الاثنين، 1 أكتوبر، 2012

my CANON ♥♥






مسسسا الخير بنات


كيفكم ؟؟ ان شاء الله طيبين

جد جد بنات مرررررا شكرا على دعمكم الحلو والله تحرجوني
وان شاء الله ربي يساعدني والبي طلباتكم كلها

اليوم حبيت اسوي هالبوست بسبب كثره طلبات عليه

اللي هوا ( التصــويــر ) اللي مجنن العالم اليومين هذي
اول شي حابه اقول انا مو بروفيشنال بالتصوير ولا اطمح لاانو هوايه فقط
ماادري مين قال لشعبنا انو الكاميرا موضه واكسسوار واللي ماعندو يسير ماش !!
جد جد والله سرت مااشيل كاميرتي علشان مااحس اني بزر ههههه
الكاميرا سارت مع كل شخص كبير صغير اللي هوا وتعالي بعد كم يوم
تلاقي كاميرا كانون نظيفه للبيع بسبب عدم التفرغ هههههههههههه
ياشيخ عدم التفرغ ولا التوهق بمعنى اصح !!!
اي واحد تطق براسو انا احب التصوير على طول يسال ولا يبحث
"افضل كاميرا" وليه على طول شطحه مرا وحده افضل كاميرا !!
واشوفهم بكام فور سيل ولا بالحارثي نبغي canon 600d
يجي يقولهم خدو ال canon 550d ترا نفسها اللهم الشاشه تنقلب
يقولو لا لا المصور الفلان الفلاني قالنا ال canon 600 افضل شي
يعني لا يسالو نفسهم ليش بنشتريها بنصور ايش ولا شششي !!
فاانا حابه انبه عليكم يابنات شي قبل لاتصرفي فلوسك كذا عبط ترا كلنا نحب التصوير
الكل يحب الصور الحلوه هذا الشي طبيعي فينا كلنا نحب نشوف شي حلو !!
اذا كنتي كذا فلا تعتبري هذا الشي فيك هوايه هههههه لا طبيعيه ولا تجيبي شي برو
في كاميرات ديجتال تجنن وتصويرها مرا بطططل في الحدود اللي انتي تستخدميها
زي الباور شوت من كانون وكاميرات سوني والنوعيه هذي شوفتي نفسك كويسه
ومن جججد تحبي التصوير وقتها جيبي الفئه الاحترافيه
اذا انتي حاسه ومتاكده انك تحبي التصوير وقد جربتي قبل فجيبي الشبه احترافيه
من كانون اللي هي من فئه اربعه ارقام زي ال ١١٠٠ وال ١٠٠٠ وكذا
وغيري بالعدسات من جد عندنا عدم وعي بالعدسات والله العدسات كننززز
دحين بشرحلكم ايش ال 600d وال 1100 والارقام هذي بالكانون اوك
بالكانون كل ماقلت فئات الارقام كل ماكنت الكاميرا افضل
يعني انا عندي 600d في ناس تعبترها احترافيه وناس تعبترها شبه
في ال 60d هذي احترافيه
في ال 7d
وال 5d
وال1d عاد هذي توب التووووب
دحين فهمنا انو كل ماقل الرقم كل ماكانت افضل اووك
بس ممكن يجيك واحد يقول ال 60d تشبه ال 600d
وصح في تشابه كبير وسويت بحث وشوفت بنفسي التشابه الفرق انو ال 60
سوها للتصوير الرياضي اكثر !!
نيجي نمسك فئه معينه مثلا اللي ثلاث ارقام زي كاميرتي 600d
في ال 550d وفي ال 650d الجديده
هنا كل مازاد الرقم كل ماكانت اجدد بس من نفس الفئه
ياررب فهمتو على شرحي البسيط  انواع الكاميرات واذا عجبكم شرحي راح اسوي
سلسله عن التصوير مثلا العدسات واشياء بسيطه انا استخدمها قولولي رايكم






المهم هذي كاميرتي والعده جبت البوكس احفظها من الغبار وسلطان هههه

canon 600 d
lens : 18-55mm
15-85 mm
50 mm
flash 430



الاضاءه

اخدتها من ساكو ب ١٢٠ اذا مو غلطانه
 قوه كل راس فيها ١٥٠ يعني الاثنين ٣٠٠ وهوا المطلوب بالتصوير
طبعا مو من راسي بس سالت بنات وكذا



وركبت عليها امبريلا حق تصوير اخدتها من الحارثي ب ٧٠ او ٩٠

عاد ركبتها بلصق صورتلكم هوا



شوفتو كيف شغلت مخي ووفرت كم
بالذات انو تصويري لجوامد
وللمعلوميه اشتريت فلاش وشكلي ببيعو لعدم التفرغ زي اللي فوق هههه
دحين نبدا بالدرس واللي هوا طريقه تصويري بالغالب
قبل لانبدا ملاحظه بسيطه انتبهي بالعدسه زر مانع الاهتزاز ع الـ ON



