الأحد، 11 أكتوبر، 2015

تجربتي مع قفل فراغات الاسنان بالكومبولومنير والتبييض بالزووم ♡♡

السلام عليكم ورحمه الله 
الاسنان ونظافتها وترتيبها من اهم النقاط اللي تهتم فيها البنت
جاتني دعوه من عياده لتجربه تبييض الاسنان ،، المهم فتحت حسابهم بالانستجرام اتاكد من العياده وشغلهم واشوف عندهم حل للفراغات بحشوات تجميليه (كمبولومنير) ! تحمست اجربها وكلمتهم قالو اوك تمام !

استخرت ربنا قبل اي شي وتوكلت و رحت للعياده وانا مرررا متحمسه وبنفس الوقت خايفه !! لاان قبل كانت ليا تجربه بتركيب التقويم المتحرك وكانت فاشله وتجربه بتركيب حشوات طاحت عليا من ثاني يوم !!


العيادات اسمها مجمع عيادات رافال الاستشاري عند الدكتور مريم التل اخصائيه في جراحه الفم والاسنان و تخصصها تجميل الاسنان خبره ١٠ سنوات في العلاجات التجميليه الحديثه وتطبيقات الليزر وتشتغل بكل شي.
شافتني الدكتوره اول شي قالتلي ترا اسنانك جدا جميله وشي خفيف يبغالها بس متاكده تبغي ؟ قولتلها ايوا يلا قالت اوك وبدت تشتغل على اسناني وانا كلي حماس بس خلصت ادتني المرايا شوفت النتيجه واااو !! النتيجه اجمل مماتخيلت!شي اكثر من رائع ! لدرجه شكيت انو حطت طبقه كامله بااسناني او سوت شي ماادري الابتسامه كلها رتبتها بشكل خرافي فرق معايا بشكل كبير !! يعني انا كنت متوقعه تقفل الفراغات بس لا هيا اشتغلت على شكل الاسنان بشكل عام حبيت شغلها بجد والله انسانه فنااانه وامينه تعرف شغلها وتعرف ايش تسوي هنا صور لحالات اشتغلتها الدكتوره بنفس الحشوات 


شايفين كيف الفرق جمييل!! وفي صور اكثر بحسابهم بالانستجرام وسالت الدكتوره اسئلتكم عن الحشوات :
- اولها انا سالتها هل تطيح ؟
لا ماتطيح اقل شي تقعد ٣ سنين واكثر بااذن الله بس نبهتني من الفصفص ممكن يكسرها .
- هل تتصبغ الحشوات من القهوه والشاي ؟
مع النظافه والاهتمام بااذن الله ماتتصبغ ولا تتاثر .
-ي نفع نسوي تبييض واحنا مركبين هالحشوات ؟
تقول هيا بالنسبه لها تحب تسوي التبييض وتشوف الشخص لااي مرحله يوصل من تحمله للتبيض وبعدها تقارن
مع حشواته اذا متناسبين اوك اذا لا ممكن تغيرها "راح تفهومها اكثر اذا وصلنا لنقطه التبييض"
- هل الحشوات تقفل الفراغات بس ؟
لا الحشوات تسوي اكثر من شغله تقفل فراغات / ممكن تغنيك عن التقويم /
تصلح سن مكسور / سن شكله  مختلف تعدله / يغنيك عن التبييض اذا كانت لكل الاسنان مثلا .
- هل في ألم ؟
لا ابدا ماحسيت بااي ألم الحمد لله .
- هل بردت الدكتوره من اسناني علشان تحط الحشوات ؟
لا بدون برد 
- بكم سعر الحشوه للسن الواحد ؟
الحشوه للسن الواحد ٥٠٠ -٧٠٠على حسب الحاله ريال وعرضهم لهالشهر ب ٤٠٠ ريال .


بعدها بااسبوع تقريبا سويت الخطوه الثانيه اللي هيا التنظيف الدكتوره بكل امانه يدها خفيفه جدا بسرعه خلصت التنظيف  وبعد ماخلصت لقيت شي باللثه السفليه مرتفع مفرق بين سنين قالت اشيلو افضل لك قولتلها اوك ماحسيت الحمد لله وكملت علاجي بالبيت تبع اللثه والحمد لله اسناني السفليه بدت  ترجع لوضعها الطبيعي زي ماقالت ! وقالت بحاله انهم مارجو اوك اركبلك سير يرجعهم بس بعد سته شهور بااذن الله حبيت تنظيفها انا كل سنه اسوي هالتنظيف مافي احد من الدكاتره قالي عن موضوع اللثه ! تقولي انا احب اذا سويت شغلي اكمله للاخر سعر تنظيف الاسنان حسب الحاله يبدا من ٣٠٠ .


