السبت، 8 مارس، 2014

Perfect Palette TAG! تاق: الباليت المثالية!



السسسلام عليكم ورحمه الله
من فتره جاني تاج من البلوجر وفاء حبيت التاج مرا وشوفت كم يوتيوبر عاملتو حسيت مفيد ومناسب اني احكي عن كم باليت 

التاج عن الباليتيس = علبه كبيره تكون فيها شادوهات او بلاشر اي شي المهم انو علبه فيها كم شي .

     Best Packaging أفضل تعليب 




فيس باليت من اربن ديكي "ليمتيد اديشن حاليا مافي بس في النسخه الثانيه منه "
بصراحه ماعندي باليت اعتبره افضل تغليف كلهم عاديين يعني مافي واحد اعتبرو جميل ومميز مرا بس هذا امكن اكثر شي مميز
بالذات لطريقه الفتح بس تظغطي الزر يتفتح تحسي خطير والله !! ههههههه ،، بس من ناحيه نفس الغلاف اللي يبقع ويبان عليه كل
شي ولونه يقلب باهت قبل مااصورو مسحتو وكذا :$
مايحتاج اقلكم شي بجوده شادوهات اربن ديكاي بطله جدا وزي ماقولتلكم دايم حلو يكون عندك باليت باالوان غير عن الطبيعيه
حلو للسهرات ولو حابه تغيري

أقوى ألوان أيشادو Best Color Payoff  
 
 
اكوا كوليكشن من سليك
الباليت جاني هديه ولا انا دايم احب الالوان الطبيعيه والهاديه زي كذا مستحيل احط :$ للان مااستخدمت الا اللون الفضي بصراحه
جميييل واللون يبان معاك بسرعه والثبات عالي ناويه اطلب باليت الالوان الهاديه والطبيعيه .

باليت متعددة الإستخدامات Most Versatile 



متعدد ماعندي اللي بشادو واشياء ثانيه الا واحد وراح احطه بتاج ثاني فخليت هذولا لمتعدد الاستخدامات 
من اليمين فوق ايلف كونتور وبلاشر
واللي تحتو الابيض من بنفيت في برايتر = مفتح او زي الاضاءه / كوفر = تغطيه / كوريكت = مصحح 
يسار من فوق بلاشر وكونتور وهايلاتير من سليك
واليسار تحت بلاشر وكونتور كريمي من ايلف
للان كلهم تحت التجربه بس حلوين الباليتز اللي زي كذا يفيدك يكون بالشنطه دايم او السفر .

الأفضل للتنقل Best for Traveling  



باليت نيكد بيسكس من اربن ديكاي
جماال هالباليت بطل جداا للسفر ولكل يوم وللشنطه لو تحتاجي شي بالشنطه اهم الالوان موجوده وطبيعيه ومات مافي الا لون واحد
شيمر ريفيو كامل عنو هنا .
 
 
باليت ندمت عليها Biggest Regret    



ماندمت عليهم لاانو الحمد لله ماكانو غاليين :$ بس اعتبرهم اسوء شي جربتو فحطيتهم هنا 
الاسود الصغير من نيكس اللون ابدا مايبان حطي مره ولا عشرين مره زي بعض !! غير الالوان الهبله ماادري كيف اشتريتو
احسو لعبه ههههههههه 
الثاني من نمبر سفن اللون مرا واضح ويبان معاك على طول بس عيبو مرا يتناثر يعني تحطي على الجفن عادي تلاقي خدودك
مطقمه مع جفونك هههههههه مررا يتناثر ويحوس :$

أفضل تسمية Best Color Names    



ميت مات من ذا بالم 
الاسم جدا كيوت ميت مات = قابلي مات ومات الشادو المطفي ،، كتبت عنو رفيو كامل هنا .

الأقل إستخداماً Least Used     



كوستال سينتس
اول مابديت اتعلم بالميك اب اشتريتو من الحماس قلك ببدع هههههه بصراحه استخدمتو اول قبل بدون برايمر اللون ماكان يوضح
معايا لازم كم طبقه وكمان باهت :$ انسحب عليه بس ابغى ارجع استخدمو ببرايمر علشان احكم عليه صح اكثر 
بالنسبه للبلاشر حلوه بس مااحب استخدمها لاانو لو بطلع احتاج اعيد عليه ومحلاني شايله هالعلبه كلها !! هههههه

Most Used,  Most Loved, Desert Island أكثر باليت أستخدمها وأحبها
 
 
 
وهل يخفى القمر ؟ باليت نيكد ١ من اربن ديكاي
اكثر باليت استخدمه واحبه واكرفه جميييل جدا اصلا غني عن التعريف لو كنتي مبتدئه او عروسه او يعني اول مرا
تفكري تجيبي باليت انصحك فيه سعره معقول جججدا علي الجوده و الالوان المتعدده اللي راح تلاقيها
 
انا شوفت يوتيوبر اضافات شي للتاج هوا ايش الباليت اللي نفسك في او ناويه تجيبي حبيتو :))
عن نفسي ناويه على نيكد ٣ جميل ومختلف عن نيكد ١ و ٢ 
وكمان باليت لوراك بروبس خلاص جبتو من كم يوم "ياااااي"

 
 
اللي حابه تعمل التاج ياريت وقوليلي لااني حبيتو واحس جدا مفيد .


♥♡

هناك 10 تعليقات :

  1. تاق جميل ومفيد وتدوينة أجمل ❤️

    ردحذف
  2. من وين تشترين نيكيد :(؟.

    ردحذف
  3. بالتوفيق أمميرة تاق جمميل وححيل استفدت منج لاني مبتدئها واستمرري ولي الاعلى أن شاء الله

    ردحذف
  4. مبروك عليكي باليتاتك الجميلة
    تحمست لسليك ان شاء الله اجربه
    ونبغى منك تقييم اكثر على تجربتك مع باليت لوراك :)

    ردحذف
  5. احب الالوان الهاديه اكثر واعرف استخدمها
    ومثلك ناويه ع نيكد 3 وتآآآآق جمممميل مثل جمالكك
    وياليت اميره تنزلي عن ازاله الشعر والاشياء هذي
    ومشككككوره ياعسل

    ردحذف
  6. مرا جميل التاق ..
    مع كل تدوينه نستفيد منك اكثر واكثر ..
    الله يوفقك .

    ردحذف
  7. يعطيك العافيه اميره

    ممكن انا اسوي التاق ^^

    ردحذف
  8. اعجبني مرا نيكد باسكس

    ردحذف
  9. اميرة عملت التاق
    ممكن تشوفيه :$
    http://no0o0ora.blogspot.com/2014/03/blog-post_28.html

    ردحذف
  10. عندي باليت نيكد ٣ ومررررا حابتو ❤️❤️

    ردحذف

Back to Top