مسسساء الخيرر
كيفكم وكيف الاجازه معاكم كذا احس بسطه مع انو ماادرس ولا شي ههههه
المهم قبل فتره نزلت صوره اكياس مشتريات بسييطه وكذا وبنات كثيير طلبو مني
انزلها يبغو يشوفو واستحيت اردهم
شوفتو كيف احبكم 
بصراحه الحلوين اللي بالصوره هما اللي جوني اسئله كثيييره عليهم
نبدا بشانيل دخلت اشوف شنطه لبنت خالتي وسطلت عند خاتم
اخذتو جيت احاسب وين اريج !!
ينقالي احط فلوسي عندها علشان مااصرفها 
ادق عليها تقولي لا مافي قولتلها تعالي حاسبي وانتي هاجده جات تحاسب
خربتها وخليتها تاخذ اسواره هيا كمان
حبيييتو مرررا كذا فنتج وبصراحه قد جربت منهم قطع قبل مايتغير لونها ولا شي
مو زي اغلب البراندز فتره ويقلب لونها
المهم ب ١١٣٠ من بوتيك شانيل بالمملكه والمقاس كبير عليا ولا صغرتو للان !
اسواره اريج مررررا حبيتها هالدرجه باللون مو ذهبي ولا فضي ولا روز جولد
ماادري ايش بالظبط مررررا احبها بشانيل تمشي مع اي شي
الاسواره ب ١٢٩٠ من بوتيك شانيل المملكه
ترا احس اني ابدعت بالتصوير وكذا
سلسال من تيفاني تضاربنا انا واريج كل وحده تبغى تشتري بس اريج فازت عليا
ب ٦٠٠ من تيفاني المملكه
بس بقلكم نقطه هذا ثاني سلسال من تيفاني طبعا فضه اللون فتره ويقلب
صح اذا وديتي لهم ينظفو لك وكذا بس ياريت يطلوه ذهب ابيض احسن
جوسي كوتور
نزلت بالانستجرام عن خبر التخفيض لمى بدا وكذا اذا تتابعينيانا اخذت ترينق كان نفسي فيه من فتره وانبسسط لقيت اللون اللي ابغاه
وكان عليه تخفيض ٥٠ بالميه
كلفني كله ٥٥٠ تقريبا
من جوسي كوتور الفيصليه
اسواره نعوومه من جوسي كوتور ب ١٢٩ من فرعهم بالمملكه
حلو تاخدي كم وحده باالون مختلفه مع بعض
بس للاسف مخلصه الالوان الحلوه
شنطه طلبتها من متجر فانيلا سعرها ٣٥٠
حبييتها نفسس الصوره بالظبط
بس ثقيله شويا علشانها جلدوكمان يطفش اللي تفتحي وتقفلي احب الشنط المفتوحه ارمي وبس
بجامتين من ايتام عندهم تخفيض كلهم كلفوني ١٧٠ تقريبا .. قماشهم بااارد
اخذتهم من فرع القصر مول
نيجي لااشياء البيوتي
ماك
من اليمين
شادو اسمه all that glitter جبتو من المدح مافي بنت مو عندها !!
حبيت اوضح لبعض البنات مايعرفو انك تقدري بماك تشتري الشادو لوحده
من غير علبه وتحطيها في باليت فاضي تشتري كمان من ماك ..سعر الشادو
ب ٧٢ اذكر اول اشتريته ب ٥١ يالله قد ايش لعب بالاسعار ولا ايش !!
