الأربعاء، 25 يوليو، 2012

SKIN CARE | عنايه بالبشره



ياصصباااح الخيررر
كيفكم ؟؟ وكيف رمضان معاكم ؟؟
صراحه عني للحين ماصمت فماادري كيف وضعي !!

اليوم حابه اتكلم عن منتجات جربتها شي حبيتو مرررا  وشي كان اوك وشي عادي
حتكلم عن شركتين
      فرنسيه  BIODERMA
  بريطانيه   Soap & Glory
ومشترياتي من بوتس اليوم عندهم عروض جممميله اللي هي BUY 1 GET 1 FREE !!!
بس طبعا كان على منتجاتهم بس !


نبدا مع مرطب الجسم من بيو ديرما



Atoderm pp baume
بصراحه انا صاحباتي مرررا مدحو ليا  ومن ضمنهم صاحبتي خريجه صيدله فكانت اي  شي تمدحو
اشتري وانا مغمممضه هههههههه 
 يشترو بالاحجام الكبيره وكميات من فرنسا بما انو البراند فرنسي 
هوا طبي من غير عطور للبشره الحساسه شديده الجفاف
انا تحمسسست اجربو بما اني اعمل جلسات ليزر + مررررا جفاف بالرياض وجربت كل شي وكلها اوك بس مو واااو
للامانه انا لي تقريبا اسبوعين استخدمه يوميا بعد الشور وبعض الاحيان قبل النوم يعجبني خفيف وسررريع بالتوزيع
بااول الايام كان عادي ومافي شي بس مع الايام مرررا حبيتو بجد حسيت بتغيير بشرتي سار فيها لمعه بسسيطه !!
بصراحه اعتبر لمعه بسيطه بالرياض شي اووووووك والقشره اللي باايدي من الجفاف راااحت وبشرتي سارت انعم بمراحل!!!
بجد حاجه واااوو واتوقع استمر عليه بس للاسف اتوقع سعرو هنا اغلى بكثير وبنات انتبهو لااسمو كويس
لاانو انواعو كثيره وتلخبط


هنا الشور جيل تبعو بصراحه انا مااحب الشور الجيل اللي بدون ريحه احسو كذا مستشفى هههه !!
فعلشان كذا مااستخدمو دايم للاسف  لااني احب اللي بروايح مرررا
بس طبعا اكيد له تاثير بما انو للبشره الجافه


الميك اب ريموفر
بصراحه كميك اب ريموفر مااحسو قوي يعني لو عامله ميك اب ثقيل راح تتعبي وانتي تشيلي فيه وتعيدي كم مره
بس لو ميك اب خفيف فهوا مرررا حلللووو بالذات انو طبي وللبشره الحساسه وعن نفسي حبيتو كمزيل يومي


هنا منتجات السوب اند جلوري اللي جربتها 


اول شي البودي بتر تبعهم ثقيله وترطيبها كويس والاحلى ريحتهااا ححللووه بس تفرق عن ريحه الهاند فود
 اكتر شي احب احطها بالمناسبات بما انه ثقيله  وريحتها قويه
عموما منتجات سوب ان جلوري اكثر شي راح يغريك انك تشتريها ريحتها مررررررا حلللوووه
 واشكال العلب حقهم مررا كيووووووت انا لو خلصت حسيبها ديكوريشن بس لوووول
 حاليا وصيت صاحبتي على شور جيل والبودي لوشين وللاسف نسيت اوصي ع السبلاش ومرررا شكرا نوره


البودي سكرب حلو بس مو واااو يعني لو خلص ماحرجع اشتري
خفيف وريحته مررررا بطله بالغالب استخدمو بالمناسبات سكرب خفيف وريحه حلللووه


هذا الهاند فود اااححححللللى منتج بصراحه حاجه خورافيه 
ريحتو مارشميلو وفي ناس كتيره تشبه ريحتو بعطر شاانيل ان فايف بجد خطير انا جررربت كثيييير
بودي شوب وفازلين ونيفيا وباث اند بودي وكثيرر لااني دايم اعاني من تشققات الجلد عند الاظافر
بس الوحيد اللي حسيت فاد معايا هذا وانصح فيه بصراحه لو على الريحه اللي تثبت وتخقق
ندمت مااخذت منو اثنين او ثلاثه


