الأربعاء، 23 يوليو، 2014

بدائل لمنتجات مشهوره بااسعار ارخص ♡♡


السلام عليكم ورحمه الله وبركاته
هالبوست راح احكيلكم عن منتجات من ماركات هاي اند او اقل من متوسطه وبدائل لها بااسعار جدا رخيصه يعني بحدود ٣ دولار !

غالبا الماركات الرخيصه تقلد الهاي اند بعض الاحيان يفشلو بالتقليد وبعض الاحيان يكون افضل من الشي المقلد !
الاسعار راح تكون بالدولار نفس سعر المنتج من الموقع لاانها تختلف تكلفتها من شخص للثاني على حسب ناس تشتري اون لاين
بنفسها وناس تطلب من متاجر وزي كذا فخليت الاسعار من الموقع بدون اي تكاليف اضافيه علشان تكون مقارنه واضحه






من اليمين مات ليب كولور من ايلف درجه "تي روز" ب 3 دولار
يسار فيليفت مات ليب بينسل من نارس درجه "سيكس ماشين" ب25 دولار
اول شي انا اخذت من نارس المات ليب بينسل حبيتو واتوقع وكان مرا من مفضلاتي ترطيبو عالي قوامو كريمي غريب
 مو عارفه اوصفو احبو لكل يوم مايشقق الشفايف ابدا ومنظرو طبيعي بما انو كريمي ثباتو مو عالي ماقد جربت منتج زيو 
وكنت ماخذتو من برا السعوديه فزعلت مااخذت كم درجه ثانيه:(
لمى جربت ايلف من اول مره على طوووول افتكرت تبع نارس مع اني اول مرا جربت من ايلف درجه مختلفه تمام بس القوام والتركيبه وكل شي نفسسها ! على طول جا ببالي تبع نارس ومن جد جلست اقارن بينهم تشابه جدا فضيع !
بعدين جبت درجه تي روز من ايلف يالله تشابه كبير بينهم ممكن بالسواتش في اختلاف بس على الشفايف ماحسيت بهذاك الفرق !
يعتبر بديل جيد وافضلو كمان لاانو ينبرم ماتحتاجي برايه وب ٣ دولار بس





اللي فوق كيت باليت الحواجب من ايلف بدرجه ميديم السعر 3 دولار
تحت باليت الحواجب من بنفيت درجه ميديم السعر 32 دولار
بالبدايه كانت تجربتي مع باليت بنفيت كنت متحمسه جداا لتجربتو لاانو كان جديد عليا هوا باليت في واكس = شمع وبودره اول
اول شي تحطي الواكس وبعدين تعيدي بالبودره علشانيثبت الواكس و يعطي منظر طبيعي اكثر اول ماوصلني استخدمتو وجلست استخدمو واقنع نفسي بحبو لااني حابتو من قبل ماادري ليه هههه !
المهم حق بنفيت جيد مو السئ بس ماحبيت الواكس فيلو ريحه قويه وكمان ثقيل مايمسك معايا بسرعه يعني اجلس اعيد وازيد كم مرا
الين مااوصل للرسمه تمام بس البودره تمام بس لمى جبت ايلف حسيت اني كنت غاصبه نفسي مع حق بنفيت :$
ايلف الواكس خفيف ويميل انو كريمي اكثر من انو واكس سلس و سهل بالتوزيع وبسرعه يمسك معاك ثباتو افضل من باليت بنفيت .
طريقتي استدخم الواكس بالاماكن اللي في شعر كثير بحاجبي بس احتاج ترتيب والاماكن الباقيه اعبيها بالبودره علشان يكون
 المنظر طبيعي اكثر







بيوتي بليندر ب 20 دولار تقريبا
اسفنجه ريل تكنيك ب 6 دولار .
اكثررر منتجين تعبت وانا اقارن بينهم بصراحه !! مرررا متشابهين حاولت اطلع فرق بينهم يعني يكون فرق صريح يستاهل فرق 
السعر مالقيت :$ ومتى حسيت انو مافي فرق بينهم  اذا جيت استخدم مااركز انو ابغى نوع معين لا اللي استخدمها عادي
والنتيجه نفسها !! 
في ناس تقول انو ريل تكنيك افضل علشان الشكل اذا من هالناحيه مااشوف ممكن افضل احد لاانها بالنهايه اسفنجه حاجه زي القطنه
انتي تتحكمي فيها بيدك بكل سهوله اهم شي منطقه البوز اللي موجوده بالاسفنجتين هيا اللي تساعدك توصلي للاماكن الضيقه
ممكن في اختلاف بسسيط بينهم لمى تمسكيهم بس بالاداء والنتيجه عن نفسي اشوفهم زي بعض :)
انصح بالريل تكنيك بالذات لو مبتدئه او تستهكلي كثير راح تكون اوفر لك