صوره الباليت اللي عندي
باقي فراغ واحد يلا بنات رشحولي لون حلو ومميز
روج من ماك الدرجه diva
ليا فتره ادور عليه ومخللص بصراحه انا حبيتو من تتوريال لدولسي كاندي .. هنا باليوتيوب شوفو جميل مرررا
احب الميك اللي كذا
سواتشز للون
مادفعت ولا ريال
!! برضو حبيت اوضح هالنقطه في بنات مايعرفوهاانو تجيبي ٦ علب فاضيه من منتجات ماك تاخدي بدالها اي روج تختاري
منظف الفرش .. صح انا استخدم شامبو جونسون بتنظيف الفرش زي ماقولت هنا
بس بعض الاحيان احتاج انظفها بسرعه يعني نفسها بستخدمها للونين
او مثلا حطيت برونزر ونفسها ابغي احط البلاشر بيها فعلشان كذا جبته
وجربته مرررا بطططل
سعره ب ٧٠ وشي اذا مو غلطانه
مسكرا ذي ار ريل من بنفيت جبتها من مدح البنات
جربتها كم مرا حسيتها عاديه توقعتها افضضل !! بس لسى نجربها صح ونشوف
ب ١٣٢ من دبنهامز
لوش
بس المحل فاااضي يحزن :"( متى يجيبو بضاعه كل شي مخلص !
شامبو اي لوف جوسي .. مخصص للشعر الفروه دهنيه والاطراف جافه
جربتو كم مرا وعجججبني مررا ماتوقعته كذا !!
ب ٩٣ ريال
صابونه هوني اي واش ذا كيدز جبتها من المدح ومن اسمها
جربتها عندهم حبيتها بس جربتها كم مرا حسيت ماادري كيف !!
اربعه قطع زي اللي بالصوره ب ٧٨ تقريبا
مناديل مزيله للميك اب من بوتس ب ١٦ ريال والثانيه مجانا
هذا الشي حطيتو علشان لايسير لكم زي اللي سارلي
شوفتها مكتوب قطن وكميه كبيره شايفين المكان الفاضي كان في صف كمان
كلها ب ٨ ريال ! بس للاسف طلعت قطن خفيييف زي القطن الدوائر بس مربع !
دحين نيجي للهدايا
قبل فتره ارسلولي متجر جوسيا هديه جممميله .. جد جد شكررررا لكم ولرقيكم
الهديه كانت
مرررا كيييوت
ماصدقت خف البرد طلعته 
كمان زبده للجسم من سوب اند جلوري وزي ماقولت لسى جديده ماجربتها
وكمان مجموعه ميك اب من ماركه فلورمار التركيه
بصراحه والله مرررررا حببيت الميك اب ماتوقعتو كذا ابدا جمميييل
وراح اكتب عنه ريفيو قريب لاانو يستاهل والله
كمان مناكير من نفس الماركه حلوو كويس
والكافير تبع المناكير ترا انا ماستوعبت مناكير الكافير ابدا !
وللان ماجربتها !هذي هديتهم اللطيفه
شكرررا لكم وهذا حسابهم بالتويتر للي حاب يتواصل معاهمhttps://twitter.com/joseba_a11
نيجي للهديه الجمييله اللي وصلتني اليوم
من متجر اسو .. البنت هذي قمه بالاخلاق من يومها يسعدها ربي
ارسلتلي اكسسوارات تركيه جمييله ما شاء الله
وقعت في غرامهم
خاتم وحلق كيوت ينفع لفتحه الاذن الثانيه
مررا حبيت السلسال والسمكه
شكرررا اسو حبيبي
وهنا رابط المتجر http://www.aso-ac.com/
وبس هذي مشترياتي ان شاء الله عجبتكم
اي سوال بالكومنت او الاسك او التويتر اللي حابه
اميييييره انتي متاكده انك مو اختي هههههههههههههههه
ردحذفسلسال تيفاني نفس تبعي لووول حلوه سلاسلهم انا له فتره معي ما صدى ولا تغيرت لون السلسله رغم انو الكثير قالو ان صار معهم هيك
والخاتم اليقينت وربي اليقينت والاسواره برضو
وجوسي كوتور لا تجيبين لي طاريه اكرهه بالتخفيضات كل شي يطير ينبلع حتى الشين ههههه:(
والشدو الي شريتيه من ماك هذا له معزه بقلبي خاصه لانه اول شدو شريته من ماك
