السسلام عليكم ورحمه الله♡
مو عارفه كيف ارجع انزل بوست ومن وين وكذا احس ملخبطه :/ فقولت انزل مفضلاتي♥♥ للفتره اللي راحت
كلها الاشياء جربتها لفتره طويله خلتني احكم عليها تمام :) يلا نبدا بالميك اب
ومررررا ناسبني لدرجه من وقتها وانا بس استخدمو حتى لو فرق عن يدي بس مرا احب النتيجه اللي يعطيني هيا♡♡
راح اسوي بوست كامل عنو قريب ان شاء الله بس اهم شي لو ناويه تشتري انا صورتلكم الاسم كويس علشان تاخذي لاانو هنا
كم مرا روحت سالت عنو يطلعولي منتجات ثانيه !! تلاقو بسيفورا سعرو ٢٠٠ تقريبا .
اللي حمسني اجربو كان من الافضل مبيعا وشوفت عليه مدح باليوتيوب قولت اجربو ويستاهل المدح جدا بطل كريمي سهل بالتوزيع
وثباتو جدا عالي اقدر اقارنو بالجيل لاينر تبع ماك ومايبيلين وهذا فضلتو كمان بفارق السعر ،، بس سوادو مو قوي ومو الاسود الفاحم بالظبط نفس سواد الجيل لاينر تبع ماك "للان افضل جيل لاينر بالسواد تبع انجلوت رقم ٨٨ حكيت عنو قبل"
من موقع ايلف طلبتو .
طويله مره فصعبه بالاستخدم:$
بس متابعه ليا بالانستجرام كتبتلي اميره جربي تبع الاي لاينر انا منها تعلمت ارسم الاي لانير "مررررا شكرا لك اللي كتبتي هالكلام♥♥"
روحت سمعت كلامها وجربتها مرررا ارتحت معاها برسم الكات ايز والاي لاينر عموما بطله مرا نحيفه فتشيل شي بسيط
من الجيل لاينر ويسهل الرسم وسهل التحكم فيها عكس شكلها مبين انها صعبه :/
من مجموعه العين لريل تكنيك طلبتها من موقع درج ستور .
طلبتها وماندمت ابدا جميله اعتبرها افضل فرشه جربتها للان من ريل تكنيك ،، شعراتها جدااا ناعمه وزي مو مبين بالصور شكلها
زي البيضاوي تقريبا :| المهم يعني من قدام شي بارز فتشيل من البلاشر كميه معتدله وبعدين اذا جيتي توزعي بسبب نعومتها
راح "اممم ايش الكلمه" تتسطح هههههه او تنفرش معاكي "يارب فهمتو" فتساعد انو يندمج البلاشر بشكل كويس .. انا مرا حبيتها
واذا جيت احط بلاشر ادورها لازم هيا وقتها عرفت اني بجد حبيتها♡
طلبتها من موقع درج ستور .
خلصنا من الميك اب نروح للسكين كير
استخدم كريمات ترطيب زي نيفيا واي شي قدامي وايدي مررا جافه مهما رطبت كرهت كل اللي عندي رجعت دورت عليه :"(
ولقيتو ومن ثاني استخدام رجعت ايدي الحمد لله تمام وقتها بجد حسيت بقيمتو وترطيبو كيف عالي خلاص حبيتو ولو انو ريحتو :$
زي ماوضحت طلبتو من موقع اي هيرب .
بشكل ! كنت شاكه من كم منتج جربتو :$
المهم البينزاك بالاساس اخذتو على اساس يشيل الرؤس السودا بس ماشوفت هالشي بصراحه ..بس مع الحبوب مرررا استفدت منو
كنت يوميا احط على الحبه "الحبوب اللي براس ابيض سواء قد طلع الراس او بالبدايه قبل ماتكبر من الاساس"
قبل النوم وممكن مرتين قبل النوم وبنص اليوم والحمد لله شال الحبوب ومابقي اثرها بس لازم تستمري وبصراحه يطول يعني تقريبا
اسبوعين لين تروح الحبه واثرها :| افكر اجيب القوه الاعلى علشان اقلل من المده .. المفروض بعدو ترطبي علشان هوا مقشر
بس انا ماكنت ارطب قلك بقشر الحبه من جذورها هههههه، متوفر بااغلب الصيدليات .
