الاثنين، 3 فبراير، 2014

Beauty Haul .. مشتريات الجمال ♡




السسسلام عليكم ورحمه الله
 الشهر اللي راح كان متعب بالنسبه ليا وانا من النوع اللي اذا تعبت اروح اشتري من باب تغيير الجو والنفسيه :$
المهم تجمعت اشيائي سوا قولت اعمل هول لها وان شاء الله تعجبكم




نبدا بهالكيسه الجميله ♥♡ محل جو مالون يبيع عطور وشموع وشغلات للجسم ومعطرات جو الماركه باريطانيه 
على كلام الموظف انها طبيعيه وامنه للجسم والشعر


ومن فتره ادخل المحل احتار واطلع واخر مرا قولتلو ابغى شي حلو وسويت مليت من العنبر والروائح القويه ورشحلي واحد شميتو
حلو بس مو اللي يعجبني مرررا بس اخذتو من باب التغيير اسمو انجليش بيير اند فريزا كولجين "يارب الاسم صح :$" 
الريحه شي نظافه مع زهر امكن :$$ انا اصلا عندي حساسيه وحاسه الشم ضعيفه فاابدا لا تعتمدو على الوصف ههههههه
جربتو كم مرا ثباتو عادي ماحسيت شي واااو بس مازال تحت التجربه ونشوف .. الحجم الكبير سعره ٥٨٠ تقريبا .

 من فتره اشوف كثير يمدحو منتجات لورا مارسيا للجسم وكذا تحمست لها و وصيت صاحباتي نوره وساره العوفي يجيبوها ليا معاهم
من دبي ويسسسعدهم ماقصرو هما وقريبتهم نورا كمان "شكرررا لكم حبيباتي"





اخذت مجموعه كامله والريحه اختارتها ليا نوره بس اكيد حتعجبني لاانها فانيلا وعنبر ♥♡
المجموعه فيها بودي سوفليه "كريم للجسم هذا اللي دايم اشوف المدح عليه " - مقشر للجسم - وصابون للباث شي زي كدا
وشمعه .. مرا متحمسه لتجربتهم بس رفعتهم لين ماانقل بااذن الله 



هدايا من هونج كونج من صاحبتي ميمو يسعدها ويردها بالسلامه يارب ♥♡


بلوفر لون نيون جميل ♥♡


 
 




for the love of disney باقي اجيب من ديزني امريكا بااذن الله


وطبعا هيلو كيتي لااريج كالعاده !!



دحين نبدا بالاشياء الجميله هذي
اتوقع كلكم عارفين اني فتحت متجر .. جد بنات مرررا مرررررررا شكرررررا لدعمكم لكلامكم الطيب لدعواتكم لنشركم للحساب
لااي كلمه طيبه قولتها تدعموني بمتجري بتويتر او انستجرام او اسك يسسسعدكم والله ماتوقعت الاقي كل هالدعم وكل الدعوات
الطيبه يسعدكم يارب وعقبال ماادعمكم يارب وجد والله العظيم احححبككم ربي لايحرمني يارب
طيب بما اني فتحت متجر طبيعي كل ماوصلت طلبيه اسير عليها ههههه وغير اني عرفت اني اطلب اون لاين قريبا بعلفن افلاسي
والله الشوبينج اون لاين + فيزا مفتوحه الفللسسسس :""(( ههههههه
حبدا بالاشيا اللي اخذتها لنفسي ومو متوفره بالمتجر بس لو حابين اجيبلكم منها خبروني 



اتوقع اي وحده متابعه لليوتيوبرز حتعرفها على طول :)) مجموعه الماروكون ارجان اويل كثيير حكو عنها باليويتوب وشوفت 
هالمجموعه للسفر حبيتها علشان اجربها وشوف اذا بجد حلوه او لا 
٣ منتجات شامبو - كونديشينر - الاخير ماادري خخخخخ





غسول ومرطب للوجه من ماركه اوريجينس شوفت كثير مدح عليها سواء الغسول او الماسك فقولت اجرب منها الصدمه لمى وصلت
ريحتها اورنج واصلا عبط مني الاسم واضح ! وانا اكرهه ريحه الاورنج :$ عاد ركنتها لين ربي يفرجها ههههههه .

