BB cream & Tinted Moisturizer | بي بي كريم ❀

السسلام عليكم والرحمه

بمناسبه وصل عدد المشاهدات نص مليون للبلوج خلال ٩ شهور اعتبره انجااز والله

 فحبيت بهالمناسبه انزل بوست سريع ،،

البوست من الصور واضح عن البي بي كريم والتينتد موسترايزر

ايش هوا البي بي كريم ؟؟
هوا ٣ منتجات تقريبا بمنتج واحد اللي هيا واقي شمس + مرطب + لون
وايش الفرق بي بي كريم عن التينتد موسترايزر
التينتد فيه منتجين فقط اللي هيا واقي الشمس + اللون

انا شوفت فيديوهات كثيره والاغلب يقول البي بي كريم نسخه مطوره من التينتد
بس كل مرا يضيفو شي واصلا سمعنا عن نزول سي سي كريم قريب !!

بصراحه هيا منتجات مرررا حلوه في الدوام الصباح والسفر وللخرجات البسيطه
ومثلا لو وحده تحب تحط ميك اب يوميا حتى لو بالبيت هذا احسن من فاونديشين
تغطيته خفيفه وحلوه نفس الوقت يعطي كذا لوك جميل للبشره بسبب الترطيب
انواع كثييره نزلت من الدرج ستور ومن الهاي اند وراح اوريكم اللي عندي



من اليمين
سماش بوكس بي بي كريم الدرجه لايت
غارنييه بي بي كريم الدرجه ميديم
تينتد موسترايزر من ماك الدرجه ميديم
الدرجات غالبا محدوده في البي بي كريم تلاقي ٣ او ٢ او حتى درجه وحده بس !!
لاانو بما انو في ترطيبه وواقي شمس فهوا بعد ماتحطي بدقايق ياخذ على بشرتك
غالبا وراح اعلمكم طريقه تعدلي الدرجه فيها :)






اول واحد من سماش بوكس كاميرا ريدي بي بي كريم
من اسمه يدل انو ينفع للتصوير يعني مايعطي الانعكاس بسبب الواقي هذي ميزه
فيه واقي شمس ٣٥ تعبتر نسبه كويسه بس مع شمسنا بالصيف مو مرا
قوامه جميل مو خفيف سائل ولا ثقيل وسهل بالتوزيع مررا مررا عجبني وناسبني
وتغطيته مرا كويسه ، انا اخذت لايت احس افتح مني بتكه وراح تشوفو تحت سواتشز
بس عيبه بصراحه سعرو تقريبا ١٧٠ ل ٣٠ مل !!
مااحس يستاهل ١٧٠ لو ادري هذا سعره ماكان وصيت عليه من البدايه هههههه





جارنييه بي بي كريم من الصيدليه ب ٢٩ اتوقع الدرجه ميديم مررا غامق عليا :/
انا شوفت صور انو هذا للبشره الجافه وفي ثاني للبشره الدهنيه ،، انا بشرتي
عاديه لدهنيه بس ماحبيته ،، قوامه ثقيل تحسي كذا يكتم البشره وماتتشربه بشرتي
واذا استخدمته كم يوم ورا بعض بشرتي معاه تسير تلمع ههههه !!
 توزيعه مو سهل كذا ثقيل ويدبق معاك ،،
بس من ناحيه التغطيه حلوه ماعليها بس مااقدر احكم تمام لاانو الدرجه مررا غلط !






تينتد موسترايزر من ماك فيه واقي شمس ١٥
هذا قوامه زي مو مبين بالصوره خفيف سائل بس اذا وزعتي كذا عبيط !!
مايتوزع بسهوله وكمان بسرعه ولا يمسك بالمكان هههههههه
تغطيته خفيفه مررا اخف من البي بي كريم يعني هوا يوحد بس تقريبا !!

هنا سواتتشز لهم

 



لو تلاحظو امكن تبع سماش بوكس اقرب لون ليا تقريبا :/
اخر شي حقلكم عن خطوه تعلموها ،، غالبا البي بي كريم والتينتد لمى تحطيها
لازم لازم كذا يطلع وجهك في لمعه كاانو مدهن او ماتشربته البشره وهذا شي طبيعي
بسبب واقي الشمس اللي موجود فيها ..
وكمان الدرجات دايم محدوده ونادر تكون نفس لوننا !!
فاانا اسوي خطوه وحلت ليا المشكلتين اللمعان والدرجه ،، اللي هيا انو استخدم
باودر بعدهم



مع البي كريم اللي من سماش بوكس استخدم بودره برونز خفيفه من اتش اند ام
علشان اعدل اللون ويناسبني اكثر



ومع البي بي كريم من جارنييه استخدم مينراليزر من ماك بدرجتي لايت ميديم
علشان افتح اللون ويناسب اكثر وبرضو من التينتد استخدمها
وبكذا مع الباودر حليت مشكله اللمعان والدرجه وكمان ثبت البي بي كريم
وزدت من التغطيه تقريبا وكذا يعطيك لوك طبيعي وخفيف يناسب الصباح والطلعات
البسيطه ،،
واقللكم فكره ترا انتي تقدري تسوي بنفسك اخلطي مرطب وواقي شمس وفاونديشين
وخلاص يسير عندك بي بي كريم تراا !!
راح احطلكم ريفيوهات عن البي بي كريم اكثر
ريفيو عن سماش بوكس بي بي كريم واتفق معاها بالراي
http://www.youtube.com/watch?v=DGhRJhyVsgI

مقارنه بين اروع انواع من البي بي كريمز
http://www.youtube.com/watch?v=ayO5xcxpjhE

ريفيو جوجو عن بي بي كريم تبع بودي شوب
http://www.youtube.com/watch?v=WR_BmXxAYFo

وبسس هذا البوست حق اليوم ان شاء الله عجبكم وافادكم