ريفيو : لباليت شادو بيسكس / ميت مات ♡

السسسلام عليكم ورحمه الله وبركاته 
كيفكم ؟؟ ان شاء الله انكم كويسين ♥♡
ريفيو عن ٢ باليتس = علبتين شادو ..

نيكيد بيسكس من اربن ديكاي♡♡ بالبدايه مافكرت اخذو بس شوفتو ع الطبيعه حبيتو مرررا وحبيت الالوان وجذبني فيها انو اغلبها
مات = مطفيه وانا احتاج هالشي للوكات الناعمه او لمناسبه بسيطه او حتى سهره وحبيتي تغيري من الشمير
وحلوه الالوان عمليه جدا وجامع الالوان المهمه يعني الباليت ممكن تشيلي بسفر وتستغني عن الباقي♥

حجمو جدا صغير وكيوت عملي جدا وحتى الباكجينج = التغليف الخارجي عملي بعكس نيكد ون لو ملاحظين لمى تفتحي كذا
زي الطق مو مغناطيسي وانا عن نفسي افضل المغناطيس هذا الطق ممكن تتحمسي بالفتح زي واظافرك تشيل من الشادو هههههه

فيه مرايا بحجم الباليت كبيره وجداا عمليه دايم استخدمها ..
نيجي للمضمون نفس الشادو مررا بطل واتوقع اغلبكم مجرب اربن ديكاي وعارف جوده الشادو كيف كويسه .. اللون يوضح معايا
من اول مرا او مرتين وبدون برايمير كمان مرررا بططل♡ غالبا استخدم لون Naked2 على كامل الجفن وFaint  على كسره الجفن و تحت الحاجب كاضاءه
ممكن ارسم اي لاينر باللون الاسود ويعطي لوك جدا جميييل
وممكن استخدم اي لون من Naked2 او w.o.s على كامل الجفن و foxy + venus اضاءه ومدمع العين واي لاينر اسود عريض لوك بسيط وجداا جممميل ♥
لون ال venus بكل امانه من اشتريت الباليت مااستخدم غيره كااضاءه تحت الحاجب 
حبيت البالبت واعطي ١٠ من ١٠ لو تفكري فيه او تبغي شي عملي او مبتدأه بالميك اب او حتي لو مالك في الميك اب وتبغي 
شي بسيط انصحك فيه ♥♥♥ من كثر مااحبو واحسو ضروري حبيت يكون من ضمن اخر جيف اواي سويتو اذا تذكرو
سعره ١٢٩ تقريبا اخذتو من سيفورا دبي عندنا تلاقو عند التاجرات .

ثاني باليت ميت مات من ذا بالم .. للامانه بالبدايه جذنبي الباكجينج ♡ اسمو ميت مات = قابلي مات خخخخخ ومات يعني مطفي
هوا كنت محتاجه شادو مات وهوا اخذتو قبل النيكد بيسكس .

الباكيجينج = التغليف الخارجي بما انو زي الكرتونه فماهو عملي على طول يبين عليه مع اني مااستخدمتو كثر ولا كرفتو بدرج التسريحه دايم
تجي معاه فرشه خربوطيه شعرها بلاستيك درجه اولى هههههه .. مرايا صغيره بس اما انو الشادو يتناثر بسرعه فتتوسخ بسرعه
هيا وحتي العلبه نفسها .
حجمو وسط وصورتو لكم نفس الشي مع نيكد . 

زي ماقولت هالباليت اخذتو قبل نيكد بيسكس كنت محتاجه الوان مات وهاديه علشان للمناسبات البسيطه او لو يوم بسيط وكذا
اول ماجا الباليت جربت الالوان اللي احبها البينك الفاتح والبني الفاتح والبيج ماتبان معايا بدا !! احط برايمير واستخدمها مره
ومرتين وعشره شي بسسسيط اللي يبان !! 
بالنسبه للالوان الثانيه زي ماهي واضح اخضر وعلى ازرق وكذا وانا مو من النوع اللي يحب هالالوان مرا مااتخيل نفسي احطها
بمناسبه بسيطه ولو بسهره افضل اللي بشيمر :$ فعلشان كذا مااستخدمتها الا نادرا 
بس هيا افضل من الفواتح بكثييير يبان اللون معاك بسرعه وجميله على الجفن وثباتها كويس
يعني الباليت مو وااو الا اذا تحبي الالوان الغامقه منها اما اذا ماتحبيها ماانصحك فيه ماراح يفوتك شي لو مااخذتيه :(
 انا ماناسبني مرا واظطريت اخذ باليت نيكد بيسكس .

♥♡

Twitter | Instagram | Bloglovin | Ask