الأحد، 15 مارس، 2015

افضل خمسه منتجات من ايلف ♥♥ !!

السلام عليكم ورحمه الله ،
منتجات ايلف انتشرت بشكل كبير بسبب سعرها الرخيص المنتج الواحد ب ٣ دولار فقط !!
في ناس ماجربوها قالو مستحيل تكون كويسه على هالسعر وفي ناس زي مثلا مافي شي منهم ماجربو هههههه
بصراحه انا حبيت البراند في منتجات مرا حبيتها ومااستغنى عنها وبعضها عاديه فهالبوست راح عن افضل ٥ منتجات جربتها منهم 


مات ليب كولور درجه تي روز قد تكلمت عنو هنا انو يعتبر بديل لمنتج من نارس نفس القوام واللون انا احبو بعد مااحط 
ليب لاينر هذا فوقو كريمي ومات ومايجفف الشفايف بس ثباتو مو عالي بس جدا طبيعي وناعم جميل جدا لكل يوم والصباح 


باليت الحواجب درجه ميديم برضو كان بديل لمنتج من بنفيت هنا بالبدايه ماحبيتو مرا اختلاف درجه الواكس عن البودره ماكان يعطيني نتيجه تمام وكنت دايم استخدم بودره حواجب من سيجما لوحدها لونها جدا يناسبني بس كان الثبات يجنني مع الطرحه وكذا تخف :$ جربت استخدم الواكس = الشمع من هالباليت مع بودره سيجما حبيييت النتيجه ثبات ولون جميل ومن بعدها مستحيل استغني عنه بالذات انو كذا كريمي سريع بالتوزيع والدمج 


كريم جيل لاينر هذا الجيل لاينر بصراحه ابهرني جدا كريمي وسهل بالاستخدام وسواده وثباتو جميلين مقارنه بالسعر
له فتره طويله عندي ماجف ولا تغير فيه شي زي ماهوا ! لو حابه تتعلمي على الجيل لاينر لاانو كثير بنات يستصعبو
استخدامو انصحك تجربي وتتدربي عليه .


بلاشر بلشينج روز بالفتره الاخيره ادمنتو بصراحه بالبدايه ماحبيتو وهوا بالعلبه حسيتو غامق بس بالشتاء والالوان 
الغامقه جداا حبيتو مع بشرتي يطلع اللون الروز الغامق على شويه برونز يعني يغنيني اني احط برونز ومع الارواج الغامقه
جدا جميل ثباتو مو عالي بس جيد .


اخر منتج واكثرر منتج كرفتو♥ من الصيف واكثر باليت الكونتور والبلاشر الكريمي مالو الا درجه وحده 
اقلكم انا اشتريت فاونديشين وطلع عليا برونزي نوعا ما فما قدرت استخدم معاه كونتور بااندر تون رمادي
كالعاده احتجت شي يكون الاندر تون على برونز اكثر وجربت هذا طلع شي جداااا جميل مع الفاونديشين البرونزي !! 
للامانه كل مااستخدمتو انسال عنو كثيير حبيتو كريمي وسهل بالدمج بس اهم شي انتبهي استخدمي لو عامله ميك اب
برونز لو مو عامله برونز ممكن يعطي نتيجه على اورنج حبتين :$
كل منتجات ايلف اطلبها من موقعهم هنا او تلاقوها عند التاجرات .، لو جربتو شي منهم شاركوني تجاربكم معاها 




هناك 34 تعليقًا :

  1. جميل جدآ ، شكرآ آميرة

    ردحذف
  2. يعطيك العافيه ، بوست لطيف ..
    وبالمناسبة جد موهبتك في التصوير بيرفكت ماشاءالله

    ردحذف
    الردود
    1. شكررا لك من ذوقك والله ♥

      حذف
  3. بوست أنتظره من زمان يعطيك العافيه

    ردحذف
  4. حمستيني اشتري الجيل لاينر شكرا حبيبي 💗💗

    ردحذف
  5. من جد منتجاتهم جميله جدا ♥ اكثر شي حبيته جل الحواجب من جد فظيييييع♥ ومصحح الايلانر بس على طول يتوصخ لازم تشتري جديد بعده :/ ، ان شاء الله بجرب ارواجهم 😍
    شكرا ع البوست الجميل زيك ♥

    ردحذف
    الردود

    1. ايوا جيل الحواجب بجد مااستغنى عنه .. وصح المصحح بسرعه يتوسخ :/
      العفوو:) ♥

      حذف
  6. يعطيك العافية بوست جميل كالعادة ..جد انا جل الحواجب مرا ارتحت عليه والبلاشر جميل 😍

    ردحذف
  7. يعطيك العافيه
    عرفتينا على افضل المنتجات البلشر والمات ليب حبيتها كثير