" ممكن ريفيو عن شامبو لش لان انا عندي نفس المشكله فروه راس دهنيه واطراف جافه :("
فرحتينا بالبوست جميلتي
حذفاصلا اخذت لفه في البلوج تبعك وفي اشياء مشتركه بينا :) ههههه
امكن سلسالك ماجاه مويا علشان كذا ماصدا معاك
من ذوووقك ياعسسسل ،،
وان شاء الله راح احط ريفيو عنه بس اخلص ع الاقل نص العلبه علشان احكم عليه صح
يااختي الجميله :)
ما شاء الله تبارك الله مشترياتك جميلة تتهني حبيبتي
ردحذفمشترياتك جميله بس غاليه بزياده عن حدهاا
ردحذفمشترياتك تنقط أناقة وجمال *_*
ردحذفإيش تخصصك بالجامعة
ردحذف
حذفمحاسبه :)
زوجك رجل أعمال
ردحذفعمرك تقريبا 25 وليش لين الحين ما تخرجتي
حذفليش تشتري اكسسوارات تيفاني صح حلوه بس اسعارها غالية إذا فتشتي في السوق بتحصلين اشكال روعة وارخص
حذفليه ما رديتي عليا بخصوص إن زوجك رجل أعمال ولا لا حابة أقلك شي
حذفماأحس إنك متزوجة 24 ساعة فاضية
حذف
حذفمتخرجه .. وزوجي مو رجل اعمال :)
الله يعينك على هالنوعية وش تحس فيه :(
حذفماشاء الله روعا تتهني فيهم يـ قمر
ردحذفمره نايس ^_^
ردحذفذوق ♥
ردحذفانت يمنية فمن اين لك هذا !!!!!!!!!!!!!!!!!!!!
ردحذف
حذفمن ربنا الررررررررررررررازق !!!!!!!!!
ويارب لك الحمد ان الارزاق بيده !!!!!!
وشكلك ماقابلتي حضارم بحياتك :))
تتهني ميما حبيبه البي اشيائك جميلة...
حذفواللي تقول يمنيه من اين لك هذا!!
؟؟؟؟
ربي يرزق من يشاء يعني سعوديه مثلا اعطوك ريال من غير ماتكدين وتتعبي؟؟ والحضارم واليمنين ماشاء الله عليهم راعين شغل واعمال ولكل مجتهد نصيب ...
اسفه ميما عالتدخل..
شكراااا
ردحذفحسبتك سعودية وربي :-\
ردحذفعلعموم لا فرق بين عربي و اعجمي الا بالتقوى :-)
مشترياتك جميلة تتهني فيها <3
في المقابل الاسراف مو حلو
وشكرا اشياء روعه تسلمين
حذفانا نص حضرميه ونص سعوديه :)
والله يهنيك يارب
مررا ذوووق مشترياتك تتهني فيهم يارب
ردحذفوالبوست جميل وممتع
*يالله بعض الردود الغبيه تنرفزززني =\
تتهنين يااميرة الله يعطيك من واسع فضله ويكفيك شر الحساد :) بسألك دامك رحتي لفرعهم بالمملكة كم الايرينجز نفس ديزاين خاتمك بشوف اذا ارخص من هنا اشتريته من الرياض
ردحذف
حذفماشوفت حلق نفس الديزاين امكن مخلص !
أمورة تكملين ماستر
ردحذف
حذفان شاء الله :)
جربي اكسبينسف بينك من ماك لون جممميل وهنا استخدمته
ردحذفhttps://www.youtube.com/watch?v=ibvI2Aeul10
طبعا الاذواق تختلف جربيه بالمحل اول
حذفمبين حلللوووو يعطيك العافيه :)
السلام عليكم
ردحذفانا اتابع مدونتك وكلمت احبها قليله في حقك
كل شيء احبه تعليقاتك . مواضيعك . تصويرك
فكرة 6 علب من ماك هذا فتره محددة ولا عرض دائم ؟؟
ردحذفوايش نوع العلب اللي سلمتيها لهم ؟؟
معليش على كثرة الاسئله عشان اول مره اعرف هالمعلومه
حذفلا دائمه عندهم
قدمت امم علب جيل لاينر / علبه الستروب / واقلام الكحل البرم
ماشاء الله عليك اسلوبك حلو مو ممل ابد
ردحذفمن زمان اتابع البلوق وحابه اختك اريج ههههههه
في شغله ابي اسئل عنها يمكن غريبه شوي ! انا مو فاهمه نظام هدايا من المحلات و الماركات او دعوات افتتاح !
