الجمعة، 14 نوفمبر 2014

التوب الاصفر ♥ Yellow Ruffle top ♥


السلام عليكم ورحمه الله وبركاته 
اول مانزلت هالتوب الاصفر من مشترياتي من موقع اسوس جاتني كثير اسئله انو ايش نسقتي عليه ؟؟
للامانه انا اخذتو وماببالي شي :$ بس لمى وصل كان قصير نوعا ما فيعني يبغالو شي هاي ويست = خصر مرتفع
فكرت بالبينسل سكرت = التنوره الماسكه بس توقعت راح يطلع لوك مألوف !


جا ببالي تنوره الكلوش الواسع علشان يعطي توازن بالجسم واللوك عموما مو فوق شي مرا كبير وتحت مرا نحيف :|


التنوره طلعت جدا جميله معاه والتنسيق كامل طلع فخم لبستو بمناسبات كبيره نوعا ما 


اضافة الحزام جدا جميله علشان تكسر حدة اختلاف اللونين الاصفر مع الاسود ! فالجملي ناسق بينهم 


الشنطه دخلت حبلها وشلتها ككلاتش لاان الحركه بالتوب كبيره ماتقدري تشيلي شي معاها حتى شعري رفعتو بوني تيل :)



الهاي هيلز اسود ماحبيت اعطي اللوك جرأه اكثر التوب كافي .. والاكسسوارات كالعاده احب العب فيها 
وميكس بين الذهبي والفضي 

تفاصيل اللبس /
التوب / اسوس هنا رابطها .
التنوره / المصممه افنان هنا حسابها بالانستجرام .
الباج / شانيل .
الهاي هيلز / ايف سان لوران .
الحزام / ال في .





هناك 17 تعليقًا :

  1. لو كان غير الاسود كان اجمل

    ردحذف
  2. مشاءالله اناقة كالعادة أميرة <3.
    ولبس العافية وموفقة <3.

    ردحذف
  3. ذوق ماشاء الله
    لبس العافيه ياعسل

    ردحذف
  4. جميل جميل جميل حليت التنسيق دايمن تنسيقاتك رائعه بس التوب بارز لبره كيف تلبسي العبايه دايمن ابعد عن الأشياء البارزه زي كدا معنو جميله بسبب العبايه انتي كيف لبستي العبايه كشكل واحساس يضايق

    ردحذف
    الردود
    1. مع العبايه اطلع جرانديزر هههههههه بس عادي العبايه من الباب للسياره والعكس ماحولك احد :)

      حذف
    2. والله من جد بعض الملابس كشخه بس لماتلبسي العبايه يطلع الشكل نكتتته.. مرره حببت البلوزه ويارب اشتري زيها

      حذف
  5. أقدر البس هذا اللوك في عرس

    ردحذف
  6. تنسيق انيق و لون التوب جدا جميل .
    يعطيك العافية

    ردحذف
  7. ذووووووق من جد تنسيقك جميل بسيط وفخم
    يعطيك العافيه

    ردحذف
  8. دايما أنيقة ماشاءالله ❤️
    وتنسيق بططططل مايطري ع البال 👍

    ردحذف
  9. حبييييت التوب ماشاءالله جميل ، لكن حسيت الالوان حاده مره اسود و اصفر بس التنسيق بشكل عام أنيق ماشاءالله ♥

    ردحذف
  10. أنتي الإنسانه الوحيدة اللي أحب أتعلم التنسيق منها أحس ذوقك نسخه محسنه من ذوقي
    أحب جرائتك في التنسيق وعجبني تناسق الألوان والبلوزة مرا غريبة عندي مثل ستايلها تقريبا ومره ضعت في تنسيقها
    مرا شكرا على مشاركتك

    ردحذف
  11. مررررة حبيت اللوك وحمستيني اشتري التوب الاصفر بس للأسف مالقيت اللون مخلص ..
    قمت اشتريت البيج برضو جددددا جميل
    لكن طلع كبييييير هههههه انا ألبس ميديم واخدت مقاس 12 والمفروض اخد 10
    بس انشالله اوديه اضيقه عند اي خياط
    وبرضو اشتريت نفس طقمك الي من افنان باكوبن مرة جمييييل ولبستو ومدحوني ناس كتيييير

    الزبدة يعني هههه شكرررا مرة استفدت منك كتير وذوقك مرة حلو

    ردحذف
  12. تجنن تتهني ع ذوقك البلوزة كل شي فيها حكاية خصوصا لونها .. مالقيت الاصفر .. عندك فكرة كيف اتواصل معاهم عشان يوفرو اللون بالموقع ؟؟

    شكرا سلفا

    ردحذف
  13. تجنن تتهني ع ذوقك البلوزة كل شي فيها حكاية خصوصا لونها .. مالقيت الاصفر .. عندك فكرة كيف اتواصل معاهم عشان يوفرو اللون بالموقع ؟؟

    شكرا سلفا

    ردحذف
  14. ممكن تكتبي الاسعار ميمو :)

    ردحذف

Back to Top