من اليمين روج من ماك درجه " ديفا" ب 16 دولار
اليسار روج من ويت اند وايلد درجه"تشيري بومب" ب2.29 دولار
اي محبه للميك اب تعرف روجه ديفا المشهور من ماك وايم مخلص انا تعبت لين اخذتو المهم شوفت وانا ابحث انو روج ٩١٨
بديل لديفا وانط للتسريحه واقارن والله من جد !! شي مو طبيعي ابدا حطيتهم واسال اللي حولي في فرق بينهم الكل يقول لا !
المهم انا عندي مشكله مع ارواج ماك بعد ساتسن او ثلاثه من احطهم يبدو يتقشرو ماادري كيف :$ ومااحب فيهم الالوان الغامقه
اذا رجعت من السهره اشيلهم يبقى اثر حتى بعد مزيل الميك اب في احد زي ؟
وعن ويت اند وايلد حبيتها مرا وقد نزلت روج منهم من مفضلاتي احب ترطيبها وثباتها اصلا ريحة دماغي واخذت كل الدرجات 
منهم وماعاد سرت ادور بالارواج كثير 
انصح بهالدرجه ومن ويت اند وايلد لو انتي من محبين الغوامق راح تنبسطي عليه شوفو السواتش للروجين 



بكذا خلصت البدائل بس حابه انبهه على نقطه انو الاسعار ب لو حبيتو زي كذا مواضيع قولولي وان شاء الله 
يسير دايم ادورلكم بدائل لمنتجات مشهوره ،، في حفظ الرحمن


هناك 37 تعليقًا :

  1. ياعمري بيوتي بلندر تمتص الفونديشن اكثر من ريل تكنيك غير الشكل لما تشكلينها بيدك تخرب اكيد واكيد الشكل اكيد اكيد يفرق من ناحيه الدمج،

    ردحذف
    الردود
    1. والله عن نفسي ماحسيت بفرق من ناحيه الدمج ابدا ! وحتى اشكلها بيدي الحمد لله ماخربت ولاشي تمام :)

      حذف
  2. بوست مرررة مفيد صراحة كنت محتارة بين بينيفت و أيلف .. كويس شفت البوست قبل أقرر ♡
    .
    .
    .
    بدون مجاملة و مو كلام فاضي بس البلوق حقتك مرجع لي في كل شئ و أحيانا أكون طفشانة أفتحها عشان أنبسط حتى لو كنت قد قريت البوستز كلها

    ردحذف
  3. فعلن انا جبت الارواج هذي من ايرلندا منذ مدة فضضضضضضيعة وبشكل وماعاد استخدم غيرها جميله
    شكرا امورة دايم مميزة

    ردحذف
    الردود

    1. من جد هالارواج جدا بطله ♡ والعفووو

      حذف
  4. ناااايس مره ايوه هذي البوستات مررره مفيده لو تعمليها ب استمرار افضل وأنا كمان كنت محتاره بين بنفيت وحقت ايليف .. الله يعطيك العافيه و يحرم يدينك عن النار ♡♡ / nina a

    ردحذف
  5. أميرة من وين أطلب منتجات elf

    ردحذف
    الردود

    1. من موقعهم او من متاجر بالنت يوفروها ♡

      حذف
  6. الله يعطيك العافيه ♡
    اعجبني البوست وياليت تكثرين منه اقصد البدائل 😛
    بس بسالك الروج البديل لديفا من فين اخذتيه
    ويت اند وايلد ؟

    ردحذف
    الردود

    1. يس من ويت اند وايلد من موقع درج ستور ♡

      حذف
  7. مشكورة عزيزتي مدونتك ومواضيعك جداً جمياة ومفيدة للغاية ، لكن كتجربة شخصية اشوف ان باليت إلف حق الحواجب مايقارن مع البينفت ! إلف مايعطيك المظهر الي يعطيك اياه البينفت ،

    ردحذف
    الردود

    1. العفوو ♡ مو انا دايم اقول تجربتي تختلف ممكن عن تجربه غيري كل اللي اقوله من تجاربي الشخصيه :)

      حذف
  8. يب يجنن ودايمن اعملي كدا بس ريت بالريال وفين تتباع يعطيكي العافيه حبيبي

    ردحذف
    الردود

    1. اوك ان شاء الله المره الجايه بالدولار والريال والله يعافيك يارب :)

