السبت، 7 يونيو 2014

زيازتي لصالون ميزون دو جويل ♡

السلام عليكم ورحمه الله
قبل فتره جاتني دعوه من مدام جويل مشكوره لزياره صالونها بالرياض وتجربه خدماتهم

روحتلهم واستقبلتني مدام اماني بكل لطف وذوق و جربت الصبغه والمانيكير وميك اب وتسريحه 
كانو حابين اني اجرب تنظيف البشره وشغلات العنايه بالشعر بس للاسف ماكان في وقت :$




 اول شي بدينا بالصبغه مع مدام ميسا بصراحه انا كنت متطمنه من ناحيه الصبغه وقولتلها اني ابغى الاومبري بطريقه طبيعيه
 وباالوان هاديه مااحب الفواتح بزياده فقالت اوك اول شي نصبغ ارضيه دارك تشوكلت وخصل والاومبري بدرجه من درجات الاشقر
اتوقع بدرجات تناسب بشرتك قولتلها اوك وبدانا بالصبغه بصراحه طريقتها جدا بروفيشنال وبسرعه خلصت التخصيل والارضيه



بعدها غسلت شعر وعملت الرينساج "يارب اسمو صح هههه" وحطت هالانبوبه مفيده لترطيب الشعر بعد الصبغه 
النتيجه اكثر من رائعه مررررا حبيتها وانبسط امكن افضل صبغه صبغتها بحياتي !
اكثر شي حبيتو كيف مررا مناسبه لون بشرتي بعض الاحيان نعمل صبغه وكل ماتشوفي نفسك بالمرايا تفزي !! هههههه
وماتكون حلوه الا بميك اب وشعر مرتب بس هالمره جداا جميله ومرا طبيعيه مع انو داخل فيها الاشقر ! بجد يعطيها
الف عافيه ميسا وبكل امانه لو افكر اي يوم مستقبلا اصبغ حرجعلها
الصبغه اللي هيا ارضيه وخصل والاومبري تقريبا بحدود ال ٨٠٠ على طول شعري والنتيجه السعر جدا كويس مرا صبغت
شعري كان بوي ب ٧٠٠ ريال والنتيجه كانت حلوه بس مو الواو :|


 

منطقه الباديكير والمناكير الكراسي مساج بس ماجربتها :"( عملت مانيكير العادي مو الاكسترا كان كويس
والادوات نظيفه وتفتحها قدامك



عملت تسريحه لشعري عند ميسا ويفي على جمب انا وريتها صوره وطبقتها كانت جميله ومرتبه والاهم ثابته لااخر السهره
وشوفت تسريحات على الزباين كلها حلوه ومرتبه

 

الميك اب سويتو عند مدام الاء كان ناعم وبسيط زي ماطلبت وقولتلها ماابغى تركيز ع العين وباقي الوجه فاونديشين بس !!
مرا بصالون قعدت تحوس بعيوني وباقي الوجه عادي ابدا ماحسيت اني ضفدع ! هههههه
المهم شغلها كان حلو ونظيف ومهتمه بالكونتور والهاي لايت والاحلى علمتني على وجهي كيف اسوي فشكرا لها
"بس الحواجب لمى رجعت البيت عدلتها ماادري ماحد يعرف لحواجبي زي :$ "



هذي في اي بي روم مرا حبيتها كاانها صالون مصغر هههه حلوه للعرايس فيها مكان للصبغه والتسريحه والميك اب وكل شي بخصوصيه وهدوء .

هنا قسم تنظيف البشره وكذا بس ماسويت فيه شي فماصورتو :$ عموما حبيت الصالون والاجواء فيه مرتب ونظيف
وبحكي عن نقطه مهمه اللي هيا الاسعار كثييير مطلعين كلام مبالغ فيه ! انا اول سمعت انو الصبغه عندهم با الفين !!
هالكلام غلط زي ماقولتلكم صبغتي كانت بحدود ال 800 بس اذا حابه استشاره من مدام جويل نفسها ب 2500
واتوقع هالشي معقول لااننا كلنا عارفين مين مدام جويل "بعيد عن انو يعجبك ذوقها او لا بس لها اسمها"
الميك اب ب 500 والتسريحه ب 500 صح ممكن نشوفها غاليه
بس لو تاخذو لفه بكل الصالونات اللي حولها نفس الاسعار وبعضهم اغلى !!   
مرا شكرا لمدام اماني يعطيك الف عافيه ماقصرتي ابدا من استقبال واهتمام وذوق يسعدك ربنا 
والشكر الاكبر لمدام جويل على الدعوه الجميله
 

 ♥♡




هناك 6 تعليقات :

  1. أزال المؤلف هذا التعليق.

    ردحذف
  2. تتهنى يارب بفرح لما اشوفلك تدوينه جديده
    ياريت تكتري من تدويناتك بئااااا
    وشكرا للافاده كان نفسي فى صالون ما اخاف اصبغ فيه واعتقد لقيته
    اتمنى لو ليها فرع في القاهره بس

    ردحذف
  3. طيب لوين طول شعرك اذا انه وهو بوي ب700 الصبغة وانتي الحين صابغه ب800 معناها شعرك قصير؟

    ردحذف
  4. تحمست اروووح واحكيلك شيصير

    ردحذف
  5. حبيبتي مشاء الله طيب جويل ما لها فرع بجدة. وإذا ممكن تساعديني تسئلي مدام جويل الي بشرتها بيضا ايش آلون الأنسب لها وايش تعمل أن شافت شعرها يطيح. سلامتك ربي يسعدك

    ردحذف

Back to Top