الثلاثاء، 20 يناير، 2015

منتجات ماناسبتني !

السلام عليكم ورحمه الله 
من زمان عن مواضيع البيوتي وبصراحه ليا فتره طويله ماغيرت المنتجات اللي استخدمها وهالسنه مانزلت افضل منتجات

٢٠١٤ لاان مااستخدمت اشياء كثير بسبب حملي ببدايه السنه والحمل دحين عارفين مع الحمل ماتجربي
واشياء كثير نتجنبها .. بس في منتجات جربتها ماناسبتني او ماكانت زي ماتوقعت ومركونه فقولت خليني اكتب عنها
تستفيدو ان شاء الله .. طبعا المنتج اللي ماناسبني ممكن يناسبك والعكس 






اول شي منتجات من شانيل .. بودره اسمها "سوفت بريسد باودر" ببساطه ماتسوي شي !! مااحس بااي فرق بعد
مااحطها سواء من التغطيه او اللوك او الثبات عاديه جدا انا كنت ناويه اخذ الثانيه اللي تيجي علبتها عريضه
وفيها نسبه واقي شمس مرا يمدحوها بس اخذت هذي وبصراحه مااستفدت منها ودحين انبهت لااسمها انها مظغوطه
فمفروض انها تسوي تغطيه بس ماشوفت هالشي ابدا ! .



باليت شادو من شانيل فيه اربعه الوان شوفت يوتيوبر تمدحو ومسويا لوك فيه تحمست واكثر شي حمسني درجه اللون
الكورال = المشمشي نادرا نلاقي بباليت وكذا اخذتو انصدمت بالجوده حطيت برايمر واحط طبقه واثنين يبين شي خفيف
واحط كم مرا علشان يبين تمام بس حتى بالنهايه مااحس اعطاني النتيجه الواو !!على سعره ٢٧٠ تقريبا نتوقع نتيجه بطله!
لو اخذت باليت من براند زي اربن ديكاي ولا لوراك افضل بصراحه بمراحل .


بلاشر من تو فايسد من زمان عندي وسايبتو علشان علبتو الجميله ولا هوا شبه جديد لاان اللون تحطي من هنا يختفي
من هنا احسو يتطاير هههههه يختفي نهائي حتى مايبقى اثر بلاشر ولا بقايا ههههه .




شادو من بورجوا قديم تفتكرو ايام ماطلعو بالشادو الجليتر هذا شوفتو وفي حبات صغيييره جليتر اخذتو طلع نفس
اخوه اللي فوق يتطاير احط بالفرشه واجي احطي طبقه ثانيه تجي تنمسح الطبقه الاولى هههه وانا حاطه برايمر قبل !




مسكرا من سيفورا جاتني منهم .. ميزتها انها بفرشتين يعني رموشك تكون بالوسط للامانه شوفتها بالصور تخيلت نتيجه
واو حسيت اووو كذا كل رمشه راح تاخذ حقها وتبين تمام .. بس للاسف طلعت صعبه بالاستخدام جدا مستحيل ماتبقع
على جفني وانا استخدمها فسرت اتجنبها اخاف تخرب الميك اب بااخر نقطه وحتى نتيجتها عموما كانت عاديه بصراحه .


اقلام كحل من كيكو اسمها "سمارت اي بينسل" ذكرت اسمها لاان في انواع كثيره من كيكو بس هالنوع مرا سئ لداخل
العين انسي يبان معاك لون عيدي مره ولا مليون !! لخارج العين عاديه ولازم تعيدي مو اللي كريميه وسلسله لا جافه
وقويه  مرا بس انا قولتلكم اسمها لاان في نوع ثاني عندهم جدااا جميله عكس هذي راح احكي عنها ان شاء الله .


قلم حواجب من جيفنشي اتوقع تكلمت عنو قبل .. المهم ماناسبني هوا يعطي نتيجه زي البودره بس لاانو قلم فماتقدري
تحددي فيه الحواجب بشكل مرتب لا يرسلمك خطوط عريضه وهوا بودري فينتشر زياده مايعطي شكل مرتب نظيف :|


روجين من اليسار ايف سان لوران واليمين ديور قديمين جدا بس سايبتهم لفكره براسي :)
اللي باليسار ايف سان لوران فاشل جدا اللون كان فاتح احطو بالظبط اللي يسوي يحدد وين التشققات بالشفايف
ويقول للناس شوفوها هههههههه وكريمي بزياده وثباتو صفر :\
ديور كان لون فوشي تغطيتو حلوه بس كريمي بزياده ينتشر ويحوس فما كانت تجربتي معاه اللي تحمس اني اجيب
الوان زياده .


