الثلاثاء، 25 يونيو، 2013

♛ Get Ready With Me ♛ part2


السسلام عليكم والرحمه

اليوم الجزء الثاني من سلسله اتجهزي معايا للمناسبات الجزء الاول هنا تكملت فيه عن الشاور والترطيب للمناسبه
بهالجزء راح احكي عن الميك اب والشعر بس ماراح اتكلم انو كيف تعملي ميك اب 
لاانو احس يحتاج موديل اشرح وكذا بس راح اتكلم عن منتجات واشياء استخدمها للسهرات خاصه :)
الشعر هنا قد شرحت كيف تعملي ويفي ،،


اوك يلا نبدا .. اول شي لازم بالمنتجات اللي نستخدمها للسهرات يكون من النوع اللونج وير = الثابت 
زي مانقول يعني اشياء ثابته وتكون مثلا ضد المويا وتغطيتها اعلى علشان تقعد معانا طول السهره كوييسه وثابته



في نقطه مرا مرا مهمه اللي هيا الاضاءه !! جد انا دايم اسوي ميك اب وتمام بس اوصل للمكان يقولو ايش اميره مررا ناعم
مو مبين انك حاطه شي *اوم التحطيم وانا ليا ساعتين اسوي هههههه*
بس مع الاضاءه اللي بالصوره واشغل اضاءه كمان بيضا سرت اعرف اشتغل افضل انتبهي لاتشتغلي بالصفرا الضعيفه
لاانو تاكدي حتوصلي لمكان السهره مكيجاك حيكون باهت وشكل ثاني !!
انا اللي عندي بالصوره قويه تبين اني مسويا كثير فااروح غرفه ثانيه اضاءتها كويسه اشيك بعد مااخلص وغالبا الاقي مبين
خفيف !! بعدها عرفت انو لازم ازيد عرفت للاضاءه اكثر ،، ماادري نقطه من زمان حابه احكي عنها ويارب وصلتكم


هذي منتجات للشعر نبدا من اليمين
موس = رغوه كثيير بنات قالولي مايثبت معاهم الويفي او الكيرلي الموس هذا راح يفيدك خذي شي بسسسسيط جدا منو
وامسحي ع الخصله وبعدين لفيها بالفير واذا خلصتي بخي مثبت وراح يثبت معاكي اكثر ان شاء الله بس انتبهي تكثري
لاانو لو كثرتي راح يعطيك شي كذا قوي ومتصلب مو طبيعي :|

اللي بعده مثبت للشعر حلو تستخدمي حتى لو بعد السشوار او اي شي يثبتلك هوا اكثر ،، في استخدام له لو انتي مثلا تنكشي
شعرك علشان تعملي فوليوم = كثافه او بف بالعاميه ههههه لشعرك ولا يثبت عندك هالحركه 
نكشي وبعدين بخي السبراي وبعدها بالليس = السيراميك مشي ع الجزء اللي نكشتي وشوفي كيف راح يثبت معاك ;) 

المنتج اللي بعده الاحمر هذا لو حابه شويه فوليوم لشعرك من غير تنكيش هذا الشي له بس عن نفسي ماحسيت فاد معايا مرررا
هوا كويس بس احنا مشكلتنا الطرحه :\ تخفس كل شي ههههه ياريت في منو حجم ميني :(

واخر منتج البينك الدراي شامبو حتستغربو ليش حاطتو هنا !! 
اول شي خليني اشرح للي مايعرف الدراي شامبو = الشامبو الجاف هوا بخاخ يمتص الدهون اللي بجذور الشعر فلو مثلا شعرك 
لسى امس عاملتلو استشوار وثاني يوم عاجبك بس الجذور شويا مدهنه بخي الدراي شامبو وراح يشيلها
او لو مثلا شعرك دهني مرررا دوبك طالعه من الشور وبرضو شويا مدهن راح يفيدك ان شاء الله
بس انا حطيتو هنا لااستخدام ثاني اللي هوا الفوليوم جد والله حتى لو شعرك تمام ومافي دهون جربي بخي منو حتشوفي كيف
راح ينفشلك شعرك اكثر ويعطيك كثافه وانا بصراحه حبيتو لهالاستخدام اكثر من المنتج اللي قبلو ثباته افضل




من الاشياء الحلوه للسهرات كمان هوا تغطيات او لمعات للجسم *بس ماادري ليش 

غالبا انساها امكن علشان بالدرج الثاني !!*



 الاثنين من بخاخ يعطي لون + لمعه للساق بس في بنات استخدمو لليد وعادي
استخدمته مرا بس ،، بس انصحك بخي من بعيد واتركي ينشف شويا حتى لو حسيتي
انو في منطقه اكثر من منطقه اتركي ينشف بعدها جيبي اسفنجه ميك اب وعدلي عليه
بس لمسات بسيطه وراح يظبط ان شاء الله ،، تلاقو ببعض فروع فيسيز وباايكونيك



