مفضلاتي في الفتره الاخيره ♥♡

السلام عليكم والرحمه .. كيفكم ياجميلات ؟ ♥♡
مفضلاتي بالفتره الاخيره زي ماعودتكم ماانزل شهريا لااني دايما احب اجرب المنتج لفتره طويله علشان اقدر احكم تمام

فخلونا نبدا اول شي بالعنايه بالبشره والشعر 

ابدا بمقشر للجسم روب روب روب من لش .. مقشر الجسم بااملاح البحر 
جمييل جدا واجممل نقطه فيه حبيتها انو ممكن تستخدمي على بشرتك وهيا جافه فمررا مناسب لنا باايام البرد يعني مو لازم تغسلي
جسمك وبعدين تستخدمي ووقتها تكوني ميته برد "اذا كنتي من النوع اللي يبرد مرا زي لووول" فحبيت هالنقطه ججدا
الحبوب فيه مرررا كثيره فتعمل تقشير كوويس والحلو فيه اذا غسلتي بسرعه ينزل مو بعض المقشرات مهما غسلتي اذا نزلتي
تلاقي كم حبه "ينرفزني !!" 

مرطب للوجه من اورنج دايلي
حكيت عنو ببوست منتجات خلصتها هل ارجع اشتريها .. بس جد كان من مفضلاتي وهذي اصلا ثاني علبه استخدمها 
متوفر بااغلب الصيدليات سعره ١٢٠

مقشر يومي من نيتروجينا لاازاله الرؤس السودا
المنتج استخدمتو على منطقه الانف بس لاانو هيا اللي فيها روؤس سودا ومسام اول مااستخدمتو وبدون انتظام كان عادي بس فتره 
انتظمت عليه يوميا قبل النوم بصراحه شوفت فرق ونتيجه حلوه صح ماشالها نهائيها بس المنطقه سارت افتح وانظف من قبل
بس يبغاله استمرار وانتظام لاان اصلا هالمنطقه عرضه للحبوب والمسام والرؤس السودا مرا فيبغالها اهتمام يومي.
متوفر بالصيدليات والسوبرماركت .

ماروكو ارجان اويل .. من صالون بهارفي نيكلز دبي .
المنتج حبيته بعد الشور يعطي ترطيب جميل ويخفف ويفكك التشابك بنعومه وريحتو جميله بس طبعا هالمنتجات بمجرد ماتغسلي
شعرك يروح مفعولها .

عطر انتينس من دولتشي اند جبانا .. عاد عند العطور نوقف لاان الاذواق تختلف جججدا بس العطر هادي وقوي بنفس الوقت 
كيف تيجي ماادري هههههه بس حبيتو من الروائح اللي احبها تميل للفانيلا ♥♡
من سيفورا ب ٤٠٠ وشي .

كريم لليد من باث اند بودي .
من زمان عندي بس قبل فتره حطيتو جمب المغسله بالحمام "وانتو بكرامه" وكنت استخدمه بعد مااغسل يدي وحبيييتو ترطيبو جميل
حتى على المنطقه حول الاظافر .. ينشف بسرعه يعني يمديك تمسكي الايفون بعده بلحظات ههههه يعني من جد مقارنه بسعره
اخذتو ب ١٠ وقت التخفيض اعتبره وااو وافضل من كثير بدبل سعره خمس مرات !

نيجي للميك اب وتوابعه

بودره للحواجب من سيجما .
جميله جدا حبيتها من اخذتها وانا بس استخدمها مقاربه جدا لبودي شوب بس سيجما افضضضل من ناحيه الثبات

انجلد برش = فرشه مشطوفه من سيجما رقمها e75
مرررا كويسه ومختلفه عن كل الفرش المشطوفه اللي قد جربتها قبل "جربت ماك ، سيجما اللي مع المجموعه ، مكياجي ،اتش اند ام 
هذي افضلهم بصراحه نحيفه مررا وتمسك المنتج بشكل افضل ومرا ناعمه جد بطله ومررا فرق عن فرشه سيجما المشطوفه اللي 
جات مع المجموعه اللي عندي .

 

فلات كابوكي برش من سيجما رقمها F80
اتوقع اكثر فرشه ماخذه صجه بالفتره الاخيره وبصراحه تستتاهل كويسه جدااا توزع الفاونديشين وتدمجه بطريقه حلوووه وتعطي
نتيجه جميله وحبيتها مع كل المنتجات السائله والكريميه مررا مناسبه ♥♡.

فرشه الحواجب من سيجما .. لها جانبين واحد شفاف والثاني بلون بني فاتح
غالبا استخدمها بالمناسبات بعد ماارسم حواجبي بس علشان ترتب وتفتح الشعرات حبيتها اللون يبان معايا بسرعه والجهه الشفافه
ارتب حواجبي اللي مشقر وتثبتها بمكانها فجد هي منتج اقتصادي وجميل وفضلتها على مسكره ماك .

كل منتجات سيجما تلاقيها بموقعهم هنا 

http://www.sigmabeauty.com/?Click=342712

بلاشر روكاتور من بنفيت 
اللون اول ماتشوفي تقولي ايش اللمعه هذي ! واذا جربتي ممكن مايبين معاك اللون بس بالاستخدام ع الخدود جمممييل انا احب الوان
البينك وهالدرجات لاانها غالبا ماتنحف وجهي بالعكس تعطي منظر اجمل بس نادرا الاقي درجات حلوه :| بس هالدرجه ناسبتني
جداا حبيته صباح وحتى بسهرات جمييل♥♡

ستريبس = لصقات اظافر من سالي هانسن
جربت اكثر من شركه وبصراحه هذي افضضضلهم جودتها جدا عاليه ومررا سهله وثباتها عااالي♥♡ جد انصحكم فيها وبالذات مقارنه
بسعرها تعتبر بططله اتوقع شوفتو صورهم على اظافري بالانستجرام
اخذتها من هالموقع بصراحه سعره بالطلب ووصوله واسعارهم حلوه بكل امانه
WWW.JMAAL.COM

بصراحه هالشركه ابهرتني♥♡!! تخيلو الروج هذا سعرو 3 دولار تقريبا "بعيد عن اسعار التاجرات هنا" وجودته جداااا عاليه
جممميل ع الشفايف كريمي وثباته جدا معقول ومايشقق الشفايف مرررا جميييل .. بس عيبه علبته ابدا مو عمليه وشكلها اقل 
من عادي بس عادي مقارنه بالسعر وجودته !
الدرجه 904B Rose-bud

اخر شي من مفضلاتي هالكتاب الجمميل انا واخواتها - رحله بااسرار الذات - للكاتب سلمان العوده
يالله الكتاب مررررا جميل واثررررر فيني بشكل ايجابي مرررا
انصحك لو تحبي كتب تطوير الذات واللي تحاكي النفس راح تحبي لاانه جامع بين هالنقطه والدين
ومافي زي ديننا ايجابي ♥♥♥

♥♡

Twitter | Instagram | Bloglovin | Ask