شلون ولا لان لك بلوق وتكتبين عنهم " دعايه يعني"
اعتذر اذا سؤالي ضايقك ..
و الله يزيدك ويرزقك من فضله .
حذفلا مضايقه ولا شي
وايوا طبعا علشاني بلوجر واكتب عنهم وكذا
بس طبعا انا مااقبل اي دعوه او اي هديه
مااحب اتكلم عن اي شي ! لازم انا اكون بجد حابته وكويس
غير كذا ارفض :)
الله يسعدك حلوه حقت لوش بس الاشياء الباقيه مره غاليه ماتستاهل حتئ لو كنتي قادره فكري بالاخره
ردحذف
حذفوغيرك يشوف حق لوش غاليه وماتستاهل !!
الناس طبقات :)
اهههههههههههه :"( :"( يا أميرة قلبي ذبحني المشتروات جميلة ما شاء الله بالعافية عليكي يا قلبي عقبالي ما اروح انهب السوق مشتروات علعموم عوافي عليكي
ردحذفYou cool
ردحذفمشترياتك حلوه بس فيها نوع من الاستعراض االله يهنيك وانتبهي ع نفسك العين حق
ردحذف
حذفاي استعراض علشان حلق واسواره !!
وترا انا انزل مشترياتي دايم ايش ماكانت ولو شوفتي مشترياتي اللي قبل
كان عرفتي اذا انا من النوع اللي يستعرض او لا !
وربنا يهني الجميع
ماشاءالله هنيئا لك يا رب ... بس حابه اقولك عالشامبو أنا ناسبني مره ونصحتني الخواجيه أني استخدم معاه كونديشينر اسمو American cream مررررره ناسبني وأعطى شعري لمعة حيوية
ردحذف
حذفالله يهني الجميه
وايوا الكونديشينر عندي من قبل الشامبو ومن جد حلوووين مع بعض
أزال المؤلف هذا التعليق.
ردحذفوااااااو طلعتي محاسبجيه زيي وأنا أقول دائماً هما اشيك ناس
ردحذفمشاء الله أن شاء الله تتهني فيهم
ردحذفشكلو جوسي اللي عندنا لسى مافتح
اما ماركة فلورما شفتها في دبي اسعارها شوي رخيصة
و ماعرفت الشركة خفت منها مع أن أشيائها مرا جميلة
اخذت كم مناكير من عندهم و الحين تحسفت خاصة على البرونزر حقهم
تتهني فيهم يارب بوست يجنن مثلك
ردحذفوياليت بعض الردود ترتقي شوي :/ *ماشاء الله*
الله يحفظكك امورة :$
انا مره احبك
ردحذفوذوقك حلوا
انتي حلوه
اشيائك حلوه
وكل شي فيك حلو
يا حلوه
انا نانا
جدا جميله .. وتصويرك رايق .. اكثر شي عجبني عفويتك وتواضعك
ردحذفأخلاق ربي يسعدك ..^^
....>>وخيتك حضرميه
ماشاء الله يا أميرة جججمال تتهني فيهم يارب $$ تعجبني مدونتك جدا أخلاق وذوق وأناقه .. الله يحفظك
ردحذفماشاء الله اميره ممرا تهبببل
ردحذفشانيل صديقتي شاريه حلق من كشك عادي ب
15
وما كلها شي وشكله بعد مرا حلو وانصدمت لمن شفتك متكلفه مرا على اشياء شويا
يااااااي دا الخاتم مرا كان عاجبني ومحتاره بينو وبين الاسود اللي يشبهوو بس بالاخير اخدت الاسود دحينا خليتيني افكر اروح اشتري دا كمانا مررا حلو ما شالله ورهييبه يا بنت كشييخه مررا وناااسه تعجبيني يا بنت العم هههههه ٬٬٬٬ نفس الشي حضرميه زيك ايوه صح نسيت روحي شانيل دحينا طلعت البوي شانيل بالواان مرررا خطيييره روحي الحقي
ردحذفابااا الاستقراام حققك
ردحذفالله يزيدك يا أختي من فضله ويعطينا
ردحذف♥♥
ردحذف