الأربعاء، 15 أكتوبر، 2014

منتجات حبيتها بالفتره الاخيره ♡♡

السسلام عليكم ورحمه الله 
وحشتني مدونتي و وحشني التدوين وانتو اكثر شي فقدتو بالفتره الاخيره بس ان شاء الله نرجع زي اول واحسن 

عارفين من فتره لفتره انزل مفضلاتي للفتره الاخيره صح اني ماانزل شهريا لااني مااقدر احكم على المنتج بسهوله
اقل شي احاول اجربو شهرين علشان اقدر احكم عليه تمام .. سو يلا نبدا 


ستبلينج برش = فرشه الستبلينج من ريل تكنيك .
يالله قد ايش كنت مستهونه فيها لااني من قبل مجربه الستبيلنج تبع ماك وسيجما وماحبيتهم مرا :$ هذي حبيتها مرررا
استخدمها بتوزيع الفاونديشين الخفيف والبي بي كريم مثلا مرا جميله بس ابدا لا تفكري انتي وتوزع فيها تسحبي
لاانها راح تخطط معاكي لا حاولي تكون حركتك دائرايه وصغيره تعطي تغطيه جميله وطبيعيه 
واحب استخدمها لتوزيع البلاشرات الكريميه والتينت والاضاءات السائله لاان حجمها صغير تقدري تتحكمي بسهوله
لاان اللي جربتهم قبل كانو كبار فكانو بعض الاحيان ينشرو البلاشر بكل الخد ومااسير مهرج ابدا :)
متوفره بموقع درج ستور بسعر معقول وجودتها مقابل سعرها بطله جدا .


بودره برونز من بودي شوب "اعتذر من حالتها المزريه بس هذا دليل الكرف كل مااسافر ضروري تكون معايا"
انا احب استخدم برونزر بسسيط على كامل الوجه بس يكون خفيف مو شي فرق شاسع عن الجسم ! لا البرونز اللي يحددلك ملامحك اكثر ويعطي كذا دفئ للوجه المهم مرا حبيت تبع بودي شوب مرا مايبين طبقه علي البشره استخدمو للميك اب الناعم وبرضو بالمناسبات وغالبا استغني عن البودره اذا استخدمتها .. واخر سفره نسيتو انهبلت عرفت قد ايش احبها 
متوفر بمحلات بودي شوب افتكر اخذتو بحدود ال ١٠٠ ريال والدرجه اللي عندي ٠٢ صح فاتحه بس بالنسبه ليا تعطيني
الشي المطلوب .


شادو كيكو المائي بدرجه ٢٢٧ .
حبيت اللون جدا ناعم جاي اممم لؤلؤي علي شويه موف ورصاصي عارفين الالوان هذي اللي تجي كذا بلمعه ماتعرفي
تحدديلها لون :$ المهم بالفتره الاخيره اكتفي فيه وشويه رمادي بالجفن الداخلي واي لاينر وبس لوك ناعم ونظيف كذا 
اخذتو من موقع كيكو نفسو .

من تحت من ريفلون مات بالم درجه ٢٢٥ وبعدو الليب لاينر = محدد شفايف من ماك بدرجه soar واخر شي ليب لاينر 
من اربن ديكاي درجه نيكد .
المهم ادمنت هالدرجه بالفتره الاخيره مااشوف الا هما استخدم الليب لاينر سواء اللي من ماك او اللي من اربن ديكاي
وبعدهم المات بالم من ريفلون مرررا جمييلين سوا 
الليب لاينر الدرجه قريبه من بعض يعني لو اخذتي واحد منهم يكفي بس تبع ماك ثباتو اعلى واللي من اربن ديكاي كريمي
ماينشف الشفايف راح انزلكم السواتشات بالانستجرام ان شاء الله :)
المات ريفلون والليب لاينر من درج ستور وتبع من ماك من محلهم .

