الخميس، 1 نوفمبر، 2012

تاق : عشرة منتجات ميك اب ما استغني عنها !!



مرررحبتين بننات

اليوم حسوي التاج  جاني من بيوتي دي روز حق ١٠ منتجات ماتستغني عنها
والله التاج مررررا يحير كل مرا احط شي وانزل شي واقول هذا حلو لا لا هذا احلى
يعني قعدت انخل فيهم الى ماطلعت بهذى المنتجات عاد لاتدققو امكن اكثر من ١٠ بشوي
بس انا تخيلت انو الميك اب تبعي كلو اختفى ايش راح احتاج اجيبو من جد
وقتها عرفت اسوي اهم ١٠
وصح هذي المنتجات للفتره هذي وممكن تتغير مع الايام

نبدا بصوور جامعه كل المنتجات



get closer



اول شي حابه اقول انا بشرتي عاديه مختلطه دهنيه يعني كل وجهي عادي
بس منطقه التي زون = الجبه والانف والدقن دهنيه
وزي دايم اللي يناسبني مو شرط يناسب غيري
نبدا بمنتجات الوجه



كريم اساس هيلثي ميكس من بورجوا اشهر من نار على علم
مررررا احب الفاونديشين هذا والدليل شوفو مخلص واتوقع ارجع اشتري
لااني الى دحين مالقيت شي افضل منو لاانو بجججد بططل
يعني خفيف ع الوجهه وطبيعي وتغطيتو بالنسبه ليا مرررا كويسه
*ماعندي حبوب وكذا * يعني بعدو كونسيلر للاشياء اللي تحتاج تغطيه اكثر
ومررررا تمام احب استخدمو بطلعات عاديه  لوحدو
وحفلات كبيره مع بودره وكونسيلر وتمام التمام
درجتي ٥٢ وتمااام اللون
موجود في سنتر بوينت وسعرو اقل من ٦٠ اذا مو غلطانه



ستروب كريم من ماك جمميل بصراحه
هوا زي الكريم فيلو لمعه واضاءه مو شيمر ولا جليتر لا لمعه كريميه
له عده استخدامات يعني ممكن احطو وبعدو بودره برونز مرررا جممميل
وممكن قبل الفاونديشين وقبل كم قريت في بلوج بيوتي دي روز
طريقه انو تعمل ميكس بينو وبين كريم الاساس وجربتها طلع شي جممممميل
ومن هالحركه بالذات حبيتو اكتر واكتر فشكرا بيوتي
موجود بكل فروع ماك



بودره برونز من اتش اند ام الحجم الكبير



قورجس الصوره لك هههههه

المهم البودره اول مااخدتها شوفت حجمها كبيير ب ٤٠ ريال او شي زي كذا
قولت اكيد خربوطيه بس يلا اخذها للجسم لاانو مكتوب فيس اند بودي
وجربتها للبودي تعبت مايبان اللون على طول ويبغالها اكبر فرشه علشان توزعي
بسرعه وماتاخذ وقت
مع الايام اشوف البنات يمدحوها وكذا استغربت ماتوقعت يجي منها
واقوم واجربها وتعجججبني والله ادمنتها وطلقت كل البودرات
هيا مو من اول مرا تحطيها تديك برونز وهذا اللي حبيتو فيها
يعني اذا بيضا راح يديك اللوك البيج اول شي ولو كثرتي شويا شويا يديك برونز ناعم
حتى اريج جربتها ومررررا حلوه عليها وراحت جابت زيها
هنا لونها ومبين انو مو برونز قوي




