مشتريات العيد من موقع اسوس ♡

السلام عليكم ورحمه الله ♥
بما انو بدينا بسلسله تجاربي مع المواقع والطلب اون لاين اليوم راح اقلكم تجربتي مع موقع اسوس هوا موقع جدا مشهور
بريطاني كانت ليا تجربه معاه من قبل عن طريق وسيط وحبيتها وهالمره عدت الطلب بس بنفسي ♥♥

كل اللي تحتاجي فيزا ومايحتاج يكون عندك عنوان باامريكا او بريطانيا لاان الموقع يشحن دايركت = بشكل مباشر 
للسعوديه وب ٥ ايام بس اذا كان الشحن مدفوع "١٢٠ ريال ثابته سواء قطعه ولا عشره" او مجاني بس يطوول زي 
ماقالولي البنات بتجاربهم بالانستجرام .
طريقه الطلب جدا سهله سجلي وعبي بياناتك العنوان وكل شي واضح بس لا تغلطي غلطتي في تعبيه البيانات الرقم اللي
مكتوب عندو day انا حطيت ثابت وغلط عليا حطي جوالك وحتى بالموبايل حطي رقم جوال ثاني وكلهم بدون مفتاح الدوله 
وبعدين تعبي السله وتشيك اوت تحطي بيانات الفيزا وتختاري نوع الشحن مجاني ولا مدفوع وخلصنا .

لمى اخترت شحن مكتوب انو ب٥ ايام ماصدقت ومن جد وصلت علي الموعد بس علشان زي ماوضحت اني غلطت بالرقم

فماجاتني اي رساله بعدها بيوم راسلت الموقع ارسلولي انو في غلط برقمي وارسلولي التراك نمبر وقالولي كلمي 

الدي اتش ال وكلمتهم والحمد لله استلمتها ثاني يوم♥♥ دحين اوريكم ايش طلبت 

اول بلوزه من اول ماشوفتها جذبتني♥ توب ابيض شيفون عليها شك ماادري تطريز اللي اسمو حبيتها بالطبيعه مررا فيها تفاصيل كثيره بس جميله وناعمه حبيت كيف مهتمين بكل التفاصيل بالكم ومن خلف بشكل مرتب وانيق♥♥ .. سعرها  270 ريال رابطها 

http://www.asos.com//ASOS/ASOS-Premium-Embellished-T-Shirt/Prod/pgeproduct.aspx?iid=3995988

فستان حبيتو من اول نظره والحمد لله طلع زي ماتخيلتو جمالو بخامه القماش نفسها ثقيله ومرا مرررتبه باللبس شوفو

ع العارضه يبين موديلو كيف .. بس ربيعي / شتوي فكرت البسو بالشتا مع جاكيت جلد ♥

سعرو 330 ريال رابط الفستان 

http://www.asos.com//ASOS/ASOS-Midi-Dress-In-Bonded-Scuba/Prod/pgeproduct.aspx?iid=3905578

قميص من زمان ادور علي شي زي كذا وماالاقي الا لون ابيض مااحبو يكون رسمي بزياده فااول ماشوفت هذا حبيت 

اللون اول ماشافتو اريج تقولي من جدك طالبه هذا هههههه !! طيب شكرا يااوختي العزيزه :)

طبعا انا اخذتو ببالي ستايلات عليه من ضمنها الستيتمنت نيكلس مرا احبها مع القميص يعطي لوك رسمي بنفس الوقت

تريندي .. مع بلايزر وجيجنز اسود مرا بطل لمكان رسمي بس ماتبغي يكون شكلك موظفه بنك بنفس الوقت ♥ هههه !

سعرو ٢٧٠ ورابط القميص

http://www.asos.com//ASOS/ASOS-Boxy-Shirt/Prod/pgeproduct.aspx?iid=3997979

سعر السلسال  150 ريال رابطو 

http://www.asos.com//Oasis/Oasis-Marble-Statement-Collar-Necklace/Prod/pgeproduct.aspx?iid=4362097

حبيتها جدا بصورتها من الموقع وجميله بالواقع بس توقعت خامتها تكون اثقل بس برضو بطله وهالنوع من القطع اللي 

تستهلك مرا ممكن مع بنطلون هاي ويست وسلاسل او شال او ممكن مع بينسل سكيرت يعني افكارها كثيره ♥♥

