الأربعاء، 10 أغسطس 2016

تجربتي مع الفراكشنال ليزر


السلام عليكم ورحمه الله وبركاته
يالله قد ايش اشتقت للتدوين كتابه ! بس الحمد لله بديت احس بدا يترتب وضعي بين التدوين كتابه واليوتيوب ،
مااكذب عليكم تجيني افكار اقفل المدونه بس ماقدرت احبها وكثير مواضيع احب اوصلها كتابه خاصه بالريفيو .

برمضان لو متابعتني على السناب تشات والانستجرام تعرفي اني سويت جلسه فركشنال لوجهي ، جاتني دعوه 
من عياده وسويت الجلسه ، بقولكم موقف حمسني انقلكم تجربتي "كنت بجده بكوفي وشافتني وحده من متابعاتي بعد مارجعت البيت تكلمني تسالني عن سر بشرتي ونضارتها!"

اول شي بقولكم بشرتي كويسه ماعندي مشاكل كثير عندي نمش ، تصبغات خفيفه من الحمل والمسام شي خفيف .
بعد ماكشفت عليا الدكتوره قالتلي بشرتك كويسه وانتي قرري ايش تبغي قولت لها ابغى شي يجددها بشكل كبير يعني ماابغى تنظيف سطحي فقالتلي على الفراكشنال ليزر تحمست وقولتلها يلا ، بدئت الممرضه تحط ليا بنج 
سالتها ليش ؟ قالت علشان في الم !! خوفت وقتها ومن جد في الم احساس نغزات وحرق بنفس الوقت تالمت لدرجه ادمع وقولت انا ورطت نفسي هههه .



بعد ماخلصت نعم زي كذا كان شكلي !! محروقه بااختصار واحساس حرق وبشره مشدوده جدا ،
قالتلي الدكتوره ٦ ساعات ماتحطي ولاتغسلي وجهك بس ممكن ثلج بكيسه علشان يبرد عليك ،
الدكتوره كتبت ليا العلاج اللي فوق كله لمده اسبوع ماعدا مرهم اليكا بس اول ثلاث ايام بعدها استبدله باللي تحت .



استمريت بالعلاج وجهي كان شكله مو مقبول يعني مستحيل اطلع ، وبدا يتقشر وجهي وبدل ماهو احمر قلب على بني غامق بعد اسبوع تقريبا راح كل شي وبانت النتيجه الجميله !
لون وجهي تقريبا توحد واعطاني نضاره وامتلاء خفيف  المسام اصغر ، الاسمرار اللي حول الشفايف جداا خف
وهذا اكثر شي لاحظته معايا الكلف خفت حدته السواد تحت العين خف كمان !
بس في ملاحظه انا من قبل مااسوي الجلسه كانت تطلع لياززي البقعه صغيره ببشرتي تسير جافه جدا وفيها
قشور كذا دائره صغيره وبعد الجلسه طلعت ليا وحده وحجمها اكبر من دايم ! فمااعرف من الجلسه او من بشرتي نفسها لاان هالشي مو جديد عليا بس زي ماقولت حجمها اكبر !
بكل امانه بفتره العيد كنت اكتفي بالبي بي كريم او فاونديشين بدون كونسيلر الحمد لله ، حاليا ليا تقريبا
شهر ونص والنتيجه زي ماهي .
اميره هل تنصحينا فيه ؟ ايوا انصح فيه بس للي بشرتها تعبانه او حابه تجديد ببشرتها او لعروسه بس بكل امانه الفتره الاسبوع اللي يكون وجهك محروق يطفش يعني عائلتي ماتقبلت شكلي وتقول ياويلك تعيدي !
بس عن نفسي بعيده بااذن الله كل ماحسيت اني بحاجه له او بمناسبه كبيره .
وين سويته ؟ بعياده الدكتور مساعد الزلال مع الدكتوره غاده ، وهذي تجربتي لو عندك سوال او تجربه شاركينا فيها .






  Youtube | Instagram | Twitte 


هناك 76 تعليقًا :

  1. الردود
    1. تكلفتها ١٥٠٠ بس كثير من متابعاتي قالولي في عيادات تسويها ب ٥٠٠ !

