الثلاثاء، 4 ديسمبر 2012

My FAV for Sep/Oct/Nov ♥♥ مفضلاتي




يااااصببباااح الخيييررر
رااايقه وطربانه


اليوم حنزل ماي فيفورتس = مفضلاتي للفتره اللي راحت شهر سبتمر واكتوبر ونوفمبر
انا راح انزل مفضلاتي تقريبا كل شهرين الى ثلاثه لااني مااستهلك المنتجات بشكل
كبير خلال الشهر الواحد فما اقدر احكم عليها بصراحه وثقه
علشان كذا قررت اخليها كل فتره علشان  اقدر اديكم راي عنهم بججد
يلا نبدا ..



نبدا بالكريمات وكذا



بودي لوشين للجسم من باث اند بودي ورك اسمو فور ايفر سن شاين
اخدتو ايام التخفيض زي مو واضح بالصوره ب ٣٠ ريال بس ! اول مااخدتو ماكنت
مقتنعه في الريحه بس لازم اخذ عياقه المهم استخدمتو حببببيت ريحتو مرررا
كذا تحسي بيبي باودر مع فانيلا مرررا بارد وخفيف استخدم معاه سبلاش
من فيتكوريا سيكرت بريحه الفانيلا اكثر بودي لوشين كرفتو الفتره الي راحت
طبعا من ناحيه الترطيب عادي مو الواو يعني يجلس معاك ممكن نص يوم ليوم
لو حابين اتكلم عن منتجات باث اند بودي ببوست لوحدو ادوني خبر




كريم للشعر من شركه بالمرز اقل من ٣٠ ريال من صيدليه النهدي
انا كنت ادور على كريم شعر يهجد النفشه اللي فشعري بعد الشوروبالذات
بعد مااستشور او اسوي ويفي يكون نافشش ومااحب السيروم مرا يهبط شعري
فليا فتره ادور على كريم شعر بس شغلتو يهجد ويكون خفيف شوفت هذا عند
البلوجر نوف مع انها ماحبتو مرا بس قولت اجربو مع غض البصر عن الكلام
اللي مكتوب ع العلبه للاني قولتلكم الشي اللي ادوره بالظبط على كريم يكون خفيف
ومايدبق ومايلصق بصراحه مررررا عجبني وحببيتووو مع انو ريحتو حامضه قويه
بس مرررا كويس تاخدي شي بسسسسيط منو وتحركي بااصابعك بيدك
حتلاظي انو مرررا خففييف وقتها حطي على شعرك وجربت وهوا شعري ناشف
ومبلل نفس النتيجه يهجد من غير مايلصق ويبين مدهن وكذا
شوفو ليا فتره استخدمو وبس شششي بسيط اللي استخدمتها ..



نيجي للعنايه بالشفايف



انا بصراحه اعاااني من التشققات والجفاف مع انو احاول اشرب مويا ومافي نتيجه
ومافي مرطب ماجربتو بيزلين لابيلو كراميكس كثييررر
فقولت يابنت جربي شي جديد امكن يفيد وجربت ومررررا انبسسطت

 

ليب سكرب = مقشر شفايف بنكهه الببيل جوم ب ٦٥ من لوش
هوا مقشر شفايف جربت قبلو العسل والسكر حللووين بس هذا عندي افضل
ماادري احلى ههههه هذا ريحتو وطعمو اعترف اني ابلع منو
طريقه الاستخدام احط شووويا فازلين ع الشفايف واخد شي بسسيط منو
واسوي سكرب خفيف وبعدين اغسل واحط مرطب والله مررررررا فرقت معايا
ومرا مرا تحسنت شفايفي عن اول
استخدمو مرتين بالاسبوع ولو ححط ميك اب او بعد الميك اب لو كان روج
لونو ثابت او يقشر الشفايف



