My vanity ♥ تسريحتي ومجموعه مكياجي :$

السسسلام عليكم

هالبوست عن تسريحتي وترتيبي لها وترتيب الميك اب كمان
الموضوع هذا انطلب مني بششششكل كبيييررر


والله انا ماكان على بالي انزل تسريحتي وكذا
لااني اصلا بنقل وترتيبي كلو راح يختلف لاانو راح اسوي منطقه للميك اب غير عن التسريحه ان شاء الله
بس الايام اللي راحت عدلت فيها ورتبتها فقولت اشاركم امكن احد يستفيد
ولاانو زي ماقولت دايم تجيني طلبات انزلها واحرجتوني والله
بليز لااحد يفكر انو استعرض اشيائي وماادري ايش اصلا كلها كم خربوطه
بس زي ماقولت انو انطلب مني كثيير وانا اصلا كمان احب اشوف تسريحات
البنات وترتيبهم من جد نستفيد من بعض وكذا ..
اول شي هذي هيا



غرفه نومي كلها من هوم بلازا
ترا ممسحه ونظيفه وكل شي بس الاضاءه قويه وتعكس

  


الاضاءه الطويله اللي يمين وويسار المرايا
اخدتها من ايكيا نفسي فيها من زززمان
ويلا نبدا نقرب ونشوف التفاصيل
الجزء اليمين



باليمين انا حاطه دولاب الاكسسوارت مرا حلو جمب التسريحه لاانو البس
ومكياج والاكسسوارات واشوف نفسي كلو كذا مع بعض
لو حابه تشوفي دولاب الاكسسوارات بالتفصيل هنا

 



نشوف الاشياء



الشي الجميل هذا اذكر لمى اشتريتو اريج جلست تضحك وتقولي فضضضاوه
وقبل كم شافتو عند مصوره وشكلو كيوت راح تدور نفسو ولا لقتو احسن
اخدتو من ريد تاج واستخدمو لهذي الاغراض



اللي هيا الاكسسوارات اللي البسها يوميا وخرابيط كذا ابغى اوصلها بسرعه
او انو مالها مكان مرا مريحه الحركه ممكن تسوي نفسها عند المغسله
او عند سريرك بدل ماتضيع الاشياء



مرايا من ايكيا مررا مرريحه لاانو فيها مرايا مكبره فحلوه بالميك تشوفي تفاصيل
وكل شي تمااام
حاطه عليها اشياء كذا دلع وديكورشين



احط شموع ع التسريحه حلوه كريحه وكمان وقت التصوير





مقسم شفاف صغير دورت صغير لااني ابغاه ع التسريحه للمكياج اليومي


زي البي بي كريم مثلا



او هذا الروج القلوس ماادري ايش هوا بالظبط بس انو شي جممييل
وخلف المقسم حاطه الفرش





قد قولت في بوست الفرش قبل عن الشي اللي حاطه الفرش في بس ارجع اقول
انو اصلا للشموع بس انا خليتو للفرش من لايف ستايل / سنتر بوينت
لو حابه تشوفي بوست الفرش هنا
وهذا الشكل كامل للجزء اليمين



ونروح للجزء اليسار





عرفتو الصينيه الورديه ايوا استخدمتها للعطور ع التسريحه ارتب واحلى



حاطه العطور اللي استخدمها دايم الباقي في الدرج
الكب كيك اللي محطوط كثييير تجيني اسئله عليه من وين وايش الفايده منو ؟؟
اخدتو من لايف ستايل / سنتر بوينت بس ترا مرا انتشر شوفت بدايسو
واليوم كمان شوفتو في دبنهامز ونيجي لاايش استخدمو






احط فيه البنس وربطات الشعر علشان دايم تضيع ونجلس ندور عليها



فازه وفيها ورد مرررا جميله وتعطي شكل جممميل للتسريحه



مجموعه ورد ربطها بشريطه علشان تثبت والفازه والورد كلو من ايكيا
نيجي لاافكار في ترتيب الميك اب وكذا انا تقريبا كل الميك اب تبعي حاطتو بالدرج
الاول ..



لو تلاحظو كل الميك اب موزع بمقسمات كلها من ايكيا تقريبا
شايفين الفرشه الصغيره تحت هذي مررا حلوه حطيها عند التسريحه
علشان لو انكب شي من الميك اب مايوسخ الفراش 
نبدا من اليمين




 

العلبتين هذولا هما



واحد اعواد الاذاني والثاني للقطن لاانو دايم نحتاجهم مع الميك اب
العلب من دايسو



هنا حطيت الليب لاينر فصلتهم عن الاكحال علشان مااضيع وافتكر استخدمهم هههه
الشي اللي محطوطين فيه من ايكيا



وكريم يد ومعقم يد برضو نحتاجهم قبل او بعد الميك اب
والبوكس الابيض حاطه في الباودر باانواعها ههههه



ياان البوكس هذا شايل عفشش شوفو



اقلكم خططيرر هههههه !!
 البوكس مع مجموعه بوكسات بااحجام مختلفه من ايكيا



مزيلات ميك اب ومنتجات جديده ..



للامانه انا مو من النوع اللي يرتب حسب البراند او الاستخدام بالظبط
لا يعني اشياء العيون احاول اخليها قريبه من بعض و وكذا
القسامين هذولا يجو طقم مع واحد ثالث اخذتهم قريب من ايكيا مرررا حبيتهم





لازم الاغطيه بجهه والكحل بجهه ههههههههههههه



الباليتس الكبيره ورا مالهم مكان :(

هنا الجهه الثانيه



احس واضح ترتيبهم
وبسس هذي تسريحتي البسيطه



ان شاء الله عجبتكم او استفتدو من الافكار

وسلامتكم