تجربتي مع الفراكشنال ليزر

السلام عليكم ورحمه الله وبركاته

يالله قد ايش اشتقت للتدوين كتابه ! بس الحمد لله بديت احس بدا يترتب وضعي بين التدوين كتابه واليوتيوب ،

مااكذب عليكم تجيني افكار اقفل المدونه بس ماقدرت احبها وكثير مواضيع احب اوصلها كتابه خاصه بالريفيو .

برمضان لو متابعتني على السناب تشات والانستجرام تعرفي اني سويت جلسه فركشنال لوجهي ، جاتني دعوه 

من عياده وسويت الجلسه ، بقولكم موقف حمسني انقلكم تجربتي "كنت بجده بكوفي وشافتني وحده من متابعاتي بعد مارجعت البيت تكلمني تسالني عن سر بشرتي ونضارتها!"

اول شي بقولكم بشرتي كويسه ماعندي مشاكل كثير عندي نمش ، تصبغات خفيفه من الحمل والمسام شي خفيف .
بعد ماكشفت عليا الدكتوره قالتلي بشرتك كويسه وانتي قرري ايش تبغي قولت لها ابغى شي يجددها بشكل كبير يعني ماابغى تنظيف سطحي فقالتلي على الفراكشنال ليزر تحمست وقولتلها يلا ، بدئت الممرضه تحط ليا بنج 
سالتها ليش ؟ قالت علشان في الم !! خوفت وقتها ومن جد في الم احساس نغزات وحرق بنفس الوقت تالمت لدرجه ادمع وقولت انا ورطت نفسي هههه .

بعد ماخلصت نعم زي كذا كان شكلي !! محروقه بااختصار واحساس حرق وبشره مشدوده جدا ،
قالتلي الدكتوره ٦ ساعات ماتحطي ولاتغسلي وجهك بس ممكن ثلج بكيسه علشان يبرد عليك ،
الدكتوره كتبت ليا العلاج اللي فوق كله لمده اسبوع ماعدا مرهم اليكا بس اول ثلاث ايام بعدها استبدله باللي تحت .

استمريت بالعلاج وجهي كان شكله مو مقبول يعني مستحيل اطلع ، وبدا يتقشر وجهي وبدل ماهو احمر قلب على بني غامق بعد اسبوع تقريبا راح كل شي وبانت النتيجه الجميله !
لون وجهي تقريبا توحد واعطاني نضاره وامتلاء خفيف  المسام اصغر ، الاسمرار اللي حول الشفايف جداا خف
وهذا اكثر شي لاحظته معايا الكلف خفت حدته السواد تحت العين خف كمان !
بس في ملاحظه انا من قبل مااسوي الجلسه كانت تطلع لياززي البقعه صغيره ببشرتي تسير جافه جدا وفيها
قشور كذا دائره صغيره وبعد الجلسه طلعت ليا وحده وحجمها اكبر من دايم ! فمااعرف من الجلسه او من بشرتي نفسها لاان هالشي مو جديد عليا بس زي ماقولت حجمها اكبر !
بكل امانه بفتره العيد كنت اكتفي بالبي بي كريم او فاونديشين بدون كونسيلر الحمد لله ، حاليا ليا تقريبا
شهر ونص والنتيجه زي ماهي .
اميره هل تنصحينا فيه ؟ ايوا انصح فيه بس للي بشرتها تعبانه او حابه تجديد ببشرتها او لعروسه بس بكل امانه الفتره الاسبوع اللي يكون وجهك محروق يطفش يعني عائلتي ماتقبلت شكلي وتقول ياويلك تعيدي !
بس عن نفسي بعيده بااذن الله كل ماحسيت اني بحاجه له او بمناسبه كبيره .
وين سويته ؟ بعياده الدكتور مساعد الزلال مع الدكتوره غاده ، وهذي تجربتي لو عندك سوال او تجربه شاركينا فيها .

♡♡

  Youtube | Instagram | Twitte