الثلاثاء، 18 ديسمبر 2012

OMBRE + MATT Nailpolish ♡♥



السسسلااام عليكم

ادري تاخرت مررا سوري بس انشغلت مو بيدي
المهم البوست اصلا كذا كيوت ودلع ولعب جد والله يعني مو شي انا فنانه في اصلا
انا عاده وقت الاحم احم ههههه اجيب علبه مناكيري واقعد العب واجرب واحوس

اللي تتابعني بالانستجرام اتوقع قد شافت صور تجاربي الناجحه والفاشله ههههه
فاامس جبتها وانا اخربط جا ببالي اصور ويلا يابنت حطيت الترايبود فوق المكتب
وجلست اصور خمبقتي ههههه ومنها اوريكم حاجه حلوه عندي
وترا ماظبط المناكير مرا لااني اصور واحوس فيعني زي ماقولت انا مو شاطره
مررررا في المناكير ومن زمان ماسويت بودي كير فلا تدققو خخخخ



نبدا بالشي الحلو كلكم عارفين المناكير في نوعين اللي بلمعه اوالمات = المطفي
المات مرررا حللووو وتغيير عن العادي بس نادرا نلاقي
قبل فتره اشتريت توب كوت مات = طبقه شفافه مطفيه
تحطيها بعد ماتحطي المناكير العادي ويقلبو لك مات ترررا !! ههههه
يعني بدل ماتقعدي تشتري كل لون مات ولمعه هذا اوفر لك

خلوني اوريكم الصور



من ايسي درجتو sure shot
اول شي حطيت المناكير الفوشي هذا قد تكلمت عنو قبل انو نفس درجه ديور
عندي من قبل ومرررررا يعجججبني




لاحظو لمعتو



هذا هوا التوب كوت مات من انجلوت اخذتو ب ٤٥ ريال تقريبا
وحطيت طبقه ع اللون الفوشي حطيت في اصباعين بس علشان اوريكم الفرق



وهنا النتيجه النهائيه



والله مررررا عجبني وهوا مات

وطبقتو على لون ثاني وشوفو الصور



وبعد




نيجي للشي الثاني اللي هوا مناكير الاومبري ombre



اللي هوا المتدرج مثلا يكون نفس اللون درجاتو او عده الوان اللي تحبي
بس وانا اجرب واحوس اكتشفت انو صعبه فكره دمج الالوان ويبغالها مزاج
وقعده احووووس الى مايعني تقريبا نقول ظبطها ترا ثاني مرا اجربها
اول مرا بائت بفشل ذريح بس المرا هذي ارحم هههههههه
بس قولت اوريكم تجربتي الشبه ناجحه واعلمكم الطريقه

اول شي تحتاجي الالوان اللي حابه تدمجيهم + مناكير لون هادي يكون اساس لهم
انا كنت ابغى درجات البينك فخليت الاساس نفسو من الدرجات وهذا الشي سهل
عليا الفكره لاانو قبل حاولت اخلي ٣ الوان والاساس ابيض مرا ماظبط



هذولا اللي استخدمتهم
بيبي بينك مات من نيكس درجتو baby pink

وترا مايفرق لو مات ولا لا لاانو بالنهايه حنحط توب كوت
والثاني ايسي نفس اللي استخدمتو فوق



توب كوت = المناكير الشفاف بلمعه العادي



اعواد قطن لتنظيف الحوسه خخخخ

 

مزيل مناكير العادي واسفنجات الميك اب

يلا نبدا
اول شي نحط طبقه الاساس وزي ماقولت ممكن تكون من التدرج اللي تسوي
لو ماكنت من التدرج تخلي لون ابيض افضل شي
انا من نفس التدرج فااستخدمت البينك



وبعدين تاخدي الاسفنجه وتحطي عليها المناكير وحطي كثيرر افضل زي كذا



نسيت اصور لمى حطيت الفوشي بس حيبين بالصور المهم بعد ماتحطي الطبقات
جمب بعض تمسكي الاسفنجه و تحطيها على اظافرك وطبطي خفيف لو ماظبط
يعني حوسي وطبطي واسحبي اللي هوا هههههه الى مايظبط
شوفو الصور وانا احوس






