الأحد، 22 يوليو، 2012

Review : KIKO make up


.
REVIEW

.
مسسساا الخيرر بنوتات
اليوم بقلكم تجربتي مع ماركه ميك اب جميله جميله جميله
بس للاسف مو موجوده هنا عندنا
هيا ماركه ايطاليه اسمها
KIKO makeup milano
انا اخدتها من ميلانو باايطاليا هناك موجوده عندهم بكل شارع وبكل زنقه
اول شي الماركه الكواليتي تبعها بجد زي ماك مررررررا
افتحو ع الريفيو عن الماركه باليوتيوب وتلاقو نفس كلامي
والاحلى اسعارها مرررررررا حللووه يعني الليب ستيك ب 4 يورو واغلى نوع امكن 7 يورو
والمحل كلو كذا اسعارو يعني امكن الشي لو شطح ب 12 يورو المهم انو اسعارو حلوه
وتعتبر رخيصه بالنسبه للكواليتي تبعهم

هنا صوره لمشترياتي منهم وصراحه مااخدت كتير قولت اجرب بالاول قلك ميلانو باللفه

بس ترا فروعها بدول كثيره تلاقوها بالويب سايت تبعهم







نبدا من اليمين اخدت نوعين ليب ستيك هنا صورهم





اللون الاول عودي نوعو كريمي جمميل وثااابت

ماما اللي دايم تخاصمني على كتر الميك اب اللي عندي عجبها وعينها عليه
النوع الثاني عودي يميل للبني اكتر ونوعو مات اذا مو غلطانه وثابت برضو

اللي بعدو العلبه الذهبيه القبيحه

بلاشر او بلش اللي هوا



ترا بالطبيعه كل الالوان افتح بدرجه تقريبا

البلاش فيلو جليتر يعني شايني وكذا مرررا حلو بس مانكثر منو ولا مهرج
بس حلو وثابت

نيجي للشي اللي بجد حبيتو الهايلايت تبعهم




حاولت اصورو اوضح 
 



مررررا خطير صراحه لونو على ذهبي ومبين غامق بس لمى ينحط مررا حلو

صراحه الهايلايت لمى يكون باودر احسن من الكريمي اسهل ويبين طبيعي اكتر

نيجي للكونسيلر اخدتو من مدح صاحبتي بس ماادري هوا ولا لا لانو طلع عشرين نوع عندهم

اخدت تقريبا الوسط لانو عندي خفيف مرا وثقيل مرا من ماك واثنينهم مو مرا



بقول الصراحه كنت ناويه اخد لون افتح من درجتي بشوي بما انو ماعندي دارك سيركل الحمد لله

فكنت ابغاه زي امممم ماني عارفه اوصفها هذيك الحركه لمى يكون تحت العين افتح ههههه
المهم اللي تبيع بغت تجيها جلطه يوم شافتني شايله افتح من لوني ههههههههه
وقالت لا لازم تاخدي لونك على بيج وللمعلوميه تراني بيضا بس بالنسبه للطلييان سرت بيج
المهم انحرجت واخدت البيج بس للامانه مرررررررا عجبني بين مرررا طبيعي وكويس ماخدت
افتح من درجتي ومتوسط لا خفيف ولا ثقيل
بس بعترف يوم جينا نسافر من مطار باريس اخدت الكونسيلر ايف سان لوران اللي نفس شكله
افتح بدرجه يعني الا اسوي اللي براسي

اللي بعدو حبيااايب قلبي




خطييررر خطييررر مناكيرهم صراحه كان ودي اخذ اكثر بس قبل لا اسافر كنت قاشه من اتش اند ام

وهما كمان عارضين الوان محدوده واغلبها المينت اللي على قولتنا تيفاني وصراحه مليت منو
تخيلو الواحد ب 3 يورو ا 2 ونص يورو واللي جليتر ب 1 يورو من اوت لت
وبسسسرررعه ينحط معاك والاحلى ينشف بسرررعه

المهم الماركه كل ابوها تجنن من تجربتي للاشياء هذي يعني المره الجايه اتوقع باخذ المحل كله

اصلا المحل ززززحممممه يعني حتى الايطاليات مرررا يحبببووو

ويلا ان شاء الله استفدتو شي من هرجي الزايد

وسلامتكم

هناك 8 تعليقات :

  1. ماشاء الله عليك كل شي يجنن اغراض وتصوير واضاءه
    كل شي احلى من الثاني
    يعطيك العافيه

    ردحذف
    الردود
    1. الله يعافيك ياعسل :)

      حذف
    2. يا رب يوفروها عندنا :"(

      حذف
  2. يعطيج العافيه على هالمدونه الحلووه !!
    ..
    اول مره اسمع عن هالبرناد @@
    تهقين ما ينباع في دبي ؟؟

    ردحذف
    الردود
    1. الله يعاافيك ياررب
      فتحت الويب سايت تبعهم وللاسف مالهم فرع بدبي

      حذف
  3. اموووره في اي اوت لت شفتي دي الماركه ؟

    ردحذف
  4. ياحظككك اتمنى اسافر برا :'(

    ردحذف
  5. اميره ايش اسم الروج الاول و الهايلايت :(؟
    دورتهم بالموقع بس ماعرف اطلعهم

    ردحذف

Back to Top