نيجي للمرطب اللي استخدمتو وهوا والله كان له دور كبيييرررر



المرطب جاني هديه من بنت طلبت منها مجموعه مناكير وتكلمت عنها هنا
المرطب اول ماجاني كنت ساحبه عليه للامانه بس يوم شوفتو وجربتو
والله مرررررررا عججججبنننني عارفين ليش ؟ دايم المرطبات تحطيها تحسي
طبقه اووك بس بعد نص ساعه الى ساعه الطبقه تنشف وتتقشر الشفايف
هذا لا خفيييف مررا لدرجه اني اشك اني حطيت شي واسوي شغل هبل
وامسك العلبه كلها وامررها على شفايفي هههههههه مرررا خفييف
بس ترطيبو ججججدددااا عالي وهذا النوع مكتوب انو شيا بتر =زبده الشيا
والله منو حبيت زبده الشيا ونويت عليها
للاسف انو مو موجود هنا البنت جايبتو من امريكا بس هذا ايميلها لو حابين






قناع من بيزلين للرؤس السودا ب ٨ ريال من صيدليه بوتس
القناع للرؤس السودا اللي اه بس !! اخدتو قولت ٨ ريال نجرب ايش ورانا
مكتوب بالتعليمات انو ينحط ع الوجه كامل !! بس الرؤس السودا في الانف
حطيتو بالانف اول مرا كان حاار وريحتو قويه بس ينصبر عليها المهم عجبتني
النتيجه ومن الحماس حطيتو بوجهي كلو ههههههه وجهي ولع استاهل ههه !!
يعني انتبهو تحطو بوجهكم مرررا غلط اووك
طريقتو بعد مااغسل وجهي اخد شي بسسيط منو واحطو ع الانف واسيبو ممكن
عشر دقايق لربع ساعه يعني الى ماينشف وشيلي بعد ماتشيلي غسلي
ومرري قطعه ثلجه تسكري المسام لانو حاار وبعدين حطي مرطب
النتيجه ماراح تبان معاك من اول يوم ولا يومين لا استمري اسبوعين وشوف الفرق
مااقول شالها ١٠٠ بالميه مع اني لو استمريت اتوقع يشيلها بس النسيان
بس نتيجه مرررا حلوووه ومرضيه وفتح السمار اللي حول الانف اذا عرفتو
يعني يستاهل التجربه والله
بما انو كبير والكميه كبيره خدي شويا ولفي وقفلي عليه زي الصوره ويعيش معاك :)
او ممكن تحطي بعلبه فاضيه اللي يريحك






فرشه للوجه من بودي شوب ب ١٧ ريال  اتوقع وللاامانه نفسها بدايسو ب ٧ ريال
اووول وانا صغيره اخدتها وحسيتها قويه وسحبت عليها وقبل فتره اخدت وحده
من دايسو جربتها قولت لا قويه يابنت وتمخش شويا رجعت اشتريت حق بودي شوب
نفسسس حق دايسو فاللي تفكر تجيب حق دايسو ترا نفسها
المهم قولت وبعدين كل الفرش كذا تمخش اجل الكهربائيه كيف حتكون ؟!!
جربتها واستمريت عليها ماشوفت اااي شي سيئ يعني مافي حبوب ولا حمار ولا شي
مع الاستمرار حبيييتها صراحه الغسول يفرق معاها مرررا
يعني احط الغسول على وجهي وامسكها والف فيها على وجهي واركز ع الانف وكذا
مرررا كووويسه واحس من جد تنظيف بعمق

استخدمها يوم بعد يوم او لو حطيت ميك اب :)




فرشه للرجل بوجهين ب ٧ ريال من دايسو وحطيتها بمشترياتي اذا تفتكرو
بنات في احد زي تسوي بودي كير للرجول اسبوع وترجع نفس الحاله ؟؟!!
ماادري انا البودي كير كم يوم وبعدين يرجع فجبت الفرشه احاول اني ااهتم مرا
سرت استخدمها يوميا مع كل شور افرك رجولي من فوق وتحت جد جد شي
كوووويس ويسساعد انو نتيجه البودي كير تستمر معاك لفتره اطول
والله رجولي عموما كلها فتحت  اصلا احس الليفه ماتسوي شي للرجول
فهذي كويسه قويه تنظف الرجل من قلب وبعد مااخلص من الشور
ارطب رجولي كويس والبس شراب ..
بنات انتبهو انا قولت تستخدميها بعد البودي كير مو تيجي وحده تستخدمها
على رجولها وتكون اصلا رجولها مرا تعبانه وتقول ماجابت نتيجه !

