الجمعة، 3 يوليو 2015

جوله واختياراتي من تالي وايل ♥ وهديه جميله لمتابعاتي ! ♥ انتهت

السلام عليكم ورحمه الله وبركاته 
راح اخذ فيكم جوله واوريكم بنفس الوقت اختياراتي من ماركه تالي وايل .. اول ماجاتني الدعوه منهم وروحت للمحل بس
شوفت الارنب افتكرت محلهم بجنيف وكيف كان زحمه بالتخفيضات ماانساه  !! 


المحل ملابسو جدا حلوه للبس لو مثلا رايحه لااهلك او صاحباتك بشكل دايم وبسيط وكمان حلو للعرايس يقضو منو لبس
للبيت وحلو للبنات التين ايج و اللي بالعمر بدايه الكبر يعني اللي لاهم صغار ولا كبار دايم لبسهم محير بهالمحل كثير اشياء
تناسبهم . وكمان ممكن تلاقي بعض القطع اللي تلبس بعزايم  


الماركه فرنسيه وفروعهم عندنا بالعثيم مول الربوه وخريص وبالعثيم مول اللي بالدمام والهفوف والقصيم وقريبا جده 
يلا اخذكم تور بالمحل 




الفستان الابيض هوا طويل وماسك جداا جميل اتخيلتو مع تان شي مررا جميل بس للاسف مافي مقاسي :(




بهالجهه زي ماانتو شايفين المحل يغلب عليه طابع التي شيرت والجينزات والليجنج احنا غالبا نشتري زي كذا في العيد
نلبسو بالبيت او بالليل وقت السهر اهم شي احساس الجديد ههههه ،،
زي كذا تنسيق ناعم للبيت او بسهره بالليل مع الاهل ليجنج مريح وقميص وستميتمنت نيكلس مريح ومرتب بنفس الوقت 


بهالجهه لبس باالوان غامقه وعمر اكبر من الجهه اللي قبل 



سويت منه هالتنسيق كومينو طويل بهدب على تريند هالفتره مع التنوره اطوالهم متقاربه تحت قميص اسود وسلسال 
ذهبي يطلع جميل وع الموضه 

هذا البوست بالشتا تعبت وانا ادورو دحين لقيتو ولا اخذتو ! هههههه .


مناسبه للتين ايج .


الشنطه لونها وجلدها حلو ومعاها حبل تسير كروس بودي .


عندهم اكسسوارات مختلفه وكمان شراب ابو كرانيش هههه انا احب البسو مع البوت يعطي لوك جميل ،


عندهم شنط السفر و خيارات كثيره من لبس البحر طواقي وبيكني وبيكيني سوت .

نيجي لااختياراتي من المحل للاسف ماكان عندي الوقت اللي اروق واختار مشغوله مع التصوير والوقت ضيق :$

عارفين هالفتره موضه الجينز بس ماحبيتها بالتنانير ومن زمان ادور على فيست جينز بس دايم اللي الاقي يكون كذا كبير
وطويل مايناسبني هذا حبيت فيه درجه اللون والمقاس نفسو صغير مرتب على الجسمسعره ١٩٩ ريال .

هذي اخذتها ماكنت مقتنعه فيها بس باللبس اجمل بكثير ب ١٦٩ .

هاليومين في حاله حب مع هاللون وهالنوع من القطع اعتبرها كلاسيك تنلبس كثير وتضيف للبس الكثير ب ٦٩ وفي منها 
الوان كثيره .

اجمل قطعه اخذتها جمييل حتى نزلتو وانا لابستو بالسناب جاتني عليه اسئله كثييره !! دايم اشوف هالنوع من البناطيل
بس احسها كبيره مره وماتناسبني بس هذا تحمست اخذو في حركه جا كل رجل كاانو لف يارب فهمتو عليا :$
وانتي تمشي يتفتح مرررا بطل باللبس وقماشو حلو وحتى الطول اول مرا مااحتاج تقصير ههههه ب ١٦٩

جينز سترتش بلون البيبي بينك نعوم ب ١٦٩ بس بنات انتبهو لمقاساتهم ترا مرا صغيره انا البس ٣٦ بس عندهم اخذت ٤٠ .

