ريفيو | تجربتي مع حبوب الشعر Vegetal Silica اللي طلعلي بيبي هير♡

السلام عليكم ورحمه الله وبركاته
بالفتره الاخيره انتشرت فكره ومفهوم الفيتامينات والمكملات الغذائيه عندنا بشكل مجنون وكله في سبيل الجمال يهون !
انا عن نفسي احس اصلا مفروض ناخذ لاان اكلنا "اتكلم عن نفسي" بعيد عن الصحي فالمكملات كويسه للصحه قبل
الجمال !

اسم الحبوب Vegetal Silica - نبته السيليكا
من فتره طويله شوفت يوتيوبر تكلمت عن هالحبوب للشعر وانو فايدتها تكثر الشعر تحمست اطلبها وابحث عنها والاقي
اغلب الريفيوز عنها جيده بااغلب المواقع وماخذه تقييم عالي زي باامازون واي هيرب !
بحثت عنها وعرفت ايش يميز هالحبوب عن المعروفه دايم! انها من نبتت السيليكا ، السيليكا موجود بجسم الانسان بس ممكن بكميه ماتكفي ومع الكبر يقل نسبته بجسم الانسان .
فهالحبوب تكون معوضه عن النقص والسيليكا ممتازه للشعر ، العظام ، البشره وكمان الاظافر .

تجربتي معاه جيده لاحظت انه خفف من التساقط بس ماوقفه ، طلعلي شعر جديد "البيبي هير بالمقدمه" وهذا الشي اللي جد لاحظته وفرق معايا طلع بشكل كثير بمقدمه الراس  ، بالنسبه للبشره والاظافر ماشوفت فرق معاه .
وراح اذكرلكم تجربه خالتي ماشاء الله هي انتظمت عليه وخلصت علبتين شعرها جدا تحسن كثر وطال ونفس الشعره سارت اقوى تقولي مستحيل اوقفه . 

طريقه اخذها ٣ حبات يوميا مع الوجبه ، الحبه كبيره وطعمها مرا مو حلو :$ فهالسبب ماخلاني انتظم بشكل كبير غالبا اخذ حبتين باليوم بس .
بجوابكم على اغلب اسئلتكم ، هل تسمن ؟ لا ماحسيت بااي فرق معاها من ناحيه الاكل .
هل تزيد الشعر بالجسم ؟ مازاد الشعر بالجسم بس نفس الشعر بالجسم سار يطول بشكل سريع !
اثر يوم وقفتيها ؟ نعم التساقط رجع تقريبا زي اول بس الشعر البيبي هير اللي طلع ماطاح بالعكس طال .
كم سعرها ومن وين طلبتها ؟ سعرها 105 من موقع اي هيرب تلاقوها هنا وكمان متوفره باامازون وموقع درج ستور .

تذكري انو التجربه تختلف من شخص لااخر ، وان شاء الله انكم استفدتو من الريفيو ، اشوفكم على خير .
                             

♡♡

  Youtube | Instagram | Twitte