كونسيلر انسانت ايج ريوايند "يارب الاسم صح ههههه" عندي درجتين من اليمين فير والاغمق ميديم 
بالبدايه اخذت الميديم ككونسيلر مرا حبيتو خفيف وناعم وبنفس الوقت تغطيتو كويسه بس مو عاليه يعني عندي نمش
مايغطي ليا ١٠٠ بالميه لا ممكن ٨٠ بالميه بس حبيتو للطلعات البسيطه والاوقات الطويله لاانو ثابت معايا ومايخطط
ومنظرو طبيعي جدا بعض الاحيان استخدمو لتحت العين والاماكن اللي تحتاج تغطيه بسيطه وباقي الوجه برونزر
بودي شوب يطلع تغطيه جميله لكل يوم .. بس كتغطيه عاليه لا ماراح يغطيلك .
بعد ماحبيتو كيف خفيف اخذت الفير وقولت اجربو كهاي لايتر وبجد كان مرا بطل بس استخدمو بالميك اب الكامل
والثقيل مو بشكل يومي او طلعات بسيطه بس مع لوني اعطاني هاي لايت جميل وناعم طبيعي 
كلهم متوفرين بموقع درج ستور .

مرطب للجلد حول الاظافر من مافالا .
اول مااخذتو افتكر سعرو كان حول ال ٩٠ ريال قولت اممم غويلي وحجمو صغير وانا دايم احب المنتج اللي راح استخدمو
دايم يكون بسعر معقول علشان يكون سهل عليا اجيبو دايم المهم بعد ماجربتو مرا حبيتو ترطيبو جدا عالي وكمان قوا
الاظافر غالبا استخدمو قبل النوم وكميه بسسسيطه منو تكفي وكمان مايحتاج تستخدمي يوميا بالبدايه يوميا وبعد ماتحسنت كنت استخدمو مرتين بالاسبوع لثلاث مرات كافيه فالمنتج طول معايا ومازالت العلبه مليانه 
اخذتو من صيدليه النهدي .

سيروم مجدد للبشره بالليل بالاوميجا ثري من شركه رين .
هالمنتج كنت متحمسه له والحمد لله ماكان حماسي على الفاضي ! المنتج جدااا رائع استخدمو بالليل قبل النوم اصحى
الاقي بشرتي نضره وصحيه كااني انسانه صحيه وطول الوقت تسوي رياضه ههههههه ماادري كااني رشيت مويا
بوجهي وحبستها "تشبيه زي وجهي :$" ماادري عرفتو الاحساس اللي بشرتك صحيه ونضره ومنفوخه من الصحه !
قبل فتره اهملت نفسي وسويت فتله يالله وجهي شاحب مررا :( المهم استخدمتو مافي ٤ ليالي بشرتي تحسنت مررا 
المنتج وصلني من شركه رين نفسها مااعرف سعرو ومتوفر بالصيدليات الكبيره زي الحبيب .

زيت الافوكادو الطبيعي من موقع اي هيرب .
بالبدايه حابه اقولكم انا انسانه ماتحب الزيوت ابدا واتكسل بااستخدامها دايم ببالي انها تخلي الجسم يدبق وحوسه :$
هالزيت غير نظرتي للزيوت خطييير ترطيبه جداا عالي استخدمو بعد مااخذ شاور كم نقطه منو مع البودي لوشين واوزع
علي جسمي ابدا مااحس فيه ومافي ريحه بس ترطيبه عالي يجلس ليوم كامل او ممكن قبل النوم لوحدو تصحي تلاقي
جسمك رطب بطريقه جميله .

بودي سبراي سن من باث اند بودي .
حبيت ريحتو كذا جايه حامضه "سلكو" المهم كذا حموضه صيفيه منعشه ماادري ماحوصف علشان مااجيب العيد
حبيت المجموعه كامله وخلصت البودي لوشن بفتره قصيره مو بعادتي  :)

مناديل تنظيف للبيت من كولوركس اخذتها من ساكو سعرها بحدود ال ٣٠ اذا مو غلطانه .
المهم اني حبيييتها سهلت التنظيف بشكل كبير انا مااحب المناديل او الفوط ماادري ارتحت مع هذي احس نظافه وتعقيم
بنفس الوقت وبصراحه قويه تنظف بقع كثيره وتستخدم لكل شي خشب وقزاز والافران بطله بصراحه 

بالنسبه للكتب السجينه واقوم قيلا اجمل كتب قراتهم بالفتره الاخيره ومن اجمل الكتب اللي قد قريتها عموما 
السجينه يحكي عن بنت كانت عايشه ببيت الملك زي بنتو تقريبا وتحصل مشكله ينفيها الملك وعايلتها للسجن بصحراء
لمده عشرين سنه !! الروايه حقيقه تحكيها مليكه اوفقير .
الكتاب الثاني اقوم قيلا كتاب جميل جدا عن الدين الاسلامي اتمنى انهم ياخذو منو ويضيفوها لمناهجنا بصراحه !