سيلك كريم فاونديشين من لورا مارسيه جبتو من مدح اليوتيوبر الاجانب .. ماادري ماحبيتو السبب مني ولا منو ماعرفت السبب
اني ليش ماحبيتو حاولت بااكثر من طريقه كان عادي واقل من عادي الجد احب بشرتي بدونه شكلها اجمل !!
تعرفي لمى تستخدمي فاونديشين تبغي بشرتك تكون افضل معاه سواء من تغطيه او اضاءه او توحيد للون هذا ماحسيت
بااي شي معاه بالعكس احسو كذا طبقه تكتم وجهي وبس هوا ثقيل نوعا ما جربتو على ماما كمان ماحبيت النتيجه
مرات اقول امكن من الدرجه بس انا ماخذتو من دبي والموظفه طابقتو على بشرتي بس ماادري :$


مناكير من اليسار من ماك بصراحه نادر اشوف احد يحب مناكيرات ماك وجربتها عند صاحباتي وماناسبتني تتقشر
بثانيه بس بكولكشن مارلين "تفتكرو؟" املهم اخذتو توقعت بيكون عليه صورتها وكذا يعني الصدق اخذتو علشان بالباكجينج
بس انخميت طلع بالسعوديه بدون صوره ! والمناكير نفسها مازالت تتقشر بسرعه في بنات قالولي استخدمي
بعده توب كوت بس يعني الجد اشتري مناكير بقريب ال ١٠٠ ريال ابغى جوده عاليه مو احط شي بعدو صح ؟
اليمين مناكير من جينفشي فاشل والله انا مااحب اقول عن منتج فاشل لاان دايم اقول يناسب غيري بس هذا عجيب بدقايق
اي حركه يتقشر !! مااذكر قدرت احطو واخرج مسحتو وغيرتو :) .




ماسك للوجه من سوب اند جلوري اسمو ذا فاب بور هوا للمسامات قوامه ثقيل وحار زي المعجون وفي حبيبات توزعي على
الوجه لين تذوب الحبيبات داومت عليه فتره بسيطه مو طويله بس ماحسيت اعطاني نتيجه ملحوظه صح نعومه ونظافه
اللي تلاقيها بعد اي ماسك بس كنتايج جديده ملحوظه لا ماحسيت بشي اللي يخليني اتعلق فيه واداوم عليه .


كريم مرطب من نيفيا مكتوب انو لليد والوجه والجسم استخدمتو ليدي ماحبيتو ماحسيت بااي ترطيب عادي جدا بس غالبا
هالمنتجات التجاريه تكون عاديه لجيده بس هذا كان في شي كذا يحسسني انو مو مرا الشي اللي خلاني اخلي زوجي 
يستخدمو معايا ويجربو كمرطب للوجه "ادري مفتريه اجرب عليه ههههههه" من يومين قلب وجهه وحبوب واحمرار ! 
نتيجه تخوف والله ووقفناه .


بودره للجسم فانيلا بوف من لش .. تكلمت عنها قبل واني اخذتها متوقعه ريحه الفانيلا قويه بس حسيت ريحه اللافندر
اقوى فمو مرا ناسبتني الريحه بس كمنتج كانت عاديه استخدمتها للجسم ماحسيت انها فواحه او شي وكمان استخدمتها
للاندرارمز = الابط بعد الديودرينت= مزيل العرق دايم احب استخدم بودره بعد الديودرنت تكون ريحه لاان اللي استخدمو 
بدون ريحه فالبودره من باب "الاحتياط" وماحسيت تسوي شي بودره "اجمل" اللي تكلمت عنها قبل افضل وفواحه اكثر
بس استخدم هذي بالايام اللي اكون تعبانه بالليل اخذ شور واحطها وانام هاديه تروق بس كمنتج كانت عاديه .

بس هذي تجربتي مع المنتجات بس مايعني ابدا انها فاشله بشكل عام لا ممكن انتي تناسبك وتجيب نتيجه لاان بشراتنا
تختلف وكثير اشياء تختلف وممكن انتو تقولولي طريقه اسويها مع المنتج ويعجبني وتتغير نظرتي له 









هناك 17 تعليقًا :

  1. سبحان الله فعلاً النتايج تختلف من شخص لشخص بالنسبه لكريم نيفيا مره ناسبني وفتح الفواصل عندي بشكل ملحوظ وترطيبه جميل وعاجبني وكل مره اجي بنده لازم اخذ منه 😍😍😍
    كلمه من زمان ودي اقولها انتي من البلوقر اللي لازم يومياً اشيك ع حسابك بالانستا
    لازم لازم لازم 😘❤️🐣
    ربي يسعدك وتقومي بالسلامه

    ردحذف
    الردود
    1. تسسسلميلي والله ويسعدك اضعاف يارب ♥♥

      حذف
  2. أكثر شي يعورني اني اصرف مبالغ فالاخير الاغراض تطلع مو مناسبة او ما تييب نتيجة ههههههه
    غريبة والله مكياج شانيل المفروض 5/5 الصراحة , و بالنسبة للبلشر حاولي تحطين قبله بلشر كريمي و فوقه البودرة
    عشان تكون اثبت.
    و ايلاينر كيكو مرة تصيب و مرة تخيب ههههههه , بودرة لاش خذت منها تجربه و ماعجبتني
    ريحتها فورية بس , و بعدين تختفي كأنج مو حاطة شي =/

    و بالنسبة للمانيكير مافي احسن من OPI و ESSIE

    ربي يعطيج العافية عزيزتي على هالتقرير

    دمتي بود.