الاثنين هذولا من اليمين بودره من بودي شوب للجسم والوجه تعطيك لمعه حلوه
وفي بالصوره اللي فوق اللي شكلهم جميل من بودي شوب كمان بس هذولاك جليتر
مو لمعه شيمر ،، افضل اذا حتستخدمي زي كذا حطي قبلها بودي لوشن وبعدين هما
علشان تثبت معاكي لوقت اطول لاانو لوحدها شويات وتطير :|
الثانيه من بنفيت تعطيك لمعه بس زي اللمعه الزيتيه حلوه لاانها كريميه بس مافي لون
يعني ماراح تعملك تغطيه او شي زي كذا
حلوه بس انتبهيلها بالحر بالدرج ممكن تسيح معاك :\


 استخدمي برايمير قبل الشادو مرررا راح يفرق معاك ويثبتلك هوا لمده اطول
وفي كمان برايمر للوجه مثلا للمسامات وفي للبشره الدهنيه يقلل من الدهون
وللبشره الجافه يرطبها ويخفف من القشور مثلا ،، ويساعد علي ثبات الميك اب



 حلو يكون عندك باليت كذا كويس وفي الوان كثيره يكون للسهرات بالصوره فوق
باليت ذا فيس من اربن ديكاي حاجه بطططله وخورافيه استفدت منو مررا
اللي تحت من كوستال من زمان عندي بس ماادري ليش مسحوب عليه !!
استخدمتو اول بدون برايمر ماكان جيد بس لسى تحت التجربه وراح اكتب عنه :)



 جربي تستخدمي للسهرات البيجمنت = شادو بس جاي بودره سايبه
لاانو غالبا اللون فيه يكون واضح وغني وكمان ثباته اعلى بس طبعا تستخدمي مع
الفيكس بلس مو كذا لوحدو ،،
كمان الشادوهات الكريميه حلوه ثابته وتطول معاك



الاثنين هذولا اختراعات جميله جدا من اليمين
قطره من انجلوت فكرتها اي منتج عندك مثلا شادو تحطي نقطه وتستخدمي مع الشادو
راح يقلب الشادو اي لاينر !! 
حطي نقطه مع الفاونديشين وثباااات مو طبيعي
نقطه مع مثلا جيل لاينر للحواجب حيثبت معاكي حتى لو تسبحتي بمسبح !!
ثااابت جدا وضد الموويا ويمنعها فاانتبهو للوضوء لو كنتي حاطتو ،،
اليسار فيكس بلس من ماك تكلمت عنه بالتفصيل هنا



غالبا بعد مانخلص من الميك اب وكل شي او بعد مانركب رموش نلاحظ الاي لاينر 
خف وساير علي رمادي شويا ومع اضاءه السهره مرا مايبين
انا اعشق الاي لاينر اللي باليمين من محمود سعيد ب ١٥ ريال بس حاجه بطططله
تكلمت عنه مره بمفضلاتي ووحبيت احطو هنا لاانو بجد بطططل للسهرات
سواد فضضضيع ،، اذا ماتعرفي ترسمي فيه استخدمي كااعاده او بعد ماتركبي
الرموش ارجعي ارسمي فوقها بالاي لاينر مرا راح يرتبلك هيا 
تلاقو بقزاز والمحلات العاديه بس انتبهو من التقليد مرا سئ واغلى ب ٢٥
ههههههه اول مرا اشوف التقليد اغلى من الاصلي ههههه


لحواجبي احب استخدم تاتو من ميك اب فور ايفر بطططل شي خووورافي قريب


راح اتكلم عن منتجات اللي جربتها للحواجب وهوا من ضمنهم 


استخدمي مسكرا للحواجب يثبتها لك ،، من اليمين من ماك تثبت وبلون
واليسار شفافه من سنتر بوينت راح احكي عنهم ببوست الحواجب ،،




الليب لاينر = اقلام محدده جد بططله وتثبتلك الروج لمده اطوول
ناويه اسويلي مجموعه قريب ان شاء الله ..،


 للامانه انا مو راعيه عدسات بس بالفتره الاخيره بديت احبها اكثر بس احب لون طبيعي يعني عيوني بني اخذ بني افتح شويا
 لاانها تحلي وتبرز العين والميك اب ممكن اخذ بني رمادي بس ماادري للان مااحس اقدر احط ازرق او اخضر !!