اول شي الوضع ع الـ P حلو للمبتدئين او اذا مستعجله او بمكان ظلام او شي عادي

مو احتراف وانا بصراحه اغلب الوقت اصور في سهل وسريع

ثاني شي الـ ISO

الزر اللي مااشره عند اصباعي عليه



هوا حاجه اذا كانت اضائتك ضعيفه تزيدي واذا اضائتك قويه تقليلي

هوا كل مازدتي يزيد كميه الضوء اللي تدخل للكاميرا وكذا يشوش الصوره
بس اذا كنتي بمكان ظلام لازم تزيدي علشا يلا توضع الصوره
واقصد مكان ظلام زي المطاعم مثلا
في البيت وبااضائتي اللي فوق غالبا اخلي ع الـ 200 او اقل ممكن



دحين نيجي لخط التعريض او شي زي كذا اسمو

وبالصوره الزر اللي ظاغطه عليه + الشي اللي يتحرك اللي زي العجله مكانو جمب
زر الـ ISO
خط التعريض يقللك او يزيد لك الاضاءه من نفس الكاميرا
اكثر الاحيان احب اقلل نقطه او نقطتين علشان يعطي سواد خفيف بالصوره

دحين دور الوايت بالاينس WB




هوا اللي ظاغطه عليه ونفس الاختيار اختارو لو كنتو بالبيت واضاءه قويه

برا البيت على حسب لو مغيم ولو ظل وهكذاا



الزر اللي يشير لتحت مقابل للوايت بالاينس اللي هوا بيكتشير ستايل

في بورتريه وفي احادي وكم شي الغالب اختار 1 هوا اكثر يعجبني متشبع الوان

دحين نيجي للي مجنن البنات الفوكس وهوا اسهل شي بالحياه


هنا الازرار اللي تتحكم في




اذا ظغطتيها راح تسير الشاشه كذا




عاد انيت تحركي يمين يسار فوق تحت المهم مكان الشي اللي تبغي تصوري


دحين راح ابدا اصور ع نفس اللي شرحتو فوق


جبت مناكير وحطيتهم فوق البوكس طبعا اي شي تبغي تصور وتبغي عزل

تقربي منك وتبعديه عن الخلفيه علشان يديك افضل عزل



بالبدايه استخدمت الاضاءه هذي ضعيفه بس علشان اوريكم قد ايش

الاضاءه تغيير بالتصوير



الكاميرا بالطول وظبط الفوكس النقطه اللي تحت لاان المناكير تحت

وابغى الاضاءه الصغيره تكون الخلفيه



وهنا النتيجه




وهذي كمان




واضحه الدقه مو مرا ابدا ومشوشه


دحين شغلت الاضاءه القويه




وكانت نتيجتها




اكيد لاحظتو الفرق سواء من دقه ووضوع وعزل والالوان وكل شي

وبسس واخييررا خلصت

يارب يارب يارب اني قدرت اوصلكم طريقتي لااني انسانه مااعرف اشرح للاسف

اذا عجبكم البوست قولولي علشان مااحس تعب ع الفاضي
والتصوير كان باايفون فور يجي منو والله هههه
اي سوال او اقتراح هنا او بالاسك
برايفت : موني الدرس لك ياعسل بما انك اعترفتي انو البلوج حقي حلو
ويسعدكم ربي جميعااا ...

هناك 26 تعليقًا :

  1. بوست جميل و مفيد

    don't forget to follow my blog
    http://latefahmuraikhi.blogspot.com/

    ردحذف
    الردود

    1. انتي الاجمل
      وحبيت بلوجك وفولو يو اكيد :)

      حذف
  2. شرح بسيط ومرتب كفيتي ووفيتي اموره عجبتني حركه الامبريلا واللايت اللي عليها موفقه حبيبي

    ردحذف
  3. يامللحك يا امورة مره حلو درسك للمبتدئين ومعلومات طيبه

    ردحذف
  4. ولكك شقققد انا متيم بك ي فتاةة ♥♥
    بوست جميل ويعطيكك العافيه ع المجهودد..
    بالنسبةة لموضوع الجميع انو معه كام بحجة الموضه اوبالاصح #فوضه
    شي طبيعي ي لبا م حنا شعب الهبه 
    قبل كم يوم ولددعمي ماخذ الجديدةة بحكم ببسس انها تاتش واجدد شي وشوفيها منطولةةة U_U
    امم حركةة الامبريلا كأنها اعجبتننني *_^

    ردحذف
    الردود

    1. هههههههه لا مو مصدقه مين مسويلي كومنت
      مو بلوج دلوعات ومرررا حلووو وشدو وخرابيط بنات ههههههههههه
      والله يعافيك يارررب وسويتو علشان اوريك انو مو بلوج ميك اب بس :))
      ومدامها منطوله بدليها بحقكهههههههههه
      :)

      حذف
  5. شكرن خالص ياقمييييله

    ردحذف
  6. اذا جيتي تصورين اشيائك الي دايم تعرضينها
    تستخدمين ذاك الشيء الي فيه اوبريله و الاضاءة ولابدون ؟
    لان تعب كلما اصور اجيب هذي الاشياء ولا ازيد من اضاءة التصوير ويطلع اوك ؟!!

