مشتريات الشتاء : زارا ، شانيل ، اتش اند ام .. ♥♥

السلام عليكم ورحمه الله ♥♥

كيفكم مع تغير الجو ودخول الشتاء ؟ بديتو تقضو ؟ انا قضيت كم شي وقولت اشاركم هيا ♥

بلوفر من بول اند بير حبيت الشغل اللي عليه مرا♥والترتر طالع تريند بهالفتره يعني يدخلو بملابس البرد بطرق مختلفه سعره ١٨٠ حدود هالسعر ناسيه والله .

بلوفر من كينزو من زمان عاجبني بس ماقد لقيت لون يعجبني ومن كم يوم اريج تقولي شوفت لون عودي على ممثله جميل روحنا كينزو "رباعايات بمملكه المراه " ولقيناه اخر حبه وماكان معروض جدا حبيت الوانه والاصفر فيه اعطاه حياه♥ سعره ١٠٢٥ ريال .

بلايزر فيلفيت = جاكيت مخمل عارفين المخمل كان من موضه السنه اللي راحت بس ماانتشر مرا هالسنه انتشر اكثر ♥ حبيت هالموضه لاان المخمل يضيف فخامه للبس حتى لو هوا بسيط ب ٢٤٩ من اتش اند ام .

فيلفيت كيب من زارا جميل ومرتب♥ ب٢٩٩ ريال .

من زمان نفسي بالترنش كوت بس ماقد لقيت شي خامه ولون حلو بنفس الوقت وشوفت هالقطعه تجمع بين فكره الترنش كوت بس ماهو طويل وحبيت اللون والخامه جدا مرتبه♥ من زرا ب٢٩٩ .

من فتره اجرب جينزات كويسه نوره العوفي♥ مدحتلي جينزات اكسبرس روحت اخذ منها لقيت عليها خصم تخيلو الواحد كان ب ٣٠٠ وكثر وبعد الخصم ب ٩٠ ريال ! من جد جميل ورتب باللبس بس ماغسلتو لسي فماادري حق  كرف او لا .

بنطلون هالموديل موضه من فتره وراح يستمر حتي بالشتا حبيت الوانه سعر ١٥٠ اذا مو غلطانه من زارا .

فستان طويل واكمام طويله حلو زي كذا بالبيت او تلبسي فوقه قطعه لو تلبسي بخرجات ب ١١٩ من زارا

بينسل سكيرت من زارا بصراحه البينسل السكيرت من القطع اللي اكرفها .. حبيتها♥خامتها بطله♥من زارا ب ١٨٩

قميص مخطط اسود وابيض/الثاني اصفر كومني حبيت درجه اللون جدا و حبيت قماشها اثقل من الشيفون وناعمه زي الحرير من اتش اند ام ب ١٤٠ تقريبا للواحد . 

هاي نيك توبس جدا جميلين وكلاسيك مفيده بالشتا تحت بلايزر او مع بينسل سكيرت متاكده راح البسهم بتنسيقات كثيره ♥ ب ٩٩ ريال لكل وحده من زارا .

خاتم من شانيل هادي وناعم♥ ب ١٢٠٠ تقريبا من بوتيكهم بالمملكه .

شنطه للاكسوارات والمجوهرات بالسفر من زمان عاجبتني بس ماالاقي الا اللون البيج واخيرا لقيت هاللون وعليه خصم♥!

كذا تقسيمها من جوا جدا عمليه مكان للحلق / السلاسال / خواتم والشنطه الصغيره اللي جوا تقدري تفكيها سعرها بحدود ال ١٥٠ من بوتري بارن .

بالفتره الاخيره الشنط سرنا نشيل ميني والمحفظه اكبر من الشنطه ههههه وبنفس الوقت استخدم الكرديت كارد اكثر منالكاش فقولت اجيب كارد هولدر بس ماكفت وشوفت هذي من ال في ميني والت من القسم الرجالي بس جدا ناسبت
متطلباتي ابغى شي يشيل بطاقاتي وكمان لو احتجت شويه كاش جدا عمليه تقسيماتها كثيره ب ١٢٠٠ تقريبا من لويس فيتون ♥.

واليت ان تشين من شانيل حق اريج اختي انا اخترتها لها حبيتها من اوول نظره جداراقيه وكلاس من لون وخامه حبيييت♥♥♥ تغيير عن الجلد المعتاد ولونها  اجمل بالطبيعه كمان ♥♥

سلسالها تمنيته طويل علشان تنشال كروس ،، بجد قطعه جميله ومميزه تتهنى اريج فيها "ابدا ماقعدت اقنعها بالبيت اشتريها منها ههههه" ب ٦٧٠٠ ريال من بوتيكهم بالمملكه في الوان ثانيه منها فوشي / نيلي .

وبما اننا في اريج هذا سنيكرز تبعها من ديور صورتو بالسناب وكثيير جاتني اسئله عليه كم سعره اول سوال هههههه ب ٤٤٠٠ من ديور في بنات سالوني وين ينلبس ؟ كيف ينلبس ؟ 
انلبس كثير مع جينز مع فساتين ناعمه وكمان احنا مع العبايه احس جدا لايق ومرتب ♥انا حبيتو بس للاسف مافي مقاسي والنيوكوليكشن ماحبيتو :/ اصلا حتى الموظف يقولي الطلب على هذا الموديل اكثر من الجديد .

من زمان ادور على نظاره كات ايز تناسبني واخيرا لقيت بشانيل♥ سعرها ١٦٠٠ تقريبا من بوتيكهم بالمملكه .

اسواره من فان كليف حابه الاحمر مرا ودايم اصلا اميل للغوامق♥ سعرها ٥٢٠٠ ريال من بوتيكهم بسنتريا .

دايم اسمع مدح على ارواج انجلوت المات وفي درجه ٤١١ دايم سولد اوت واخيرا لقيتها اخذته ب ٧٥ ريال من فرعهم بحياه مول .

كوكو مادموزيل بودي اويل من شانيل زيت للجسم بخاخ جابتو ليا نوره العوفي من دبي بالجاليري لافيت جميل خفيف بس ثباته مو مرا احب استخدمه بعد الشاور ع الجسم سعره ٢٧٠ شي زي كذا .

بودره الجسم ان فايف من شانيل♥ تكملت عنها سناب وللان تجيني اسئله عليها اخذتها من سيفورا هنا ب ٣٥٠ تقريبا حلوه بعد الشاور ريحتها فواحه بس مو قويه وثباتها مو عالي بس جميله .

شمعه من ديبتيك بريحه المسك وهي مطفيه ريحتها ذكرتني بريحه الاوتيلات والنظافه♥ بس جربتها مرا حسيت الريحه تختلف اذا شغلتيها بس برضو حبيتها ب ٢٥٠ ريال من محل o100 المحل عارفين بولجري اللي بالعليا العام ؟ تلفي من عنده كاانك رايحه مطعم الجبيانو هوا هناك المحل وبجد المحل جميل اللي تحب العطور المميزه انصحها تزوره.

من نفس المحل اخذت هذا دراي اويل للجسم والشعر وانا اخذته للشعر حبيت الريحه حسيت تمشي مع ريحه البخور والعود بحدود ال ٢٠٠ ريال .

ان شاء الله حبيتو البوست واستفدتو منه ♥♥ وكالعاده احبكم جميلاتي ♥

♡♡

Twitter | Instagram | Bloglovin