الاثنين، 6 أغسطس 2012

How to Pack Makeup for Traveling





  ‪How to Pack Makeup for Traveling‬


اهللين بناات اليوم راجعه لكم ببوست جديد
راح اتكلم فيه عن طريقه ترتيبي للميك اب تبعي في السفر
راح احط الميك اب تبعي للسفر اذا كنتي مسافره لااهلك او قرايبك وكذا
انا كعادتنا كل سنه نروح نعيد بجده عند اهلنا هناك ودايم عزايم وحفلات وممكن نحضر فرح فااشيل معايا ميك اب كتير نوعا ما
لو يشوف زوجي نوعا ما ماادري ايش بيسير فيه
واحاول اقلل لاانو هناك بنات خالاتي واخذ منهم اذا نسيت شي
وقبل كل شي انا احب ارتب الميك اب تبعي قبلها بيوم او يومين وبعدين استخدم الميك اب
من نفس الشنطه اللي جهزتها فلو حسيت شي ناقص ولا كذا احطو بالشنطه

 

اول شي احدد اي شنطه اخذ يعني يعتمد ع الفتره اللي حجلسها واذا كانت عيد والفتره اللي حجلسها
فحاليا رايحه عيد وحطول فااخدت شنطتين

 

الاولى هذي مرا احبها لاانها تفتح مربع ويبان كل شي من غير ماتكبي الشنطه كلها هههههه
من بربري جات هديه مع مشتريات



والثانيه من هارودز حبيتها طويله للفرش وباليت نيكد واي شي طويل
وامكن اغيرها بتبع الفرش اللي من ماك

نفتح الدرج وبسم الله ههههه

 

شوفتو كيف انا انسانه شاطره ومرتبه
نبدا بالاولى


 



اول شي ابدا بالفاونديشن والبرايمر والسيروم
احب اخد فاندويشن واحد بس وبراجو مررا يناسبني وتغطيته مرررا كويسه
لاانو انا الحمدلله بشرتي كويسه مااحتاج شي ثقيل مرررا
واخد بودره ماك مينيراليز سكين فينش كتغطيه اقوا لو رايحه فرح او حفله كبيره
السيروم من no7 من بوتس جميل مااحسو يكتم البشره
وسعرو اذكر معقول اسمو بيوتي سيروم
وستروب كريم من ماك كبرايمر لو حابه اعمل تان لانو يدي ديو لوك

 

الكونسيلر راح اخد الاثنين
اللي من كيكو كويس ومناسبني
وتبع ايف سان لوران ابغى اجربو

 

وهنا مفتوحه

 

الهاي لايت والبرونز والكونتورينج
اخدت هاي لايت على ذهبي
وواحد على بيبي بينك من تو فيسد يارب يكون كويس لاانو الهاي بيم حلو
بس ماعرفت اوزعو كويس لانو كريمي
والببرونزر من ماك
والكونتورينج من نارس مرررا حبيتو بصراحه

 

للشدو راح اكتفي بباليت نيكد لانو شي خووررررافي صراحه
كل الالوان اللي احتاجها موجوده

 
 


برايمر اي شدو من اربن ديكاي حبيتو اكتر من بينت بوينت اللي من ماك
هذا خفيف وتوزيعه سريع اما اللي من ماك ثقيل حبه
مسكارا ميلون لاشيز من لوريال حبيييتها بس ليت تكثيفها اقوى شوي
للحواجب اللي من ميك اب فور ايفر احلى شي جربتو بصراحه
جيل لاينر من مايبيلن حلوو نفس ماك اثنينهم لازم اعيد بااي لانر ثاني سايل
فوقهم لو حابه السواد اقوا
مسكرا شفافه للحواجب اذا استهبلت هههههههه
واللي تخلي الرموش حلوه من انجلوت كنت اول اقول حق ابو ريالين كويسه
بس لمى اخدت حق انجلوت حسيت بفرق صراحه

 

الكحل اسود والابيض اختفى ماادري وين يلا فرصه اجيب تبع بنفيت البيج
والباقيين شادو احبها للعين من تحت


 

 

البلاشر
اخدت اثنين بينك وواحد بجليتر وواحد عادي
واورقازم من ننارس اللون اللي مو بينك ولا مشمشي
واخر واحد ميكس كم لون
وشكلي حكنسل البينك اللي بجليتر
نيجي لليب ستيك هيا اللي بجد مااحب اكثر
لاانو هناك عند بنات خالاتي اطلبي وتمني هههههه
بس اخذ الوان اساسيه

 

