الجمعة، 26 أكتوبر، 2012

MAC Marilyn Monroe Collection !!



Is this how MARILYN MONROE felt ??
Must be how MARILYN MONROE felt ??


كلنا سمعنا عن كوليكشين مارلين مونرو في ماك
هوا نزل بدايه اكتوبر برا وايام وخلصو البنات حتى بنات يبغو يطلبو اون لاين مالقو !
انا حطيت رقمي في ماك فرع المملكه على اساس لو نزل الكوليكشين يكلموني
لاانهم كانو يقولو احتمال كبير ماينزل بسبب الصور وكذذا
المهم اليوم نزلت اتقضى للعيد وتدق عليا اريج اختي اميررره الححححقي
كوليكشين مارلين اللي تبغي نازل بماك في صحارى انا هااا
كيف ماكلموني ولا شي !! قالت كيفك ماادري عنهم
وانط على المملكه بما انو اقرب شي ليا وقتها وبسرعه على ماك
واطالع يمين يسار ماافي شي !! اسال البنت تقولي لامانزل لسى اقولها كيف
بصحارى نازل قالت ايوا بس صحارى باقي الفروع بعد العيد ان شاء الله
فعلشان كذا حبيت انزل البوست تشوفو قبل لا يخلص الكوليكشين وكذا
وروحت  لصحارى والاقي ومبسسوطه واصورو للبنات



الصدمه دحين لمى جيت اسوي البوست واشوف الكوليكشين كامل بالويب سايت
تبعهم الاقي فرررق !!
اصلا وانا هناك اشوف مناكير ازرق اقول ايش جاب الازرق لمارلين !!
بس قولت امكن وانا ماادري بس شكل الناس ملخبطين الدونيا هناك
والمناكير ماعليها صور مارلين للاسف فااكيد تللخبطت



المهم هذي صور الكوليكشين وهنا اذا حابين تشوفو اكتر
حقولكم على اللي شوفتو ع الطبيعه
بودره هاي لايت ماحبيتها مرررا مااااات وباهته وكان لي تجربه مع هاي لايت
من ماك قرريب منو وماكان واااوو !!
لونين بلاشر مررررررررا باهته لاابعد درجه تتخيليها بحياتك !!
حاولت يمين يسار اقتنع فيها علشان العلبه بس ابددا اللون حتى على يدي مو باين
اربع الوان اي شدو انا جربتهم علي يدي حلوين بس مو اللي يستاهل الواحد ١٢٠ !!
غير اني شوفت ميك اب تيفاني اليوتيوبر المشهوره ماتمدحهم مرررا
خمسه الوان ارواج :
٢ من درجات الاحمر مررررا حلوين ماقومتهم بصراحه
واحد احمر بينك يجننن وامكن ارجعلو
وارنج ونيود على اورنج انا مااحب الاورنج فما حبيتهم + مارلين مشهوره بالاحمر
يعني حلاوه الكوليكشين بالاحمر وكذا على اساس لو حطيت احمر بسير مارلين هههه
اي لاينر اللي يجي زي القلم والراس زي الفرشه مااحب هذا النوع ابدا ينشف بسرعه
لو جبتي من اطلق ماركه
نفس الاي لاينر لون بني للحواجب مافكرت في ابدا
في كحل ابيض ومسكرا وشي ابيض وكلهم سمعت انهم عاديين
مسكرا كمان عاديه بصراحه
٣ ليب لاينر الوانهم حلوه بس ماعليهم رسمه فما تحمست ههههه
٢ ليب جلوس لونهم شفاف فيهم جليتر عادديين بصراحه
والرموش مرررا طويله وتبين انو تركيبه مااحب كذا
للي حابه تشوف راي تيفاني اللي هيا ميك اب ارتست :))

دحيين نيجي للي اخدتو :))



روجين ومناكير
الروج الواحد ب 106
المناكير ب 80
من ماك فرع صحارى
صراحه احترت بين الاحمرين بعدين اخدتهم الاتنين هههههه



نيجي للارواج الباكينج حقها حلوه وغير عن العاده



ولمى تفتحي احب الديتيلز




زووم




الاول الاحمر الغامق او العوودي يجججنن ونوعو مات



حاووولت ابينو بالصوره زي الحقيقه هوا غاامق



هنا درجتو "DEEPLY ADORED"
نفتح الثاني



ابدا ماني خاقه على الشفايف هذي هههههه
لونو احمرر غامق اممم مااعرف اوصف بس مو احمر احمر







هنا درجه اللون "CHARMED I'M SURE"
وبرضو مات
هنا العلبتين سوا ترا اشكالهم حمستني اصور غصبا عني ههههه



اللونين مع بعض علشان يبان الفرق



وصورتهم مع ريشين ريد علشان تعرفو الالوان تقريبا
لاانو ريشين ريد عند اغلب البنات



وهنا سواتش للالوان على ورقه



وهنا كمان



نيجي للمناكير بصراحه مرا جربت مناكير ماك وعلى طول تقشرت
بس اليوم عججبني اللون واخدتو وقولت نجرب امكن كوويس
اللون احمر احمر احمر



للاسف الباكجينج كان عادي والعلبه ماعليها صوره



حاولت اصورو واضح باايدي بس للاسف بس يطلع علي فوشيا مو احمر
بس بصراحه الدرجه حلوووه وماتتفوت






وبسسس اخيرا خلصت قلك بسوي اقصر بوست بالحياه بس انا قرقوره مااقدر
لاازم احكي كل شي ههههههه
وكككككل عام وانتو بصحه وسسلامه ياررررب وينعاد عليكم سنين وسنين

استودعتكم الرحمن

هناك 7 تعليقات :

  1. حمآآآآآس ،، قريت عن الكوليكشن من قبل بس كنت مستبعدة انو ينزل هنا
    بس تمام كدا حمستيني انزل ادوره بفروع ماك هنا
    وحبيت الروووووج الاحمر بقوووة

    ردحذف
    الردود

    1. نفس الحاله كنت فاقده الامل انو ينزل هنا
      وان شاء الله تلاقي :))

      حذف
  2. اخير اخير نزلت المجوعة اكثر عجبني منها الارواج و الروج العودي مره عجبني

    ردحذف
  3. حمستيني يا اميرة أمُر عند ماك حقنا ..
    حبيت الارواج ماشاء الله حلوة اختياراتك ,
    يختي احبك واحب ذوقك :$
    ان شاء الله بس ينزل عندنا الكولكشن اخذ الارواج
    يعطيك العافية

    ردحذف
    الردود

    1. وانا احبببك ياعسسل
      يلا ان شاء الله ينزل وورينا ايش اخدتي
      الله يعافيك ياررب :)))

      حذف
  4. بصييييح عندي احساس بروح بلاقي كل شي مخلص :"(( مو احنا ماشاء الله ما في شي ما نجربه جميله ارواجك وكثيير حلوه عجبتني وخشت مزاجي حيل تتهنين فيهم حبوبه :)

    ردحذف

Back to Top