انا اعتمدت هالفرشه حطيتها بالمغسله جمب الصابون يوميا مره او مرتين احط عليها صابون وافرك اظافري كويس وحولها
مرا فرق معايا الاظافر تجلس نظيفه لفتره طويله واحس براحه نفسيه :) الفرشه تلاقوها بكل مكان ♡
ريحتو حلوه هاديه ماحبيتو بالبدايه يعني اول ماتحطي ريحتو غريبه شويا :$ بس اذا برد جدا هادي والباكجينج تبعو جماال له تاثير بصراحه ♥♥احبو للبيت ويذكرني بعطر قديم عندهم اسمو او لا لا كنت مرا احبو بس انقطع :"(
بس بصراحه الثبات ابدا مو ثابت بس علشان للبيت فحلو :) موجود بمحلات فيكتوريا سيكرت .
نروح لمنتجات الشعر
بالفتره الاخيره سايره بطله واهتم بشعري وزيوت وحركات المهم قررت اجيبو وقت مااحط زيت استخدمو علشان يشيلها تماما لااني
اكررهه احساس بقايا زيت بشعري .. وحبيتو سرت استخدمو دايم احب الاحساس بالنفشه اذا استخدمتو هههههه نفشه بالجذور
مو بالاطراف وتحسي شعرك يتنفس ونظيييف وابدا ماجففلي شعري مع اني كنت خايفه من هالنقطه
من لوش سعرو ١٣٨ اتوقع وقبل كان ارخص كاانهم زادو سعرو :|
لو مثلا مو حابه تغسلي شعرك يوميا بس ثاني يوم كان في شويه دهن بالجذور او مثلا بعض البنات يستخدمو لو راحو للنادي
او البنات اللي شعورهم مرا دهنيه مهما غسلو يفيدهم كمان
انا شعري لو اغسلو ثاني يوم يهبط مايكون زي اول ماتغسل وبالشتا مرا كان شعري مرتب بس الجذور هابطه جربتو ومن جججد
مرا فررق معايا والنتيجه طووولت امكن ٤ ساعات !! حبيتو سرت استخدمو علشان يعطيني فوليوم حتي لو كنت دوبي مغسله
شعري "طبعا بعد ماينشف" بس اهم شي الخطوه ٢ كرريها علشان مايبين ابيض بالجذور .. من صيدليه بوتس .
بااسبوع او اقل خلصتها حبيتها لاانها خلتني احس بالناس بعالم اخر كيف عايشين وكيف احنا بنعم كبيره♡
حبيتها لاانها عبرت عن مشاعر فيني لمى يكون امك من جنسيه وابوك من جنسيه ثانيه فمرا كانت قريبه لنفسي ومشاعري
حبببيت الكويت من الكاتب ان شاء الله ربي يكتبلي زياره لها♡
ماهي قويه ابدا حبيتها لدرجه فكرت ابدل الثانيه واجيب زيها
سعرها ٩٥ بس عليها عرض ٣ ب ١٧٠ وبصراحه الحجم الكبير افضل من الوسط والصغير الريحه اقوا وتنتشر لمنطقه اكبر♡
حابه اضيف نقطه لمفضلاتي اللي هيا المفضلات من الناس "بنات يوتيوبرز او بلوجرز حبيتهم بالفتره الاخيره♥♥"
اول وحده يوتيوبر اسمها ايسي مررا حبيت بساطتها وعفويتها♥
http://www.youtube.com/user/essiebutton
البلوجر شوق اتابعها بالانستجرام وبالفتره الاخيره لاحظت اني دايم افتح مدونتها واثق فيها ودايم رائيها قريب من راي ♥
http://shoog-blog.blogspot.com/
♥♡
أزال المؤلف هذا التعليق.
ردحذفاسلوبك يونس ^^
ردحذفحبيت مفضلاتك وفيه كذا شغلة حمستيني اجربها
يعطيك العافية ياحلوة 3>
تحمست ع البرونز ❤
ردحذفكريم اليدين عندي جربته مرة و أنا طالعة و مرةة ماعجبتني ريحته توهقت فيه كل ماحركت يدي شميته :0
يبغى لي اسوي نفسك استخدمو وقت النوم
حبيت انبهك الجل الي تستخدمينه للحبوب مايصلح تطلعين فيه للشمس او اللمبه انا كتبه لي دكتور احمد العيسئ في عياده ديرما ونبهني استخدمه في نور الشمس او اللمبه
ردحذففرشة البلاشر حقت ريل تكنيك مرا جميييلة ❤️❤️
ردحذف