      حذف
  2. اخيييرا رجعتي للتدوين ، اشتقت لك والله ، الصورة تخوف احس في مغامرة .، اللي تجربه بازم ما يكون عندها مناسبه قريبة ، ان شاءالله اقدر اجربه قريب ..love you

    ردحذف
    الردود
    1. اصلا انا مررا اشتقت للتدوين بشكل كبيير ، مايكون عندها اي ظهور للعلن ههههه ، وانا احبك كمان

      حذف
  3. يعطيك العافيه اميره على التقرير .. تحمست اسوي جلسه
    بسالك هل المسامات اختفت بعد الجلسه؟!

    ردحذف
    الردود
    1. بقولك معلومه المسامات مستحيل تختفي هي موجوده بالبشره علشان عن طريقها تطلع الدهون
      ففكره انها تختفي مستحيل بس تصغر ، ايوا صغرت بس بنفس الوقت انا عندي روتين عنايه يوميه
      علشان ماترجع تكبر

      حذف
    2. مشكلة المسامات تقهر نفسي تنقرض من وجه الارض ..

      حذف
  4. انا من وجهة نظري الليزر الفركشنال نتيجته عاااديه مو مبهره ولا تستاهل قوة الالم والتشوهه اللي يحصل عقب الجلسه وبعد في ناس يستمر وجههم فيه خطوط بالطول والعرض وماتختفتي .. ب إختصار عندي تقشير الفواككة نفس النتيجة لكن بدون مضاعفات والم ��

    ردحذف
    الردود
    1. عن نفسي ماجربت غيره بس نتيجته جميله وبعيدها ، بس يبغالنا نجرب الفواكه كمان بس مااتوقع الفواكه يحفز الكولاجين ويعطيك الامتلاء زي الفراكشنال ولا ؟

      حذف
    2. انا طلعت لي حبوب في ظهري وفخذي من بعد ماشلت بالواكس . وبشرتي حساسه . فطلعت حبوب وراحت وبقيت الاثار لاني كنت اقشره . جد مكتئبة من ظهري .. بعدين سويت تقشير الفواكه . عجبني راحت كل الاثار ورجعت بشرتي زي اول . وبسيطه وسهله ومافيا الم بس مكلفة غالية الجلسات والكريمات

      حذف
  5. اهلين اميررره تشوفيني جايه من السناب ������ انا جربت الفراكشنال مع التشققات اللي ببطني الخطوط الحمراء اختفت ��❤️❤️ بس البيضاء مع الاسف خفت يبيلي جلسات اكثثر �� وبس والله اول مره اكتب تعليق بمدونه ����❤️

    ردحذف
    الردود
    1. حلووو تصدقي ماكنت ادري انه ممكن يتعمل للخطوط شكرا لك على الافاده

      حذف
    2. حبيبتي بسألك لما سويتيه على بطنك حمرت المنطقه نفس الصوره واذا انتي بالرياض ممكن تقولين لي اي عياده رحتي

      حذف
    3. حبيبتي بسألك لما سويتيه لبطنك حمرت المنطقة نفس الصوره واذا انتي بالرياض اي عيادة رحتي

      حذف
    4. اي حمرت وبعد اسبوع صار زي البني وبعدها تختفي انا من الاحساء بس سويت الجلسه ب٥٠٠ بعيادات كيان

      حذف
    5. دكاترة التجميل يقولو ان الخطوط الحمرا ممكن تروح باليزر بس البيضا لو ايش تدفعي ماتروح الا بقص الجلد . فانتي اول ماتتشققي تكون حمرا عالجيها لان لو صارت بيضا انسي الفكررررررررة

      حذف
  6. شكرا اميرة على البوست😍 ! من فترة ابي اسويه بس خايفه مره😧 ان شاء الله بسويه في الاجازة بنفس العيادة. تحمست الحين 👍💜

    ردحذف
  7. شكرا اميرة على البوست😍 ! من فترة ابي اسويه بس خايفه مره😧 ان شاء الله بسويه في الاجازة بنفس العيادة. تحمست الحين 👍💜