نجي للتبييض♥ بالبدايه انا اسناني اصلا بياضها حلو والدكتوره قبل كل شي عندها خبر اني ابغى تبييض فقالت اسنانك بياضها طبيعي في وقت تركيب الحشوات قالت راح احط حشوات افتح من اسنانك بشي بسيط واذا سوينا التبييض راح يكونو متقاربين وفي حاله بين فرق راح نعيدها الحشوات .. المهم سويت التبييض بالزووم الجيل الرابع فكرته انك تسوي دوره مدتها ربع ساعه وقد ماتتحمليت قدري تعيدي هالدوره اكثر شي ٤ مرات وكل مره النتيجه ابيض من اللي قبلها .
انا تحملت دوره وحده ربع ساعه بااخر دقيقه في سن من الاسنان المني فوقفت على دوره وحده النتيجه حلوه وطبيعيه بس كنت متوقعه انها بتبيض اكثر من كذا بس لااني وقفت عند اول دوره فااتوقع هو السبب لاان صاحباتي كملو ال٤دورات فرقت معايا الاسنان السفليه بجد لاان العلويه عندي زي ماقولت قبل بيضا فطلع بيضاهم جميل وطبيعي ومتناسقين بشكل تمام مع الحشوات ماهو البياض القوي اللي يبين مو طبيعي لا بجد طبيعي وحلو اقدر مستقبلا اعيد الدورات وازيدها حسب تحملي او اسوي قوالب التبييض المنزليه علشان اثبت اللون ،، تبييض الزووم سعره ١٥٠٠ حاليا عرضهم ١٠٩٩ والصباح ب ٩٠٠ ريال .
بشكل عام تجربتي كامله اكثر من رائعه شي ماكنت اتخيله
الا لو سويت فينير وانا مو مقتنعه بالفينير مرا لاانو اسنانك الاساسيه تتضرر 
 تجربه ناجحه من كل النواحي ولله الحمد جلست ٣ اسابيع اتاكد انو الحشوات تمام لااني بجد ابغى انقلكم تجربتي كامله زي ماهيا لااني متاكده كثير بنات زي حالتي ويارب تستفيدو منها 
قالولي بالعياده متابعه من طرفي جات وقفلت فراغات عندها وطارت من الفرح بالنتيجه ماتصدقو قد ايش انبسط اني كنت سبب بسعاده وحده فيكم الله يخليكم ليا ولا يحرمني منكم جميلاتي 


بجد شكرا لعياده رافال اولهم ايناس حبيبه قلبي ماقصرتي♥ والبنات كلهم بالمركز حبوبات "سرنا صاحبات ههههه"
والدكتوره مريم بجد شكرا لك من كل قلبي اقولها لك 

عيادات رافال رقمهم واتس اب / ٠٥٣٤١٥٥٢٦٦
حسابهم بالانستجرام / @rafalclinics
هاتف / ٠١١٤٧١٥٧٩٩




هناك 29 تعليقًا :

  1. ابغا اجي الرياض و اسويها 😭😭😭😭😭😭
    يالله احتاج والله هالشيء

    ردحذف
  2. مبروك الابتسامة الجديدة يا آميرة ،، الانسان فعلا تفرق كثير في الشكل و حتى في الثقة بالنفس،، انا عندي بقع فلورايد باسناني و مره دكتورة سوت لي حشوة تجميلية لهذا السن بس صراحة كبرت حجمه و صار لونه يتاثر بالشاي و القهوة و لازم كل سنه اسوي تنظيف عشان هذا السن،، حاليا افكر اسوي لومينير بدون اي كشط في الاسنان و صار لي فترة طويلة ادور على عيادة موثوقة و ان شاء الله القى ضالتي
    يعطيك العافية ع الموضوع المميز و فعلا محتاجين تبادل خبرات في هذه المواضيع

    ردحذف
  3. ياشيخه انتي سعاده لكل نفرات الدنيا وربي يوفقك ويسعدك ويعطيك على قد نيتك ي رب ونحبك ♥>>

    ردحذف
  4. يسعدك ربي ياجميلة كنت متردده ومحتاره بين الحشوات والتقويم راح ازور العيادة بأقرب وقت ان شاءلله 😍👍

    ردحذف
  5. اميرتنا .. مرا شكرآ ع مصداقيتكك والله يخليك لنا كمان ويسعدكك ي جميله .

