفدت من تجربتك من أسوس و مع التفاصيل و الصور مجهود تشكرين عليه
    بس عندي استفسار بخصوص المقاسات
    طلبتي مقاس 8 uk مع ان مقاسك سمول
    و ناسبك
    و أنا ناوية اطلب مقاس 6 uk و انا مقاسي غالباً ميديم
    معناها ما راح يناسبني
    هههههه احترت شوي ، و اذكر قريت ان أسوس مقاساتهم كبيرة ، هل يفرق قطعة عن قطعة
    ولا اطلب مقاس 10 و أتوكل ؟

    عذراً على الإطالة يا جميلة

    ردحذف
    الردود

    1. صباح النور واتوقع ٦ حيكون صغير عليك انا ٨ كل القطع وكلها تمام الحمد لله
      خذي ١٠ وتوكلي كبير يتصغر بس الصغير تتورطي فيه ههههه :)

      حذف
  16. ماشاء الله كل شيء جممميل 💓
    بسألك هم مايتعاملون الا مع دي اتش ال؟
    ولما سجلتي ايش كتبتي في ادريس ١ وادريس ٢ .. مرره مو عارفه تورطت :d

    ردحذف
  17. طلبت التوب الاصفر عجبني
    بسألك بما ان ذوقك عالي جدآ ماشالله
    وين الاقي فساتين سهرات تكون رفلز واكمام ودانتيل وكذا
    ياريت تنزلي لنا بوست فساتين سهرات من اختياراتك❤️

    ردحذف
  18. بوست جميل حمسني اني اشتري من اسوس
    بس صارتلي مشكله ودي اكنسل الطلب واعيد اطلبه من جديد لسه المبلغ ماسحب ومانشحن شي
    اذا عندك فكره ساعديني

    ردحذف
  19. مرحبا اميرة .. انا مررره مرتاحه على اسوس ودائما القى اشياء تريند وذوق للبلس سايزعشان كذا ارتحت عليهم .. بسألك الدي اتش ال وصلو لك الشحنه للبيت والا انتي استلمتيها منهم ؟؟

    ردحذف
  20. مو حلوه الملابس .. اسعارها مبالغ فيها جدا وهي كأنها اقل من عاديه 😀

    ردحذف
  21. اتعب وانا اقول ذوقك يجنن ؛*

    ردحذف
  22. ماشاء الله ربي يبارك لك

    ردحذف
  23. اميرة اني طلبت من اسوس ولسى ماتشحن اقدر اغير مقاس الفستان ؟

    ردحذف
  24. اميرة الله يسعدك انا مقاسي بالاحذية38
    طلبت7UK
    مزبوط لا غلطانة

    ردحذف
  25. اميرا من تجربتك تنصيحيني باي شركه شحن ورد شيب ولا واصل ولا ارامكس

    ردحذف
  26. ماشاءالله تبارك الله مدونتك كلها مرتبة ومفيدة وأسلوبك جميل شكرا لك ,,

    ردحذف
  27. كم تكلفة الوزن والشحن , ابي اطلب بس مترددة بسبب الوزن :(

    ردحذف
  28. مرحبا انا دائم اتعامل معاهم وكل شي تمام ويوصلو الى المكان اللي تبغاه وبـ 120 ريال :)
    بالنسبه للمقاسات فيه (سايز قايد ) تدخل عليه وضبطو اموركم
    للمزيد من الاستفسار حياكم BB Pin 55554C49

    ردحذف
  29. أول مرة أشوف مدونتك أميرة و عجبتني فورا ،، متابعتك الجديدة من ليبيا

    http://samarscoffee.blogspot.com/

    ردحذف
  30. طلبت شوز والمقاس طلع كبير عليا وحرام اسيبو لانو مهو رخيص كيف لو ابغا ابدلو او ارجعو ؟ ياليت تفيديني وراح ادفع شي زيادة ؟

    ردحذف
  31. ما شاء الله كل شيء جميل ،
    الموقع خيال ومن مايحب اسوس وتخفيضاتهم تجنن تحسينه من قلب هههههه  المهم الجزمه اللي انت مشتريتها ب ٢١٠ تخيلي بعد الخصم ب ٩١ 

    ردحذف
  32. اميره بالله الله يسعدك ردي علي ماعرفت وين اكتب استفساري
    انا طلبت من موقع عطور اسمه fragrancenet وسحبو فلوس من بطاقتي بطاقتي الاهلي مسبقة الدفع لكن الموقع ارسلي رساله ان طلبيتي موقوفه لانهم مايقبلون بطاقتي انا الحين ابغي فلوسي ترجعلي مدري ايش اسوي بالله قوليلي ايش اسوي

    ردحذف
  33. أهلا أنا سويت نفس غلطت ومدري وش اسوي انتي راسلتيهم على الايميل ولا بالموقع؟

    ردحذف
  34. أنا سويت نفس غلطتك وما ادري وش اسوي :( انتي راسلتيهم على الايميل ولا بالموقع

    ردحذف
  35. لو سمحتي انا اشتريت من اسوس اليوم لكن كاتبين انو حيوصل ف 20 سبتمبر على انو حطيت الشحن اكسبرس وتمت كل شي واعطوني رقم التتبع لكن لمن افتح تتبع الـ ادي اتش ال يقول ايرور ايش تنصحيني ؟

    ردحذف
  36. بليزز تابعوني انا chahra88

    ردحذف

Back to Top