    ردحذف
  8. أنا تجربتي مع الدرما رول اسويها في البيت احط بنج واحرك الرول علي وجهي الين مايسير احمر مسلوخ كله نقط دم .. اجيب سيروم فيتامين سي طلبته من امازون واحطه عليه يلسع نار نار شي ماتتخيلي ساعه ساعتين بالكثير يرجع وجهي زي ماكان اليوم الثاني أمارس يومي عادي يعطي نظاره وامتلاء للوجه بشكل ملحوظ تجربه رائعة مع الدرما ... انصحك اميره تسويه

    ردحذف
    الردود
    1. الدرما رول هذي اللي للان ماتجربت اجربها بس حمستيني والله يبغالي اقوي قلبي هههه

      حذف
    2. والله الدرما رولر سوته بصالونات التجميل .. ممتاااااااااااااااااز

      حذف
  9. يعطيك العافيه اميرة .. ماقصرتي يكفي انك عرضتي تجربتك وشاركتيها معانا .. الله يبارك لك

    ردحذف
  10. كثير مدحولي فركشنال لتصغير المسام انا ماعندي مسام واضح ولكن اذا وصلتي لدرجه معينه من صفاء البشره تبدي تلاحظي المشاكل الصغيره
    لكن الي خلاني للحين ماسويه تفاوت الاسعار بين العيادات عياده ب ٥٠٠ وعياده ب ٢٠٠٠ مدري ايش الفرق وكل عياده تمدح لك الي عندها

    ردحذف
    الردود
    1. صح كثير من متابعاتي قالولي انو بعيادات ب ٥٠٠ شوفي الوحده تدور مكان نظيف ودكتوره كويسه والسعر مو مهم لاانه بشره مو شي لعب

      حذف
  11. انا اسوية وجداً جميل بس انا ابداً مافني تصبغات انا اشتكي من الندب في الوجنتين وسويت حوالي ٨ جلسات والنتيجة خياااااااالية من شي عميق لشي سطحي من قريب يبان ولسى بكمل كمان بس وقفت ذي الشهرين عشاني لسى عروسة وصعبة افجع العريس😂😂

    ردحذف
    الردود
    1. ايوا كثير قالو فادهم بالندبات واثار الحبوب ، استغلي اذا روحتي بيت اهلك هههه ومبروك يااجمل عروسه

      حذف
    2. المفروض تسويه قبل زواجك بفترة طويلة . عشان العريس ماينصدم من الايام الاولى . يصير من البداية انتي نضره

      حذف
    3. انا مسويتو ليا سنة ونص وفجأه انخطبت وترى الندب متأثر على نضاره البشره يعني جداً عادي

      حذف
  12. أنا بعد نفسي أسويه وبنفس الوقت خايفه وتجربتك جدا حمستني 💕

    ردحذف
  13. ماشاء الله جميل اميره ممكن تسالي الي سوته للخطوط كم جلسه لين ماخف وايش اسم العياده

    ردحذف
  14. شكراً

    ردحذف
  15. شكراً

    ردحذف
  16. ربي يسعدك يا اميرة انا مخلصة علاج رواكيوتان ،مخططة اقشر مع دكت،رتي بالليزر حمستيني مررررة للنتيجه
    بس المشكلة ان انا اداوم واقابل عميلات مدري كيف باسوي بالدوام مع وجهي

    تقريبا كم يوم جلس وجهك محترق ؟

    ردحذف
    الردود
    1. ويسعدك اضعاف ، يقعد بالظبط اسبوع بس بعد رابع يوم يخف كثير ممكن تداومي فيه بس يبين انك مسويه شي

      حذف
  17. سلام
    عزيزتي اميره انا من الانستغرام
    حبيت اسالك عن شي يخفف الدهون للكرشه
    انا ولدت من7 شهور بطني فيه كرشه وكذا هل جربتي شي يخفف من الدهون فيها ؟مع العلم ان اكلي قليل و هذي اول ولاده لي

    ردحذف
  18. ابغا اسال بس ما وصل كلامي لك

    ردحذف
  19. يعطيك العافيةة اميرة .. اول مرة ارد ومتحمسة اسويه بس خايفةة ممرة انا مشكلتي النمش ومسامات ابغاها تروح مرة طفشت منها ����

    ردحذف
    الردود
    1. الله يعافيك يارب ، بالنسبه للنمش في جهاز ليزر ثاني مو نفس اللي سويته وافكر اسوي بس متردده شوي
      لااني في حالات من بين ٢٠ حاله ممكن الليزر ياثر عليها عكسا ويزيده لها فهالشي مخوفني :(

