السبت، 29 ديسمبر، 2012

how to buy and apply foundation ! الفاونديشين



يااصبااح الخيررر

احس من زمااان مانزلت بوست مع انو امكن ١٠ ايام بس
والله خلاص تعلقت بالبلوج وفيكم مررررا



راح اوريكم خطوات واشياء بسيطه بس ان شاء الله انها تفيدكم لمي تشترو
الفاونديشين او لمى تحطو
الفاونديشين = كريم الاساس :))


اووول شي لازم تعرفي نوع بشرتك هوا تقريبا الاساس واهممم نقطه
كثير يسالو كيف نعرف انا بقلكم على مااسمع ومعروف تقريبا
تشوفي بشرتك اول ماتصحي من النوم اذا كانت كذا تلمع وفيها دهن هذي دهنيه
اذا فيها قشور جافه واذا ولا شي هذي عاديه والله يهنيها
ممكن تكون مختلطه يعني منطقه التي زون (الجبهه والانف والدقن ) دهنيه
والباقي عادي وهذا تقريبا الاغلب او مختلطه بين جافه ودهنيه
انا بشرتي عاديه والتي زون دهنيه بس مو مررا

بعدين تقرري تبغي الفاونديشين لاايش سهرات، كل يوم ،صباح لاانو طبعا يختلف
انا عن نفسي ابغى لجمعات وسهرات بما انو اللي عندي من ماك ماحبيتو بصراحه
عادي مررا واحس بعض الاحيان كاانو زي الغبار خخخخخخ


المهم اذا حددتي مرررا يسهل عليك ابدئي دوري بالنت اسالي صاحباتك
شوفي باليوتيوب مقاطع الفاونديشين اسمها my foundation routine
كل يوتيوبرز تقريبا منزله هالروتين وتقول نوع بشرتها وايش تستخدم
البلوجرز دحين كثير اسالي اللي قريبه من نوع بشرتك يعني حاولي تحددي خياراتك

مثلا انا بشرتي زي ماقولت عاديه والتي زون دهني وابغاه لجمعات وسهرات
شوفت يوتيوبرز كثييررر اووك وابرار وقورجس اخذت رايهم وكذا
واخر شي استقريت بين اثنين شانيل فولمتير بروفيكشن
وبين ميك اب فور ايفر اتش دي وهذا تحمسلتو مررررا لاانو ابرار بشرتها
جافه ومرررا تمدحو وقورجس دهنيه تقريبا ومررررا تمدحو لحسه صح هههه
اذا حددتي مجموعه معينه نيجي للشي اللي حسيت اني بطططله لمى سويتو
بقلكم نقطه مهمه الفاونديشين مو شغلتو انو يغطيلك العيوب ابببدااا
الكونسيلر هوا اللي يغطي العيوب اوووك




المهم جبت العلب الفاضيه هذي تلاقوها في ابو ريالين ودايسو وكذا



وشلت معايا الفاونديشين تبعي القديم من ماك بس علشان اجيب درجه قريبه
لاانو هذا نفس درجتي تقريبا درجتي بماك nc25
للملعوميه برا اذا قولتيلهم درجتك بماك يطلعلوك درجتك بالماركات الثانيه
يعني ماك عندهم اساسي المهم جلست اجرب بيدي وكذا
وعبيت بالعلبه من تبع شانيل ومن ميك اب فور يفر بس غلط واخدت من العادي
مو من الاتش دي ورجعت البيت وجربت بررراحتي وعلي وجهي مو يدي هههههه
طبعا مو تعبي العلبه لا نقطتين تكفي
حبيت شانيل بس ماحسيت اداني شي زياده مافي جلو مافي شي كذا واو
يعني ممكن حلو لكل يوم مررا كويس
جربت تبع ميك اب فور ايفر واقلكم مو الاتش دي لا العادي اول ماحطيتو وجهي
يبرق يبرق كاانو دهن هههههههههههه حطيت عليه بودره خفت اللمعه بس ماراحت
بس هوا كتغطيه وتوحيد لون مرررررررا عجبني وطبيعي جججدا
قعدت احكي البنات قالو ايوا اتش دي نفس العادي اللي من ميك اب فور ايفر
من ناحيه التغطيه والتوحيد بس مافي لمعه قويه !
رجعت ثااني يوم وتوكلت واخدت الاتش دي من ميك اب فور ايفر درجتي n125
انا طلعت تبع ماك على اساس اقارن جا الرجال قالي استنى كم درجتك بماك
وانا اطلعلك درجتك وقولتلو ومن جد طلعها



جربتو اول ماتحطي يكون في لمعه ادي دقايق تتشربو البشره ومع البودره تروح
بس بصراحه بطل بطل بطططل يسسستاهل المممدح مرررررا عجبني
تغطيه بيرفكت وتوحيييد ومرررا يدي لوك طبيعي مو كانك حاطه طبقققات
روحت السهرتين الاخيره في والله تقريبا روحت وجيت نفسس التغطيه
والله انقهرت اني ماجربتو من زمان حسيت مظلومه بماك هههههه
والاحلى انو لو حطيتي طبقه وتبغي كمان تقدري ترا مو كل فاونديشين تقدري
تحطي كم طبقه



