السبت، 18 أكتوبر 2014

نفتح هديه ديور سوا ♥♥ #diorbackstagepros

السسلام عليكم ورحمه الله 
قبل يومين وصلتني هديه من ديور مرا انبسط فيها انها واصلتني من مكتب ديور الرئيسي وكاتبين ليا انو مرا حابين بلوجك
واللي بتقدمي 

نلزت صورتها بالانستجرام وسالتكم لو حابين تشوفوها وقولتو اكيد فلمى جيت انزلها بالانستجرام الاشياء كثيره وحيسير
كلام كثير وحوسه فقولت انزلها ببوست صغير وبتفصيل براحتنا هنا "اعترف الانستجرام يقيدني ماادري احب البلوج
اكثررر خلونا نبدا ونفتح الهديه سوا 


الهديه عباره عن المنتجات اللي يستخدموها في الباك ستيج على العارضات بعروض ديور 


اخترت هالمنتجين اول شي اوريكم هما لاانهم عندي من اول اخذتهم الاثنين بعرض من المبيعات الجويه بسعر كان حلو
اتوقع بحدود ال ٢٥٠ :$
من اليمين مرطب للشفايف و ممكن تستخدمي كمعالج لمده ١٥ يوم انا بصراحه حابتو اكثر شي علشان لو استخدمتي
اي وقت وشفايفك كانت مرا ناشفه وتعبانه على طول يعبي الخطوط اللي بالشفايف ويبينها صحيه وجميله بثواني 
يعني غالبا اذا جيت بحط ميك اب استخدمو مرا يرتب شكل الشفايف بس مفعولو مؤقت بس ترطيبه جميل يبقى لمده 
انا للان ماجربت استخدمو كمعالج بس كمرطب قبل الميك اب زي ماوضحت .
الثاني جلوس و مكبر شفايف مو مكبر لا عارفين اللي يجي كذا حار ويلسع الشفايف ويعطيها امتلاء بس مؤقت 
حلو بس مو الواو وقد شوفت نفس فكرتو بماركات كثيره :)



باقي المنتجات مااعرفها بس الحلو في ورقه شرح لكل منتج فراح اقلكم كل منتج على اللي فهمتو من الورقه:)
هذا برايمر جلو ماكسمايزر  يعطي اضاءه للبشره ممكن تستخدمي لوحدو او قبل كريم الاساس او ممكن بعد كريم الاساس
علي الاماكن اللي نحتاج نبرزها "حواف الانف ، الوجنات ، قوس الحاجب" .
جربتو بيدي العلبه ظغاط وقوامه كريمي زي الاضاءه بالظبط وفي حبيبات شيمر صغيييره بس اجربو راح اقلكم راي فيه . 

برايمر بور مينيمايزر من اسمو للمسام يوعد انو في اللحظه يتم التخفيف بشكل كبير من المسام والثنايا البارزه وتوحيد
وتنعيم البشره ويستخدم قبل الميك اب وومكن بالنهار بعد الميك اب على "حواف الانف ، الوجنات ، قوس الحاجب"
العلبه ظغاط وقوامه سائل جدا وريحته عطريه بس ريحه جميله بس استغربت انو سائل احس صعبه بعد الميك اب
بيحوس الدنيا :$ بس قبل خفيف ومكتوب انو مايدهن .

سكين فلاش ..هوا زي القلم له فرشه كاتبين انو يصحح ويمحي العلامات الكامده والتعب ويعيد قولبه تقاسيم الوجه وينير
البشره ومناسب للتصوير ويمتص  الاضاءات ويعكسها بكل الجهات وغني بالعناصر المعدنيه لتحسين القدرات الطبيعيه 
لعكس النور .. يستخدم لوحدو او ممكن بعد الفاونديشين .
جربتو القلم ينلف من تحت علشان يطلع المنتج حسيتو خفيف انو يستخدم ككونسيلر بس كهاي لايتر ممكن .


باك ستيج اي برايمر .. برايمر للعين قبل الشادو يوعد انو ينعم الجفن ويصحح الجفن ويخلي لون الشادو اوضح ويمنع الشادو
من انو يخخط او يتجمع ،، ملمسو اممم زي الشادو الكريمي ثقيل بس بعد ماتوزعي تحسي انعم .

ديور شو ماكسمايزر لاش بلمينج سيروم .. سيروم للرموش يستخدم قبل المسكره العاديه او ممكن بالليل قبل النوم
ككونديشينر للرموش للاسف مافي الورقه اللي تشرح بس شكلها فيها فيتامينات وهالشغلات علشان كذا تستخدم بالليل
لوحدها .

ديور شو ارت بين .. اي لاينر فرشتو غريبه نوعا ما بس نجرب ونشوف :)


بلاشر روزي جلو درجه ٠٠١ 
لمى جيت اكتب البوست تمنيت اني مصوره المنتجات بتفاصيل اكثر زي ريشه الاي لاينر وكذا بس لااني اصلا مافتحتها سايبتها اصورها ولمى صورتها مافتحتها كويس لمى جيت اكتب جلست افتح واشوف علشان اكتبلكم استوعبت انو قهر ليتني صورتهم :$
 بس ان شاء الله اذا جربتهم وصورتهم للريفيو اصور كل شي .
لو لك تجربه مع اي منتج ياريت تشاركينا هيا واشوفكم على خير ياجميلات 





هناك 12 تعليقًا :

  1. الايلاينر مرة حلو أنا استخدمته، و اذا عرفتي اذا البرايمر اللي يخفي المسامات كويس او لا ياليت تفيدينا ❤️❤️

    ردحذف
  2. جميلههههههه كعادتك
    يعطيك الف عافيه ي رب
    مرا انبسط لما اجلس ع مدونتك
    نص وقتي يروح فيهه يخليك ي رب

    ردحذف
  3. حلوة الهدية تستاهلي

    ردحذف
  4. حبيتها الهدية ، تستاهلي ميمو ..

    ردحذف
  5. ماشاء الله على البركة تتهني فيها ♥
    تعجبني مصداقيتك وصراحتك في المنتجات حتى لو كانت هدية هدا اكتر شي يخلينا نثق برأيك ♥♥
    يعطيكي العافية ♥♥

    ردحذف
  6. البلش متحمسه له اللي فهمته انه يعطي جلو ولون طبيعي جداً سمعت مدح ع الايلاينر خساره توقعت ارسلوا لك المطرب اللي الكل هاب فيه

    ردحذف
  7. المرطب اقصد ياشييييين العجله هههههههههههه

    ردحذف
    الردود

    1. مطرب ها ههههههه بالنسبه للمرطب المشهور عارفه كم مرا اروح واتردد واخر شي قررت اشتري قطعوه خلاص للاسف :"(
      يقولو هذا بديل عنو ماادري اذا بجد ولا !

      حذف
  8. i love you amira so much
    i wann be like you independent women
    also i hope open my blog
    ask god save you and your family

    ردحذف
  9. جميله كالعاده . وديور اشيائهم رائعه .. اتمنى تشرفيني بمدونتي انا لسى باديه واحتاج نقدك

    ردحذف
  10. نستنى الريفيو لأني صراحة متحمسة أجرب كم شغلة *يعطيك العافية أميرا* .

    ردحذف

Back to Top