الخميس، 10 يناير، 2013

★ DIY : nail polish holder | حامل المناكير ★



السسسلام عليكم ورحمه الله وبركاته

ليا فتره افكر بحامل المناكير بس كان دايم بخشب وصعب وكذا بس مرررا نفسي في
امس شوفت مقاطع يوتيوب مسوينو بفلين ومررررا يمدحو انو ثابت ومررا حلوو

واكتب لسته بالاغراض اللي احتاجها وانط لساكو علشان اجيب غرا واشياء كويسه
هنا الاغراض اللي اشتريتها من ساكو والمكتبه ..



تحتاجي :
- حبتين فلين واحد صغير والثاني كبير
- مسدس تبع الغرا
- الغرا تبع المسدس جبت من ساكو نوع قوي

- تجليده لو حابه تغلفي الخلفيه زي وممكن تستغني عنها لو مو حابه من ساكو
- مسطره
- مشرط كويس علشان مايتعبك بالشغل من ساكو
- قلم

- مقص
- مسامير صغيييرره لو حابه تثبتي اكثر بس مااحتجتو من ساكو
- غرا قوي جبتو احتياط بس مااحتجتو من ساكو

نبدا بااول شي حطي الفلين الصغير بالجدار واختاري المقاسات الي تبغيها



انا اخترت الطول 65 سم والعرض 41 سم
وقصيتو



نبدا بالتجليده ممكن تطبعي زخرفه من النت بورق وتستغني عن التجليده
راح اوريكم فيديو اخر شي استخدمت ورق



فكيت التجليده والله كانت ببالي الفكره بس مرا ماتوقعت اني الاقي شي حلو
لمى شوفتها بساكو



اخدت المقاسات للتغليفه وقصيتها

 

ونبدا بالتغليف بس انبتهي ومشي المسطره علشان ماتطلع البلونات
ابدا مافتكرت تجليد الكتب بالمدرسه والطاولات



وهذي النتيجه حلوه وتغطي عيوب القص



نبدا بتقسيم الفلين الصغير



اول شي نقطي المقاس على الامتداد علشان ماايسير الخط مايل
وبعدين سطري بالمسطره



انا هنا مع اني نقط وكذا بس برضو حسيت مايل شويا فجبت الفلين الكبير
وحطيتو فوق الصغير وقعدت اعيد التسطير واتاكد من انو مو مايل





زي بالصوره عامدي المسطره بالفلين ترا جد هالمرحله مرررا مهمه وركزي فيها
وكذا خلصنا اول مرحله




نيجي للخطوه الثانيه وهي الصعبه ويبغالها روقان وهيا قص الرفوف والايطار والحاجز الصغير علشان مايطيح المناكير



نبدا بالارفف اخدت الفلين الاسود الكبير وقست مقاس 2 انش انبتهو انش مو سم
لااني اخدت المقاس من فيديو بنت لااني حسيتها مناسبه والطول نفس عرض الفلين
الصغير اللي هوا 41 حطي الفلين الصغير ع الكبير اذا حابه تتاكدي وحددي :))



بعد ماقسمنا الفلين زي ماقولت كل 2 انش بدينا بالقص بالمشرط



ابدا ابدا ماقطعت الفراش اللي تحتو انبتهي اشتغلو بمكان عادي لو تقطع هههه



وكذا سويت 6 ارفف
نيجي للايطار اللي بالطول نسوي نفس طول الفلين 65 سم
والعرض تسوي 2 انش ونصص انبتهي لازم اكبر من الارفف اوك

 

بما انو هذي الايطارات وراح تكون واضحه فااخذت الاطراف من الفلين علشان
القص فيلو اصلا مرتب دايم الشي الي راح يكون واضح حاولي تستفيدي
من الاطراف لاانو القص بشكل مستقيم مرررا صعب

ونيجي للحاجز الصغير علشان ماتطيح المناكير خليتو تقريبا واحد انش




انتبهي تسوي اعرض من كذا لاانو ماراح تبان الوان المناكير ومااستفدنا خخخخ
* الصور غامقه لاانو الفلين اسود والقلم اسود بالقوا وضحت *
وابداي بالقص وانتبهي بالمرحله هذي لااني هذي الحواجز هيا اللي راح تبان
فكنت احط المسطره واثبتها واقص علشان المشرط مايتحرك ونجحت الخطه



وبكذا خلصنا المرحله الصعبه بنظري ههههه
سوينا 6 ارفف - 6 حواجز مع اني استغنيت عن واحد - ايطارين طوال

نبدا بالخطوه الثالثه وهيا التلصيق
استخدمت غرا مسدس مع نوع غرا مررررررا كوووووويسسس ماتوقعتو كذا
حتى جبت مسامير وغرا ثاني احتياط بس مرا ماحتجتهم



وهذا صوره الغرا تبع المسدس



نبدا نمسك الرفوف اول شي ونحط الغرا عليها



وعلى طووول ثبتيها بالخطوط اللي رسمتيها قبل بس انبتهي مو من العجله تميلي
وبعدين غري من يمين ويسار الرف وخليك كريمه لاانو اصلا ماراح يبنا







بعد ماركبت رفين وشوفتهم مرررا ثابتين حسيت انجاااز



بعد ماخلصت الرفوف كلها
اهم شي تاكدي من انها مستقيمه وماهي مايله اوك
نيجي للايطار بالطول نحط غرا مو ع الايطار لا نحط ع الفلين الصغير
والرفوف الصغيره حاولت اوضح بالصوره بس مشوشه للاسف



