ريفيو : منتجات كولور بوب |Review ColourPop

 السلام عليكم ورحمه الله
كولور بوب من الماركات اللي انشهرت خلال سنتين بس !تخيلو الماركه اعتمادها الكلي باانشهارها وتسويقها بالمؤثرات في السوشال ميديا فقط !ومن جد نجحو بهالشي وبجداره !
والشي الثاني اللي ساعدهم بالانتشار اسعارهم الرخيصه "اقل من منتجات الدرج ستور" .

نبدا بالارواج السائله المات عن نفسي من اكثر منتجات حبيتها منهم هالارواج اعتبرها جيده جدا مقارنه 
بااسعارها ٥ دولار الحبه !

تغليفها جيد بس الكتابات من بره اختفت  وطرفها الفرشه زي الاسفنجه صغيره تساعد انك تحددي  وبعدين تعبي ، اللون غني جدا تقريبا من تمرريه او اثنين كله تمام ، تنشف وماهي كريميه بس ماتقشر الشفايف وهذا اللي خلاني احبها .

من تدرجات الوان الاحمر العودي اكثر شي حبيتو LAX , AVENUE بالذات للسهرات والشتاء جدا جميله ، درجه MIDI مانسبتني مرا فاتحه جدا.

درجات البنكيات على البنيات هي اجمل شي حبيتها وناسبتني بالذات درجه BEEPER جدا جميله سواء مع ميك اب ناعم  او ثقيل ، درجه TRAP تذكرني بكشمير بس حبيتها اكثر احس تناسب بشراتنا اكثر من كشمير بس حلو مع ميك اب كامل ودرجه LIMPO بني كثير قالو تشبه لروج كايلي جربتها حلوه بس مو متعوده على كذا :$

الليب لاينرز = اقلام محدده سيئه جدا بدايه بتغليفها تخيلو المنتج نفسه ينزل من القلم ! واذا بريتها ماتسير مرتبه وحوسه شوفو بالصوره اعتمدت اوريكم كيف تحوس ، المنتج نفسه ثقيل مو كريمي خفيف لا ثقيل بالتوزيع كمان ماشوفت فيه شي مميز اصلا من تغليفه سرت اتجنبه .

الشادوهات هي السبب الاول بشهره الماركه ، واللي يميزها تركيبتها الغريبه اسفنجيه كريميه وتستخدميها بااصباعك افضل شي واذا حطيتيها على جفنك تعطي منظر باودر ، جدا بطله بس مع الايام اذا نشفت تبدا تتكسر معاك وتختلف بثباتها بس احبها واستخدمها كثير اذا نشفت ابخ عليها ماك فيكس بلس ، احب فيها انها تعطيني منظر جدا جميل بالذات بالجفن المتحرك اكتفي فيها واي لاينر والنتيجه اوه لا لا !! سعر الحبه ٥ دولار .

الارواج الكريميه عاديه مو الواو ولا سيئه مافيها شي مميز ترطيبها حلو والوانها كثيره حلوه للاستخدام اليومي او الدوامات لاانها كريميه فترطب الشفايف .

البلاشرات تبعهم توقعت اني احبها بس تركيبتها زي الشادو فتوزيعها مو سهل بالنسبه ليا :/ فمااستخدمتها وحاليا نشفت فماسار يبين معايا اللون !

اخر شي الاضاءه جدا قويه ومن مسحه بااصباعي شوفو كيف واضحه ، ناعمه وحلوه للاستخدام اليومي بس مااستخدمتها كثير . 
اخر شي الموقع يقبل فيزتنا بس مااعرف اذا يشحن دايركت او لا انا اشحن على صندوقي باامريكا ، لو بنصحك تجربي شي بنصحك بالارواج السائله والشادوهات من تجربتي الشخصيه ، لو لك تجربه معاها ياريت تشاركينا هيا ♥

♡♡

  Youtube | Instagram | Twitte