السبت، 20 يوليو، 2013

Make up haul ♡♡ مشتريات المكياج


السلام عليكم والرحمه ♡♡
لو تتابعيني ع الانستجرام اكيد شوفتي لمى تكلمت عن عرض سنتر بوينت اللي هوا تشتري ٢ والثالث مجانا ونزلت كم ريفيو 
صغير لمنتجات حبيتها او لا من الماركات الموجوده  بسنتر بوينت
بصراحه العرض حلو ومغري بالذات لو حابه تقضي كثير فيفرق معاكي والعرض لليوم كان مستمر بس ماعندي خلفيه متى ينتهي
 فحابه اوريكم ايش اخذت وكلها مشتريات لسى جديده بس اجربها وكذا حسوي ريفيو عنهم ويلا نبدا

اول شي جا ببالي اخذ من ارواج كيت موس من براند ريميل من المدح اللي سمعتو عليها وانها مررا جيده ويقارنوها بماك
هيا مجموعات ،، اللي ركزت عليه اللي لونها احمر انها مات اسعارهم واحد ب ٤١ وثاني ب ٣٩ والثالث مجانا بالنسبه للدرجات

شوفو رقم 09 اخذتو من مدح قورجس جربتو على يدي وحبيت اللون وبرضو قالتلي علي رقم 02 بس مع الحماس
اخذت 20 ههههه بصراحه ماكان في تستر للالوان فجلست اخمن ،، المهم ال 102جمييييل دايم ادور على بينك ناعم وهادي
ويكون حلو حتى لو بدون ميك اب يبين طبيعي وهاللون هوا اللي ادور عليه حبيتو مبدئيا ♡


 سواتش لااول لون من اليمين ال 20

ذكرني بلون من ماك عندي ناسيه اسمو :$
ثاني سواتش للرقم 09

سواتش لل 102


اذا تفتكرو تكلمت عن ليب لاينرز تبع ريميل كثير فااكيد ماحفوتهم بالعرض بس مالقيت الي تتبرم الا الدرجات اللي عندي فااخذت 
من اللي تنبري فاان شاء الله انها كوبسه الوحده ب ١٩ 
الدرجات 004 - 021 -050 


 من ريفلون اخذت من اليمين جلوس بس بلون درجتو 002
بعدين ريفلون ليب بتر درجه كوتون كاندي بس ع الشفايف ماطلع لون :| شي خفيف جدا مو زي اللي عندي قبل !
واخر شي مناكير ابيض شايفتو تريندي بالفتره الاخيره فقولت نجرب الدرجه وايت اون وايت 050
الجلوس ب 51 والليب بتر ب 51 والمناكير مجانا

اكيد شوفتي بالانستجرام اني مدحت المنتج هذا انو جلوس ولون وثبات بنفس الوقت مرررا حابتو فااخذت 3 منه بس رجعت
البيت اكتشفت انو في فرق بينهم !!
اللي انا جربتو وعاجبني هوا السوفت مات ليب كريم بالصوره هوا اول واحد من اليسار والدرجه اسطنبول
الاثنين الثانيين اسمهم اكستريم ليب كريم جربتهم مرا قريبه من الثاني بس اثقل :\ المهم الدرجات من اليمين
دوللي جيرل - ناتشورال 
ترا لسى ماجربتهم مع الميك اب ماادري اذا حلوين او حتى الدرجات حلوه او لا :|


اخذت هالعرض من مايبيلين صح نسيت اقلكم مايبيلن مايشملها عرض 2 والثالث مجانا بس عليها خصم 20 بالميه
بس هالمجموعه زي العرض مسكرا والكحل ب 63 ريال ومعاها البيبي ليبس هديه
 جربت المسكرا مبدئيا جميله خفيفه وماتكتل بس اجربها كويس حكتب عنها ريفيو هيا والكحل


للاسف المرا اللي قبل اشتريت البيبي ليبس وهالمره جا هديه :$ المهم البيبي ليبس لو اخذتي بالخصم ب 12 ريال
البيبي ليبس مرطب مع شويه لون :)

وبما انو قبل فتره وصلتني منتجات من بنفيت قولت افرجيكم هيا بالتفصيل



بودره برونز جميييله حبيتها مبدئيا بس غامقه عليا شويتين تنفع كونتور وبرونز او بلاشر 



تشا تشا تينت من بنفيت المنتج هذا تينت للشفايف او بلاشر للان ماجربتو بس مرا متحمستلو ♡ـ♡


باليت جميله فكرتو شوفو
من اليمين برايتن يعني زي مانقول مفتح وبعدين كوفر للتغطيه وبعدو كوريكت = مصحح 
حبيت مرررا فكرت الباليت بس للان ماجربتو 


ذا بروفيشنال برايمير *البرايمير منتج يستخدم قبل الفاونديشين* 
هالبرايمير يغطي المسامات ويخففها ويخفف من الدهون جربتو مرتين حسيتو سحر !! البشره تسير شي ناااعمه  !!



