هل تستاهل الصجه ؟!

السلام عليكم ورحمه الله ♥♥
كل المنتجات اللي بالصوره اتوقعكم تعرفوها او نصها .. هالبوست راح يكون مخصص باان هل هالمنتجات تستاهل الصجه اللي اخذتها ؟ طبعا من راي وتجربتي الشخصيه اللي تفرق من وحده للثانيه مننا .

فاونديشن دولتشي اند جبانا بيرفكت لومينوس "ركزو مو النوع المات المشهور" لمى جيت اشتري قالت في نوعين مات وعادي وانا بطبعي  مااحب المات بالعكس احب الديوي لوك المهم من زمان عندي اول مااستخدمته حبيته مرا تغطيته متوسطه / لفل كوفر تحسي انك حاطه شي بس بنفس الوقت خفيف عليها مو اللي يكتم ، بالبدايه كنت اوزعه بالبيوتي بليندر وكان يخطط معايا بخطوط الابتسامه بس بعدها سرت استخدم برايمر قبله واوزعه بفرشه وتمام وماعاد خطط .
اكثر شي يميزه اتوقع الفينيش النهائي له سواء هوا او المات النتيجه النهائيه له جميله مرا يبين البشره موحده ووحده حبيته♥ بصراحه وحسيت يستاهل الكلام الكثير اللي عليه ويستحق التجربه "قد قولتلكم من قبل اذا نفسك تجربي فاونديشين خذي معاك علبه صغيره فاضيه وخليهم يحطولك وجربي بالبيت براحتك"
اخذته من هارفي نيكلز بحدود ال ١٨٠-٢٠٠ .

اضاءه سوفت اند جنتل من ماك♥ تكلمت عنها قبل بالمدونه بس لاان للان تجيني اسئله عنها فقولت اضمها للمنتجات عن نفسي امكن افضل اضاءه احبها وتناسبني جدا حلوه تعطي منظر طبيعي وتحسسني باامتلاء للخدود بشكل نعوم ابدا مو اوفر لمعتها :/ جميله جدا تستاهل .. اخذتها اذكر من ماك دبي لاانها دايم مخلصه هنا سعرها بحدود ال ١٤٠ وقتها. 

باليت كونتور انستازيا ،، تاخرت الى ان اقتنعت فيه لااني كنت من محبين الكونتور الكريمي ، الباليت في ٣ درجات بنيات و٣ درجات اضاءه وحده منهم بلمعه ، فكره الباليت جميله صبغتهم حلوه وثباته اجمل شي فيه بس عيبه الدرجات ماتناسب بسهوله يعني انا من البنيات اللي بالوسط اكثر شي حبيتو للكونتور وبرضو مااحسه الدرجه البيرفكت بالنسبه ليا الاضاءه الصفرا لتحت العين هي بالباليت كله بطله جدا تثبت الكونسيلر وتعطي اضاءه تحت العين بشكل جمييل♥♥ .
انستازيا سمعت يبيع حبات حاليا يعني تسوي الباليت زي ماتحبي وهالشي جدا جميل علشان تاخذي درجات تستفيدي منها مو يعني انا مثلا استفدت من درجتين فقط !
حبيت بالباليت انو تقدري تشيليهم فعملي هالشي تاخذيهم بعلبه الثانيه بالسفر بس عيب الباليت مافيه مرايا :( تطلبيه اون لاين او من التاجرات .

نيجي لروج لايم كرايم السائل المات درجه كشمير ! انا متاكده من شهرته في ناس تعرف روج كشمير بس ماتعرف ايش الماركه اساسا من كثر مالناس حبته وسوت صجه على الدرجه ! بجد الدرجه غريبه مميزه ومختلفه عن اللي تعودنا عليه ! اول مرا حطيته استغربته ماادري مااستوعبت اللون بس بنفس الوقت عجبني انو شي جديد♥ وبعدها جربتو مع ميك اب كامل ومحدد وردي قبله وجداا جميل وسرت استخدمه دايم يعني يستاهل الصجه بس حقيقه مايناسب اي لون بشره وقبله محدد افضل بكثير فالافضل انك تدوري بديل له من ماركات ثانيه بس يكون يناسبك اكثر يعني مثلا انا تراب من كولور بوب شوفته البديل الانسب ليا يعني تبع كولور بوب استخدمه حتى بدون محدد قبله ومرا تمام كثير ماركات نزلو درجات مقاربه شوفي الانسب لبشرتك وخذي ♥

مسكره بتر ذان لوف "هيا نفسها بتر ذان سكس بس ادبوها عندنا واحسن شي سوه" من تو فيسد المهم مسكره من زمااان طالعه واسمع كلام كويس عنها والموظفه بسيفورا قالتلي الافضل مبيعا من توفيسد عندنا ! قولت يلا نجرب ولو اني مو مرا صحبه مع هالنوع من الفرش جربتها كويسه تفرق معايا رموشي لاحظت انها تكثف وتطول بس ماتعكف كثير فاانا وقت مااحطها احب اسحب رموشي على الجنب "مااعرف اوصف" المهم ماارفعها لفوق كثير لاانها ماتعكفها
"اللي متابعيني بالسناب هي نفسها اللي سعود سالني يومها اذا مركبه رموش وسالتوني كثييير عنها يومتها ههههه" ماحبيت فيها لمى تشيليها متعبه نوعا ما امسح مره ومرتين والثالثه بعود قطن ويلا ! بس نتيجتها تخليني اتحمسلها حلوه بس مو افضل مسكره بحياتي يعني .. من سيفورا ب ١٢٠ تقريبا .

♡♡

Twitter | Instagram | Bloglovin