هذا كريم للرجل من ماركه بوتس نفسها الكريم مررررا حلوووو بس لو تركتي يوم ترجع رجولك زي ماهي !!
فيعني تبغي نتيجه سريعه استخدمي حطي بالليل والبسي شراب ونامي تصحي تلاقي رجولك شي ثاني !!
بس ثاني يوم تبطلي حترجع رجولك زي ماهيا !!
فاانا احب اسوي بودي كير لرجولي وبعدين احطو بس مو يوميا يعني لمى احس بدت تستهبل رجولي
او بالمناسبات لانو مفعولو بيوم وليله صراحه
وسعرو مرا حلو ب ٢٠ ريال



مشترياتي اليوم من صيدليه بوتس مسوين عرض مرررا حلو اشتري حبه والثانيه مجانا


مشقر حواجب مرا تحمست له من مدح البنات فقلت نجرب ليش 
مكتوب ع العلبه انو ١٠ دقايق بس !! ياريت يسير نشقر ع الطاير ههههههه

 

معجون مبيض للاسنان مدحو اللي يشتغل وان شاء الله يكون كويس لانو سعود بيرميهم براسي هههههه


كليبسات لتقسيم الشعر للسشوار من زمان ادور عليها وكويس لقيتها


بنس شعر لون بني ترا دايم يجي ببالي ليش نستخدم اسود ليش مافي بني وكويس طلع تفكيري عقلاني ههههه
قلك دحين شعري لونو بني نفس البنس !!!
 

صابون لليد جبتو لانو لايف بوي مرررا جفف يدي وهذا فيلو نسبه ترطيب اللي بالفراوله ريحتو مرا نفس 
مجموعه الفراوله تبع بودي شوب

والمنتجات هذا لمى اجربها كويس وكذ اعملكم عليها ريفيو ان شاء الله
وهنا خلصت ان شاء الله عجبكم الريفيو اي سوال ولا شي على جنب في لينك للاسك
وطبعا يابنات مو اي شي يناسبني حيناسبك فجربي وشوفي بنفسك قبل لاتشتري
وسي يوووو سووون


هناك 8 تعليقات :

  1. حتى انا من اول ادور كليبسات تقسيم الشعر بذات مع التكسير ,, يبغالي اروح اشتريها

    ردحذف





  2. وة يازينك ويازين موضيعك

    ديما تجيبي اشياء مميزة الله يعطيك العافيه
    ولا تحرمينا من موضيعك واعجبتني كريماتك وباذن اللله راح استخدم وقولك انتايج طبعنا انا مسويه لك فولو بالاسك ومن زمان حبه اشكرك بس ماجت فرصه
    وديما اتابعك بالانسقرم وبالمدونه وان شاءاله اسجل فيها

    ردحذف
    الردود

    1. تسسسلمي والله :$
      ان شاء الله تناسبك الكريمات :) واكيد استنى رايك عليها
      ويسسسعدك ربي وخليكي متابعه دايم
      xoxo

      حذف
  3. السلام عليكم . اول شي مشكورة حبيبتي كثييييير انك بتعملي الريفيوز دي وتساعديني وبنات تانين اللي يدوخو ممايعرفو ايش يتشرو لما يدخلو المحل P:
    ثاني شي حبيت استفسر منك ادا تعرفي من فين اقدر اشتري الكوليكشن تبع سوب اند جلوري. صراحة بعد مدحك لها حمستيني لووووووووولز انا اعاني من بشرة جافة وحساسة ومختلطة والله المستعان كنت استخدم كوليكشن بودي شوب بس صراحة ما احب البودي لوشن تبعهم لانو يدبق باليد والريحة ما تطول في الجسم. فا لو تعرفي من فين اقدر اشتريها في جدة او مكه اكون لك من الشاكرين. ومتابعه لك حبيبي ومشكورة مجددا 3>

    ردحذف
  4. مبيض الاسنان هذا يبعوة بالصيدلية؟ ولما جربتية عطاك نتيجة ولالا؟

    ردحذف
  5. بكم سعر اشياء سوب اند قلوري

    ردحذف
  6. حبيبتي ياليت تتاكدي من احكام التشقير

    ردحذف

Back to Top