    ردحذف
  6. من جد انتي حاقه ما حصلتش في ذي الدنيا التعبير خايس من احس تكتبين من قلبك التجربة وصراحته ما أمل وانا اقرأ ما شاء الله الله يعطيك العافيه وتحرم يدينك من النار ي رب

    ردحذف
  7. يسعددددددك ..قد كا تسعدني كتاباتك ياخي المهم لي كم يوم قالبه ع زوجي طالعه لي فراغات واقوله برحع اركب تقويم وبما انه دكتور اسنان فيقول لا وانو اضرار واسنانك ومش عارف ايش الزبده حليتي الموضوع لي الله يكتب اجركككككك ويفرررررج لك .....جد جد السعادة شي يشبهكككككك

    ردحذف
  8. الله يسسسسسسعدك دنيا واخره بجد بجد بجد كنت شايله هم اسناني سويت تقويم ولانفع معي الله يوفقك يارب ويرزقك ويسعدك شكرااااااااا
    🌹🌹🌹🌹🌹🌹🌹🌹

    ردحذف
  9. مبروووك تتهني وتنبسطي وتضحكي اكثر بالابتسامه النيولوك ♥
    بغيت اسألك اميره لو تعرفي ايش اسم الحركه اللي يسوونها للاسنان علشان تصير كأنهم متساويين من تحت ! برد اسنان ولا ايش بالضبط ؟!
    شايفه جويل اسنانها متساويه وودي اضبطهم زيها ♥♥

    ردحذف
  10. شكراً على نقل التجربة والإفادة ممتنين لك💜 awrad

    ردحذف
  11. فعلاً إنتي انسانه أنيقة ومبدعة وكلك إلهام، نحببببك مرّا 💜💜

    ردحذف
  12. حبيبتي اميره .. باذن الله ناويه اروح واسوي عندهم لان مشكلتي بسيطه جداً ماتحتاج فينير .. وللامانه اول مرا اسمع هالطريقه الجديده منك ..
    ربي يسعدك قد ماتفيدينا ❤️❤️

    ردحذف
  13. جممممممميل البوست كنت محتاجةة علاج للفرغات بين اسناني السلفيه والحمدلله عرفت العلاج منك ❤️وكنت مترددة بتبيض الزووم بس بإذن الله بعد تجربتك حتشجع واسوي 😍 ياليتني بالرياض كان رحت للعيادة نفسها .. بس ان شاءالله الاقي عيادة ودكتورة ثقة بجدة 👌🏻❤️موفقه يارب

    ردحذف
  14. صراحه شي حلو اانا الحمدلله اسناني تمام بس بمر عليهم اشوف اذ حصير احلى او لا
    غرت منك يا اميره ههههههههه وتتهني فيها يارب
    سلومه .., ارسلي لي تحيه بالسناب 🙈😅😬

    ردحذف
  15. نفسي اسويها بس م عندنا عيادات كويسا ف المدينه 😿💔💔.!

    ردحذف
  16. تتهني فيها حبيبتي .. انا نفسي اسوي التبييض لانه بعد التقويم صفرت اسناني 🙊

    ردحذف
  17. خليتيني أفكر بجدية أروح الرياض بس عشان أمر هالعيادة 😢❤️
    الله يعطيك العافية أميرة بس عندي سؤال هل الحشوات ماتحتاج غير جلسة وحدة أو ممكن تقول لي تعالي مرة ثانية؟

    وشكرًا ❤️

    ردحذف
  18. ماشاءالله بوست جميييل وجامعه فيه كل المعلومات يعطيك العافيه أبغى اروح الريااض 😩😩 يعطيك الف عافيه كنت متحمسه اسوي الزووم وحمستيني اكثررر ذحين وتتهني ياعيني ياأسنان حلوه ياابتسامة هوليود يا يا .... 😂😂😂 لا اوصيك حطي كل الارواج الغامقه ذحين والاحمر واااو ههههههه تتهنين ياروحي ❤️

    ردحذف
  19. تقرير جميل ووافي وخفيف , شكرا اميرة : )

    ردحذف
  20. الله يوفقك اميره فعلاً استفدت من تجربتك ومصداقيتك ❤❤
    حمستيني ازور العياده ان شاءالله

    ردحذف
  21. من اكثر الشخصيات الي احبهم، موفقه

    ردحذف
  22. انا وش جابني هنا بالظبط !
    آسف على تدخلي في أمور لاتعنيني :) !

    ردحذف
  23. اتابعك من زمان وما شاء الله عليك بصراحه تلهمينني كثيييير ..

    بس عندي سؤال يا اميره ماله علاقه بالموضوع اذا ممكن ..
    هو عن البلوق حقك كيف تطلع مواضيعك في قوقل ؟؟ وكيف تحطين اقلب الصغير اللي بين الكلمات بالبوست ؟؟

    ردحذف
    الردود

    1. بجوجل هذي ماادري اتوقع اذا كانت الاكثر بحث عنها تسير تطلع
      القلب عادي رمز

      حذف
  24. اميره سؤال بس
    هل سعر التبييض للسن الواحد ؟

    ردحذف
  25. انتي انسانه جدا ملهمة الله يوفقك يارب و تتهني

    ردحذف
  26. بس يالغالية .. الحشوات هذي تضعف الاسنان .. وبعد 5 الى 10 سنوات ينكسر السن معاك بسبب الحشوة المطليه فوق السن وحواليه .. من تجربه انكسر عندي سنين بسبب الحشوات وتحسفت اني حطيت حشوات لكامل الاسنان كتجميل فقط ونسيت صحة السن وقوته ..

    ردحذف

Back to Top