نيجي للحواجب



بودره الحواجب من بودي شوب برضو اتوقع اغلبكم يعرفها هيا بودره
ولونين فيها



واااضح انو مكروف بس ترا من ززمان عندي
الدرجه اللي عندي ااتوقع انها اغمق شي



بصراحه انا جربت اشياء كثثيرررره من ماك وبينفيت ومكياجي وكثيير
اكثر شي حبيتو هذي وتبع ميك اب فور ايفر بس تبع ميك اب فور ايفر سهرات اكثر
تبع بودي شوب مرررررا طبيعيه وحلوه واذا تبغيها اغمق واثبت
تحطي بخه من ماك فيكس بلس ع الفرشه وتحطي البودره وشوفي كيف
يعني تستخدم للصباح وليل وكل شي



شادو من ماك بس يستخدم كااضاءه انا اكرره الاضاءه الذهبي والفضي  !!
لونو شامبينا على قولتهم ههههه وفيلو لمعه هنا اوضح



اسم اللون نايلون
من جد هذا الشادو من الموست هاف لكل بنت اضاءه خفيفه ونااااعمه مرررا
استخدمها مع اغلب الوان الشدوهات وتمشي لاانها مو ذهبيه !!
وممكن يستخدم لمدمع العين بجد بطططله






وهذا قلم اضاءه لتحت الحاجب اخدتو احسبو كحل للعين وطلع اضاءه لتحت الحاجب
كنت افكر ابدلو بس بنات كثير قالولي لا بططل وجربتو وحبييييتتتوووو مررررا
طبعا هوا قلم وثقيل لمى تحطي فلازم توزعي بااصباعك يبين طبيعي
وبعدين احط افتح لون شادو بباليت نيكد فوقو يطلع مرررا ححلووو وثابت
لونو على ابيض بينك يعني واضح ماينفع ينحط بدون ميك اب ولا شي
لاانو بيكون ابيض واااضح ينفع للدوام وكذا لاانو هادي ومو لمعه
من بنفيت في وجوه ب ١٠٠ ريال



كحل اسود من مجموعه صبايا من مكياجي تكلمت عنو  في ماي فيفورت قبل
مرررا احبو واحب سوادو وثباتو مرررا كويس



باليت نيكد تكلمت عنو برضو في ماي فيفورت



بجججد باليت يستاهل المدح وكل ريال يندفع في
الوان حلوه ثابته ومنوعه في منها المات وفي الشيمري
الوان تستخدم للنهار وفي لليل يعني بجد يستاهل التجررربه
وهوا اكككيد ارجع اشششتري مرا ومرتين وثلاثه



برايمير للاي شدو = مهيئ للظل
من اربن ديكاي وتكلمت عنو في ماي فيفورت
حلو وخفيف وسريع



بلاشر كوراليستا من بنفيت لونو مشمشي على اورنج خففييف



ترا مو مكروف لهالدرجه بس توني كسرو قبل كم
يعجبني مررا حلو ينفع صباح وينفع ليل لاانو في شيمر خفيييف
وينفع مع البرونز مرررررا
وثباتو مررررا كوووويس بصراحه



نيجي للارواج ماقدرت اختار واحد بس

نيجي للاول من اليسار



من ريفلون مجموعه ليب بتر ودرجتو بيري سموثي



مرررررا يجنن بصراحه ويستاهل المدح
هوا مرطب وروج ولمعه جلوس بنفس الوقت بس شي بططططل
صح اللون ماراح يثبت معاك كثير لاانو مرطب وبلمعه بنفس والوقت
بس والله ترطيبو يجنننن يروح اللون والترطيب يجلس معااك
بصراحه انصح في لكل بنات الجامعه وبنات المدرسه كمان لاانو في درجات فاتحه
وناويه اجيب درجات منو بصراحه





روج كابتيف من ماك تكلمت عنو في ماي فيفورت
احبو من ايام الجامعه والى دححين مررررا احبو اذا احترت باالوان الارواج
على طول اطلعو واحطو وخلاص
مرررا حلو مو غامق ولا فاتح !!
يمشي مع اللوك العادي والبرونز ومع الميك اب الثقيل والخفيف





