KENZO Sweater | سترة كينزو ب ٣ تنسيقات ♡

السلام عليكم ورحمه الله ♥
كثير منكم جميلاتي يحبو مواضيع اللي يكون قطعه وحده نلبسها بااكثر من طريقه ومرا تحمسوني افكر واطلع 
تنسيقات اكثر واحاول اني اطلع تنسيقات تناسب اغلب الستايلات مو شرط تطبقوها نفسها يكفي انها تلهمكم 
وكل وحده بطريقتها وستايلها اللي تحبه ♥♥
اليوم راح اوريكم ٣ طرق مختلفه لسويتر كينزو وممكن تسوي على اي سويتر عندك يكون برسمات عليه ♥ 

غالبا نحب بجمعه صاحبتنا البسيطه لبس مريح ♥ فااول تنسيق سبورت كاجول نسقت معاه جينز قريب
من البوي فريند جينز بس اللي يجي سليم= انحف من البوي فريند.

لاان الستايل سبورت لبست عليه سنيكرز اديداس الجميل وشنطه كروس علشان تعطي طله كاجول اكثر .
 ♥ تفاصيل اللبس  ♥
السويتر / كينزو
الجينز / اكسبرس
الشوز / اديداس
الشنطه / ديور .

لو حبيتي نفس التنسيق تقدري تخلي اكشخ بس غيري السنيكرز لهاي هيلز !!

شايفين كيف الشوز ممكن يغير بالستايل كله ♥؟! والشنطه شلت الستراب وشلتها باليد فيعطي طله كلاسي اكثر ♥♥

التسيق الثاني ايدجي وجرئ ! اعتمدت الالوان الغامقه فيه بعكس الاول التنوره جلد جميله باللبس
 وتلبسي معاه تايت اسود ♥

حبيت بالتنسيق هذا تداخل الخامات الجلد والشامواه  ♥

 ♥ تفاصيل اللبس  ♥
التنوره / فورايفر٢١
الشوز / سويت بلانكو (من زمان عندي)
الشنطه / شانيل

والتنسيق الثالث على بنطلون الواسع "احنا نسمي كاروهات هههه" جميل وهادي ♥

هالتنسيق علشان هادي اضفت عليه سلسال ذهبي  ♥

 ♥ تفاصيل اللبس  ♥
البنطلون / زارا
الهاي هيلز / لابوتان
الاساور / سي اتش و البيضا هديه 
المناكير / موديلز اون الدرجه Nude beige .

انتو جميلاتي اي واحد من التنسيقات قريب لستايلكم ؟؟ انا امكن اخر واحد♥

 ♡♡

     Twitter | Instagram | Bloglovin