      حذف
    2. النمش من علامات الجمال

      حذف
  20. انا سويته قبل اسبوعين تقريبا على اثر حرق برجلي ولسى ماشفت النتيجه حسيت الاثر مره خف بس لسى يبغالي استمر على الكريمات قللتلي الدكتوره هو مجموعة جلسات كل شهر ..
    سويته ب ٢٥٠ بعيادات نخبة التداوي بمكه

    ردحذف
    الردود
    1. حللو منكم عرفت انه ممكن نسوي لااشياء غير الوجه شكررا

      حذف
    2. ايش اسم الدكتورة اللي سوت لك في مكة ؟ وتنصحيني اروح لهم والا لا ؟!!

      حذف
  21. اول حاجه جد احبك ومن متابعيني اللي لا يمكن امل منها واحذفها ❤️ ، ثاني شيء البشره وما ادراك مالبشره 😭 انا كانت بشرتي صافيه صح تحمر بس حساسيه شويات وتروح ، لكن قمت عليها ورحت لعياده وياليتني ما رحت 😭😭😭
    عملت تنظيف وقناع بشره وابرة نظاره ولا كأني مسويه شيء وبالعكس من بعدها طلعت لي حبوب وخربت بشرتي فرق بين قبل وبعد
    فحرمت العب فيها واسلمها لعيادات 😭😭😭😭😭💔

    ردحذف
    الردود
    1. صح لو سلمتي نفسك لااحد مو فاهم بشغله ممكن يبهذلك بس تجربتك هذي لا توقفي روحي لدكتور سمعته كويسه
      وبااذن الله ترجع زي اول واحسن

      حذف
  22. يعطيك العافية أمميييرة ع التجربه حمستيني اعملها ����
    بسس تعرفي عيادة كويسه في جدة اعمل فيها ليزر لجسمي كامل ويسسعدك ياقلبي

    ردحذف
  23. أهلين أميره كان نفسي تدوينتك تكون قبل ما أسويه عشان أقرر آخر كلام عشان محتاره بينه وبين التقشير الكيميائي لكن الحمدلله اني قررت وسويته هو. أول شي أنا كنت بسويه عشان في أثر خياط بـ خدي بعدين لما رحت للدكتوره قالت لي انه ممكن يعالج أثآر الحبوب اللي بـ وجهي والتصبغات يشيلها فـ توكلت على الله وسويته لكل وجهي، الألم جداً مؤلم تحملت لحد ما وصلت آخر منطقه بغيت أقول لها خلاص لا عاد تكملين لكن الحمدلله عدّت ونفس تجربتك بـ الضبط سويته عند الزلال دكتورة هبة بـ 1500 ريال ، لكن النتيجه جيده جداً تعتبر بالنسبه لي البشره جداً ملمسها ناعم وفيها حياة والآثار خفت بـ نسبة 50٪ وأثر الخياطه خفّ بـ نسبة 30٪ طبعاً يحتاج كم جلسة، أما التصبغات فـ راحت الحمدلله بـ نسبة 80٪ يعني النتيجه كويسه صراحه حبيته وممكن أسوي جلسه ثانيه قبل ما تبدأ الدوامات ولو رجع بي الزمن بأسويه بعد لأن مره يأثر بصراحه.

    ردحذف
    الردود
    1. ياهلا ، صح كلامك قالت الدكتوره هوا لو في مشكله يكون عدة جلسات بس كجلسه اولى لقيت هالنتايج مرا حلو ماشاء الله

      حذف
  24. فقالتلي ،،،،قولتلها،،،،،قولت. ماهذا يااميره ؟
    الصح انها تنكتب فقالت لي ،،، قلت لها ،،، قلت

    وانتِ مصره تكتبين بالسناب (جوجل) عشان اختلفتِ مع كم بنت على كتابته ونطقه
    لاتصححين للناس وانتي ماتركزين سلكي عشان الناس يسلكو لك
    وتقبلي وجهات النظر

    ردحذف
    الردود
    1. اذا كتبت بالفصحى وقتها صححي ليا بالفصحى ، وجوجل بكتبها جوجل لاان حرف G ماله مقابل بالحروف العربيه يعني ناس تقول قاف وناس تقول جيم فقوقل او جوجل كلهم صح ، تعلمي اخلاف الوجهات بعدين نتقبلها