هناك 18 تعليقًا :

  1. شكرا ع التدوينه رغم مشاغلك والاحداث الكثيره اللي بحياتك الا انك تلاقي وقت للأشياء اللي تحبيها و هوايتك زي التدوين مثلا
    انتي قدوتي في الحياة رغم انك اصغر مني .. بشوي (:

    ردحذف
  2. شششششككككرآ والله

    ردحذف
  3. مفضلات جمييلة جداً وحطيت كم حاجة في لستتي
    رواية السجينة سببتلي اكتئاب اسبوعين .. طول الوقت افكر فيهم ،، رواية تلك العتمة الباهرة .. تشبهها وقصتها واقعية و ذكروا فيها عائلة اوفقير والانقلاب الي حصل .. من بعد هالروايتين حرمت اقرأ شي حزين

    الف مبرووك لزواج اخوك الله يوفقه ويسعده

    ردحذف
  4. ممتتتنه لك أمانه ع مدونتك الأككثر من رائعه شككككرآ لك وشكرآ لتواضعككك معنا وشكككرآ لأميره وروحها الطيبببه ♥♥♥

    ردحذف
  5. مفضلات جمييلة جداً وحطيت كم حاجة في لستتي
    رواية السجينة سببتلي اكتئاب اسبوعين .. طول الوقت افكر فيهم ،، رواية تلك العتمة الباهرة .. تشبهها وقصتها واقعية و ذكروا فيها عائلة اوفقير والانقلاب الي حصل .. من بعد هالروايتين حرمت اقرأ شي حزين

    الف مبرووك لزواج اخوك الله يوفقه ويسعده

    ردحذف
  6. مرسي على التدوينه 💖

    ردحذف
  7. يعطيكي الف عافيه اشتقنالك كثير جعل مايشغلك عنا غير اخو او اخت لسلطان قولي بس امين (خوش دعوه صح)

    ردحذف
  8. شكراً لك ولمعلوماتك .. بجد نستفيد منك كثير
    ربي يعطيك العافية

    ردحذف
  9. المات بالم من ريفلون مخططة عليه من كتبتي عنه اول مرا وكل مرا أطلع أنسی أشتريه 😔
    مع الجو الي كل يومين غبره ، نحتاج نجرب هالمناديل 😍

    حبيت شرح السيروم 😂 عن جد وقعت في غرامه من الوصف 😍
    لإن من بعد الزواج بشرتي تعبت مرا ، خاصه أني صرت أهملها في الليل 😦 بس بسالك عنه هو مثل المرطب العادي اليومي ؟
    يعني مايضر مفرشي او ما إلی ذلك 😂💔

    ( أقوم قيلا ) انا جالسه اقرأ فيه حاليا ، عن جد اتمنی الكل يقرأه ..

    وماتبعدي كثير بتوحشينا 😙

    ردحذف
  10. زيت الافوكادو توني طالبته من اي هيرب
    مره حبيته واحسه بيفيدني مره بالشتا ترطيبه ممتاز

    شادوهات كيكو مره تحمست عليها الكل يمدحها

    مفضلاتك جميله تتهني فيهم يارب
    يعطيك العافية يا عسل ..

    ردحذف
  11. ماشاء الله عليك اول مدونه اتبعها واحرص اني اشوفها ذوق بكل شي التصوير والمنتجات واسلوبك القريب من القلب وكمان حبيت الكتب اتحمست لها ..الله يوفقك ويسعدك

    ردحذف
  12. جميلة التدوينة... الله يعطيكي العافية... ☺️اكتشفت اكتشاف انك قريبة لصديق لنا من دراسة الغربة😉

    ردحذف
  13. يعطيك العافيه ، حابه اسالك سيروم مجدد لبشره الوجه موجود بصيدليه النهدي ؟!

    ردحذف
  14. شكرا على البوست ومجهودك الرائع سويت كابتشر لاكثر من شي بجربه ان شاء الله .
    اذا ماعليك امر ياعمري 💕 حابه تنصحينني بمنتجات حلوه من موقع اي هيرب لانه كل مادخلت الموقع مدري وش اطلب وابغى تجربتك 💕🌹

    ردحذف
  15. لو سمحتي من وين آلاقي زيت الاكادو

    ردحذف

Back to Top