فرشه البلاشر من ريل تكنيك حبيييتها وتكلمت عنها في بوست الفرش
تعجبني صغيره اقدر اتحكم فيها بسهوله بدون مااخبص الدونيا





انجلد برش = فرشه مشطوفه
تكلمت عنها في بوست الفرش وعن الخيارات وتجاربي معاها
بصراحه مررررا مهمه هالفرشه وتنكرف لرسم الحواجب او الاي لاينر
ممكن شدو غامق ترسمي عيونك

وبسسس خلصنا ويارب تستفيدو من البوست
وصح لاتنسو فولو مي في التويتر
https://twitter.com/AmiraMou

واي سوال عندكم الاسك :))

I TAG :
قورجس
سوليسار
نوره
هيا تبع كوفي تولك
سيمبل جيرل
ارتستك هاند


وسلامتكم

هناك 15 تعليقًا :

  1. يآآآآه انتو بتقهروني بالبرونزر حق H&m
    كل مارحتلهم ماالاقيه :(

    ومن ناحية باليت نيكد و الشادو النايلون وبودرة بودي شوب للحواجب
    احسها طبيعي عند كل بنت
    مااتخيل بنوتة تقدر تستغني عنها

    ردحذف
  2. يزين بلقوقاتك ياميره .. صراحه اول مره ارد عندك وان شاء الله مو الاخيره :*

    ودي اسئلك اش تستخدمي كحل ابيض او بيج للجوا العين(للحين مالقيت واحد يرضيني ) :"(

    الماك فكس بلس رجع للسوق ولا الي الان مختفي :"(

    ردحذف
    الردود


    1. جوا العين يمدحو تبع بنفست لونو اسود من برا وهوا بيج كريمي مو ابيض تبيض
      فيعطي لوك طبيعي اكتر من الابيض :))
      بالنسبه لفيكس بلس ماادري ياريت نلقى بديل ارخص له

      حذف
  3. احبك احب اشيائك احب البنت الي تقول كل شي بوضوح واختصار وكمان تذكر الاماكن الي تشتري منها البرودكتس يَّ حلوك ويَّ حلو بوستاتك :*

    ردحذف
  4. من ؤين ماخذه فرشة ريل تكنيك

    ردحذف
    الردود

    1. من تاجره في الانستجرام اسمها فوشيا ستور مسويلتها فولو انا

      حذف
  5. أغراضك من جد شي لا يمكن الاستغناء عنه هههه
    تصوير رايق وكلام وافي

    شكراً اميره ..

    وشكراً على التاق ورديت عليه في مدونتي (:(:

    الله يعطيك العافية ❥

    ردحذف
  6. البحث بمدونتك صعب !؟
    كيف أحصل موضوع الفرش

    ردحذف
    الردود


    1. شوفي الارشيف اظغطي ع السهم لكل شهر وحتلاقي كل اللي كتبتهم شهريا
      :))

      حذف
  7. ra Solami1 نوفمبر، 2012 10:16 ص

    ومن ناحية باليت نيكد و الشادو النايلون وبودرة بودي شوب للحواجب
    احسها طبيعي عند كل بنت
    مااتخيل بنوتة تقدر تستغني عنها

    ليه ماتقدرين تتخيليه مالو لزوم التعالي والغرور هذا يعنني أنا البنت الهاي كلاس والكيوت وكذا عادي ياقلبي أنا ماعندي ولسى عايشه الحمدللّه

    ردحذف
  8. مرة الأشياءاللي تستعميلهاحلوة وجربتهم وربي يسعدك ويعطيك العافية

    ردحذف
  9. الله يحفظك اميره بجد بجد اشيائك و اغراضك لازم تكون عند اي بنت تحب الميك اب ومهتمه حق نفسهاا اي واحده تقول غير هالحكي تروح تنتحر o_O

    ردحذف
  10. أستفدت منك كثير يعطيك العافيه

    ردحذف
  11. كم درجه البرونز مالج

    ردحذف

Back to Top