اول واحد كالعاده حبيبي كابتيف من ماك

 

ثاني واحد احمر احمر من ايف سان لوران رقمو ١

 

ثالث واحد نيود فاتح عليا بس مع جلوس اغمق يظبط رقمو ١٠


 

وعودي من كيكو

 

واخر واحد من نارس مررا حبيتو خفيف وسريع لكل يوم

 

وبالنسبه للجلوسات ماادري مااحبهم مااعترف فيهم ماادري ليش !!!
بس باخذ هذولا مرطب وجلوس شفاف لااي شي
والاخير هوا اللي مع الروج النيود

 

دحين نيجي للبرشز
للعيون
 

وبرشز الفيس

 

اخدت اهم شي وكنسلت تبع الفاونديشين ماادري سرت احب اوزعو باايدي

 

مزيل الميك اب احب المناديل المزيله اسرع واخف بالشيل وكذا
جربت هذي بااخر سفره بس حسيت مناديلها خشنه شويا وشوفو على طول نشفت مالها
شهر امكن !!
فبجرب شي ثاني وماينشف بسرعه احد عندو فكره ؟؟

ونيجي للــ nailpolish

 

والله الاختيار صعب فنقيت بسرعه علشان مااقعد اسوي قلق
اخترت هذولا بما انو عيد واغلب شي عزايم ليل وعشا


 

وصح بنات لايفوتكم هذا الشي مزيل مناكير زي المناديل المعطره
تشيلي معاك اي مكان وانتي راجعه بالطريق استغلي الوقت وامسحي المناكير هههه
تلاقو بااغلب الصيدليات
وحلو بالسفر بس ترا النوعيه هذي حلوه وقويه بس تجفف نفس الاظافر شوويا

وبكذا اكون خلصت واي سوال الاسك موجود بالتوقيع
ولاتنسو فولو مي بالانستقرام وتشيك ماي بلوج ياعسل

وسي يوو سووون

هناك 15 تعليقًا :

  1. عندي نفس مشكلة المناديل حقت الميك اب ريموفر
    لو عرفتي مناديل احسن من جونسون ياريت تقوليلي

    ردحذف
    الردود
    1. اووك لو جربت شي كويس اقلك ان شاء الله :)

      حذف
  2. يعطيك العافية ياقمر ع البوست الحلو
    روج ماك الاول عندي ...عشششق لا ينتهي :/

    ممكن اعرف فين لقيتي المنظمات البلاستيك اللي ع اليمين، من زمان ادزر عليها:(

    موفقه و اكيد بانتظار جديدك

    Areej

    ردحذف
    الردود
    1. الله يعافيك ياررب
      وكل المنظمات اللي بالدرج من ايكيا
      والله يوفقك ياررب

      حذف
  3. مزيل الميك اب استخدمي حقت بوتس بالخيار كيستها خضرا جميله وريحتها حلووووه


    /http://catwalkglam.blogspot.com

    ردحذف
  4. للاسف ماظهرت الصور

    مافي غير صورتين

    ردحذف
    الردود

    1. رجعت حملتها تاني
      :)

      حذف
    2. ما لقيت حسابك انستقرام بليز اكتبيه لان كل شي عندك جميل ماشاء الله ♥

      حذف
  5. ذكرتيني يوم رحت ملكة بالرياض شلت شنطة الميك اب حقت السفر وكان حج وبابا يقولي خلي عنك شنطة السهرة الفنية بتعبك وانا راكب راسي الا اخذها هههههههههه
    ومافكرت ادخلها في الشحن لان مرا زحمة مع الحج قعدت احمل بيدي انهلكككككتتت اغلب الي كان في الشنطة عشان لو احتياطا وماستخدمت الا كم حبه
    استفدددددددت من موضوعك

    solisar.blogspot.com

    ردحذف
    الردود

    1. ايوا افتكر صورتها شنطه السهره الفنيه ههههههههههه
      انا تعلمت من كتر مااسافر لخوالي
      ويكفيني انك استفدتي :)

      حذف
  6. عندك مناديل اليتامين e من ذي بودي شوب كويسه تزيل اسرع وهي خشنة انا زيك حقت جونسون خشنه بس مانشفت معاي لها تقريبا شهر وكم اسبوع مدري ليش يمكن لاني اقفلها كويس
    او روحي صيدلية بوتس تلاقي كثير انواع ، بس انا استخدم اول شي جونسون لاني احس فيلو زيت فينظف البشره وبعدين اللي من ذي بودي شوب

    ردحذف

Back to Top