الجمعة، 20 فبراير 2015

بوكس جميل يوصلك شهريا ؟!! يلا نشوفو سوا ♥

السلام عليكم ورحمه الله 
انتو عارفين انو انا فتحت باب الدعم للمشاريع والبيزنس للمبتدئين بالانستجرام بصراحه بالبدايه كنت متخوفه من الخطوه 

بس بصراحه احمد ربي اني اخذت هذي الخطوه "بعيد عن الاجر بااذن الله " احس اني تعرفت على شغلات جديده
ومواهب جديده جمييله جدا♥ كنت اتوقع كل اللي بيجيني متاجر بس بجد تفاجأت بااشغال كثيره مميزه ماشاء الله بس
ناقصهم شويه دعم 
هالمشروع حبيتو مرا وحسيت ماراح توصل فكرتو كويس بالانستجرام فقولت انزلو بالبلوج اخذ راحتي بالكلام .


فكره هالمشروع معروفه برا بس اول مرا عن نفسي اشوفها عندنا .. فكرتها يوصلك كل شهر بوكس في اكثر المنتجات 
المشهوره برا او افضلها بااحجام مختلفه ومنتجات متنوعه من عنايه ، ميك اب ، اكل ، اجهزه ، كتب اللي هوا 
حبيت اكثر شي انو البنات اللي قايمين عليه ماشاء الله مررررا فاهمين بشغلهم وشغوفين ومرا ابديت مع السوق برا 
لو انتي من مدمنين اليوتيوب راح تلاحظي هالشي .


يعني كل شهر تفتحي البوكس وكانك تفاجئي نفسكيلا نشوف ايش داخل البوكس 

اول ماتفتحي البوكس تلاقي زي البروشور مكتوب عليه اسم الشهر وهذا بوكس فبراير 

بالبروشور في شرح لكل المنتجات الموجوده "تمنيت انهم يكتبو بالعربي كمان بس اتوقع ممكن يسوها مستقبلا  "


اجنده من كيت سبيد هذي اول ماشوفتها فرصعت عيوني واااا♥ !! تخيلو ببدايه السنه كنت مررا ابغى اجنده وشوفت 
كم يوتيوبر احبهم يتكلمو عن حق ال في و انو تبع كيت سبيد حلوه كمان ودخلت الموقع ادور ولا لقيت فلما جاتني هذي !!
فبجد كان مفاجاه ليا مرررا حلوه 


انستازيا كونتور كيت .. مع اني اطلب اون لاين وكل شي الا موقع انستازيا انا وهوا مضاربه ههههه كم مرا اطلب واتحمس
وماتتم العمليه لين شلت هالكونتور من راسي وبديت اقنع نفسي اصلا مو حلو هههه بس شوفتو نسيت الزعل هههههه ..
مرا متحمسه اجربو اتوقع كلكم زي بعد ماشوفنا المدح عليه .


سليبر حق البيت كولو فرو حتى تحت الرجل يدفي بس قهر خلص البرد :$ لاانو بجد يدفي .

سوفليه بودي كريم تبع لورا مارسيه بريحه الفانيلا والعنبر احب هالمجموعه ♥ وتكلمت عنها هنا 

ليب جلوس من لورا مارسيه 

ماسك للوجه من ماركه مايكل تود هالبراند انتشرت مرا بالفتره الاخيره مكتوب عليها نتشورال اورجانيك يعني انو طبيعيه
وكذا نجرب ونشوف .

هذا الشي تبع الفم انا اشتري من الصيدليات هنا ايام زمان ماادري تعرفو او لا هوا زي الورق شفاف تحطي ع لسانك
ويذوب حار ويعطي ريحه حلوه .

غسول تبع مجموعه ثري دي وايت تبع كريست حجم كبير يكفي سنه قدام ههههه مين جربتو ؟ 

زبديه او  ماادري ايش تسموها صغيره للاشياء الصغيره الاكسسوارات او السناك وكذا .

سناك خفيف اللي فهمتو اصابع جبنه شي زي كذا وماما ذاقتو قالت اووو "حمام بري !! من وين جبتي !! هههههه"
عارفين اهل جده يعشقو هالشغلات اقولها من امريكا تقولي من امريكاا ههههههه .

شال خفيف بطبعات ذهبيه ماادري حبيتو وماحبيتو :$
بكذا خلصنا من بوكس فبراير  بس بوضح نقطه كونتور انستازيا مفروض بدالو فرش زويفا الروز جولد ال ١٢ حبه بس هما
بدلوها بالكونتور كيت لاانهم شافو عندي المجموعه 

اخر شي هذا هديه منهم قالولي انتي تحبي ذاتس هارت وعلشان هيا تحب هالبراند فالهديه من نفس البراند حبييييت قد ايش
في ناس تركز انا ايش احب وكذا :"( 

البيزنس كارد تبعهم عليها كل معلوماتهم وهذا الكلام  منهم 

SSH WORLDWIDE Must have box 🎁"

خوات مستوحين الفكره من  بوب شوقر الاشتراك الشهري من بعد تجربتنا مع البوكس  من بدايته الي الان .

آس آس اتش العالمي عباره عن صندوق  شهري مفاجى من منتجات متنوعة ولأول مره في المملكه العربيه السعوديه ! ومهمتنا ربط النساء بالمنتجات العصريه المستوردة من امريكا وأحيانا من السعوديه .المنتجات تصل مابين ٦-١١ منتج بأحجام كبيره ، ويعطيكي فرصه للتعرف على المنتجات الجديده والمميزه من منتجات العناية بالبشرة والشعر والصحه، مكياج، عروض وخصومات،اكسسورات،عطور،والي اخره . 