دحين نيجي للمنتجات الثانيه كلها متوفره بالمتجر "اصلا كل شي بالمتجر اختارو كاانو ليا :))"

اتز اتن اكثررر منتج كنت متحمسه له .. هوا بخاخ للشعر يسوي ١٠ وظائف "الله اكبر ههههه" المهم انو يرطب ويحمي ولمعه وماادري ايش !! عن نفسي حبيتووو والله ماتوقعتو كذا ابدا اللي حسيتو فيه ترطيب ولمعه وريحه حلوه "بونكس على غفله 
هههههههه امزح امزح " لا جد والله بطل حتى بعد الشاور سرت استخدمو مع زيت الارجان شي جمييل



ميك اب فينيش سبراي من سكيندينفيا مثبت للميك لسى ماجربتو .. بس انا جبتو مع الشادو اكثر شي يعني ابخ ع الفرشه وبعدين
احط الشادو كذا يوضحو ويثبتو اكثر .. وهوا مثبت للميك اب كامل شادو وفاونديشين وروج .. بعد التجربه حقلكم كيف



الدرجات 




الدرجات

ارواج ويت اند وايلد ماادري اذا شوفتي اخر مفضلات نزلتها كان من ضمنها روج ويت اند وايلد وبصراحه حبيت جودتهم
مقارنه بالسعر فماخليت لون بنفسي اخذت منهم كلهم ههههههه .

بلاشر من ويت اند وايلد وفي شادوات نسيت اصورهم ..


بلاشر كريمي من اي ال اف .


اي لاينر اسود من ذا بالم من فتره ابغى "اذا تذكرو لمى اريج لخبطت بماليزيا وجابت واحد ثاني " المهم جربتو حلو بس ماعرفت
اذا هوا ينفع لمبتدئات او لا ؟ صح فرشتو عريضه فسهله عليهم بس من ناحيه الفرشه تتحرك وهذا يصعب شويا :$



مزيل الميك اب من ذا بالم شوفت كثير يقولو حلو "واغراني شكل العلبه بصراحه :$"وفيه فيتمينات
 تحمست واخذتو هوا زي الفازلين تقريبا حبيتو مررا لمى اشيل ميك اب العيون وبالذات المسكرا احطو وبااصابعي افرك
وابرد قلبي هههههه لااني اكررهه ماعليا المسكرا مهما مسحت اغسل وجهي ينزل بقايا :((
 ماحسيت يدهن مرا بس ماحبيتو مرا لكامل الوجه لاانو زي ماقلت زي الفازلين .



مسكرات كوفر جيرل الاورنج والخضرا للان جربت الاورنج حبيتها مهما حطيت ماتكتلت معايا تطول اكثر من انها تكثف
يقولو الاثنين مع بعض مرا حلوين بس ماجربتهم سوا لسى :) .


بعد مااخذت اي لاينر ذا بالم شوفت المدح على ستيلا ونفسي اجرب شي بني فااخذت
البني احس حلو لو تبغي تحطي ميك اب بس مو قوي وطبيعي اكثر :)

 استكرات الاظافر تكلمت عنها بالانستجرام مرا حبيتها جودتها جدا بطله





اجمممل شي شنطه السفر هذي كيووته وحبيتها انها مو عميقه "ايوا ياعميق هههه " المهم فهمتوني حلوه فالاشياء واضحه قدامي
كنت ابغى طقمها الصغيره بس خلصوها عليا البنات :"( بس حجيبها .. كذا خلصت الاشياء الاون لاين .. كلها متوفره بالمتجر بالاسعار هنا Glamour di shop


كيكو ومااجملها هالماركه تكلمت عنها بالمدونه زماان اول مافتحتها هيا ماركه ايطاليه اسعاره جدااا بطله وجودتها مقاربه لماك 
بنظري .. من فتره بنت عمي راحت لاايطاليا وصيتها ع الاي لاينر والكحل الملون اشوف دايم يستخدمو الاي لاينر بطططل وثبات
عالي بس الكحل لاا فاشل جدا احط جوا العين ميه مره مع نفسي مايبان !!



من فتره ارسلولي بنفيت منتجهم الجديد لولي تينت الكيوت♥♡ تابع لمجموعه التينت جربتو بيدي اول شي كان في زي حبات الجليتر
استغربتها ! بس حطيتو بخد اجرب اللون جميل وجدا واضح وجلس طول اليوم !! لا المشكله جربتو بخد واحد فعادي ماكانو احد اداني كف ابدا ههههه  :)
 وصح هوا حيتوفر بالسعوديه ب ١ فبراير يعني متوفر حاليا سعرو ١٣٠ شي زي كذا :$



بلاشر هيرفانا من بنفيت الالوان جميله وهاديه
 


 جلوس حبيت علبتو مررا كيوت .. انا انسانه ماتعترف بشي اسمو جلوس ماادري ليه !! اذا حطيتو احس اني زي سابرينا و واللي زيها
"جيل ال ٨٠ اتوقع راح يتذكرو مسلسل سابرينا هههههه"





دايم ادور بودره تديني اللوك اللي مو برونز بس افتح زي البيج لاانو لو احط برونز واضح يفرق عن ايدي ورقبتي :\
كثير قالو برونزر بودي شوب حلو مو على اورنج ويناسب تحمست اخذت رقم ٠٢ حلوه ماادتني على برونز لا اغمق من درجتي
بكم درجه بسيطه يعن لوك البيج :)) جربتها مرا وحده بس مااقدر احكم عليها تمام سعرها ٧٩ ريال .

