بوكس السعاده الشهري من SSH Worldwide ♥♥

السلام عليكم ورحمه الله وبركاته ♥
تفتكرو مشروع البنات اللي حكيت عنو هنا مشروع بوكس السعاده انا اسمي هههههه وعدتكم راح انزل حق كم شهر
علشان تتعرفو ع المشروع اكثر وادعمهم اكثر .

للي ماشاف البوست اللي قبل هوا بوكس يوصلك شهريا بااشتراك وماتكوني عارفه ايش فيه بس انو منتجات عنايه
وميك اب وشغلات تخص البنات تقريبا وتكون دارجه برا ♥

اول شي حبيت انهم اخذو بكلام البنات ووفرو بوكسين بسعرين مختلفه صغير وكبير ♥
سو يلا نبدا بالصغير ونشوف ايش موجود فيه ♥♥

كارد الشهر اللي فيه مكتوب محتويات البوكس كان جدا جمييل مخصوص بجمله للام ♥ حبيت انهم اخذو بملاحظتي انهم
يكتبو بالعربي على الكارد كمان .

هذي محتويات البوكس كلها في عينات صغيره اللي بالاكياس من جوسيه ماران منظف للوجه .. والاثنين اللي مع بعض من بامبل اند بامبل شامبو وبلسم .

فيلوسفي ♥♥ من البراند اللي من زمان من زمااان نفسي اجربها وبسيفورا دبي اوقف عندها اتنح وامشي :| فاانبسط انهم
بالبوكس علشان اجربهم المنتج من اليمين ٣ في واحد غسول للجسم وشامبو وكمان ببيل باث !! احب هالشي بمنتجات
فيلوسفي انها اكثر من شي فحلوه للسفر .. والثاني مرطب شفايف اعتوف اني حطيتو وبلعتو علشانو لزيز ههههههه .

باليت من نارس جدا جميل من  يحتوي على اكثر منتجين عندهم شهره برونزر لاقونا وبلاشر اورجازم ♥♥ 
المنتجين عندي بحجمهم الكبير من زمان واحبهم والباليت هذا جدا جميل للسفر ♥ 
كذا خلصنا منتجات البوكس الاول سعرو ٣٥٠ .. للامانه حسيت كثير عليه شويا امكن علشان العينات اللي بالكيسه
مااقتنعت فيها لااني مو من النوع اللي تستخدمهم .. يعني لو بدالهم منتج بعلبه ولو كان صغير افضل يعني احساس
انو منتج هههههه .

نجي للبوكس الكبير بصراحه حبيتو خلينا نشوفو ..

 بالبدايه مجموعه فرش زويفا الروز جولد بس علشان عندي فماحطوها .

بوكس جميل من توري بورش فيها اربع حبات صوابين صلبه ريحتهم شي جميييل وفواح بصراحه كنت افكرا خذ مجموعه
زي كذا يعني من براند لااني جربت حق ارمز بااوتيل وكانو واو ♥ !! حلوين جدا لمغاسل الضيوف لاان ريحتهم فواحه
بشكل جميل فاانبسط عليهم واعترف افتح البوكس اشم الريحه واقفلها ههههه .

مجموعه مناكير من جولب جدااا جميله المجموعه وجميله كهديه لاانها تقريبا اجمل الوان كلاسيك تحبها كل بنت  ♥♥

راح اجربها واكتب عنها ريفيو ان شاء الله .

ستيكي نوت = نوتات لاصقه جداااا جميله ♥ حبيتها انو لها قاعده قويه واشكالهم جدا جدا

حلوين ترا احب شغلات القرطسيات والبلانر والاشياء هذي  ♥

مجموعه عنايه بالبشره من اليزابيث اردن بي كل الاشياء بجهه وهالبوكس الهديه لماما بكوم ثاني ♥♥♥

انا العاده ماما اذا ابغى اجيبلها هديه نكون بالسوق واقولها اختاري

وكذا فالمهم نزلت واديتها الهديه يالله ماانسى ضحكتها ابدا حبيييبي ماما جلست تقولي ليش وكيف !!  ♥♥♥

مرا انبسط بالمجموعه لاانها عنايه ببشره الاعمار الكبيره والاجمل فيها نسبه وقايه من الشمس وماما دايم بالحوش

هههههه .. المهم  قولتلها تنتظم عليها وتقولنا النتايج وللان مبدئيا جدا انبسطت توريني اليوم انو خفت القشور ببشرتها

"ماما بشرتها متعبه دهنيه وجافه بنفس الوقت :/" بس تجربها تمام راح اقولكم رايها فيها ♥

وجد شكرررا لكم انكم حطيتو هديه لماما الله يسعدكم زي ما اسعدتوها ♥

هالبوكس سعرو ٨٧٠ وهالبوكس بصراحه سعرو مقارنه بالمنتجات الموجوده فيه "لاتنسو فرش زويفا" اعتبره جدااا رائع

يستاهل سعرو بصراحه المنتجات من ماركات جيده وبااحجام كويسه حبيتو  ♥♥

طلبت من صاحبات المشروع يرسلولي رده فعل البنات اللي طلبو من البوكس

هالمره علشان تشوفو اراء غيري ايش ماكانت وهذي الصوره كلامهم .

وصح بنات انا قولت لصاحبات المشروع عن حكم شغلهم وسالو عن الحكم وقالو انو اوك بااذن الله ♥

هنا حسابهم بالانستجرام 

https://instagram.com/_ssh_2014 

وكالعاده احبكم جميلاتي ♥

♡♡

Twitter | Instagram | Bloglovin | Ask