تنظيف علب الشموع واعاده استغلالها باافكار جميله ♥♥

السلام عليكم ورحمه الله ♥
كلنا نشتري شموع وعندنا علبهم حرام تنرمي لاانهم حلوين ومرتبين والله المهم اليوم بوريكم سويت فيهم كم شغله 
بهالبوست حوضح طريقه تنظيفهم وكمان استغلالهم .

 اول شي حطيهم بالفريزر حق ساعتين لثلاثه اول من اليوم اللي قبل 

 وبعد ماتطلعيها من الفريزر نبدا بالخطوه الاولى نشيل الشمع الباقي وهي بارده وبسكين ابدي بالحرب معاهم ههههه 

ابدي بالاطراف حاولي تفكيها عن القزازه

اذا انتي محظوظه راح ينشال معاك مرا وحده واذا امممم راح يحوسك ههههه .

الستيكر يتشال بسهوله في بعضهم صعبين بس بالخطوه الجايه تشيلهم .

وبكذا خلصت الخطوه الاولى .

بمويا حاره نوعا ما ابداي غسليهم

افركيها بالاسفنجه وصابون

الورق اللي تحت مع المويا الحار والصابون وبكسينه ينشال معاك بسرعه .

وتررا اعترف شغلتها تطفش ههههه بس النتيجه تحمس صح ؟ المهم خلصنا من تنظيفها ♥

دحين نيجي لااستغلالها في افكار كثييره انتي فكره ايش تحتاجي وسوي عليها ولو حابه تشوفي افكار باليوتيوب اكتبي

candle recycling / diy candle jar  

لو عندك بعض العلب باقي عليها اثار اللصق استخدمي مسحه طبيه راح يشيلها .

عرفتو الجزاز المكسر الصغير يحطو بالمزهريات وقزاز الفرش تبع الميك اب نشوفو باليوتيوب مالقيتو بس لقيت هذا الشي

جمييل مرايات مكسره من ايكيا واخذتو .

عبيت ٣ للربع تقريبا .

شريطه شانيل عندي وحبيت شكلها

وغرا قزاز اخذتو من جرير غريت الشريطه والنتيجه 

حبيتها مرا حسيتهم متناسقين وهنا النتيجه النهائيه 

وحده منهم حطيت تحتها قاعده فضيه من باث اند بودي والثانيه تحت شكلهم جدا جمييل ومرتب ♥♥

جد انبسط على نتيجتها وكمان الحبوب رتبت الفرش سارت واضحه اكثر ♥

العمل الثاني استخدمت شرايط بااشكال مختلفه هالشرايط تلاقوها بدايسو / جرير والمكتبات 

نسقت الالوان مع بعض وبعدها لصقي بالترتيب اللي تحبي ♥

وهذي انلتيجه النهائيه خليتو للاقلام بالمكتب مررا حبيت النتيجه حاجه كيوت ومميزه ♥♥ 

والقاعده اللي تحتو حق الشموع من ايكيا 

الحجم الصغير جدا من الشموع حسيت ماراح استفيد منو كثير فقولت اخلي للشموع الصغيره واستخدمت اللصق 

باالوان محدوده ♥

النتيجه النهائيه مررا جميلين ماكانو عمل يدوي بصراحه .. حطيتهم فوق الرف شكلهم مرتب ♥♥

العمل هذا سهل اي ورق تغليف عندك تحبي او ممكن تطبعي ورقه عليها رسومات او عبارات 

لفي من جوا وثبتي بلصقه 

حطي ورد من عندك والنتيجه حاجه جدا كيووت وخاصه فيك ♥

بهالعمل استخدمت الوان قزاز من جرير والاسفنجه اللي تلون 

وحده لونتها كامله "واكتشفت تلوينهم مو سهل !! فخليتهم ستايل فنتيج ياحبيبي هههههه"

الثانيه لصقتها من فوق وتحت وصبغت بالنص بس في فكره انك تحطي حرفك وتصبغي الباقي النتيجه تطلع مرا حلوه

نسيبهم يوم تنشف تمام 

اللي بالنص صبغتها بس طلعت مرا جميله ♥ حطيت فيها ميني مناكير عندي اما الثانيه مو مرا فااعترف علشان كذا مابينتها

بالصوره ههههه .

لاحد يسال من وين جبت هالكرستالات هههههه .

وبغرا مسدس ثبتها على الغطا والنتيجه 

مرا جميل اضاف لها لمسه انيقه بس ماخلصنا هنا ♥

لصقت عليها هذا اللصق 

بعدها جبت التجليده اللي ينكتب عليها بالطباشير تلاقوها بالمكاتب وبعض محلات الكماليات .

وكتبت بالطباشير والنتيجه 

مرررا حبيت النتيجه واستخدمتهم للقطن هنا النتيجه النهائيه 

هذي نتيجه عملين حطيتهم بصينيه مع بعض طالع شكلهم جدا جميييل ♥♥

ان شاء الله حبيتو البوست واستفدتو منو  واذا سويتو شي او فكره جديده ونزلتوها بالانستجرام اعملولي عليها تاج ترا جد

احب اشوف شغلكم واشياءكم او اشياء اشتريتوها عرفتوها مني وكذا احس اني قريبه منكم ♥♥ احبكم ♥

♡♡

Twitter | Instagram | Bloglovin | Ask