كيت الحواجب من بنفيت الدرجه اللي عندي ميديم *تفتكرو بوست الحواجب قولت انو حاطه عيني عليه ؟؟ تخيلو ثاني يوم وصلني!!
ابدا ماجلست اصرخ من الصدمه هههههه *
اللون الغامق واكس = شمع تحطي اول شي انا تقريبا احدد الحاجب بالواكس وبعدين اللون البني الافتح باودر تعبي الفراغات
كويس مبدئيا بس حسيت ياخذ وفت شويا لاانو علي خطوتين :|
 يجي معاه فرشتين وملقط ومرايتو كبيره حلوه :)


اخر شي منتجات وصلتني من متجر زهرتي ♡♡ مشكوووورين هنا حسابهم
https://twitter.com/zhrtyshop
يبيعو ميك اب جولدن روس وماركه تانيه اسمها يلخبط ههههه المهم الماركتين بريطانيه بااسعار تعبتر رخيصه
بس اجربهم راح اكتب ريفيو عنهم

وبس هذي مشترياتي واغراضي للفتره اللي راحت ،، ان شاء الله تعجبكم وتستفيدو منها ♡

وسلامتكم ♥♡

هناك 23 تعليقًا :

  1. مره جميله تتهني فيها

    ردحذف
    الردود
    1. مشالله تبارك الله اللهم لا حسد الله يهنيك

      حذف
    2. مكياج

      حذف
  2. ما شاء الله اغراضك جميلة.... لكنك تكسرين خاطر الفقرا مثلي الله يرزقتثن بالوظيفة

    ردحذف
  3. روج ريميل كيت موس 102 مررررا جميل اعشقوو *-* مشترواتك حلوة اميرة تتهني ي عسل <333

    ردحذف
  4. روووووعة .. تتهني فيهم^^


    Lady N - www.ladynarie.blogspot.com

    ردحذف

  5. تتهني فيها

    ردحذف
  6. ايش الجمال دا يا ميرو مره تفصيلك حلو في الأشياءاستمررري في إبداعك يا أجمل وأروع بلوقر في الحياة دي كلها ^^تحياتي لكي

    ردحذف
  7. ذووق ماشاءالله امور كيف توصلك منتجات بنفت ابغى توصلني كمان :(
    بنتضار ردك

    ردحذف
  8. ذوووق ماشاءالله وانا متابعتك دايم واحبك مره امور ماتصدقين كيف فرحت لما صرنا بنسكن بالرياض عشان اشوفك ان شاءالله يكتب ربي لنا لقاء ♡♡

    ردحذف
  9. لو سمحتي عندك فكرة لو البرايمر وبودرة الحواجب من بينفيت نزلت بالسعودية او لا ؟

    وشكراً

    ردحذف
  10. يب نزلت شوفتها قبل فترة طويلة عندهم نوعين لبودة الحواجب كمان
    "
    تشكرات أمور♥♥♥

    ردحذف
  11. جبتيلي أفكار أمورة رغم إني حاليا بدولة مافيها بينفيت وريفلون ونيكس كل منتجاتنا هنا فرنسية يعني مافي غير ريميل وبرجوا وماركات ثانية جديدة علي وكنت ابغى هالبرايمر من بينفيت من كثر ماسمعت مدح عليه وحمستيني أكثر بعد كلامك عنه..


    جعل آيدينك ماتمسها النآر يارب

    بس لي طلب صغنون أمورة لو مايزعجك إنك تكتبي لناالأسعار..

    وعسآنا مآننحرم ♥♥

    ردحذف
  12. ايش رأيك يا أميره، ايس أحسن بي بي كريم؟؟ مره محتاره !

    ردحذف
  13. يحمس الباليت حق الكونسيلر
    تتهني:*

    ردحذف
  14. أزال المؤلف هذا التعليق.

    ردحذف
  15. بالعافية ريفيو جميل .. بس ياليتك كاتبة الاسعار لاني اسوي مقارنة بين اسعارهم هنا وبرى عشان اطلبهم من النت واكيد غيري كذا كثيير .. ياليتك تحطي اسعار بينفت

    ردحذف
  16. اميرة ابغى اسألك عن الاغراض اللي تنرسل لك من بنفيت او بودي شوب يعني هما يرسلوها لك في البريد و لا كيف لاني اشوف كثير بلوقرات توصلهم نفس المنتجات من نفس الشركة وشكرا

    ردحذف
  17. بوست جميل كعادتك
    يعطيكي الف عافيه ♥♥
    نوريني في مدونتي ♥

    ردحذف
  18. مشكوره كثير اميره و الله يوفقك ان شاء الله

    ردحذف
  19. ما شاء الله جمييييييييله تتهني بيهم :)

    ردحذف

Back to Top