♛ Get Ready With ME ♛ part1

السسسلام عليكم والرحمه

اليوم بوست من زمان عاجبتني فكرته وقررت اسوي هالفتره بما انو مناسبات والبنات
طلبوه مني كمان وهوا اني اوريكم تجيهزي للمناسبات والافراح وحبيت الفكره
بس راح اقسمه على اجزاء اووك
اليوم راح اتكلم عن الشاور وبعده ميك اب وشعر واخر شي حنزل فستاني
كيف بس وانا احمسكم ههههههه وطبعا حيكون شرح لطريقتي وريفيوهات للمنتجات

سو يلا نبدا



انا غالبا هالشاور او العنايه اسويها مرتين بالاسبوع وبالمناسبات وفي نسخه ثانيه
تكون بين هالمرتين او في حاله الاستعجال وراح انزل عنها ان شاء الله ،،

اول شي اغسل كل جسمي وشعري



بعد مااغسل جسمي وشعري استخدم شامبو اي لوف جوسي تكلمت عنه بمفضلاتي
هنا واحبه زي ماقولت ينظفلي الجذور ويشيل الدهون ومررا فريشش
وبعدها اغسل جسمي بس بمويا دافيه مايله للحراره واقفل المويا


بعده احط ماسك المكديميا على كل شعري بس ابعد عن الجذور واركز على الاطراف
والاماكن الجافه مرا بشعري والفه واغطيه بكاب البلاستيك
حبيت الماسك هذا مررررا وللان مرتاحه عليه ترطيبه عالي جدا وريحته بطططله
يعني مرا حلوه بالمناسبات لاانو في ماسكات ريحتها :| ماتنفع



بعده نيجي لخطوه السكرب = التقشير
اسوي لجسمي ووجهي والشفايف
الفلايك اواي من سوب اند جلوري تكلمت عنه هنا واحبه للمناسبات بالذات لاانو
يطعي لمعه للجسم وريحه حلوه فمناسب ججداا
والصغير من لوش للشفايف تكملت عنه كمان هنا وابغاه يخلص علشان حابه اسوي
واحد بنفسي واقارن لكم بينه وبين الطبيعي





بالنسبه لوجهي ليا فتره استخدم فولكانيك اش من ماك هوا مقشر ومنظف للوجه
بااملاح البراكين شي زي كذا :| المهم هوا كان نازل اول مع مجموعه ليمتيد اديشين
وخلص بس الناس مررررا حبته فرجع ماك نزله كشي رسمي بمجموعه المينيراليز
بس لمى نزل ثاني مرا كثير قالو انهم عدلوه وخففو من قوته وكذا لاانو في ناس
تحسست منه وماناسبها !!
طريقته تحطي على كل وجهك وتتركيه من ١٠ الى ١٥ دقيقه وبعدين تغسلي وانتي
تغسلي تحركي يدك بشكل دائري وتشوي تقشير للوجه لاانو فيه حبيبات ..
وجهي الحمد لله ماتحسس منه ابدا ولا حمر ولا حسيت بنغزات ابدا
بالنسبه ليا مرررررا عجججبني وناسبني تنظيفه عميييق جدددا يعطي نعوومه للوجه
وتحسي زي كذا امتلاء بالوجه ماادري كيف اشرحه هههههه ويعطي جلو للوجه
ولا احتجت مرطب بعده وجلست النعومه لليوم الثاني

بعد مااحط ماسك الوجه والشعر ابدا اسوي سكرب لجسمي بالفلايك اواي وبعدين
اغسل وجهي وجسمي وشعري بمويا بارده وكذا اكون خلصت الشاور
منشفه والف شعري برضو بمنشفه ونيجي للي بعدو  لمرحله الترطيب


غالبا احب استخدم مرطبات ثقيله والطبيه وابعد عن التجاريه والمعطره لااخر مرحله
لاانو التجاريه مايمديك توصلي للناس الا وانتي مشهبه مع جو الرياض :"(
من اليمين مرطبات للشفايف تكملت عنها ماعدا الصغير البينك لسى جديد من لوش
جربته مرتين وشكلو راح يكون بمفضلاتي ههههه
بعدهم اورنج دايلي احبه لوجهي قبل الميك لاانو خفيف بسرعه تتشربه البشره
ويعطي نضاره للوجه ،،
واخر شي سيتافيل البطل لكامل جسمي تكلمت عنه ومرطب الشفايف هنا


الديودرينت = مزيل العرق حاليا استخدم اللي بالصوره من فيتشي بس دااايم استخدم
لويس ويدمر الكريمي لقافه مني غيرته لهذا قولت نجرب بصراحه هذا كويس
وقريب ججدا من لويس ويدمر بس هذا طريقه استخدامه غبيه ثقيل كريمي ومايتوزع
بسرعه غالبا اظطر اوزعه بيدي :\ وسعره بالنسبه لحجمه يعتبر اغلى من لويس ويدمر
بس اثنيهم كووويسين وحاجه بطططله من تجااارب انا كنت اعاني من الحبوب
ومافي نوع ماجربته مارتحت الا معاهم


شعري بما انو عملت ماسك فيكون مرررا مترطب بس ممكن احط من ريت المكديميا
علي الاطراف او بعد السشوار لاانو يخفف من الشعر الطاير :\

بتقريبا كذا خلصت مرحله الاولى بعدها ابدا ميك اب وشعر وبعدين ارجع


استخدم مرطب يكون معطر نزيد الترطيب وريحه حلوه

كذا خلصت الجزء الاول من هذي السلسله وسوري لو نسيت شي بس لو افتكرت
راح اذكره بالاجزاء الجايه قريب ان شاء الله ،،ولو تلاحظو مااستخدم منتجات كثيره
لاانو لمى تكثر الاشياء اتكسل سو كيب ات سيمبل :)
ان شاء الله حبيتو البوست واستفدتو واشوفكم قريب ان شاء الله
اي سوال او تعليق اكتبي بالكومنت تحت ،، والانستجرام والتويتر موجودين
بيمين الصفحه ،، سلامتكم ،