وبكذا خلصت هالجزء لو حابين انو اتكلم بالتفصيل كيف اعمل الميك اب تبعي يعني اشرح على ورقه اوك بس ماادري
احس ماراح يكون مفيد انتو ايش رايكم ؟؟

اي تعليق او سوال بالكونت تحت .. وللتواصل معايا التويتر والانستجرام بيمين الصفحه ;)

وسلامتكم ♥♥


هناك 45 تعليقًا :

  1. مررره جمييل يعطيك العافية ❤❤

    ردحذف
  2. شكرا ياجميله ؟؟ بس سؤال شاطح كم عمرك ×_×

    ردحذف
  3. تعليق غريب شوي لكن فعلاً مسبب لي أزمة :$
    موس لوريال صاير يعلق معاي. كل ما أشتري علبة يعلق الضغاط فوق و يخرب من استخدامين ثلاثة :(
    لقيت من VO 5 مثل البخاخ بس ما حبيته كثير

    ردحذف
    الردود

    1. الظغاط لا تظغطي لتحت لا ميلي على جمب ان شاء الله تعرفيلو

      حذف
  4. ربي يسعدك ، اميره ، الداري شامبو وين احصله ، ممره اعاني من تزييت شعري بسرعه

    ردحذف
    الردود

    1. بصيديله بوتس وفي منه بسيفورا :)

      حذف
  5. مشكوووره الله يعطيك العافيه بوست رائع ليتك تكلمتي كيف تتمكيجي بالترتيب من البدايه للنهايه مع الاضاءات والكونتور والبلشر والمنتجات اللي بتستخدميها بنستفيييد اكثررر والله محتاجين هالمواضيع وشكرا لك وياليت تستعجلين اذا ناويه عليه لان عندي مناسبه الاسبوع الجاي وحابه استفيد منك الله يعااافيك
    اختك / دانيا

    ردحذف
  6. الله يعطيك العافيه ياعسل ﻣ̝̚ن متابعينك بصمت
    نونا

    ردحذف
  7. جمممميل البوست يعطيك ربي العافيه وياليت تقوليلنا طريقتك بالميك اب بالتفصيل مانستغني عن خبرتك ,وودي تعملي لنا بوست عن روتين عنايتك اليوميه لان حبيت البوست اللي قبله ؛؛)

    ردحذف
    الردود
    1. الله يعافيك يارب
      وعنايتي اليوميه نزلتها في بوست قبل اسمها ماي نايت روتين :)

      حذف
  8. أزال المؤلف هذا التعليق.

    ردحذف
  9. يعطيك العافية أميرة دائماً مبدعه
    حابه اسالك كيف اتخلص من اللون الرمادي تحت العين بعد مااحط كونسيلر ؟

    ردحذف
    الردود

    1. قبل الكونسيلر استخدمي كوركتر = مصحح لونو مشمشي
      او ممكن بلشر كريمي لون اورنح وبعدين الكونسيلر وكذا راح تختفي ان شاء الله

      حذف
  10. يعطيك العافية أميرة أتمنى انك تنزلي تدوينتك عن الحواجب وسعرها والاماكن والطريقة وشكرا

    ردحذف
  11. يعطيك الف عافيه ماشاءالله كالعاده مبدعه ومواضعيك تجذبني كثير بالنسبه للعدسات انا نفسك عيوني بنيه وجربت الأخضر و الأزرق مررره جميل مايعطيك اللون الي يخوف لا مره حلو وأنا حاليا البس الأخضر...
    ❤❤❤

    ردحذف
  12. شكرا اميره ... أنا من متابعينك و احسك هدية من السماء ههههه تعلمت منك اشياء كثيرة الله يخليك لابنك و زوجك ... يا ليت نعرف طريقة مكياجك في السهرات بنستفيد أكثر . و مره ثانيه شكراااا

    ردحذف
  13. شكرا اميره أنا من متابعاتك و احسك هدية من ربي لنا ... تعلمت اشياء كثيرة منك ... الله يخليك لابنك و زوجك و يا ليت تورينا طريقة مكياجك .. و شكراااا مره ثانيه

    ردحذف
  14. شكرا اميره ... أنا من متابعينك و احسك هدية من السماء ههههه تعلمت منك اشياء كثيرة الله يخليك لابنك و زوجك ... يا ليت نعرف طريقة مكياجك في السهرات بنستفيد أكثر . و مره ثانيه شكراااا

    ردحذف
  15. يعطيك العافيه ، بس بسال عن العطور اللي بالصوره لفتني شكلها من وين ؟

    ردحذف
  16. حبيت البوست مرررة وياليت تتكلمي عن تاتو الحواجب وبسألك فين احصل الشامبو الجاف ؟
    والف شكر لك ♥

