الخميس، 9 أغسطس 2012

MAC FIX+ | ماك فيكس بلس



،
.
صصبااح الخير بنوتات
كيفكم ؟؟




اليوم انطردت من الغرفه ههههه فشليت قشي للمكتب


حابه اكتب ريفيو بسيط عن منتج كثير بنات اشترو 
في بنات حبوووه وفي بنات سبوه وسبو البنات اللي نصحهم فيه ههههه ..




المنتج  هوا FIX ‪+‬ من MAC

المنتج اصلا ناس تقول مثبت ميك اب وفي بنات يقولو انو يدي ديو لوك
عن نفسي استخدمه لااشياء كثيييررره ومن صورته حتشوفو مخلص تقريبا بس له فتره طويله عندي بصراحه
واذا خلص اتوقع ارجع اشتريه اذا مالقيت نفس فكره المنتج من الدرج ستور بسعر ارخص
صح هوا كويس وحلللووو بس لو في منتج نفس فكرته ونفس الاستخدام اتوقع اشتري الارخص



بالصور راح اوريكم استخداماتي له

اول شي ناس تستخدمه قبل الميك اب للامانه مااسوي هالحركه كثير لاانو كريم مرطب يكفيني بما انو بشرتي عاديه
بس احسو راح يكون كويس للي بشرتها جافه لاانر يزيد الترطيب
احب استخدمه بعد مااحط الباودر  لااني مااحب شكل الباودر الباهت مرا فبختين منه مرررا حلو
واحب احطه اخر شي كمثبت للميك اب
 احب استخدمو كمان في الاشياء اللي تحتاج مويا في الميك اب لانو المويا لو جاتها مويا راح تسيح وتختفي
فاانا استخدمه مع اي شي لو ابغى اخليه كريمي او ثابت اكثر بما انو اصلا يساعد ع تثبيت الميك اب
وهنا راح اوريكم بالصور استخداماته



اول شي هنا عندي قلم حواجب من جيفنشي كلمه سئ قليله عليه !!

مو قلم كاانك ترسمي ببودره !! مرررا عررريض القلم وباهت واول مسحه مويا راح يختفي !!
قالي اللي باعه لي حطي مويا راح يقلب كريمي
فطبعا جربت مع ماك فيكس بلس بخه بس فتحسن وضعه مررررا بس مازال بايخ في نظري و سرت استخدمه  في البيت وكذا ..
بدل ماكان مرمي ومامنو فايده !!
وهنا السواتش تايمين قبل و اليسار بعد



هنا استخدمته مع الاي شدو




جربت مع اي شادو من ايف سان لوران اللي يجي ترافيل سيت

عارفين اي شي يجي تبع ترافيل دايم تكون سيئه
طريقتي ابخ بخه الفرشه بعدين احرك الفرشه علشان ينزل الزايد وبعدين احط الشدو
هنا السواتش اللي من اليمين بدون الفيكس وتقريبا ماطلع اللون مع انه غامق !!
واليسار مع الفيكس اللون كان افضل واوضح واثبت



وهنا جربته مع شادو من ماك الي تيجي مجموعه بعلبه بعروضهم




وهنا مسحت الشدو باايدي اللي بدون الفيكس بلس اختفى تقريبا

واللي بالفيكس مازال صامد تقريبا



* حاولت اجرب بشادوهات ماهي كويسه مرا اصلا علشان يكون اوضح

لانو مع الشدوهات الكويسه احس ماراح يبان الفرق مرا !



هنا الجيل لاينر من مايبلين ومن ماك او اي براند ممكن تسوي هالحركه

كلنا عارفين انو هالنوع من الجيل لاينر عيبه انو بعد فتره بسيطه على طول  يجف ويخف سوادها
فاانا طريقتي ابخ بخه ع الجيل لاينر نفسه بالعلبه واحرك الفرشه بالعلبه واستخدمه
والله يرجع كووويس وكاانو جديد ومايخرب بما انو اصلا الفيكس مثبته للميك اب ولو كان مويا اتوقع حيخرب
ترا حسيتني ذكيه على هالحركه هههه



البيجمينت

كلنا عارفين انو حاجه يحوووس مرررا بما انو اصلا لوس ابودر
وانتي بتحطي تلاقي خدك نفس اللون هههههه من كثر مايطير
حطي بخه ع الفرشه وبعدين حطي البيجمن وبعدين وزعي مررا احلى واثبت واللون يبان اقوى مو باهت !!
هنا السواتش انا مستخدمه نفس الفرشه بس لو تلاحظو اللي بدون فيكس كيف متوزع ومتناثر !








