الخميس، 27 فبراير، 2014

مقابلتي مع جويل ♡ ايفنت ماكس فاكتور ..♡♡






السسلام عليكم ورحمه الله وبركاته♥♡
شوفتو الفيديو ؟؟ يحمس صح ؟؟ ترا انا مرا مبسوطه فيه وبس اعيد فيه ههههه علشان استوعب

المهم قبل اسبوع تقريبا جاتني دعوه لمقابله جويل وعمل انترفيو معاها وحضور ايفنت لماكس فاكتور بمناسبه مرور
٦٠ سنه لبودره الكريمي بوف تبعهم واطلاق كوليكشن سبرينج سمر :)



مررررا انبسط بالوقت اللي قضيتو مع جويل مرررا حبوبه ومتواضعه بشكل ماتتخيلو !! تتكلمي معاها كاانها بتعرفك
وتعرفيها من زمااانحبيت شخصيتها العفويه والطيبه والقويه بنفس الوقت وجمالها احلى من الكاميرات بكثيررر
سالتها كم سوال ومن الحماس نسيت اسجل ههههه ،،
سالتها عن الكوليكشن الجديد من ماكس فاكتور والالوان لربيع وصيف ٢٠١٤ ؟
قالت انو كولو عن الالوان القويه نوعا ما يعني ازرق واخضر وكذا ومن غير اي لاينر بس مع مسكرا اتوقع عرفتو اللوك
هذا دايم يكون بالرن وايز قولتلها ماادري مااحس يناسبنا العرب الا وتقنعني وحتى وقت الايفنت قدام الجمهور قالت انو البلوجر
تقول مايناسبنا بس الا يناسب وعملتو ع الموديل طلع جميل
سالتها برضو من وين تاخذي الانسبايرشين "الالهام" بشغلك ؟
قالت للاسف انو هيا من الاشخاص اللي مو مرا انسباير على طول بس اكثر شي السفر والناس بالسفر والمباني وكل شي برا .
سالتها عن السكين كير "العنايه بالبشره " ؟
جاوبت انها اطلقت مجموعه عنايه بالبشره مكونه من ٥ منتجات وحترسلها ليا بااذن الله بس توصل راح اقلكم عليها تحمستلها
من اسامي المنتجات مرا كيوت وتحمس
باركتلها بمناسبه افتتاح كلينيكا جويل "اللي هيا عياده التجميل تبعها الجديده" مرا انبسطت وان شاء الله انها راح تفتح فرع لها هنا
بجد روحها ايجابيه وتجنن حكيها جميييل يسعدها بجد انو الجمال ينبع من الداخل قبل الخارج




بعدها بدا الايفنت كان جدا جميل ومرتب


هذي البودره لها ٦٠ سنه !! بهالمناسبه انتجوها بغلاف ذهبي مميز"البودره هذي ليا ذكريات جميله معاها♥"


وهذي صوره كوليكشن السبرينج سمر :)





سالوها بالايفنت كم سوال مثلا اخفاء الحبوب وهالشغلات ؟
جاوبت انو افضل تعالجي بدل ماتخفي وبصراحه نفس مبدائي حاولي تعالجي قبل ماتفكري تخفي عالجي لنفسك حتى تشوفي
نفسك بالبيت وتنبسطي :))
سالوها عن تحضير البشره قبل الميك اب ؟
قالت انو بااخر فاشن ويك بنيويورك كانت مع الميك اب ارتست لشو فيكتوريا بيكهام وشافت انو ماسكين الموديلز ويعملو زي المساج
لوجيهم بعدين اكتشفت انو تقشير وبعدها غسيل وترطيب استغربت كميه الاهتمام بالبشره عندهم وهذا هوا الصح


سالوها كثير عن الفرش وتوزيع الفاونديشين؟
جاوبت انو هيا لنفسها دايم الميك اب معاها ماياخذ وقت وتحب تستخدم يدها بس للناس طبعا لا تستخدم فرش 
وتفكر انها تعمل مجموعه فرش
  
بجد كان يوم جمميل شكرا لماكس فاكتور على الفرصه الجميله والايفنت الرائع 

 
♥♡


هناك 17 تعليقًا :