اهم شي فهمتو المقصد



هنا ركبت الاول ونفس الطريقه للثاني
ونيجي للحواجز



قيسيها من يمين ويسار شوفي تمام لو مثلا صغيره شويا سوي ثانيه
ولو كبيره قصي الزايد
ونبدا نحط الغرا ع الرف اللي م ناول مركب ونحط بالحدود يمين ويسار شويا
ونحط الحاجز وانتبهي خليها مربته ونفس المتسوى



غريت اثنين ولاتزعلي لو شي مخبص شويا ماراح يبان مرا لمى تخلصي
والنتيجه النهائيه تررررااا





بعدين دقيتو ب 3 مسامير بالجدار اثنين يمين ويسار فوق وواحد بالوسط
كان نفسي يكون جمب التسريحه بس مافي مكان
وكذا سار شكلو تتتااا






والله تعبا من مناكيري وانا اقول نصو بيكون فاضي افضل علشان مايطيح خخخ
حاول اسوي تدرج الالوان بس من جمبها هههههههه
خليت الميني تحت علشان تبان والتوب كوت والجليتر والاضافات فوق علشان
مو دايم استخدمهم وعارفتهم اصلا

 


وبكذا نكون خلصنا بصراحه مرررا حلووووو مفييد طول اليوم وانا اتفرج في
ترتيب ولوحه وديكور ومنظر جممميل بالغرفه وتسوفي مناكيريك كلها

هذا مقطع فيديو

http://www.youtube.com/watch?v=v-QmkFhLfHg

هذي الي استعنت بمقاستها
وفي مقاطع كثيييره ممكن تاخدي افكار منهم بالمقاسات والالوان

وياررب يكون عجبكم الدي اي واي زي ماحبيتو انا بصراحه
ويلا لاتنسو تورني شغلكم والنتايج ترا مرررا انببسط

واي سوال الاسك والتويتر لكم :)

وسلامتكم ..

هناك 27 تعليقًا :

  1. راح اجهز اثنين واحد لامي وواحد لاختي
    شكرا 👍

    ردحذف
  2. كيوت ♡ ♡ ولو وديتي لنجار بيضبط لك واحد اقوى .. بس شعور حلو شغل اليد

    ردحذف
  3. عججججيييبب :)
    راح اسويه ان شاءالله لمن اعطل وادزلج الصوره

    ردحذف
  4. ماشاء الله تبارك الله شغل حلو ومظبوط ربي يديكي الصحة

    ردحذف
  5. ابعترف!
    احب أفكارك ما شاء الله أميره الله يزيدك يارب :)

    مبدعة الله يعطيك العافية

    ردحذف
  6. يجججججي ي اميرااا

    ردحذف
  7. ميماااا مره يجننن تسلم ايديكي بس سويلي واحد *^▁^*

    ردحذف
  8. مره مره ابدااع ماشاءالله تتطبيق جميل

    ردحذف
  9. ابدآآآآآآآآآآآآآع

    ردحذف
  10. ما شاء الله عليكي يعجبوني البنات اللي يحبوا يشتغلوا بيدهم ويسووا اشياء زي كدا بنفسهم .يعطيكي العافية و يسلم ايديكي ♡

    ردحذف
  11. ما شاء الله

    ردحذف
  12. طلع العرق الحضرمي

    ردحذف
  13. ماشاء الله مرة روعة تتهني فيه حلو العمل لما يكون من يدك

    ردحذف
  14. ماشالله شطوره تتهني فيها يااارب

    ردحذف
  15. ابدااااع ماشاء الله

    ردحذف
  16. اميرره هقققق ممي*قلللللللللللللوب*
    ايه دا يا بت شئ يهههههوس ماشاء الله تبارك الله
    ربي يعطيك الصحه حبيبتتتي
    استمممممري بالاشياء اللي زي دي مره حاققه قمييله =)) 3>

    ردحذف
  17. واو م شاء الله انت مبدعة ي اميرتنا
    احب العمل اليدوي يديك شعور جميل بلانجاز ;-)

    يسعدك ي رب عنجد حبيتك
    لا تحرمينا افكارك الحلو:-@

    شوشو

    ردحذف
  18. مممرا جميل .. ان شاء الله بسويهه .. ععجبني مراا يعطيك العاافيهه

    ردحذف
  19. هاي اميرتنا ^^

    حلو الفكررة مرة تسلم يدك
    بس اقترح تضيفي على نفس الحاجز سترصات او فصوص او زينة لونها بنك بدال م يكون اسود سادة :-) او تحوطي عليه بريش بنك بيطلع اميزنق ^^

    وبس كان اقتراح مني تقبليه ي عسل ^^
    شوشو

    ردحذف
  20. حلو وفكرة جداً رهيبه

    ردحذف
  21. مررررررررا نايس شكراً على المعلومه

    ردحذف
  22. ماراح اقول جميل ورائع لانه فعلا جميل ورائع ~

    ردحذف
  23. مرا حلو شكله بس انا ما اشتري مناكير كثير لاني اكل اضافري بس خلاص ان شاء الله بشتري مناكير يعني كمان و بسوي هذا ان شاء الله و احطلك صورته بالانستقرام ^^

    ردحذف
  24. not that cool
    its ordinary diy and i think if you buy a holder its gonna much cheaper

    ردحذف
  25. مآشآءالله روعة
    مرة رآق لي
    كفآية أنه شغل يد ومآعليك من الي يقول عآدي وغيره ترى شعور أنك سويتي شيء بيدك هذآ لوحده شعور لآيوصف مآيعرفه إلآ الي جربه
    لآتحرمينآ من ابدآعآتك :)

    ردحذف
  26. جميله النتيجة ♥♥

    ردحذف

Back to Top