بودره الحواجب من بودي شوب

البودره حلوه بالذات للي شعر حواجبهم كثيفه وكويسه فتعبي الفراغات لهم وشكلها طبيعي
انا عن نفسي حواجبي في اماكن ارسمها كويس مو تعبيه فراغ فكان خفيف ومع المويا يختفي صراحه
فااسوي نفس الحركه ابخ ع الفرشه واحطه صراحه احلى واللون اغمق
وهنا سواتش لهم



اخر شي حركه شوفتها باليوتيوب بنات يعملوها

انه يستخدمو ه مع بودره الوجه والفاونديشين واستغربت !!





انها تبخ الفرشه تبع الباودر  وبعدين توزع ورحت جربته وطلع مرررا حلووو

* بنات الفرشه هذي من سيجما مرررا الشعر تبعها يطيح طفشتني لها حل ولا هي كذا
المشكله الوحيده من المجموعه اللي ابيها من قلب طلعت كذا !!
حاولت اوضح بالسواتش بس مابان مرا بس تلاحظو بدون انو مرا باهته البودره ومعاه كانت اوضح وفيها  كدا اممم زي الانعكاس واتوقع راح اعتمد الحركه
هنا السواتش بس للاسف مو واضح مرا



وبسس تقريبا استخدمه لهذي الاشياء وسوري السواتش مو واضحه مرا

صح في بنات يحبو يستخدمو كشي منعش ورفريش للفيس بالدوام وكذا
وممكن تقدرو تعلمو سيرش باليوتيوب بااسمه وتشوفو كيف البنات يستخدمو لاانو استخداماته كثيره
ودعواتكم لو استفدتو شي
وسي يوو بعد العيد حسافر ومااتوقع انزل شي بس ححاول ان شاء الله

هناك 13 تعليقًا :

  1. That's how I use it too
    It's an amazing product <3
    great post keep them coming !

    ردحذف
  2. مررا حبيت الحركة
    عندي واحد اخدتو من ساسا بماليزيا ومهملتو وماستخدمو
    لما شفت موضوعك على طول اخدو واجرب على الجل اي لاينر تبع ماك ومن جد مررررا واو رجع زي اول ماشتريتو

    ردحذف
  3. استخدامات كتير ما كنت اعرفها مرة شكرا

    بس لاحظت انك تحبي قلم الحواجب يكون تقيل بقلك بس لا تشتري قلم الحواجب حق ميلاني الي سالتيني عنه في انستقرام ما حيناسبك خفيف انا اخدتو للصباح وللمرات الي ابا شكلي فيها يبين مرة طبيعي

    ردحذف
  4. لا شك في هذه نصيحة ممتازة!

    واحد من بلدي المشاعر هي حصرية والأثاث.أود أن تجد أثاث براقة، وفريد وملهم!

    تحقق CHOCHET CHEST لأنه رائع!

    http://www.bocadolobo.com/le/crochet.html

    ردحذف
  5. معليش حخرج عن الموضوع
    بس باين حاجه علبه شكل كب كيك مره شكلو فزيع من فين اخدتيها ؟……

    ردحذف
    الردود

    1. عادي حبيبتي خدي راحتك
      بالنسبه للكب كيك ترا يتفتح وتحطي فيه اغراض
      اخدتو من لايف ستايل من فتره بس قريب شوفتو موجود
      :)

      حذف
  6. مرحبا اميره
    حبيت حركة فرشة البودر الطريقة
    هي اخذ الفرشه وحطها فى البودره وبعدين ارش
    الفكس كذا الطريقة صح

    مشكوره وكل عام وانتي بخير

    ردحذف
    الردود

    1. مرحبتين
      حطي البودره ع الفرشه وبعدين بخي على الفرشه وبعدين وزعيها على وجهك
      والعفووو

      حذف
  7. لي يمكن ست ساعات اتصفحك من تويتر لانستاقرام وهالحين هنا طلع علي الصبح

    بس جد مدونتك خطيرة و رائعة ماشاء الله

    تقدري تعملي الستديو فكس بنفسك بالبيت
    http://www.youtube.com/watch?v=j_FN1JQdGos&feature=related

    اللي هو جلسرين سائل مقدار ويقابله ٣ مقادير موية ورد :))

    ردحذف
  8. يدك قيها شعر يأماما :)

    ردحذف
    الردود


    1. انا أشير الى القمر .. والاحمق ينظر الى اصبعي :)

      حذف
  9. قلم حواجب ميلاني فين احصله

    ردحذف
  10. انا شريت واحد بس مره رشته قويه .. يعني مو زي سبراي متوزع .. كيف اخليه متوزع

    ردحذف

Back to Top