ريفيو مجموعه الميك اب للشتاء من بودي شوب ♥♡ Giveaway

مسساء الخير

زي ماوعدتكم راح اسوي ريفيو عن مجموعه الميك اب من ودي شوب تبع الشتاء
اللي نزلتو قبل هنا




من تجربتي للمجموعه عموما تحسيها للسهرات والحفلات
نبدا بالشادو



الشادو مرررا حللوو ومبين بالصور وحتى لمى تجربي على يدك انو في لمعه كثيره
بس لمى تحطي ع العين يسير مرررا هادي ومخملي وثباتو كان مرررا كويس
اذا تفتكرو لمى قولت انو كان عاجبني اللي على ذهبي وبرونزي اكثر
بس مع التجربه حبيت الثاني مرررا جاي على رمادي وبيج وامكن حبيتو
علشاني بيضا يعني حسيت الالوان ناسبتني اكثر هنا ستواتشز  للالوان حاولت اوضحها قد مااقدر



نيجي للارواج



الارواج مرررا كريميه ابدا مو ناشفه بالعكس كريميه ترطب الشفايف
وكمان فيها زي حبات الجليتر يعني تنفع سهره وحفلات كبيره
بس معروف النوع اللي يجي كريمي مايكون ثباتو قوي وهوا مرا قريب من ارواج
ريفلون ليب بتر اذا تعرفو
حاولت اسويلكم سواتشز للالوان واوضحلكم قد ايش هيا كذا لمعه وكريميه



من اليمين الاحمر وبعدين الوردي وبعدين اللون الغريب

نيجي للاقلام



بصراحه مالي تجارب كثيره بالاكحال الفاتحه جربت قبل ريميل لون ابيض
وماحبيتو مرا بسبب انو ينتشر وينزل ع الرموش اللي تحت
هذولا حلوين فيهم لمعه بس مرررا تبين طبيعيه جوا العين لدرجه ماتلاحظي !
قريت وفا لمى كتبت الريفيو عن المجموعه *راح احط لينك الريفيو تبعها تحت *
انو اكحال بودي شوب للعيون الحساسه وللامانه من جد لمى احطو مااحس
اني حطيت شي :))
تقدري تستخدميها لمدمع العين وكمان كهاي لايتر تحت الحواجب تحطي بعدين
توزعيها وكمان كبيس تحت الشادو لااني زي ماقولت فيها لمعه حلوه شوفو




نيجي للاضاءه



تستخدم للوجه او الجسم عادي فيها حبوب درجتين فاتحه وبرونز
خفيفه مو قويه ابدا يعني ممكن تستخدميها حتى لو جمعات بسيطه
هيا تستخدم على عظمه الخد وبالانف




الكابوكي برش لو تعرفو انا دايم مااحب فرش بودي شوب ومكياجي بسبب انهم
مرررا ناعمين يعني حتى ماتشيل البودره او البلاش
بس هذي غير لو ركزتو بالصوره وحتى لو قدرتي تجربيها بالمحل
شعراتها ناااعمه تحت بس فوق لا تسير اقوا حتى ركزي باللون وتلاحظي
تحت بنيه وفوق اسود لاانها تتغير فوق وبصراحه عحبتني وعجبني حجمها
كبير تنفع لو توزعي بودره للجسم



الحلوين هذولا اللي هما لمعه بجليتر للوجه والجسم والشعر
جربتها ع الشعر حللوووه حسيت عروسه هههههههه
جربتها بيدي حطيت بودي لوشين وبعدين هيا وثبتت معايا

هنا تقدرو تشوفو ريفيو وفاء عن المجموعه ومسويه لوك بالشادو
وهنا فيديو من قناه LadyMonyAna

نيجي للشي الحلوو

الكيسه هذي لمين





هذي المجموعه كاامله نفس اللي عندي هديه لكم



الهديه عباره عن :
علبتين اي شادو مع الفرش تبعهم
ثلاث ارواج
فرشه كابوكي
كحلين
لمعه جسم والوجه الدائريه
ولمعتين للجسم والوجه والشعر بدرجتين

كل اللي عليكي بس

تسوي فولو ليا في التويتر هنا
https://twitter.com/Amiraa_88
فولو لبودي شوب هنا
https://twitter.com/TheBodyShopJed
وبعدين سوي منشين ليا انا وبودي شوب واكتبيلي ايش اكثر شي عجبك بالمجموعه وكذا يعني انتي دخلتي بالسحب
مثال للمنشين علشان في بنات مايعرفو كيف
"TheBodyShopJed@ Amiraa_88@ اكثر شي عجبني بالمجموعه الشادو "
الجيف اواي بس لبنات السعوديه اعتذر من البقيه
اليوم الاثنين بدا والجمعه ان شاء الله راح اعلن الفايزه ع التويتر :))

ويلا موووفقين ياحلوين