what i got from singapore & malaysia ◕‿◕

هااااااي بنوتات
ها متحمسين معايا يسسعدكم ربي
اتوقع كلكم يدرو انو اختي اريج سافرت وخليتها تقضيلي معاها زي ماانا قضيتلها
هيا راحت سنغفورا وماليزيا وترا تنصح بسنغفورا مرررا ;))
ترا كنت يوووميا اسهر ومااانام بس علشان اختار واقضي معاها يازين الواتس اب
انا يوم سافرت كنا ع البي بي يجيب المرض
مانزلت صور الملابس لاانها حتنزل بالتنسيقات ان شاء الله .. :))
وبسسم الله نبدا ...  



طبعا البراندز اللي مو عندنا اهم شي



باليت نيكد ذا فيس كنت محتاره بينو وبين نيكد تو بس قولت يابنت غيري
واخدت هذا الالوان مو ناتشورال زي نيكد ون وتو يعني لو حبيت اغير
هنا الالوان



سعرو ب ٢٨٠ تقريبا



باليت ميت مات من ذا بالم *خطير اسم الباليت ههههه *



هوا باليت الالوان كلها مات = مطفيه



برايمير الاي شادو من اربن ديكاي

بلاشرات من ذا بالم .. بصراحه اريج دقت اميرااا لقيت ذا بالم ايش تبغي
انا هاا اصبري بشوف قالت بسسسرعه ورحت اخترت ع اللي افتكر ههههه





اخدت فرات بوي هوا مشمشي
وداون بوي بينك واثنينهم مات ومرررا حبيتهم
اريج اخدت هوت ماما كويس كان نفسي في كمان



ومن جد هوت ماما قريب من اورجازم تبع نارس كذا مو بينك ولا مشمشي
وفي جليتر ولمعه



بي بي كريم من سماش بوكس والله حسيتو غالي ع الحجم + الاستخدام
ب ١٧٠ تقريبا

هنا كم غرض من سنتر بوينت بحطهم لاانو كثير طلبو صورهم وكذا



مسكرا مايبيلين من سنتر بوينت ب ٥٢ امكن



روج من مايبيلين لونو بينك من قلب الدرجه pink punch



ليب لاينر من ريميل جميلين بصراحه الاحمر ريد ديفا والبينك بيور
ب ١٩ اتوقع من سنتر بوينت
نرجع لمشتريات سنغفورا وماليزيا



انا طلبت من اريج اي لاينر ذا بالم وجابتلي هذا اقولها مو ذا بالم تقول والله ؟؟!!
اقولها شوفي مافي الاسم !! قالت اها ماادري الحرمه ادتني هذا هذا اللي يوصي
فاهيين بالميك اب ههههههه اريج ترا انتظر اي لاينر ذا بالم مالي دخل
بس تقول انو هذا شي بطل عندهم..مكتوب عليه تاتو !!




بخاخ الساق من سالي هنسن ب ٩٠ ريال من ساسا بماليزيا
بنات اللي معايا دايم تذكر معاناتي مع هالبخاخ هههههه مالقيت اللايت جلو
والا والا اخذو واقنعت اريج تاخذو درجه ميديم جلو وللان ماجربتو ..



حبببااايب ااائلللبي مناكيرات ترا هما السبب اني اسوي
حامل المناكير ههههههه نشوفهم بالتفصيل



هذي مناكير ماركه اليانتو ماليزيه مدحوها ليا وعاد ماقصرت ههههههه
الحبه ب ٦ ريال فقط !! وجربتو والله خطططيررر



ااه ياقلبي على او بي اي بوتيك كااامل لهم بسنغفورا واحنا بنزيه جيت باخذ
العلبه مو راضيه تتفتح من كثر ماهوا قديم هههههههههه
طبعا موستحيل اقدر انقي الالوان صعبه فقولت اريج اساليهم عن التوب عندهم
فطلعت الحرمه بوكس التوب ١٠ يعني افضل عشره الوان عندهم بحجم الميني
واخدتها ومن جد الالوان جمممييله من بوتيكهم بسنغفورا :)



مناكير من شانيل نازل من زززمااان ونفسسي في بس ابددااا ماشوفتو عندنا
حلو اللون يعكس ذهبي وكحلي وزيتي ب ١٠٠ وشويا
اسم الدرجه peridot



هذا اريج جابتو اتوقع من راسها فرصه اجرب تشاينا جلايز



جليتر الواحد ب ٥ ريال



سوب اند جلوري ترا مايخلص جناني مع هالبراند ههههههههه
افصلهم لكم



من اليمين هيلز جينيز كريم للرجل لمى تسير كذا خشنه من الكعب او شي زي كذا
اللي باليسار غسول للوجه رفعتو الى مااخلص اللي عندي حاليا



سكرب فلاك اواي جربت الميني منو ومرررررا عجبني فااخدت الحجم الكبير



من اليمين سكرب كنت موصيه اريج الحجم الكبير مالقت الا الصغير واتوقع تصرفني
هههههههه اصلا اخر الايام ماعاد توريني ولا تقولي تقول يكفي
اللي بعدو كريم اليد هاند فود مرررا احبووو هالمره اخدت ميني للشنطه
واخر شي معقم اليد



preettyyyy



هذا الشي الالييييم والله طفششت وانا ادور هالموديل يعجبني بس ابدا مالقيت
اذكر هذا اريج لمى صورت رفوف الشوزات طلعتو م نبينهم واقولها ابغاه
تقول بسم الله من وين طلعتي ههههه بس مالقت مقاسي
بس كويس لقتو بفرع ثاني من فور ايفر ٢١ ب ١٥٠ ريال تقريبا