وخلصنا من العنايه بالجسم وكذا نيجي للميك اب



مسكرا من بورجوا ب ٦٥ ريال من دبنهامز
اللي تحب مسكرة بورجوا السودا الدبيه صدقيييني راح تحبي هذي
للامانه جبتها على مدددح بنات كويتيات بالانستجرام وتحمست اجربها
جربتها حبيييتتتهااا مررررا بطططله في التكثيف وهذا الشي اللي ادوره بالعاده
يعجبني فيها سوااادها و نتيجتها ثابته يعني ترفع رموشي وتكثفها لفتره طوويله
افتكر عندي لانكوم اسويها بلحظتها واااااو بعدين مررا تهبط
حتى صاحبتي دليتها عليها مرررررررا عجبتها
بس بنبه عليها في كم شغله طريقه استخدمها صعبه مو مريحه يعني لو ماعرفتيلها
ممكن ماتحبيها بصراحه
الفرشه تبعها نسيت اصورها بس من كل جهه غير شي طويل وشي قصير
وجه مافي ولا شعره فكيف تستخدميها تحطيها ع رمشك وبنفس المكان
تلفيها حيث فرشه المسكرا كلها تدور ع نفس الجهه من الرمش
يعني مت تمشيها من الجذور لفوق وخلاص كذا غلط اووك
شي ثاني ضد المويا للاسف فطبعا متعبه بمسحها بصراحه
غير كذا تعبتر بطططططلله ومع عيوبها استخدمها واحبها





قلم اضاءه للحواجب من بنفيت ب ١٠٠ ريال من فيسيسز
تكلمت عنو في تاج عشره منتجات مااستغني عنها هنا
بس حبيت اضيف شي لو تتابعو ميك اب باي كاميلا دااايم تستخدم منتج نفسو
بس هذاك برازيلي بس تقول نفسو بنفيت وانو مررررا حلللووو



ريفلون ليب بتر ب ٤٥ ريال شي زي كذا من سنتر بوينت
برضو تكلمت عنو في التاج هنا
بس هذي المرا حاولت اسويلكم سواتش للدرجه وابين نوعو
زي ماقولت هوا مرطب + لون + جلوس
اكثررر شي عجبني في ترطيبو اللون يروح بس الترطيب يبقى معاك
بشكل جممميل ع الشفايف الدرجه اللي عندي سموثي بيري





بودره برونز من اتش اند ام الحجم الكبير ب ٤٠ ريال اذا مو غلطانه
تكلمت عنها كثير واتوقع ازعجتكم فيها
للي حابه تقرا راي عنها هنا موجود في التاج تبع عشره منتجات هنا




فرشتين من ريل تكنيكز من مجموعه اللي اربعه حبات اخدتها من تاجره
تكلمت عنهم في بوست اول ابوت ماي بريشيز هنا
بصراحه حبيتهم وكرررفتهم من يوم ماجبتهم اكثر شي حبيتو فيهم
حجمهم الصغير مرررا سهلا لتحكم فيهم بالذات انو مو بروفيشنال وكذا

اخر شي منتج مو بيوتي ولا بودي كير حاجه مررررا احوووبها
وادمان علبه ورا علبه موستحيل نخرج انا واريج من دونها وكثير بنات يسالو عنها
فقولت اوريكم هيا في ماي فيفورت وهيا مفضله طول السنه بصراحه