حيطلع النتيجه حوووسه ومخرمش كذا



ابدا ماافتكرت اللي تقلد جوجو هنا ههههه نفس النتيجه هههههههههه
طبعا كلو يتعدل تجيبي اعواد الاذن والاستون وغطسي في



هذي اعوا الاذن مرا حلوه لتعديل المناكير والميك اب تلاقوها بالسوبرماركت والصيدليات



امسحي الزايد والحوسه والنتيجه





بعدها ناخد التوب كوت ونسوي ممكن طبقه او طبقتين الى ماتحسي انو تمام
والنتيجه



فتحت الاضاءه بالفوتو علشان يبين لكم افضل

 

حللووو كثاني مرا اسوي صح ؟؟ سلكو هاا ههههههههه
ترا والله مو سهل زي ماتشوفو بالصور
اي وحده تجربو توريني حتى لو فشلت عادي عادي

وصح صورتلكم اخر مناكيرين اخدتهم من اتش اند ام جليتر بس .. مرررا حلوين
انا احب اسويهم بالسهرات ممكن بس كم اصباع او كلهم يعني يعطو لوك حلو وتغيير



وبسس خلصنا زي ماقولت لا تيجي وحده مدرعمه تقول ماتعرفي
ترا العب واجرب يعني وناسه

ويلا وروني تجاربكم وسلامتكم

هناك 17 تعليقًا :

  1. هو حلو كتير بس احس المتاكيرات اللي عرضتيها احلى لوحدها، عموما شكرا على المجهود

    ردحذف
  2. حلو التوب كوت مات من انقلووت حطيته فاللسته عندي
    بسألك ماينتواجد الا في انقلوت !
    حبيبي مرره تسلمين كل شي واااو في البوست ربي يسعدك
    وانا احب اتابعك ❤️❤️❤️❤️❤️

    ردحذف
    الردود

    1. لا تلاقي بمحلات كثيره دوبني اشوف وحده كاتبه موجود بااتش اند ام
      انتي دوري شي مكتوب توب كوت مات top coat matt

      والله يسسلمك يارب :)

      حذف
  3. حلو التوب كوت مات من انقلووت حطيته فاللسته عندي
    بسألك ماينتواجد الا في انقلوت !
    حبيبي مرره تسلمين كل شي واااو في البوست ربي يسعدك
    وانا احب اتابعك ❤️❤️❤️❤️❤️

    ردحذف
  4. مرره جميل البوست حبيته و بالذات المتدرجة مره جميلة الالوان اللي استخدمتيها
    و للتوب كوت المات فيه بديل ارخص للي يبي من اتش اند ام
    مره كويس صح ماينشف على طول بس مره كويس على سعره

    ردحذف
    الردود

    1. ايوا اشوف وحده تقولي موجود بااتش اند ام
      هوا موجود بعده ماركات بس قولت انجلوت لااني متاكده :))

      حذف
  5. لو سمحتي أبي الأكاونت حقك إلي بالتوتر

    ردحذف
    الردود

    1. @amiraa_88
      https://twitter.com/Amiraa_88
      وترا موجود على يمين الصفحه شعار العصفور لو ركزتي :)

      حذف
  6. يعطيك العافيه<3
    كلهم ححلوين وحبيت الجليتر اكثر <3<3

    ردحذف
  7. اللهه اميرررة جممميل وين اروى تشوففف..



    ردحذف
  8. جميييييل ماشالله ❤
    الله يعطيني طولة بالك ههههه ❤

    ردحذف
  9. ليش لسى ماأعلنتي عن اسم الفائزه بأسوارة سوارفسكي :(

    ردحذف
  10. شكلي بجيك جده تعطيني كووورس

    ردحذف
  11. شكرا علي الموضوع العسل مررره كيوت و حبيتو الصراحه حلوه المناكير الي قدمتي بيها اميره بليز تكلمي عن المناكير الي بالازق او الي بالفص ما ادري اش اسمها بس تكلمي عنها اتمنى انك عرفتيها

    ردحذف
  12. لة سمحتي وين لاقي مناكير ماركة ايسي انا من جده

    ردحذف

Back to Top