مشترياتي من روائع المكتبات #٢ ♥

السلام عليكم ورحمه الله وبركاته ♥♥
امس روحت لروائع المكتبات لاانهم بحسابهم بالانستجرام حاطين اعلان ب ١/١ راح تنزل البضاعه الجديده ورايحه متوقعه
المحل هادي كالعاده بس يالله ززحمه ماشاء الله !! وانا كنت نص تعبانه فجلست ساعه استوعب الاشياء والوضع :$

في اشياء كثير جميله♥ ويقولو لسى بتنزل اغراض يعني ممكن بعد شهر يبغالو زياره ثانيه ههههههه ،
بالبدايه السله اللي بالصوره نسيت اصورها لوحدها اخذتها للملابس بعد الغسيل بحدود ال ٩٠ ريال .

صندوق خشبي فنتج♥ جميله الوانه وتفاصيله اللي فوق برواز تحطي فيه صوره او عباره حبيتو كصندوق ذكريات
ليوم مميز او ذكرى معينه .. سعره ٨٧ ريال .

حامل ملاعق اول ماشوفتو افتكرت لعبه السلاسل♥ :$ فنتج بنفس الوقت معاه ٦ ملاعق ب ٧٤ ريال .

ستاند للكيك طبعا احنا نستخدمو بااغراض ثانيه منتشر كثير بس هذا حبيت فيه التفاصيل بالقاعده جميله جدا♥
سعره ٦٨ ريال .

حامل شموع بصراحه انا اضعف عند هاللون ♥♥ الكبير ب ١٦ والصغير ١٢ ريال .

علاقات للمطبخ جدا جميله♥ في اشكال كمان .. الحبه ب ٢٩ ريال .

قواعد للاكواب سيراميم اربع حبات مع قاعدتهم ب ٤٣ ريال .

وكعادتي اعشق اكواب المويا الشفافه♥ اعبيها وطول اليوم اشرب منها ب ٢٩ ريال .

قزازه للزيت بالمطبخ ب ٢٠ ريال .

علب بيضا حديد حبيت تفاصيلها♥ للامانه ماادري لاايش بس اغرتني في احجام مختلفه منها المربعه ب ٤٩ ريال والدائريه
ب ٣٠ ريال .

ايش هذا ماادري هيا كروشيه اتوقع للشمع بس ماينفع لو ذاب الشمع :$ الكبير ب ٩ والصغير ب ٦ ريال .

اجمل شي اشتريتو♥♥♥ الورد هذا هيا باقتين الوحده ب ٥٨ ريال "وبنات الورد تلاقو بقسم القرطاسيه"

جمييلين♥♥ الوحده ب ٣٣ ريال .

كوب عارفين بعد هديه شيوم سرنا من اصحاب القهوه الساخنه ههههه ب ٣٨ ريال .

صينيه ترا مررا صغيره ب ١٣ ريال .

تبع طاوله الطعام اللباد .. الواحد ب ٩ ريال .

طقم فناجين قهوه ٦ حبات ب ٨٢ ريال .

اغطيه لبراد الشاي او القهوه الواحد ب ٢٩ ريال اذا مو غلطانه .

قطع جميله تبان اذا تعلقت حبيتها في منها لوح وصينيه للعطور واشياء جميله بس اللي ما اخذت لااني افكر اغير غرفتي

وماادري ايش راح يكون ستايلها :$ جد لا تفوتكم .. المرايا ب ٤٠ والبرواز الصغير له دندوشه طويله ترا ب ٢٧ ريال .

مخده حبيت الرسمات اللي عليها مررا والوانها♥ سعرها بحدود ال ٧٠ او ٨٠ ريال .

علاقه جمييله♥♥ بس كنت شايفتها بالمحل بيضا ودحين على بينك ماادري :$ احتاجها بمكتبي .. سعرها ١٨٧ ريال .

الحوسه بعد التصوير ههههه .. المهم روائع المكتبات موجود بالعزيزيه مول يجيك بعد الرياض جاليري لو انتي بالملك فهد

جايه من جنوب وبجده قريب من ايس لاند وسلطان مول اذا مو غلطانه شارع الامير سلطان والشرقيه مااعرف بس اكتبولي

وين يابنات الشرقيه راح اعدل واكتبه للكل ، ان شاء الله عجبكم البوست واشوفكم قريب ♥

♡♡

Twitter | Instagram | Bloglovin | Ask