*CUTE *
حلاوه للفم الحاره من فيكتوريا سيكرت انا اعشششق اللي بطعم السينبون
واريج ادمانا للي بالنعناع وكلهم حلوين بصراحه والعلبه كيووووت



نجيبها من امريكا مو موجوده هنا للاسف

وبسسس هذي ماي فيفورت للفتره اللي راحت وكالعاده
بنات مو اي شي يناسبني يناسبك حاولي تقري وتبحثي قبل ماتشتري


اي سوال تلاقو فوق ع اليمين الاسك والتويتر تبعي :))
و سلامتكم حبايبي

هناك 17 تعليقًا :

  1. اثق فيك ما ادري ليه انا نفسي بفرشات ريل تكنيكز بس اخاف من بعض التاجرات بس بتوكل على الله واطلب منها باذن الله (:

    ردحذف
    الردود
    1. حبي وين احصل مثل حلاوة الفم يعني مو هيا نوع ممتاز ياريت تكوني فاهمة عليا

      حذف
    2. اممم هيا مالها اماكن معنيه بس شوفي كاندي دايز امكن تلاقي عندهم :)

      حذف
    3. وين لو سمحتي كاندي دايز وفي منو بجده وﻻﻻ ردي عليه اماانه ﻻ تسحبي

      حذف
  2. من جد استفدت مشكووووووره ياقلبي

    ردحذف
  3. علاج للنمو ! كنت احسبه كريم للجسم ، صراحه خفت شوي خخخخخخخخ
    ااااا اشيائك ياخي تفتح النفس ماشالله .
    xx

    ردحذف
  4. اموووره اعشق مدونتك مره حبتها استمري ياغلا

    امممممممممم حبت أسسألك عن منتج لوشش وعن باث اند بودي ويين احصلهم بجده
    يياليت تسوين لنا تدوينه تتكلمين عنهم :)

    ردحذف
    الردود

    1. لوش راح يفتح قريب بستارز افينيو
      باث اند بودي ماعندكم بجده بس سمعت ان حيفتح ان شاء الله
      واوك ان شاء الله راح اتكلم عنهم :))

      حذف
  5. الله يعطيك العافيه جالسه اتصفح المدونه روووعه ماشاء الله وعساك عالقووه
    بسالك عن فرش سيجما عندي طالبتها من تاجره شايفه شعار سيجما عالفرش نفسها فيه لمعه مدري حسيت انها تقليد اللي عندي قلت اتاكد منك وشكراا
    leen

    ردحذف
    الردود

    1. انا حقي اصليه ياقلبي التاجره اللي طلبتها منها مررررا ثقه
      وايوا هيا تيجي بلمعه
      وترا الناس النصابه كثيره هالفتره للاسف :(((

      حذف
  6. اميره معليش خدمه
    اضافات الاسك مي والانستغرام كيف اضفتيها للمدونه ؟ بحثت في النت مالقيت لقيت بس للتوبتر

    ردحذف
    الردود

    1. الاسك تلاقي في السيتيج شي مكتوب شير ويذ ويب سايت شي زي كذا وتلاقي الكود
      بالنسبه للانستجرام من موقعهم القديم اللي اسمو ويب انستجرام
      بعد ماتسجلي بحسابك في فوق بالقائمه كلمه تولز منها تلاقي الاكواد والاشكال
      :))

      حذف
  7. باث اند بودي حيفتح قريب في حراء الدولي :D
    اما بودرة اتش اند ام مرميه بدرجي استخدمتها ولا حسيت انها باينه بوجهي على ان بشرتي فاتحه انقهرت :(

    ردحذف
  8. أميرة ممكن اسم الحلاوة مال الفم بالانجليزي ؟

    لاني أبا اطلبها من موقعهم فامريكا وما لقيتها ،

    وشكرًا

    ردحذف
  9. عندي فرشة بودي شوب وروج ريفلون مرا يجنننننو
    الروج احلى شي فيه الترطيب ♥♥

    ردحذف

Back to Top