الاشتراك يكون شهريا عن طريق الواتس اب حاليا ، ويكون الدفع مسبقا حتى يمكنك الحجز على البوكس . مده الدفع دائماً نص كل شهر وراح نعلن عنه قبل ما يفتح باب الاشتراك . 
سعر البوكس كل شهر راح يكون ما بين ٤٠٠ ريال - ٨٧٠ ريال 
التوصيل داخل المملكة العربيه السعوديه وخارجها!"

الانستجرام تبعهم هنا  .
ان شاء من فتره لفتره راح انزلكم من بوكساتهم نشوفها سوا .. ان شاء الله حبيتو البوست والفكره تبعهم زي  لوف يو اول 




هناك 19 تعليقًا :

  1. جميلةة الفكرة جداً،
    حبيت اشيائهم ()

    ردحذف
  2. مرررررره حبيت الفكرة
    اشياء بسيطة لكن مميزة ودققيقين في أصغر التفاصيل
    تتهنين أميره

    ردحذف
  3. شكراً لك اميرة على مشاركتك لهالتجربه ، تمنيت صورتي الكيس الي عليه اسمك ( أميرة ) مزخرف شكله ماشالله مررره اليقنت ! السؤال بكم سعر هالبوكس ؟.. أنا عندي خلفية عن السبسكربشن بوكسز بس اسعار الخوات السعوديات توصل 800 للبوكس صراحة تو متش !!
    أصلاً لو بوصل 400 ريال أفضل أشتري فيها أغراض أبيها بالضبط !!

    المفاجأة أبيها بحدود 200 ريال لأنو ممكن ما تعجبني ولا أستفيد من نصف الأغراض (مثل الصحن ايش ابغى فيه بالله ) وبكذا كني رميت 200 ريال بالزباله تكرمي .

    شكرا لك مرة ثانية

    ردحذف
    الردود
    1. العفوو ،، بالنسبه للبوكس اللي عليه اسمي نزلتو بالانستجرام مع الحساب اللي ارسلو ليا ،،

      الاسعار بالعكس جيده لاانهم يحطو منتجات عليها القيمه زي فرش زويفا و الكونتور كيت والاجنده انا اشوف حق الاجانب صح ارخص
      بس كلها اشياء بسيطه واحجام عينات .. بس احنا كمان راح نشوف بوكسات الشهور الجايه اكثر ونعرف اذا يستاهل او لا :) والعفو ياعسل .

      حذف
  4. جميل شكراً عرفتينا على كدا أشياء جميله نستناها من زمان 💜💜💜

    ردحذف
  5. بس ما كأنهم يبيعوني شي ما اعرفه وهذا الشي حرام 😳 ؟؟

    ردحذف
  6. فكرتهم مررة جمييله حبيتها 😻😻😻

    ردحذف
  7. اوه الفكره مرا جيدة ,
    احسو راح يريح الناس اللي تحب التجديد باستمرار .. وكله يجيهم جاهز.
    مشروعهم بطل.

    ردحذف
  8. سلام اموره😍 كيفك ياعسل مرره حبيتك وفي السناب حبيتك اكتر😘حسيتك قريبه مني بكلامك لاني طريقه كلامي زيك😁خاصا الكوحول بدل كحل 😂المهم ابغى استفسر ان كان تعرفي تجاوبي ..اقدر لما اتفق معاكم اقولهم ترى انا احب كدا ولا ما احب كدا على اساس يعرفو اي يحطولي يعني زي انتي لما عرفو انك عندك فرش زويڤا بدلوها بالكنتور يعني زي كدا ؟؟ياليت تكوني فهمتيني ❤️

    ردحذف
    الردود
    1. سلام ياعسل ،،اما الكحل ههههه .
      والله ماادري بس مااتوقع لاانك تطلبيها صلا وماانتي عارفه ايش بيجيك عرفتي ؟

      حذف
  9. ماشاءالله عليك انا عندي مشروع صغير كيف يكون الدعم يعني ؟؟؟

    ردحذف
    الردود
    1. له شروط تواصلي معايا على الايميل amoramou88@gmail.com

      حذف
  10. والله البنات في الإنستقرام صايرين يفاجئوننا بأفكارهم حتى لو مستوحاة ، يكفي نقلها وطرحها في مجتمعنا بطريقة تناسبنا ..
    برافو عليهم والله ، ربي يوفقهم ..

    وبالمناسبة أشيد بدعمك الأسبوعي ، الله يرزقك أضعاف ما تساعدين و تسعدين هالبنات ..

    ردحذف
  11. حبيت الفكره كأنهم يقولو أسعدي نفسك بنفسك ❤️‍

    ردحذف
  12. الفكرة حلوه ......بس حكم العمل بها في شريعتنا الاسلاميه محرم
    بحكم شراء شيء تجهله ..ويعتبر من بيع السلم
    ياليت تاجرتنا الغاليات يسالوا عن الشي قبل البداء فيه .عشان ربي يبارك لهم .
    ومن ترك شيء لله عوضه خيرا منه

    ردحذف
  13. روعه الفكره والمبلغ مررره مناسب تسلمي اميره على الدعم الجميل الي تقدمينه

    ردحذف
  14. في العادة يكون في الصندوق عينات عشان نجربها ونحن نقرر نرجع نشتريها او لا
    السعر جدا مبالغ فية ممكن اشترك لمدة سنه في شركة اجنبيه مثل http://www.lookfantastic.com/offers/beauty-box.list بنفس سعر الشهر الواحد عندك كا

    ردحذف
  15. ابغى رقم التواصل مع هذه البوكس شهريا

    ردحذف
  16. الفكره تجنن والاشيااء اللي يحطونها حماااااس بس وين الفلوس ياحسين هههههههههه

    ردحذف

Back to Top