نيجي للشي الثاني كيف احط الفاونديشين كل وحده لها طريقتها اللي ترتاح عليها
عن نفسي كل فتره اجرب واحوس عادي
قبل الفاونديشين  حلو تستخدمي برايمير حسب ماتحتاجي في انواع كثييره
في شي للمسامات وفي للاحمرار وفي شي يقلل اللمعه للي بشرتهم دهنيه
وفي شي للبشره الجافه انواع كثثثيررره
 انا بعد ماارطب فيسي استخدم واحد منهم



اللي باليمين ستروب من ماك واليمين سيروم من no7
تقريبا شغلتهم نفس البرايمير يعني طبقه تحطيها تهيئلك للفاونديشين
الستروب من ماك يدي لوك ديو اما السيروم تقريبا مات = مطفي او مخملي
للامانه لسى ماجربتهم مع فاونديشين ميك اب فور ايفر بس جربتهم مع اللي قبل
لازم تستني دقايق بعد ماترطبي وبعدين بعد ماتحطي البرايمير مو ورا بعض



عندك الفرش
عن نفسي فرش اللي تيجي خاصه بالفاونديشن اللي باليسار فوق
ابدا ابدا ابدا ماانصح فيهم احس خساره قريشات وبس ههههههه
جد يعني مهما سويتي تحسي في خطوط ولا مافي خطوط ماتحسي اندمج كويس



اكثررررر فرشه حبيتها واتوقع اعتمدها هذي من ريل تكنيك لو شوفتو بوست
اللي نزلتو عن الفرش كنت استخدمها للبلاشر بس شوفت يوتوبرز يستخدموها
وجربتها للفاونديشين بطططله اللي عندها تجرب وتقولي



البيوتي بليندر ادري وصخه ههههه من السهرتين هههههه
جربتها امكن مرا او مرتين مااقدر احكم عليها + مااحب الاسفنجه للوجه مشوار ههه
طويقتها تبلليها بالمويا وبعدين اممم هنا فيديو يشرح
http://www.youtube.com/watch?v=UMUPn8dxkKY
بس للامانه حبيتها للكونسيلر جججدا  بالذات عندي من ماك واحد مرا ثقيل
مع البيوتي بلندر فرق معايا الكونسيلر مرررا وبديت احبووو بعد ماكان حبيس الدرج

هذي كويتيه بالانستجرام نصايحها مرررا حلوه انصحكم تتابعوها
احس لها تجارب كثثثييررره لاانها كل يوم فول ميك اب
http://instagram.com/sondos_makeup

هنا كم مقطع يوتيوب حلوين عن الفاونديشين

http://www.youtube.com/watch?v=ex33wtqnNz8

هذي مقطعها حتى في ان سايدر تكلمو عنها

http://www.youtube.com/watch?v=6NqylnvuapA

قريب بنت بالاسك قالتلي عنها حببببيت البنت تجنننن شكرا للي دلتني عليها
وبس اي سوال الاسك والتويتر
وسلامتكم

هناك 12 تعليقًا :

  1. روعة الموضوع يعطيك العافية عندي ماك هو زين شكلي بجرب فور ايفر

    ردحذف
  2. مررره جميل بشرتك نفسي عاديه وبالتي زون دهنيه بس مو مره حعتمد ان شاء الله وحروح اجرب الاتش دي ان شاءالله

    ردحذف
  3. مرحبا ميمو اولا احب اشكرك علي الموضوع السكر مرره حلو و انا معاكي كملي ممكن تعطيني الكيك حق جوجو بليز او وين الاقيه

    ردحذف
  4. ايش قالوا عنها في ان سايدر ؟؟؟
    وصح مقاطعها حلوه
    انا عندي اساس فور ايفر قريب اخذته وحبيته من المدح بس لسه ماجربته بشكل فعلي في مناسبه انا ماعرف درجتي في ماك وكنت محتاره ايش اخذ انا بيضه بس على صفار فاخذة درجتين ١١٧ و١٣٠ وعلى الله وبشرتي جافه ايش رايك ؟؟؟
    وكيف اعرف درجتي بماك لان نفسي اخذ كونسيلر منهم

    ردحذف
  5. ماشاء الله كل اغراضج تجنن.. والتصوير روووووعه

    ردحذف
  6. روووووووعه

    ردحذف
  7. ايش تستخدمي للصباح؟
    احس في الشمس حق ماك يبان كدا مغبر مدري كيف

    ردحذف
  8. يعطيك العافية استفدت مررررا

    عاد انا والميك اب مو صلح

    غادة بنت عبد العزيز*

    ردحذف
  9. ودي اشتري برجوا هيلثي مكس تنصحيني فيه ؟
    انا استخدم ماك ستديو فنش مررررره حلو

    ردحذف
  10. فرشة ريل تكنيك البفينق مره حلوة ♥♥

    ردحذف
  11. لما اكون ادور بالنت وفجاه القاني بمدونتك لاشعوريا خلاص برمجه هههههههههههههه
    شكرا امره الاموره :)

    ردحذف

Back to Top