Decor Haul | مشتريات ديكوريه للبيت ♥

السلام عليكم ورحمه الله ♥♡
واخيررا رحعت لمدونتي♥ اعتذر ع الانقطاع بس زي ماانتو عارفين ولله الحمد نقلت لبيت جديد ،

من فتره واحنا مخططين ننقل واخيرا تسهلت الحمد لله فاانا امكن من سنتين وانا كل ماشوفت شي يعجبني اشتري واخبي !
من كل مكان اشتريت من جده ودبي وباريس و ميلانو وابو ريالين هههههه !! 
اي مكان مدام شي عاجبني  و بما انو الاشياء جديده قولت انزلها ببوست كامل .

كلمه دريم خشب باالوان بينك وكذا حسيتها طفوليه "من قسم الاطفال اصلا ههههه" بس ناويه اغير الوانها بس افضى ان شاء الله من سيتي ماكس ب ٣٢ ريال .

هالاغراض اتوقع اغلبكم حفظها من الانستجرام صح !! من زمان اخذتها وللامانه مو ذوقي بس شوفت اريج اخذت لازم اخذ علشان
مااندم بعدين هههههه من ابو ريالين الغفيص اللي عند اسواق المجد .

ماادري ايس اسمها اريج تقول إناء هههه المهم حق الزرع ب ٣٥ ريال ،

حق المويا ب ٣٠ واللي ورا ب ٤٥ ريال .. الاسعار حلوه ومناسبه وقتها كان في اشكال كثيره واحجام تحتاري بس ماادري اذا للان
موجودين او لا :$ 

اكوت شي بحياتي اشتريتيو مرررا كيووووت ♥♥♥♥♥
من بلومينج دايلز بدبي قسم الاثاث دخلت ابغى غرض ثاني وشوفت هذا وماقدرت اقاومو بصراحه ♥♥

تفاصيلو جدا جميييله♡من كثر ماهوا عاجبني نفسي اخلي منظر مااستخدمو ههههه تبع الصابون الصلب حخلي للاككسوار بالحمام
وانتو بكرامه علشان مايخرب :))
مااذكر الاسعار بالتفصيل بس اذكر كلهم بحدود ال ٥٠٠ ريال .

ايطارين جميلين جدااا وشكلهم جدا مرتب وحلو مقارنه بسعرهم العجيب ! الواحد ب ١٠ ريال من مهجه بجده 
افكر افرغهم واعلقهم كاايطارات بس فهمتو قصدي ؟او ممكن احولهم لصواني محتاره لسى :$

لوحتين لااودري امكن شفتوها قبل بمكتبي بس يومين ورجعتها ماكانت مناسبه فجديده وللان مو عارفه وين احطهم :/
اخذتهم من ميلانو ناسيه السعر للاسف :|

في حساب بالانستجرام اسمو@my_home_beauty ولهم محل باليورمارشيه المهم انا روحت للمحل بطبعي احب اشوف الشي قدامي 
المهم المحل عندو اشياء جداا كيوت تحتاري ايش تاخذي :"))

 

اخذت هالمانيكان من زمااان نفسي♥ بشي زي كذا   سعرو ٣٠٠ ريال تقريبا 

الشي الجمييل من نفس المحل مرا احب هالشغلات اوزعها شي عند المغسله وبمكتبي وعند السرير للاكسسوارات لااني احب اشيلها
اذا جيت ارطب يدي او اغسلها وبنفس الوقت تعطي ديكور جميل جدا♡

رفين جميله برضو من نفس المحل تيجي طقم سوا ترا اللي فوق مقلوب بس الصغير اللي تحت حاولت اوضحلكم هوا
حلو وتغيير عن الرفوف المعتاده :))

اخذت من المحل كمان شغلات ثانيه للمطبخ كمان بس مازالت بالكراتين بما انو لسى المطبخ ماخلص :"(

تقويم كيوت وطالع مرا جميل الوان مكتبي ..اريج♡جابتو ليا من ماليزيا .

برواز حلو ومو حلو هههههه المنيكان شويا غبيه صح ؟ هههه المهم سعرو ١٥ ريال هوا اللي خلاني اشتري من محل ديكور بالرياض جاليري
ناسيه اسمو بس تقريبا مقابل مذركير 

لوحه فيها ٦ اماكن لصور مع كلمه فاميلي مرا لزيزه بس سلطان ماسابها بحالها :$ من مهجه بجده مااذكر بالظبط بس شي رخيص

بوستر كبير لمارلين مونرو من فيرجن امكن ب ٥٠ ريال :/ هوا اكبر من الايطار بس انا صغرتو والايطار من ايكيا ب ٧٥ 
اخذت بوستر ثاني جدااا كيوت ماصورتو علشان مالقيت ايطار على مقاسو بس يجهز راح انزلو بالانستجرام :)

كوب كبير حبيتو ممكن نحط في زرع وجمب الشباك او فوق رف او دولارب او ممكن على طاوله القهوه وتحطي في عفش زي 
ههههه اخذتو من ساكو وللان موجود بس ناسيه السعر والله :/

حاجه كيوت تتعلق بشريطه لون فوشي♡ من باريس 

نفس الشي تبع الاكسسوارات بااشكال كيوت ومرا تعطي شكل جميل ♥كلهم من فورايفر ٢١ وناسيه الاسعار بس اسعارها معقوله :) بس تكلف بالشحن لاانو يحطو
بكراتين كبيره نوعا ما .

بروازين من ميداس الكبير ب ٧٤ والصغير ٥٧ وعليهم ٢٠ بالميه .. مرا احب اللون الاخضر هذا وناويه يكون هوا البوب اوف 
كولور بمكتبي ان شاء الله♡

بروازين من ايكيا الواحد اتوقع ب ٣٥ ريال شي زي كذا .. " الدائري قبل شويا جيت من ايكيا شوفتو موجود :)"

اخر شي صينيه من هوم سنتر عليها تخفيض شي بحدود ال ٥٠ سعرها ♥

وبسس كذا خلصت ان شاء الله كل ماخلصت من جزئيه بالبيت راح انزلها بالبلوج .. في حفظ الرحمن .

♥♡

Twitter | Instagram | Bloglovin | Ask