      حذف
  25. أهلين أميرة حبيبتي،،

    حبيت أنقل تجربتي برضو أنا ، أنا عندي ندبات عميقة من آثار حبوب الشباب،

    كنت قد سويت الco2 او الفركشنال من تقريبا 4 سنوات كم جلسة بس كان تعبني وما قادني ابدا في عيادة مشهورة في الرياض فعصبت وقتل توبة اكرر التجربة

    بعدين من سنة تقرببا رحت لدكتور ثاني جدا صراحة فرق سويت عنده تفكيك ندبات+ فراكشنل ، قسما تغيرت بشرتي بطريقة اول مرة في حياتي اشوفها فيها يعني جد كنت يائسة أن بشرتي ممكن تتحسن من كثر ما لفلفت على الدكاترة ويلعبون فيني من دون نتيجة ، بس الخين جد فرق فرق يعني الندبات قلت بنسبة تقريبا أكثر من 75 % سويت 3 جلسات فراكشنل+ تفكيك ندبات كلفت الجلسة 4500 وجلسة فراكشنل لحاله ب 1500 وباسوي كمان في المستقبل إن شاء الله .

    أنا جدا الحمدلله سعيدة وراضية بالنتجية وكل الي حولي مرة شافو الفرق بعيونهم الحمدلله يارب جد.

    والله يسعدك يارب ❤👍

    ردحذف
    الردود
    1. ياهلا والله
      ماشاء الله تبارك الله ان شاء الله تلاقي نتايج احسن كمان ، وصادقه بعض الاحيان نفقد الامل بس الواحد مايمل ويسال وربنا يهدي للدكتور الصح ، المهم تحمست للعياده حقك ايش هيا ؟

      حذف
    2. عند الدكتور خالد الغامدي في ميدكا ، والظاهر أنه موجود في الجامعي ، جدا ممتاز والله أنصحك تجربيه 👍

      حذف
    3. وشو تفكيك الندبات ؟!

      حذف
  26. اميره ممكن تكتبي لنا بوست عن عنايتك اليوميه .. عشان انا بعاني من مشكله المسام

    وجدًا جميل البوست حبيت وان شاءلله حسوي جلسه قريب

    ردحذف
    الردود
    1. بااذن الله بنزله لكم باليوتيوب

      حذف
  27. هند العتيبي11‏/08‏/2016، 9:12:00 م

    بعد انا جربت الليزر وكانت النتيجه مرررة حلوة.. بس ودي استخدم الغسول اللي بالصورة من جربته؟

    ردحذف
    الردود
    1. جدا بطل الغسول هو الوحيد اللي استخدمه من العلاجات ،الواقي بايخ وثقيل دم هههه

      حذف
  28. احس مره يخوف .. مره صحبتي سوته و وجهها صار محروق زي الصورة .. بس بعدين صارت بشرتها حلوه .. بس مره يخوف اني ادخل في دوامه الحرق اتخيل نفسي ما ارجع زي اول .. وتخيلي اروح الجامعه كذا . مشكللله .. احس النتيجه مو مره مستاهله اني ادفع 1500 و حرق يخووووووووووف

    ردحذف
  29. طيب بنات جدة تعرفو في اي عياده وكم ؟

    ردحذف
    الردود
    1. عيادات ديرما التحلية د / مروان أسعد أو عيادته بالروضة 1500 ... انا سويته بعيادة الحديثة الأولى 2500 ... اغلب العيادات تسويه بس اهم شيء النظافة ...

      حذف
  30. مدري شفت في قوقل ان الليزر ممكن يصلح لتشققات الحمل . اتحمست .. حتى لو احترقت بطني فبتكون تحت الملابس مابتطلع قدام الناس

    ردحذف
  31. آميرة الله يسعدك سعادة لا شقاء بعدها و يعطيك من خيري الدنيا و الاخره ،
    بدون اي مصالح تُذكر: احبك في الله ،.