ليجنج رمادي بورد بينك حسيتو كيوت مافي السعر بس اللي افتكرو اقل من ١٠٠ .

فلات حبيت لونو مو الازرق ولا  الموف حلو للمشاوير اليوميه ب ١٥٩ .

واخر شي حلق مشابهه لحلق ديور المشهور بس بورده من قدام ب ١٩ ريال .
نيجي للهديه الجميله لكم جميلاتي قسيمه ب ٥٠٠ ريال مقدمه من المحل بس كل اللي عليك 
- اختاري اي صوره عجبتك من البوست ونزليها بحسابك بالانستجرام
- سوي منشن وتاج لحسابي @amiraa88 وحساب تالي وايل @sauditw 
- اكتبي هاشتاق #amira_tw
المسابقه تخلص الاربعاء القادم ٨ جولاي علشان اللي تفوز يمديمها تشتري للعيد وموفقين جميلاتي 





هناك 18 تعليقًا :

  1. البوست جدا جميل و التصوير اججمممل 💜💜

    عجبني المحل وتحمست اروح له .. و من جد احس ينفع للعيد ولغير العيد واكثر شي عجبني كومينو انا من عشاقهه
    😂💜💜

    شكرا اميرة على هالبوست و الهديه الجمميلله 💕💕💕💕

    ردحذف
  2. عندهم قسم plus size ؟؟؟

    ردحذف
  3. أزال المؤلف هذا التعليق.

    ردحذف
  4. جميل حبيت مشترياتك وكمان شنط السفر تتهني فيهم وبشارك بالمسابقه بس عادي لو انا من المدينه وأشارك بانزل العيد الرياض لو شاركت فيني لو كسبت استخدمها بعد رمضان وشكراً

    ردحذف
  5. حبيت الفيست جينز جداً أما البنطلون الأسود مايستهويني هالنمط ، لكن لإنه لف حسيته شيء غير ومهضوم ..
    ملبوس العافيه ميمو ..

    ردحذف
  6. يعطيج العافيه أميرة على التنسيقات وتصوير ماشاءالله يفتح النفس حبيت بصراحه وخاصة البانطلون الاسود الي جذي من زمان وانا ادور عليه ومحل عندنا ومافكرت ادخله ابد وان شاءالله أفوز والله يسعدج كثر ماتسعدينا

    ردحذف
  7. روووعه ماشاء الله تتهني حبيبتي 😙😙 للاسف ماعندنا بالمدينه دا المحل 😢

    ردحذف
  8. جدا جميل البوست ��
    وصراحة اول مره اعرف أن المحل موجود عندنا ، اعجبني بشكل ������
    شكرا لك اميره ��

    ردحذف
  9. حبيت المحل ومشترياتك قممميلة 😭💕💕💕💕

    ردحذف
  10. أميرة الذوق الله يسعدك دائما تعجبني اختياراتك 😍😍بس بنات جده يقدرو يشتركو والا بس الرياض♡♡

    ردحذف
  11. والله فرحت انه بيفتح في جده ربي يسعدك يا أمير اعجبني تصويرك كان بكام او جوال

    ردحذف
  12. عقبال مايفتح عندنا بجده حبيت الشوزات منو

    ردحذف
  13. وكالعادة ، اميرة الجميلة وذوقها ♡♡♡♡

    ردحذف
  14. فتح في جده ب الاندلس مول 💃🏻

    ردحذف
  15. اسمو بنقرأ مو تالي وايل او تالي ويل بنقرأ بل v. Vail لانو سويسري انا بشتغل فيه :) بس حبيت اصحح المعلومه لكم

    ردحذف
  16. اسمو مو تالي ويل او تالي وايل بنقرأ بل v
    Tally vail بس بنكتب weijl
    كتير ناس بتقرأو غلط حبيت اصححلكم المعلومه انا بشتغل فيه المحل بالاردن صارلي ٣ سنين وانا من عشاقه ❤️

    ردحذف

Back to Top