  1. أميرة مره فرحتلك تأكدي انو كونك قابلتي شخصية مشهورة زي جويل فاانتي بدأتي تدخلي في النجوميه والشهره اتمنالك الخير ومكانك دائما اعلى قلتي كلمه انو الجمال ينبع من الداخل قبل الخارج هالشيء ينطبق عليك ﻻنك جميلة جدا من الداخل عندي انتقاد بسيط بس ياليت مايضايقك انو توقعت حيكون تغطيتك لﻻيفنت اقوى من كذا يعني فرصة زي هذي تمنيتك عملتي تغطية اكبر يعني حتى اﻻسئلة اتوقع كنت تقدري تسجليها بورقة وقلم معاك وتنقليها بحذافيرها بعض تتكلمي في تفاصيل اكثر ﻻنو هذا اهم حدث لك في مشوارك المفروض كان يطلع منك شيء يغطي على كل مدوناتك اتمنى فهمتي قصدي واخر شيئ مررررره أحبك ويارب دائما تكوني متوفقه

    ردحذف
    الردود

    1. شكرررا لك ياقلبي ومن جمالك والله ♥♥♥
      والصور والله كل شي تقريبا وفيديو كمان :)
      بالنسبه للكلام صح كلامك بس تعرفي اول مرا وكذا هههههه
      وانا احبك ياعسسل ♥

      حذف
  2. مشاء الله واضح أنو كان جميييل ، بس هو كان حضوره بدعوات خاصة ؟ ولا كان بشكل عام وتذاكر ؟
    :) ()

    ردحذف
    الردود

    1. والله ماادري بالظبط بس كنت اسمع الناس يتكلمو عن دعوات وكذا فشكلو كذا

      حذف
  3. ماشاء أمنيه لك واتحققت

    ردحذف
  4. الله يااحظك ماشااء الله احس خلتيني احبها زيادة لما تكلمتي عن شخصيتها انه طيبة وحبوبة حتى من جد احسها كذا ي نااس عليها تجنن ، حتى مررررة مررة خقيت على الفيديو جاتني الصيحة هذيك حقت الخقة xD الزبدة مررة ي حظك كذا وحدة مرة مشهورة ومعروفة قابليتها وكذا الله احس شي مررة يحمس 3> المهم الله يوفقك وتسيري زيهها واسير انا كمان زيها xD

    ردحذف
    الردود

    1. يسسسسسعدك يارب ♥♥♥♥
      والصيحه هذي جات لكل العائله هههههه انو ياااي هههههه
      وان شاء الله تسيري احسن شي يارب

      حذف
  5. لقاء جميييل وممتع موفقه اميره

    ردحذف
  6. الوضع شكله اختلاط في اختلاط .. وفرحانه تبينا نآخذك قدوة !!

    دام الوضع ا ختلاط وتكشفي ليه مخبيه وجهك !!

    استغفرالله بس ..

    ردحذف
    الردود
    1. الله يشفيك ويعافيك ولا يبلانا .. ادعو الله انه يرحم حالك .. احسني الظن .. شي مضحك

      حذف
  7. يازيننك ي أميرا ماشاءالله تبارك الله ، ربي يوفقك دنيا وآخره ♡

    ردحذف
  8. محد علق الكومنت قليله الكل غيران قود لك أميره

    ردحذف
    الردود

    1. لا ان شاء الله مو غيره بس متعجبين ههههههه :$
      وقود لك ياجميله ♥

      حذف
  9. اميره حبيبتي مرره شكرا ع التغطيه الجميله وقد م اقولك انو البلوق تبعك تعدا مرحلة الجمال م وصفت جماله مرره تدويناتك مفيده وبيرفكت واتمنى اني اشوفك احسك كيوت ماما اميره كأنك أمنا وتعطينا نصايح نحبك قد السماء استمري فابداعاتك وتاكدي انو انا الوحيده اللي م راح أوقف متابعه للبلوق تبعك وربي يسعدك ومن هنا للاعلى يارب.

    ردحذف
    الردود

    1. انتي اللي شكرررا لك على كلامك الجمييييل والله ماتصدقي قد ايش اسعدني وفرحني يسعدك ربي♥♥
      وتاكدي انتي كمان لو انتي بس تتابعيني حبقى ادون لو لك بس .. ربنا يحميك ♥

      حذف
  10. معليش بس جويل ما تعرف تضبط شكلها ولا تضبط المشتركات اللي ببرنامجها.. غير كذا ماكس فاكتور ولا مرة جربت منهم شي حلو!!!! كأنهم أصباغ وثباتهم مو حلو!!

    وأخيراً مؤسف إن هالإيفنت بالرياض والمصورين رجال وجويل مو محترمة دين هالبلد ولا عاداته والصدر كله طالع ومو محتشمة !! وبناتنا المسلمات واااو جويل !!! ع ايش ما أدري لكن ضعف شخصية وتبعية للأجانب مش أقل ولا أكثر ^_^

    ردحذف

Back to Top