    ردحذف
    الردود

    1. الله يعافيك يارب ،، ومن جد شانيل مفروض يكون ٥/٥ بس يلا
      والبلاشر يبغالي احط قبلو لولي تينت من بنفيت اكيد راح يثبته ونشوف :)

      حذف
  3. يعطيك العافية اميرة
    منتجات شانيل سحبت عليها وخطيت اكس كبيير من بعد بلاشراتهم مرة قاشلة احفره حفر عشان يطلع اللون

    ردحذف
    الردود

    1. الله يعافيك ،، انا لاحظت كثير يقولو نفس كلامك عن بلاشراتهم .

      حذف
  4. حبيت البوست جداً جداً .. وتبين ااصدق ؟ شانيل دايماً أقول لاخواتي أحس ظلالهم حق أطفال كأنها لعبة بجد ودايماً خفيفة .. وارواج ديور وإيف سان لوران كريمية بزيادة .. ف بقولك حركة تنفعك بدل ماتركنيهم وانتي شاريتهم بهذيك القيمة .. اشتري لوز باورد شفافة [ لو عندك تبع ميك اب فور ايفر ال إتش دي هذي مرة بطلة ] .. المهم خذي باصبعك منها وطبطبي على الروج يتحول لمات .. وبخصوص ظلال شانيل جربي ترشي فكس بلس على الفرشة وبعدين حطي من الظل يبين لونه أكثر .. وبخصوص ماسك سوب آند قلوري .. انا استخدمو كسنفرة .. يعني افرك فيه وجهي بحركة دائرية او استخدم آلة سيقما الراس تبع السنفرة .. لو عندك الة غيرها تمام .. حسيت اني حبيتو كسنفرة 😘😘 .. ❤❤

    ردحذف
    الردود

    1. بيتحول مات بس بيثبت ؟ ومشكلته انو كريمي بزياده اللي يحوسك عرفتي ؟
      والشادوات اذكر اني جبرتها ببخاخ مثبت برضو ماكانت واو ... وشكلي بخلي سنفره لين يخلص .

      وشكررا لك لحلولك ♥

      حذف
  5. الحمد الله البوست نزل في وقته كنت ابشتري ماسكرا سيفورا، انا اثق في كلامك ومن جد كنت حاسة انها بتكون نفس اللي كتبتيه عليها، الله يسعدك أميرة وتقومي بالسلامة إنتي والنونو الجديد ان شاء الله

    ردحذف
    الردود

    1. ايوا في ناس باليوتيوب كمان قالو نفس الشي تبقع :$ ويسعدك يارب

      حذف
  6. بوست جمييييل كعادتك دايما ..
    بالنسبه لماسك ذا فاب بور ، انا نفع معاي يعني صحيح ماحسيت فيه فرق بالمسام ، لكن حسيته يجدد البشره واعطاني تقريبا مفعول المقشر بدون مااحس وجهي يتقشر ، انا كان عندي اثار حبوب راحت الاثار بفتره قياسيه ، كنت استخدمه مره او مرتين بالاسبوع ..

    ردحذف
    الردود

    1. يعني نفس تجربتي يعطي نتيجه ماسك بس الشي الاساسي اللي يسوي للمسام مايسوي صح !
      وكويس شال الاثار :) ومن جمالك ♥♥

      حذف
  7. انا من النوع الحريص مرا يعني مستحيل اشتري شي بدون ما اسوي سيرش عنو
    عشان ما اتورط
    يعني لولا الله ثم انتوا البلوقرات كان انا ضايعه
    من جد من جد أميره استفيد مرررررررررا من البلوق حقك كل ما احس اني طفشانه ادخل عندك احيانا للفايدة واحيانا للمتعه

    ردحذف
  8. اهليييين اميره ..
    نبي بوست عن تجهيزك للولادة .. لأني حامل وبغربة وماعرفت اجهز شي '(

    ردحذف
  9. هههههههه ياعمري يااميره يلا هم كذا البلوقرز يفشلون واحنا نتعلم 🌚❤️
    لا جد والله صدق الي يفشل معانا ينجح مع غيرنا ويناسبهم
    لما اجي اشتري شيء ماقد تعاملت معاه افتري بأهله قوقل ، يوتيوبرز وبلوقرز وبرضو بالاخير مره تصيب ومره تخيب بس افضل والله عشان نعرف لنفسنا ايش يناسب وايش مايناسب ❤️
    بس الي قهرني بالموضوع كله "شانيل" اوكي حافظي على الي تقدمينه كبراند قدمي الشيء الي يستاهل يحمل اسمك (واضح القهر ههه )
    جميلة كالعاده ربي يسعدك ويباركلك بالبيبي إن شاء الله ❤️❤️

    ردحذف
  10. ماتبينهن عطينياهن 😬

    ردحذف

Back to Top