الثلاثاء، 29 أكتوبر، 2013

Sunsilk event .. حدث صانسيلك مع يوكو من اليابان♡


السسلام عليكم ورحمه الله وبركاته
قبل فتره بسيطه حضرت ايفنت لصانسيلك ومرا استفدت من المعلومات " ولو ان نسيت نصها ههههه" وحبيت اشاركم فيها معايا
الايفنت كان بجضور يوكو ياماشيتا هيا اللي اخترعت الستريتر = سيراميك = ليس قبل ٣٠ سنه !!
مرا شغوفه بالشعر ومتخصصه
بالشعر الستريت = المدود وكيف تسوي شعرك ستريت باافضل طريقه وبمده اقل ،، انسانه كيووته وجميله ومرررا حبيتها
اتوقع كثير منكم يعرفها شافها بدعايه صانسيلك بالتي في :)

هالمجموعه اطلقتها صانسيلك بالتعاون مع يوكو واضح اسمها عليها وهيا تساعدك على انو يكون شعرك ستريت بطريقه جميله وبنفس الوقت محميه وقالت يوكو انو لو انتي عامله فرد لشعرك هالمجموعه كمان مناسبه علشان الجذور الجديده اللي طلعت 
هتساعدها هالمجموعه انها تكون انعم وقريبه من باقي الشعر المفرود

المجموعه تتكون من شامبو وبلسم وكلها تساعد على انو الشعر يكون ستريت اذكر قالت اغسلي شعرك مرتين لثلاثه بالاسبوع 
بالشامبو والبلسم مو لازم على كل غسله شعر .



كريم تصفيف الشعر وهوا اللي اشتغلت عليه قدامنا كانت تحط منه كميه صغيره على يدها وتبخ شويه مويا وتخلطهم علشان تخففه
وبعدين تحطو ع الشعر استفدت من هالنقطه مررا لاان ليا تجربه مع كريمات مشابهه وكنت مااحبها احسها ثقيله باليد و ع الشعر :|
 فالهنقطه حبيتها وراح اسويها مع اي كريم يكون ثقيل ،،
قبل ماتحطو على شعر الموديل خلتني امسك شعرها وكان جاف وناشف وبعد ماحطتو مسكتو ماصدقت♡❤!! كذا ررررططب
ومنتعش عارفين الاحساس الشعر اللي بعد الشاور وينشف نصه تقريبا يكون كذا رطب ونااعم زي كذا بالظظبط !!
وحتى شعر العارضه من بعيد تشوفي مررا فرق وسار فيه لمعه وهيا بس استخدمت الكريم ! :)) بس للامانه طريقه توزيعها للكريم
كانت جدا غريبه وغالبا تركز ع الاطراف بس ! ،،



يوكو قالت باليابان الشعر اسمو "الصديق الطويل" !! لاانو هوا زي الصديق لو اعتنيني فيه وكذا راح يعيش معاك طول العمر♥❤
 حبينا الاسم مررا معبرر وجد هوا اللي يبقى احسن من البشره اللي بتتعفط ههههههه ذكرت كمان انو
-الشعر اللي فوق او الطبقه اللي باينه متضرره اكثر من اللي جوا لاانو هيا اللي تتعرض للجو والحراره وحتى الصبغات اكثر
فحاولي تعتني فيها اكثر حتي الكريم وزعته عليها اكثر شي .
- اذا اخذتي شاور وحابه تجففي شعرك بالسشوار لا تقعدي تطيري يمين يسار "ونسوي حركه المغنيات والهوا طاير ادري ههههه"
لا امسكي بيدك وجيبي السشوار من فوق علشان مايتقصف شعرك .
- لمى تعملي ستريتر لشعرك الحرار للاطراف تكون اخف من شعرك الي فوق وقريب من الجذور لاانها غالبا تعبانه ومتضرره
انا يوم قالت كذا قولت ها 0-o ابدااا احنا مانعيد ونزيد ونكرر ع الاطراف علشان يظبط هههههههههه
- لمى تمشطي شعرك ابداي من تحت واطلعي لفوق افضل بكثيير من انك تبدي من فوق ،،
- طريقتها لمى تعمل ستريتر وانا من اول احب اسويها انو امسكي مشط والسترتير ومشي المشط على الخصله وعلى طول وراه
او لاصق فيه الستريتر كذا مرا ارتب واسرع عن تجربه :)
صح تذكرت قالت قد مازرت اماكن بالعالم بس عندكم اكثر منطقه جافه :"( لازم تهتمو وترطبو شعوركم اكثر لاانو مرا جفااف !!

واخر شي جا هديه مع المجموعه الستريتر الكيوووت
♥❤ طبعا القلوب علشان اللون
لوني المفضضضل جمالو بسس !!


