ريفيو لمجموعه الشعر من بانتين برو-في الاكثر كثافه ♥

السلام عليكم ورحمه الله ،
بانتين من فتره غيرو من مجموعه الشعر عندهم الشامبو / بلسم / بديل الزيت واطلقو الجديده بااسم بانتين برو-في فكره منتجاتهم الجديده بتكنولوجيا جديده 

كلنا نعرف المويه عندنا لها تاثير على شعورنا وكيف ممكن تعدمها وكثير بنات يحبو يغسلو شعرهم بعد الشاور بمويه صحه وانا كنت اسويها بس شغلتها شويا يعني غالبا انسى :$
المهم السبب اللي يخلي مويتنا مو كويسه الشوائب المعدنيه بالذات النحاس !

فالمشكله كانت النحاس كيف ممكن يتخلصو منه؟ فالعلماء حق الشعر مع بانتين انو " مضادات الاكسده" تعمل على حمايه الشعر كن اضرار النحاس وتاكل البروتينات الحيويه بالشعر ومع الاستمرار تنخففض مستويات الاكسده ويحافظ على البروتين ويتحسن شعرك مع الوقت .

حبيت اقولكم عن فكره منتجاتهم الجديده ودحين راح اقولكم تجربتي بالبدايه انا شعري نوعه مصبوغ الجذور دهنيه والاطراف جافه . ارسلولي مجموعه كبيره وجيت اختار من بينهم لاحظت فكرتهم جديده مافي يعني شامبو للشعر الجاف او الدهني يعني مو التقسيم المعتادين عليه الانواع االي اذكرها انسيابي وحرير ، معالج للشعر التالف اذا مو غلطانه وشوفت هذا اكثر كثافه تحمست اجربه !
ليا تقريبا امكن ٣ شهور على الشامبو والبلسم بالبدايه ماكنت متحمسه بس بجد من اول استخدام شوفت فرق جدا حبيت المجموعه ناسبتني وغيرت شعري بشكل ملحوظ !

الشامبو ناسبني مع انو تعرفوني الفروه عندي دهنيه بس هذا ناسبني يعني يشيلها بس مو بشكل قوي بس يعني 
ناسبني جدا للاستخدام اليومي لطيف وينظف مايدهن الشعر واذا شعرك جاف جدا وتالف لا مااتوقع يناسبك تحتاجي نوع ترطيب اقوا لاان هذا ينظف ويرطب بشكل متوسط .

اعتبر الشامبو والبلسم مكملين لبعض انا كنت استخدمهم سوا لازم الشامبو لوحده ترطيبه مايكفي اطراف شعري الجافه اللي لاحظته من جد كثافه مو شعر طاير لا بس شعر حيوي واللمعه !! اللمعه من جد من اول استخدام من جد مجموعه خلتني احب شعري وللامانه انا دايم اذا روحت صالون اسوي شعري ينصحوني انو تحتاجي انك تحطي ماسكاتوتهتمي مع اني دايم احط ! بس اخر فتره من استمراري عليه كل كلامهم مدح شعرك جميل وحيوي بس الاطراف جافه فيها تشابك ،، حتى حددت موعد مع اخصائيه شعر على اساس اسوي فيلر قالتلي لا حرام مو محتاجه اللي ممكن تسوي ماسك تريتمنت علشان الاطراف بس فالحمد لله خليت بعايلتي شخصين يجربو المجموعه علشان اتاكد واثنيهم من جد حبو المجموعه واستخدموها 

نجي لبديل الزيت اللي كثر عليه الكلام ناس تحبه ومستمره عليه وناس ماتمدحه وتقول سببلها تساقط واكيد كل شخص وله تجربته ،، عن نفسي انا كنت استخدمه من قبل العادي مو اللي بالتقنيه الجديده بالجامعه واحبه بس كنت استخدمه بطريقه معينه كنت اخذ كميه بسسيطه وابخ عليها مويا علشان اخففه وبعدين اوزعه لااني كنت اذا استخدمته بشكل مباشر تسير الشعره يابسه :$ بالنسبه للتساقط مالاحظت بس انتبهي تستخدمي ع الجذور او بكميه كمبيره لاانه بديل زيت فزي الزيت لو طول بالعشر يثقلها وبهذا اللي يخليه يتساقط ! بالنسبه للجديد للامانه مااستخدمته كثير بس استخدمته بشكل مباشر بس حاجه نقطه اوزعها وكويس يرطب ويعطي احساس النعومه للشعره اذا مسكتيها بس زي ماقولت مااستمريت عليه زي الشامبو والبلسم .
بالاخير هذي تجربتي بكل مصداقيه وتذكري انو تختلف التجربه من شخص لااخر ،، وكالعاده احبكم جميلاتي ♥

♡♡

Twitter | Instagram | Bloglovin