    ردحذف
  17. و عليكم السلام
    معك حق الاضائة تفرق كثير
    الموس من لويال صار له فتره عندي و لا ادري وش اخبص به :S بس اشوا الحين صرت اعرف :$
    القطرة من انجولت اول مره اسمع فيها او حتى اشوفها بس فكرتها مررره تحمس
    بانتظار بوست الحواجب

    ~ توافيق

    ردحذف
  18. البخاخ اللي من سسالي هانسن
    حصلته بمحل عادي وسعره 70
    تنصحيني اشتريه منه؟
    والا الافضل اخذه من فيسسز وايكونيك حتى لو اغلى؟
    يعني فيه فرق ولالا؟

    برضو الاي شادو البقمنت ايش بديل الفكس بلس معه؟
    لان مابي اشتري فكس بلس مايناسبني

    ردحذف
    الردود
    1. سالي هانسن خذي عادي مااتوقع يفرق وشوفي ببوتس بخاخ مشابه له
      اتوقع ارخص منو ويقولو كويس

      بالنسبه لبديل ماك فيكس بلس جاري البحث عنه

      حذف
  19. لو سمحتي ايش اسم الغراء اللي تستخدميه لتركيب الرموش و شكراً

    ردحذف
  20. ماشاءالله ريفيو كامل بس ياريت تحطيلنا المكان اللي اشتريتي منه كل منتج في حاجات غريبة عني وماني عارفة فين ألقاها زي الدراي شاور عجبتني فكرته.. شكرا عزيزتي

    ردحذف
    الردود

    1. الدراي شامبو ببوتس وسيفورا موجودين والباقي اتوقع واضح :))

      حذف
  21. أميرة حمستيني مررررره على حق انقلوت حسيته صدق اختراع خطير يبيلي امر اجيب لي منه ❤❤❤ وبعد الكحل شكله جميل ❤❤ يعطيك العافية :*

    ردحذف
  22. أميره حبيت أسئلك عن بديل الفير لجوسي كتور ، والموس للتثبيت اخذ منو شويه وابد من تحت الجذور ؟ ياليت تفصلينها شوي 3>

    ردحذف
    الردود

    1. عن نفسي ماجربت بديل له بس اشوف يمدحو كم نوع من كون اير باليوتيوب
      والموس لا تحطي من الجذور سيبي شويا وبعدين حطي

      حذف
  23. شُكراجَزِيلا:)

    ردحذف
  24. ياشيخه وربي انك عسل مرة استمتع بكل طرح لك :)

    ردحذف
  25. بديل لفير جوسي ايبر ***

    ردحذف
  26. ابغغى اساالك ايش افضل ليب لاينر ومشككككككوره

    ردحذف
  27. صباححك وررد امييره

    بجججد شي يحمسس و راقي و كلامك منطقي و هذا اكثرر شي مخليني اتابعععك بقوه صراحه ♥♥♥

    عندي استفسار ومتعبني صراحه
    س/ الكونتيور لما احطه بوجهي احس تباان الاماكن الداكنه اللي حطيت فيها مثلا حطيت بخشمي احسسس يباان خطين بخشمي م احسسو طبيعي !!!
    كيف نظاموو احطو هوا وبعدها الفونديشن ؟ او العكسسس ؟

    و اكون لك من الشاكرين

    ردحذف
  28. مرحبا اميرة ،،

    الله يعطيج العافيه،، من جد استفدت منج اشياء وايد ..

    و عندي سؤال ضغنن اذا ما عليج امر ،،

    شنو التاثير او طريقة تعديلج للصور ؟

    انا مبتدئة بالفوتوشوب و حابه طريقتج

    <3

    ردحذف
  29. اميرة الجميلة ممكن طلب يا رب ما ترديني.....
    ممكن تعملي ريفيو عن هذا الباليت من كوستال ؟؟ استنيت من فترة على امل
    انك تكتبي عنو بس ادري انك مرا مشغولة
    والله راضيه حتى لو تكتبي عنو في انستجرام
    يعطيك العافيه و فعلا بستفيد منك كتير

    ردحذف
  30. اميرة تركيب الرموش يعتبر من التوصيل لعن الله الواصلة والمستوصلة
    انا قلت لك لاني احبك وما ابيك تكوني ملعونة :)

    ردحذف
  31. السلام عليكم اختي
    انا لسا مبتدئة في الميك اب و حابه اتعلم و ابدأ اطبق
    ممكن تقوليلي ايش المنتجات اللي اشتريها - مرا شكرا

    ردحذف
  32. احب ادخل مدونتك تقريبا كل يوم اشوف وارجع اشوف عشان اعرف لما اشتري..يعطيك العافيه استفدت منك كثير

    ردحذف

Back to Top