سعرها  150 ريال رابطها 

http://www.asos.com//Asos/Asos-Kimono-Sleeve-Crop-Top/Prod/pgeproduct.aspx?iid=3868520

توب جدا جميل وراقي خامتو جدا بطله♥ اول ماوصل كان مطبق تحطمت ماحسيتو زي الصوره بس علقتو ترتب وفك القماش

حبيت حركه الاكمام يعني توب تلبسي معاه تنوره مرتبه حيلبسك بمناسبه كبيره ♥

بس اختي اريج تقول لو كان اطول احسن وصح كلامها لاان مو الكل يحب يلبس اشياء عند الخصر وكذا بس بالنسبه ليا

انا اوك سعرو  168 ريال ورابطو "في منها الوان جميله بس مخلصه"

http://www.asos.com//ASOS/ASOS-Top-with-Extreme-Ruffle-Neckline/Prod/pgeproduct.aspx?iid=3907802

التنوره هذي اتعب وانا اقول جمييييله♥♥♥ هيا الوحيده اللي حسيت اني ماعطيتها حقها بالصور بس هيا من النوع اللي باللبس

تبين ضروري تشوفوها ع الموديل برابطها خامتها ججدا بطله ومرتبه بجد والله خامات اسوس تبين شي مرتب وراقي 

تعطيها اكثر من سعرها والله مقارنه بزارا خاماتهم جدا جدااا افضل وارقى وانظف واسعارهم اقل ! 

سعرها  210 ريال رابطها 

http://www.asos.com//Asos/Asos-Full-Midi-Skirt-In-Scuba-With-Pockets/Prod/pgeproduct.aspx?iid=3700680

تنوره قطن استرتش هذي الوحيده اللي كانت عاديه بس الجد اصلا بالصوره عاديه اكثر شي اخذتها علشان طولها عندنا

استقبال بعد العيد احتاج اشياء حريم وكذا :$ المشكله مرا ماسكه واريج تقولي عيب تلبسيها عند الحريم وانا اقولها مع نفسك عادي اصلا ماصدقت شي يبين انوثتي هههههههه المهم انتبهو مرا تحدد الجسم فمو اي جسم يبغالها سعرها 108 ريال رابطها 

http://www.asos.com//Asos/Asos-Midi-Pencil-Skirt-In-Jersey/Prod/pgeproduct.aspx?iid=3976067

اخر شي واجمل شي واكثررر شي كنت متحمسه عليه :"((( جميييله ♥♥انا طالبتها برضو علشان الاستقبال حيكون كرف 

فكونت حابه شي مرتب وتريندي وبنفس الوقت فلات فهذي حبيتها على طول من الحماس حطيت حبتين منها بالسله !!

مو مشكله حبتين المقاس طلع غلط :""((( فمرا انتبهو من المقاس انا مشيت على سايز هاي هيلز عندي من فورا يفر

شوفت مقاس ال uk مكتوب ٥ وعليه طلبت طلعت كبيره في وحده الله يسعدها♥♥ كتبتلي بالانستجرام انو اسوس مقاساتهم 

نفس نيولوك ومن جد روحت شوفت اللي عندي من نيولوك لقتيها ٤ !! وعمتنا اريج طلع عندها هاي هيلز من اول من اسوس

مقاسها ٣ :$ المهم انا ٣٧ فمفروض اطلب ٤ واللي ٣٦ تطلب ٣ وعلى كذا امشو وان شاء الله تطلع تمام وطبعا ماحخليها

بنفسي اضفت منها للسله حطلبها تاني :"( 

سعرها  210 ريال الرابط

http://www.asos.com//ASOS/ASOS-MOJO-Flat-Shoes/Prod/pgeproduct.aspx?iid=4105383

بما انو حيكنا ع المقاسات انا مقاسي بالملابس سمول / اكس سمول كل اللبس طلبتو مقاس ٨ وكان تمام الحمد لله ♥

عموما حبيييت الطلب من اسوس اصلا من قبل دايم اشوف بالوك بوك لبسهم منو واتمنى اتعلم ودحين جربت تعاملهم

 جدا رائع سريعين بالرد والتوصيل خاماتهم جدا بطله ببساطه حيكون ادماني الجديد 

هنا رابط صفحتهم الرئيسيه http://www.asos.com/

واشوفكم بعد العيد ان شاء الله كل عام وانتو بخير يارب وفي حفظ الرحمن ♥♥♥

♡♡

Twitter | Instagram | Bloglovin | Ask