♥♡
Twitter | Instagram | Bloglovin | Ask     

 
 

هناك 18 تعليقًا :

  1. مررررره شكرا أميرة يعطيك العافية استفدت من طريقة وضع الكريم عالشعر وعمل الستريت بالمشط وتجفيف الشعر من فوق دايما اتابعك وسويت هالحساب بس عشان اتركلك كومنت
    بس حابه سألك فين متوفرة هالمجموعة ؟

    ردحذف
    الردود

    1. العفووو ياعسسسل وشكررا لك علشان سويتي حساب وكتبتي هالكومنت الجمييل :))
      المجموعه تلاقيها بالسوبرماركت والصيدليات بس متفرقه ماعدا الستريتر ماتوقع ينباع :$

      حذف
  2. يعطيك العافيه معلومات حلوه
    لكن المجموعه احصلها كامله ببوكس والا اشتريهم منفرده
    وشكرا

    ردحذف
    الردود

    1. الله يعافيك ياررب
      ايوا تنباع كل شي منفرد :)
      والعفوو

      حذف
  3. جمييييييييل

    ردحذف
  4. الله يسعدك يا اميره بس عندي سؤال وابي له رد تكفين

    ردحذف
  5. الحين انا بشرتي مره فيها عيوب ومره تتعدل ومره لا وحاولت ابطل بيبسي وكاكاو ودهون ماقدرت المهم انقهر اذا رحت الجامعه اي بودره او اساس لازم تتكتل حتى لو رطبت وجهي قبل المهم تكفين ابي شي وسط مو خفيف مره ولا ثقيل للجامعه ويخفيلي العيوب ويفضل بيبي كريم جربت حق بودي شوب بس تغطيته خفيفه ويتكتل اشوي قالو لي جربي معاه كونسيلر ريميل بس انا محتاره عطيني رايك الله يرزقك الجنه

    ردحذف
    الردود

    1. ليتك كاتبه نوع بشرتك ،، طيب انتي بما انو جامعه مو لازم تكون التغطيه مرررا تمام
      شوفي بي بي كريم سماش بوكس افضل بي بي كريم جربتو مررا بطل
      ومعاه ممكن تستخدمي كونسيلر علشان العيوب شوفي شي يثبت اكثر من مايبيلين موجود بماك
      لاتستخدمي باودر لاانها تساعد ع التكتل جيبي بودره مرررا خفيفه لو مرا حابه علشان بس تجددي الميك اب بنص دوامك
      او استخدمي بودره خفيفه لون برونز علشان تحدد الملامح :)
      والله يرزقنا جميعا الجنه :))

      حذف
  6. الله روعه أميره.

    ردحذف
  7. ماشاء الله .. تقرير روعه .. وصراحه استفدت من فكره خلط الكريم مع الماي بجربها ان شاء الله
    من متابعينك دائما اميره

    ردحذف
  8. مشكوره حبيبتي من افضل المدونات اللي اتابعها ومشتركه فيها

    ردحذف
  9. السلام عليكم
    اميره ردي بيكون مختلف
    بما انك افدتيني كثير ربي يسعدك
    حابه اقولك عن هالشئ اللي عرفته قريب
    هي ماركة كوريه انتي تحبي الاشياء الكيوت لذا حبيت اقولك
    https://www.facebook.com/etude.kr
    هذي صفحتهم بالفيس بوك شوفي المنتجات حقتهم شوفيها كلها تجنن وترا الكوريات مكياجهم طبيعي ويختلف عنا لذا بتشوفي حاجات غريبه
    وهذي اسال مجرب تكلمت عنهم http://www.youtube.com/watch?v=ANULE0sDFEE

    اسمها ETUDE 에뛰드
    etude house يعني
    وبس

    ردحذف
    الردود

    1. وعليكم السسلام
      شكررررا لك لاانك تحبي تفيدي غيرك وتفيديني :))
      وبطل عليها مع اني مااحب اشتري منتجات زي كذا اون لاين واصلا مو صحبه مع الاشياء الاسيويه مرا :$

      بس جد شكرا لك

      حذف
  10. الله يسعدك حبيبتي ويوفقك

    ردحذف
  11. مرره شكرا اميره والله استفدت خاصه بحركه تجفيف الشعر بالاستشوار كنت اطيره يمين ويسار زي المغنيات ههههههههههههههه ♡♥♡♥♡♥يعطيك العافيه ي عسل

    ردحذف
  12. طيب وش احسن ستريتنر قد جربتيه ؟؟

    ردحذف
  13. يعطيكي الف عافية ♥♥

    ردحذف

Back to Top