      حذف
  9. اول شي احب اخبرج انه تصويرج رائع ماشاء الله محلي البوست
    والبدايل صج لو الوااحد يدور عدل راح يحصل المنتجات شرات الجوده لكن بسعر اقل
    يبالي اجرب اسفنجه ريل تكنيك ( لاني دايم احتار اخذ بيوتي بلندر او لا )

    يعطيج العافيه ع البوست وما قصرتي 3>

    ردحذف
    الردود

    1. تسسسلمي والله .. من ناحيه البيوتي بليندر او الريل تكنيك لازم تكون عندك منها اعتبرها من الاساسيات والله
      والله يعافيك ♡

      حذف
  10. يعطيك العافية 💜
    زين وين نحصل البدائل؟

    ردحذف
    الردود

    1. تطلبيها اون لاين او من متاجر بالانستجرام ♡

      حذف
  11. Thanks alot sweety💓💓💓💓💓

    ردحذف
  12. من المواضيع اللي أحبها و كثير بنات بيستفيدوا منها
    أتمنى تكتبي زيها تدوينات كثيره ❤

    ردحذف
  13. طيب ليه ماتقولين الاسعار بالريال "(

    ردحذف
    الردود
    1. ماكتبتها بالريال لاان الاسعار تختلف من مكان لماكن وراح تجي كل بنت تقولي انا اخذتها بكذا ليه كذا يختلف فعلشان اللخبطه
      المره الجايه راح اكتب بالدولار والريال على اساس الموقع بااذن الله ♡

      حذف
  14. يختي عسى ربي يرزقك من حيث لا تحتسبي على تعاونك وروحك الجميلة مع متابعينك ..

    ردحذف
  15. امووره 😊 انتظر مواضيعك عن تنسيقات الملابس 👗👜
    احب ذوقك بالتنسيق ماشاء الله عليك 😍
    انتظرك تنسيقاتك عشان انسق مثلك بالعيد ان شاء الله 😁

    ردحذف
  16. احصل المنتجات هذي بلندن؟ بدل ما اطلبها؟

    ردحذف
  17. اميرهه ياليت تعطينا الرابط اللي تشترين منهم البدائل :)

    ردحذف
  18. اغلب الاشياء اللي قلتيها احب استعملها يبغالي اجرب البدائل $ـــ$
    المات فيلفت من نارس عندي منه وحابته مره بس من فترة ما بستعمله ولو بقولك ليش راح تضحكي علي لأنه مو قادره ابريه وكل ما اشتري له براية كبيرة ما يدخل فيها :( ومره مطفشني فلو تساعديني وتقوليلي ايش البراية الي تستخدميها تسوي فيني خير لول :)

    ردحذف
  19. ماشاءالله ابدعتي حبيت المقارنه ياريت دائم تعملي كدا ..
    بس معليش ممكن تكتبي اماكن الشراء عشان لو نبغى زيها ^_^

    ردحذف
  20. يعطيك العافيه بس ياليت تنزلين بوست تشرحين فيه طريقة الطلب من النت والمواقع وافضل شركات الشحن ومدتها و .. الخ صراحة متعب هالشيء ابي اطلب ولا فيه شروحات كافيه :(

    ردحذف
  21. البيوتي بلندر اتقطعت معايا من اول استخدام ما اعرف ليش حطيتها تحت الموية انفجرت هههههههه
    ما جربت الريل تكنيك بس اكيد راح اجربها وماراح اشتري بيوتي بلندر جديد اذا الكواليتي كذا ما يستاهل السعر

    ردحذف
  22. لوسمحتم نبغى عنوان الشركه المصنعه للارواح وايت اند وايلد

    ردحذف
  23. عجببببببببتني فكررة البدائل حلوووووووووووه وتناسب الأكثرية حبيييتها بالحييييييييييل ولبا قلبك يحفظك ربي
    جودو

    ردحذف
  24. حبيبتي حبيت اسأل من وين ممكن انحصل ارواج او منتجات ويت اند وايلد ؟ ومشكووورة ع البووست 💗

    ردحذف
  25. يعطيكي العافيه على البلوق الحلو

    عندي بس ملاحظه على منتجات Elf ...معظم منتجاتهم خصوصا الاي شادو يحتوي على بارابين..واحد من هذي المكونات او كلها : ethylparaben, propylparaben, methylparaben...

    خطيره مرره على البشرة والاجانب بداو يكتشفوها..سوي بحث عنها بقوقل وشوفي.البلاوي...الحمدلله انا دايما اقرا الانقريدينتس (محتويات او مكونات المكياج) قبل ما اشتري

    انتبهوووااا

    ردحذف

Back to Top