كذا خلصت الاشياء ان شاء الله تعجبكم وتفيدكم .


♥♡




هناك 23 تعليقًا :

  1. ماشاءالله مبروك على المتجر وتتهني بأشياتك الخقاقيه هههه بس بسالك على لورا سوفليه موجود في لندن ولا لا لانو زوجي حيروح ونفسي اوصيه عليه وبكم سعرو تقريبا

    ردحذف
    الردود

    1. ايوا اكيد موجود خلي يدور بسيفورا او هارودز المحلات الكبيره
      سعره المجموعه ٣٥٥

      حذف
  2. اولا مبرووك عل المتجر وتتهني باشياتك الجميله زيك... بدي اسالك على لورا سوفليه موجود في لندن ولا لا وبكم سعرو تقريبا

    ردحذف
  3. ماشاءالله مبروك على المتجر وتتهني بأشياتك الخقاقيه هههه بس بسالك على لورا سوفليه موجود في لندن ولا لا لانو زوجي حيروح ونفسي اوصيه عليه وبكم سعرو تقريبا

    ردحذف
  4. شكرا ع التقرير الممتع ..
    مشتريات الهنا ياررب

    ردحذف
  5. رائعة جدا جدا اهنيك قبل اي شي على شخصيتك الله يحفظك حابة اسألك كيف تسوي قالب المدونة كذا وتقسمي الرئيسية وكذا ياقلبي

    ردحذف
    الردود

    1. شكرا لك
      القالب جاهز من نفس البلوجرر

      حذف
  6. امييرررره ربي يسسعدك ويوفقك وررربي احبك ي اختي تدخلين القلب ع طططووووول 3>

    ردحذف
  7. حبيت اشيائك تتهني فيها ، ومبروك على افتتاح المتجر موفقه يارب

    ردحذف
  8. تمنيتك ذكرتي وين محل ( جو مالون )

    ردحذف
    الردود

    1. سوري نسيت موجود بالمملكه واتوقع حاليا فتح بغرناطه

      حذف
  9. الله يسعدك حبيبتي تتهني فيهم,,ومبرووووووووووووك على المتجر الله يرزقك ويوفقك ياااارب,, حبيبتي نفسي أعرف كيف أقدر أطلب المكياج والمنكيرات والعطور من دون ما يصادرونها الجمارك يعني على اي شركة شحن تشحنين وكيف تجمعين هالكم الهائل من الطلبات وتشحنينها مره وحده؟ إن ش اء الله سؤالي ما يكون طويل

    ردحذف
    الردود

    1. ويسعدك يارب
      بالنسبه للجمارك ماادري والله يعني مرات ادفع لهم ومرات لا ! وللان الحمد لله ماصادرو شي بس في اشياء ممنوعه من الاساس زي المناكير
      شركه الشحن اللي منعتها مو الجمارك
      والكميات عادي زيها زي اي طلبيه :)

      حذف
  10. اشياءك مرهه جميله تتهني يارب،

    ردحذف
  11. جميلة يا اميرا ماسيت بنفسي وانا اقرا كني جالسة معك وتسولفين بسم الله على قلبك

    ردحذف
  12. يعطيك الف عافيةة ياليت تنزلي عن كيف اطلب من النت بشررح وتطبيق

    ردحذف
    الردود

    1. الله يعافيك يارب .. طريقه الطلب موجوده بجوجل شروحات كثييره اقري وراح تتعلمي بااذن الله

      حذف
  13. اميرة حبيبتي ياليت التوصيل بجدة عن طريق مندوب والتسليم يد بيد ، لاني ماقدر اشترك بفيديكس ومرا حابة اطلب من متجرك ،مرا جميل $: .

    ردحذف
    الردود

    1. فديكس ممكن لو وصلت شحنتك تكلميهم ويوصلو طلبك للبيت :) فيعني زي المندون
      ومن جمالك ياختي

      حذف
  14. عزيزتي وين متجرك ؟!

    ردحذف
  15. اختي عندي سؤال مهم عن المتجر ياليت تجوبين عليه التوصيل لرياض بمندوب صح !! طيب الدفع يكون عن طريق المندوب و لا تحويل في البنك و كم تاخذ مدة التوصيل :")

    ردحذف
  16. لو سمحتي من وين جبتي منتجات origins?

    ردحذف
  17. فعلاً برونز بودي شوب مرا جميل ♥♥

    ردحذف

Back to Top