    وشكوووره مرره على بوست
    نتظر منك اكثر
    kholoud

    ردحذف
    الردود

    1. ايوا هيا الاضاءه والامبريلا مع بعض مركبين اصلا زي ماوضحت بالصوره
      وهيا اللي استخدمها دااااااايم
      ولا ماينفع تزيدي من اضاءه من الكاميرا مايجيك نفس الدقه وتكون مشوشه ومزعجه

      والعفووووووو

      حذف
  7. قلبي مدوونتك رهيبة بس ياليت تضيفين تبويبات عشان أقدر
    أتنقل بمواضعيك بسهولة

    حابة المدونة بس مو عارفة
    أتنقل بين المواضيع او اتصفح المواضيع القديمة
    الشيء الوحيد إلي أشوفه قدامي هو المواضيع إلي إنتي
    حاطتها تحت معرفك فقط !؟؟؟

    +
    حابة أعرف إنتي بأي تخصص ^____^
    كانت معك سارة ..~

    ردحذف
    الردود


    1. حبيبتي انا حاطه على جمب افضل عشره مواضيع
      والباقي تحت على جمب تلاقي مكتوب ارشيف المدونه روحي شهر شهر
      وتلاقي كل الاشياء اللع كتبتها

      انا تخصصي محاسبه

      حذف
  8. ممكن اعرف كم سعرها الكاميرا x_x؟؟

    ردحذف
  9. شرح حلو مممرا تسلمي ي قمر

    ردحذف
  10. رااااااااائع جدآ جدآ جدآ
    اناانا جربت على كاميرا بنت خالتي ان شاءالله لمن تجيني الكاميرا ادخل موضوعك وامشي نقطه نقطه لحتى مااصير محترفه زيگ 😍😍😍

    يعطيكي الف عافيه … واستمري بشرح عدسات الكاميرا وكذا 😘

    ردحذف
  11. مره يعطيك ألعافيه شرح بسيط وسهل ويتفهم علي طول يسلمو ياجميله الجميلات

    ردحذف
  12. مره يعطيك ألعافيه شرح بسيط وسهل ويتفهم علي طول يسلمو ياجميله الجميلات

    ردحذف
  13. صباح الخير
    الله يسعدك ي اميره شرحك ماشاءالله مره حلو وسهل على اشياء كثير
    كنت استحي اسال عنها لانه كثره الاسئله بتملل البعض:)

    التصوير عندي هوايه لكن مع الوقت يمكن يصير مهنه اذا اتقنته

    ي ليت يكون في بتوستات ثانيه عن التصوير

    شكراً شكراً ي قمر والله يجزاك خير

    ردحذف
  14. جزاكي الله خير مره استفدت الله يسعدك ياليت كمان تسوي بوست ثاني وتورينا قد ايش اتورطتي وشكرا مرا واضح متعوب عليه اتحفينا دايما 3> 3>

    ردحذف
  15. شكراً على الدرس جداً جميل واستفدت منه ... الله يعطيك العافيه

    ردحذف
  16. طيب , هل جربتي تستخدمي هادي الاضاءة لتصوير البورتريه ؟ اذا ماجربتي تتوقعي تنفع ؟

    ردحذف
  17. لو سمحتي دحين الاضاءه تجي كذا لاصقه بالحديده الي هيا القاعده بليززززز جاوبي وشكرا

    ردحذف
  18. حبيبتي الله يعطيك الف عافيه كنت ادور ع بوست كذا والحمدلله انقذتيني

    ردحذف
  19. يعطيك الف عافيه ، كان شرح جميل وممتع ، رعاك الله

    ردحذف
  20. مرحبا اميره

    اول شي اسمحيلي اقولك يعطيكي الف عافيه قديش مدونتك جميله وملهمه بشكل
    اتمنى اني ابدا خطوه فالتدوين ولانو فكره الصور الجميله اساس المدونه الحلوه فحبيت درسك كثير
    انا حابه اني اشتري كاميرا قريب تكون لصور خاصه فيني وكمان اذا بدات مدونتي فياريت انك تعملينيا دروس
    على اساسيات التصوير شو نوع الكاميرات المناسب واذا فيها مجال دروس كيف نبدا مدونه جميله زي مدونتك

    اتمنى ما اكون طولت عليكي ولا كترت عليكي طلبات ياعسل << فيس خجول مع وردة

    ردحذف

Back to Top