    ردحذف
  8. يعطيك العافيه مبدعه كالعاده بتصويرك وسناباتك وريفيوهاتك
    اعشق منتجات ايلف بشكل عام وتجي على طلبي وكنت اطلبها من تاجرات
    وللاسف حاليآ صرت اجيبها من طيبه اكتشفت انها مقلده وكل منتج يفشل معي بلشرات ماتطلع اللون مايبين وباليت الحواجب ماصار يعطيني نفس النتيجه المعتاده

    ردحذف
    الردود
    1. اما سناباتي ابداع ههههههه
      طيبه هذا احس مو كل المحلات اصلي فالواحد لازم ينتبه .. والله يعافيك يارب ♥

      حذف
  9. جربت كم بلاشر من عندو جد حبيته نفسي اجرب البخاخ اللي يثبت الميك اب واشياء تانيه حبيت الماركه

    ردحذف
  10. الآيلاينر ثباته مو حلو بالنسبة لي بعد ما ينشف يبدأ يتقشر فخليته للطلعات السريعة والخفيفة وعشان أتدرب عليه $:

    ردحذف
    الردود
    1. غريبه انا يقعد معايا اليوم كولو !! حتى تمنيت اني اعرفو باايام الجامعه لااني احسو مناسب لها :)

      حذف
  11. يعطيك العافيه عالبوست الجميل 💕

    ردحذف
  12. عجبني البوست وان شاء الله اجرب منه الي تكلمتي عنه لاني ماجربت من عندهم الا ماسكارة الحواجب ..،
    الله يوفقك ويسعدك ..،

    ردحذف
  13. يعطيكي العافيه برضوا جربت الاضاءه تجنن

    ردحذف
  14. يعطيك العافيه بوست جميل كالعادة
    الله يوفقك يارب

    ردحذف
  15. حمستيني عليها.. بس انا من يجيبوا سيرة الشراء بالنت اخاف ما ادري ليش..
    موضوع جميل منتظرينك لا تكتطولين علينا في البوست الجاي و يا ريت يكون عن مناكيرات رخيصة و جميلة 😊

    ردحذف
    الردود

    1. لا تعلمي والله متعه جدا الشراء بالنت بس استخدمي بطاقات الفيزا المسبقه الدفع بيكون وضعك امن
      وان شاء الله من عيوني ♥

      حذف
  16. نفسي يكون عندي شيء من عندهم دايما ينصحوني فيها واتجاهل بس تحمست اجربها وحبدا بالجل ايلاينر وبديل ماك فكس بلس اللي عندهم

    ردحذف
    الردود

    1. جربي مو خسرانه بس حاولي تجربي اكثر المنتجات اللي عليها مدح .

      حذف
  17. حمستيني على البرونز والبلاشر وباليت الحواجب *_*
    انا جربت منهم البلاشر الكريمي بس مررة ماحبيته :(
    يعطيكي العافية يارب ♥

    ردحذف
  18. ما جربت ولا شي منهم بس بعد مدحك اكيد بجرب شكراً 💕🌷

    ردحذف
  19. الله يسعدك اميرتنآ مبدعه كالعاده 💞 حبيت جل الحواجب وبرضو مقشر الشفايف من ايلف مره جميل 🌷

    ردحذف
  20. كنك داريه اني توني طالبه منتجات منهم..باقي برايمر العين عليه مدح كثير وانه بديل لأريبان ديكاي 😍
    مشكوره حبيبتي ماننحرم 😘😘

    ردحذف
  21. يعطيك العافيه أميره متابعتك بصمت من شهور وحبيتك وحمستيني اجرب منتجات ايلف وعندي طلب بما انك حامل ياليت تسويلنا بوست عن تنسيقاتك للملابس الحمل وتجهيزات البيبي والله يقومك بالسلامه 😘

    ردحذف
  22. ان شاء الله بطلب أغلب اللي ذكرتيهم
    هالماركة تعجبني وأسعارها جدا حلوة
    وايضا منتجاتها عملية
    جربت البلشر السايل حلو
    وبرضو فيه ادات عشان رسم الآي لاينر حبيتها
    شكرا أميرة

    ردحذف
  23. سبب رخص الشركة ان مالها ستور محل الا فقط اونلاين يعني طاح قيمه المحل والموظفين لكن كمنتج اشوف مثل لوريال و برجوا وهالشركات

    حمستيني اجرب الب لاينر شكله مشوق

    ردحذف
  24. يعطيك الف عافيه ❤️

    ردحذف
  25. قهررررررررر امس طلبت من ايلف ليتني شايفه البوست
    اخذت باليت الحواجب ميديم .. بس البرونز والبلاشر لا :(

    ردحذف
  26. ماشاء الله جد ايلف عندهم اشياء جميله بغض النظر عن سعرهم بس حبيبتي ياليت تتكلمين عن الطلب من المواقع واي شركات الشحن تتعاملين معها وشاكره لك

    ردحذف
  27. فعلاً باليت الحواجب شي جمييييييييل

    ردحذف

Back to Top