جممييل باللبس حتى الفوشي يبين وانتي لابستو



الجميل حب من اول نظره هههه من فور ايفر ٢١
 نفس الحاله مالقت مقاسي الا بالقوه ا ذا مقاسك ٣٧ بتتعبين بشرق اسيا لاانو
 كلهم مقاس ٣٧



هذا الجممميييل تبع اريج كان نفسي اخذ زيو بس عندي هالموديل اثنين يكفي
مررا حلو من فور ايفر ٢١



حق اروجه مررررا حبيت لونو بس مااحب الواطي من فور ايفر ٢١



كعب واطي اعرفو انو لااروجه هههههه .. فور ايفر ٢١

نرجع ليا واشيائى



مررا حبيت لونوو ب ٧٠ ريال بسسس من محل عندهم اسمو كوتون اون
المحل هذا يجنننن كثير اشياء اخدتها منو



نعوووم ب ٣٠ ريال بسس !! ترا متعفط لاانو حطيتهم بكيس ماعاد في مكان
بدولابي لشي هذا والي بعدو من محل اسمو rubi يجننن بسنغفورا :))



هذا احسو يقول سمر تاييم ... تااان .. بحررر .. اي بحر بالله نامي
برضو ب ٣٠ ريال



ب ٣٠ كمان !!



هذذاااا صورتو اريج تقولي تبغي ولا انتبهت الا بعدين واقولها ايوا قالت
روحي نامي انا طلعت من المحل !! واقعد اترجاها ويسعدها ثاني يوم راحت جابتو
مرررا حبيتو لاانو الاستود اللي عليه هاديه مو سبايكي اعوذ بالله
والاحلى سعرو ب ٣٠ ريال !!

 

شباشب الله يكرمكم للبيت ترا قششيت بس شي هديه وشي راح بيت اهلي وشي لبستو
مررررا حلللوووين والواحد بحدود ٧ ريال !! من تشاينا تاون ماليزيا



حبيتها وحبيت لونها ادري كثير انو ايش هذا اللون اميره بس انا احب هالالوان
تلبسيها كبوب كلور يعني تلبسي شي غامق وكذا بس تكسري بزي كذا
يعني تغيير غير انو هالالوان كانت مرا تريندي بالصيف والشتا
من فور ايفر ٢١ بحدود ال ١٥٠ ريال



شنطه جميييله جلد وخامتها جددااا جمييله وسعرها الاجمل ب
من تشاينا تاون سنغفورا



محفظه من تيد بيكر ماليزيا يسسعدها اروجه خلتني اختار وكل شي بعدين قالت
خلاص تراها هديه مني يسسعدها ربي احلي اووخت بالدونيا
بس ترا لسى ابي كلارسونيك هههههههه





حبيتها وحبيت الوانها مرررا بس تراها صعنونه ماتشيل كثير



اكسسوارات بصراحه انا واريج توقعنا اكثرر شي نشتري الاكسسوارت بس تقول
مرررا مو حلوه الاكسسوارات فااخذت اللي بالصوره وفي كم واحد انصدمت
من شكلهم بالواقع فماادري وينهم شكلي رميتهم ههههههههه
خلوني اوريكم بعض الخواتهم باللبس .. بس كلهم يبغالهم تصغير

 



حلوووين ويارب يتصغرو

نيجي للخرابيط



كوب اريج هيلو كيتي والله جابت اشياء هيلو كيتي كلها اله حاسبه ولاعه
قفل كفرات شواحن كلها هيلو كيتي اانا اخاصمها خلاص ترا طفشت
من هيلو كيتي اذا هيلو كيتي لاتوريني ماابغا ويوم جات غرت
بس ماصورت اشياءها ماراح نخلص من هيلو كيتي هههههههه



كوبي من هارودز ... ايوا محل هارودز موجود في ماليزيا



ونوته كمان من هارودز صغنونه حلوه للشنطه



howww cuuuutte
ركزو ع الكرستال اللي في الفخذ يجنن من يونيفيرسيال ستوديو - سنغفورا



كفرات اقلكم هوس هيلو كيتي ههههه
ترا الابيض الاخير حق اريج يتحرك الكرستال اللي في شوفو



قولها كاانو مسطره حق المدرسه حق بزوره
تقولي انقلعي الحرمه تحرج عليه تقول نيو ديزاين
المشكله امس صاحبتنا مريم خققققت عليه معاها !!




كوفري بينك هارودز ب
والفيونكه اللي فوق كمان كيوووته ب ١٥ ريال
وعندي ثانيه شكل هيلو كيتي هههههه



هذي كيوت اعترف



هذولا الشي الجممميييل تتعلق ع شنط السفر والعبارات خططيره
ومن ورا في ورقه تكتبي اسمك ومعلوماتك .. مرا حلووه وتميز شنطك
الواحد ب ١٥ ريال




علبه حلويات وحامل للصور او نوته مررا كيوت من كاندي ليشيز من يونيفيرسال
ستوديو - سنغفورا



هههههههه كيتي على قول توني هذي حلاوه بس جد كيووت





ليب جلوس كيووووت



وبسس تقريبا خلصت واخيررا ... والحمممد لله على نعم ربي :)
وشكررررا ارووجه حبيبه قلبي غلبتك معايا انا ومنكيراتي :( احبك الله لايحرمني
وان شاء الله تعجبكم الاغراض
واي سوال التويتر والاسك عندكم :))