    ردحذف
  32. كنت محتاجه مثل هذي التدوينه يعطيكي الف عافيه اميرتنا العسل 💜

    ردحذف
  33. من جد مره وحشتنا المدونة ♥ ياويلك تقفليها :P♥
    على الصورة مره تخوف و في نفس الوقت تحمس انك تجربيها من النتيجه الحلوة ♥♥
    يعطيك العافية حبيبتي♥

    ردحذف
  34. هلا أميرة .. فيني تصبغات خفيفة بوجهي وشوية هالات
    ودي أجربه بس مدري أحس انه يخوف ..
    الدكتورة قالت لك ان وجهك بيكون كأنه محروق (طبعا الله يبعد عنك كل مكروه)لمدة اسبوع قبل العملية؟؟؟

    وشكراً أحب أتابعك
    انا من مسقط

    ردحذف
  35. شكراً على كل شي يا أحلى أميرة
    أحس وجهك نفس إيدك ما شاء الله واايد حلو

    الله يسعدك
    متابعتك من مسقط (عٌمان)

    ردحذف
  36. تجربة جريئة ماشاءالله 😻👌< محد كان ناوي يسوي ويوم شاف الصورة هون ورضا ببشرته😂💔
    بسألك انا بشرتي الحمدلله ماعندي مشاكل غير الهالات وهي منتهين منها بس زي بشرتك تطلع لي زي الدائرة جافة جدا ومتقشرة وش الكريم اللي استخدمتيه وفاد معها😩

    ردحذف
  37. انا سويت جلستين تقشير كيميائي واحس ماافادتني وخساره عالفاضي لو كنت ادري بالفركشنال كان سويته تسلمي على نقل تجربتك ونحب التدوين منك

    ردحذف
  38. يسعدك ربي أميره. أنا سويت منه جلستين الاولى ف رمضان والثانيه قبل خمس ايام بس كلهم ماصار وجهي كذا يدوب احمرار ثم بني خفيف مده أسبوع ثم خلاص وتأثيره يمكن تحسن بنسبة٢٠٪‏. سويته ف بانوراما اللي ف التخصصي عند الدكتوره احلى. باختصار ما عجيني. سعر الجلستين كان عليه عرض١٣٠٠ والحين عليها عرض٣جلسات ب١٠٠٠

    ردحذف
  39. أهلاً اميره💙،انا الحمدلله وجهي تمام بس أثار حبُوب جداً خفيفه بس اللي كنت بسأل عنه عندي تصبغ ب ذراعي وهالشّي مره تعبت منه لانه واضح بشكل كبير،سؤالي هل أقدر اسويه لِـ يدي؟،وعُمري١٦ هل يناسبني؟ انه مُمكن تصير مشكله لاقدر الله؟،أعتذر ع الإطاله.

    ردحذف
  40. حمستيني أكمل بس الألم وقتها مُتعب ..

    ردحذف
  41. آهلاً اميرة :)
    اول شي احب اقول ان اليوم اكتشفت قناتك عاليوتيوب و مرررة عجبتني و دخلت عالمدونة و ضيفتك في سناب شات <3
    انا ليا تجربة مع الفراكشنال ليزر كان عندي بقع سودة حولين شفايفي و كنت مرة متأزمة منها!! و بعدها رحت للدكتورة و قالتلي انو الفركشنال ليزر هو الحل و نصحتني بيه و سويت تقريباً ٦ جلسات ( الجلسة الوحدة ب٥٠٠) و هيا كانت تقولي ازا تبغي اي منطقة في جسمك كمان حيكون نفس السعر. و بعدها السواد الحمدلله الحمدلله اختفى تقريباً و مررة كنت سعيدة :) و برضو زيك ادتني اليكا لمدة ٣ ايام و كريم مرطب بس مو مثل حقك اسبوع و كمان كريم مفتح بعد الاسبوع و مرطب شفايف . و لكن بعدها بشهرين من ما وقفت الجلسات احس شوية رجع غمق مو زي اول بس غمق !! :(
    و بس كنت حابة اشارك تجربتي معاكم :))

    ردحذف
  42. الفركشنال جميل ويعطي نتيجه جميله بس لازم اهتمام بالبشره يخفف من مسام البشرة
    ويشد ويخفي بعض تصبغات الجلد انصحكم تجربون مركز اديم الطبي

    ردحذف
  43. ما عندج سناب جات ؟

    ردحذف

Back to Top