الجمعة، 22 أغسطس، 2014

العوده للدراسه مع فوجا كلوزت ♥


السلام عليكم ورحمه الله وبركاته 
يالله قد ايش اشتقتلكم واشتقت للتدوينبما انو الدراسه والعوده للدوامات قربت والبعض بدآ حبيت اعمل هالبوست عن
افكار وتنسيقات للجامعه والدوام بالتعاون مع فوجا كلوزت http://vogacloset.com/ 

العام انا نزلت بوست اساسي للعوده للدراسه هنا كان مفيد وانبسطو عليه الحمد لله
موقع فوجا كلوزت بريطاني يبيع ملابس نسائيه ورجاليه واطفال ومن ماركات متنوعه والاسعار مختلفه الحلو بالموقع
يشحن دايركت للسعوديه وكمان تقدري تدفعي عند الاستلام ! يعني ماتحتاجي لا بريد ببريطانيا ولا تحتاجي فيزا !! 
اللي طلبتو شوز وتي شيرت ساده علشان اوريكم كيف ممكن بتي شيرت ساده ممكن نطلع بااكثر من ستايل !





وقت العوده للجامعه والدراسه اول شي نفكر فيه الشنطه والشوز !! نبغى شي حلو ومميز وكلاسيك ويمشي مع كل شي !
هالشوز اول ماشوفتها بالموقع حبييتهاحسيت جامعه بين اكثر من ستايل مرتبه وانيقه بنفس الوقت مو ممله 
الشي اللي تحت اضاف لها لمسه جميله  والاجمل سعرها جدا جذبني ب 573 ريال !!





صح ماعندي دوام بس اخذتها لاايام الشتا لااني حبيت جلدها مرررا حتكون جميله ومرتبه مع العبايه وكمان حلوه للسفر وبنفس الوقت
ممكن البسها مع لبس مرتب ماراح تعطي شكل سبورتي مرا لااني مااحب الشوزات السبورت مرا :$
"بس الشي اللي يحزن طلعت كبيره عليا شويا :"(" فاانتبهو للمقاس انا البس ٣٧ وطلبت ٣٧ طلعت كبيره عليا :$
هنا رابطها  http://vogacloset.com/kristy-lace-up.html

دحين اوريكم التنسيقات اللي عملتها على التي شيرت والشوز التنسيقات كلها للي دواماتهم لازم تنوره طويله وسودا
او ممكن يسمحو باالوان ثانيه بس طويله 



التي شيرت رمادي قطن مريح جدا بالحر ومااتوقع مافي بنت مافي بدولابها تي شيرت ساده :)
اوك اول تنسيق التي شيرت مع تنوره طويله قطن تايجر وعلشان اضيف للبس لمسه جميله وانثويه حطيت الستيتمنت نيكلس
المورد بينكممكن يومها تعملي شعرك ويفي بسيط وتتركي مفلوت حيكون اللوك مرا انثوي وكيوت مع الشوز الاسود و التنسيق كلاسيك راح يمشي معاه اي شنطه بس انا حطيت كلاسيك من ال في 
واستخدمتها بكل التنسيقات علشان حبيت اوريكم كيف القطع الكلاسيك كيف تكرف معاك وتمشي مع كل شي :)



التنسيق ثاني كاجول نوعا ما بنفس القطع بس التي شيرت الاكمام طبقتها فتغير اللوك كامل !! اضفت عليه شال وبس
مع تنوره سودا ونظاره شمسيه وارفعي شعرك "كعكعه هههه اللي تيجي كذا مو مرتبه مرا" بطريقه مرتبه حتكوني اجمل مزه ههههه 



فكره اللير اب اللي هيا طبقات فوق بعض يالله قد ايش برا يحبوها وتعطي منظر جميلبس احنا مع الحر بصراحه ماتنفع
بس ممكن تطبقيها ايام الجو الربيعي والبارد شويا 
حبيت ادخل لون ناعم وبسيط بس مو ابيض علشان مايعطي لوك رسمي بزياده :$ مع هاللوك شعرك ممكن تعملي ستريت
لاان الطبقات اتخيلها تعطي منظر عريض وتحسي انك سمنتي ههههه بس الشعر الستريت راح يكسر ويعطي منظر 
المستقيم النحيف "ياربي لاعاد اشرح واحس هههههه"



للمناطق البارده انا متاكده مافي وحده منكم دولابها مافي تي شيرت ساده وبلايزر هذي قطع اساسيه 
نفس التنسيقات اللي فوق ممكن تطبقيها من ستيتمنت نيلكس / شال / بلوزتين فوق بعض وحطي فوقها البلايزر 
كان ببالي اسوي تنسيق كمان مع كارديغان بس للاسف رافعتهم مع ملابس البرد ولا جدا جميله وتعطي منظر جميل 
رابط التي شيرت وشوفو كيف ع الموديل http://vogacloset.com/daisy-tee-115280.html



نيجي للموقع وطريقه الطلب جدا سهله تعملي ساين ان وبعدين تحطي بياناتك وبعدها بيانات الشحن انا اخترت الدفع عند
الاستلام طلعلي ملاحظه انو زياده ١٨ ريال علشان الدفع عند الاستلام حطيت موافق ومشيت اموري تمام 
طلبت بيوم ١٠ اوجست بتاريخ ١٦ اوجست ارسلولي انو انشحن طلبي وب ١٨ اوجست استلمتها من ارامكس
 ودفعت المبلغ يعني ب ٨ ايام طلبي وصلني واعتبره شي جدا ممتاز 
جدا مريح الموقع للي ماعندهم لا فيزا ولاعنوان برا .
بس ماحبيت بالموقع مافي خيارات كثيره بصراحه :$ ومو اللي تحسي يالله ابغى هذا وهذا وهذا ههههه بس عندهم قطع كلاسيك حلوه وكمان الماركات عنده ماسعارها معقوله يعني بالشنط جلست ادور شي حلو للجامعه ماحبيت مرا بس اليوم وانا اعمل البوست شوفت وحده من دكني مربته هنا بالرابط 

 وقسم الاطفال افضل من الكبار خيارات اكثر ومتوفر من الماركات اكثر :)
وموفقين يارب بسنتكم الجديده 


هناك 7 تعليقات :

  1. حبيت تنسيقاتك جدا جميله
    و فكرتيني اشتري كم قطعه بيسك عشان انوع
    و كمان الموقع ينفع لي
    شكرا اميره ♥♥

    ردحذف
  2. اعجبتتتتني الجزززمه مررررره
    لي شهررر كامل ادور شوز مميز للدوام بحكم اني بصير استاذه قريب :$ واخيرا لقيت ظالتي
    انا البس 39 بس طلبت 38 لان خفت تطلع كبيره زيك ولأني اول مره اشتري شوز ماركه فأتوقع مقاساتهم اكبر من الموجود في السوق عندنا لاني جربت قبل امس شوز قيس 38 ونص وصار كبير علي

    بس بقول لك حاجه ترى تقدرين ترجعينها عندهم سياسة الاستبدال او الترجيع وحتى ممكن يرجعون لك المبلغ ...
    مشكوره ♡♡♡

    ردحذف
  3. ماشالله مره انتيقه تنسيقاتك اميرة
    حفظت كم واحد منها للجامعه

    يعطيك العافيه ❤️❤️

    ردحذف
  4. حبيبتي بسالك ايلاينر انجلوت وين ممكن احصله !

    ردحذف
  5. من يومك ابداع الله يسعدك ❤️😘

    ردحذف
  6. مشكوره ع التنسيقات مرره افدتيني <3

    ردحذف

Back to Top